கேள்வி: ஒரு பானைச் சோற்றுக்கு ஒரு சோறு பதம் என்பதற்கு உதாரணம்?

பதில்: சென்னை பரங்கிமலையில் உணவுப்பொருள் வழங்கு துறையின் அலுவலகத்தில் தமிழக உணவு அமைச்சர் திடீர் சோதனை செய்தபோது நிர்வாகரலுவலர் தாமதமாக வந்ததைக் கண்டுபிடித்தாராம். அனைத்து அலுவலகங்களிலும் இது தான் கதி என்பதற்கு இதே சான்று!!

(2) லோஹி தாசன் (தில்லி)

கேள்வி: அரசியல் வாதியின் இலக்கணம் என்ன?

பதில்: கர்ணாடக முன்னாள் பா ஜ க முதல்வர் எடியூரப்பா படகில் வந்து, ஒகனேகலுக்குச் சொந்தம் கொண்டாடினார் அதே கட்சியின் தமிழகத் தலைவர் இல கணேசன், ஒகனேகல் திட்டத்தை நிறைவேற்ற பா ஜ க துணைநிற்கும் என்று கூறியிருக்கிறாரே, அது தான்.

(3) மஹேந்திரன் (சானூசே)

கேள்வி: அந்தக்காலத்தில் இருந்த எளிய வாழ்க்கைமுறை இனி திரும்பவே திரும்பாதா?

பதில்: ஏன் திரும்பாது? இப்போதே கேடிலக்கிலும் டொயோட்டாவிலும் ஏறி வந்து காந்தீயம் பேசவில்லையா?.

(4) ஜி கே (சென்னை)

கேள்வி: 2009 -ஆம் ஆண்டு நாடாளுமன்றத் தேர்தலில் யார் கூட்டணி அமைப்பார்கள்? 1. அதிமுக-மதிமுக-தேமுதிக-பா ஜ க 2. அதிமுக-காங்-தேமுதிக 3. அதிமுக- மதிமுக-பா ஜ க 4.அதிமுக்-மதிமுக(2006 சட்டப்பேரவைத் தேர்தலைப் போல). 4-ஆவதாகக் குறிப்பிட்ட கூட்டணி ஏற்பட்டால், அவர்கள் ஒரு இடத்திலாவது ஜெயிப்பார்களா?

பதில்: அனைத்துமே காங்கிரஸின் முடிவைப்பொறுத்ததே. திமுக-வும் சரி, அதிமுகவும் சரி, காங்கிரஸுடன் கூட்டணி அமைக்கவே விரும்பும். காங்கிரஸுடன் கூட்டணி உள்ள கட்சியே வெற்றி பெறும் என்பது என் அனுமானம். 4-ஆவதாகக் குறிப்பிட்ட கூட்டணி போணியாவது சிரமமே!

குறிப்பு:

உங்களுடைய கேள்வியும் இந்த பகுதியில் இடம்பெற,
question@chennaionline.com என்ற மின் அஞ்சல் முகவரிக்கு,
உங்கள் கேள்விகளை அனுப்புங்கள். சுவையான பதில்களை பெறுங்கள்.