பருத்தி வீரன் மாதிரியே யோகி படத்தையும் மாதக் கணக்கில் எடுத்துவருகிறார் அமீர். சொந்தப் படம் என்பதால்தான் செலவைப் கட்கிறார் அவர். இதில் லொகேஷன் கிடைக்காமலே பாதி நாட்கள் படப்பிடிப்பை கேன்சல் செய்ய வேண்டியிருக்கிறதாம்.
 படத்திற்குத் தேவையான வீடு ஒன்றைப் பார்த்துவிட்டு சில காட்சிகளை அதில்தான் எடுக்க வேண்டும் என்று பிடிவாதமாக இருந்தார் அமீர். இவர் முடிவு செய்திருந்த நாளில், அந்த இடத்தைத் தனது டி.வி சீரியலுக்காகப் பிடித்துவிட்டதாம் கவிதாலயா. சுமார் ஒரு மாத காலம் அந்த இடம் திரும்பக் கிடைக்கவே இல்லை. பொறுத்துப் பொறுத்துப் பார்த்த அமீர், ஒரு நான்கு நாட்கள் அந்த இடம் கிடைக்குமா என்று பாலசந்தரையே நேரில் பார்த்து கேட்க, சீரியல் படப்பிடிப்பை அவசரம் அவசரமாக முடித்துக் கொண்டு அமீருக்கு ஒதுக்கிக் கொடுத்தாராம் இயக்குனர் சிகரம்.
சரி, யோகியின் இப்பேததைய நிலை என்ன? 60 சதவீதப் படப்பிடிப்பு முடிந்துவிட்டது. இன்னும் 40 ஐக் கடக்க வேண்டும்.
|