மறவன்புலவு க. சச்சிதானந்தன்

உலகெங்கும் பரந்து வாழும் தமிழர் தொகையைக் கணக்கெடுக்க, உங்கள் பங்களிப்பைக் கோருகிறோம்.

நீங்கள் எந்த நாட்டில் வாழ்ந்தாலும் அந்த நாட்டில் எத்தனை தமிழர் வாழ்கிறீர்கள் என்பதை அடிக்கடி உங்களுக்குள்ளேயே உசாவுவீர்கள்.

இந்தக் கணிப்பு அந்தந்த நாடுகளில் வாழும் தமிழரின் குரலோசைக்கு வலிமை தருவதாகும்.

தேசிய மொழிகள் நான்கனுள் ஒன்றாக, தமிழும் சிங்கப்பூரில் இருப்பதற்கு, அந்நாட்டு மக்கள் தொகையுள் 7% தமிழராக இருப்பதும் காரணம்.

மொரிசியசில் நாணயத் தாள்களில் தமிழ் வரிகள் உள்ளன எனில் அங்குள்ள மொத்த மக்கள் தொகையில் 10% தமிழராக இருப்பதும் காரணம்.

அண்மையில் ஜனனி ஜனநாயகம் என்ற இளந்தமிழ்ப் பெண் தமிழர் வாக்குகளை நம்பி, ஐரோப்பிய நாடாளுமன்றத்துக்குப் போட்டியிட்டார்.

ஆஸ்திரேலியாவில் சிட்னியில் இரு நகராட்சிகளில் தகவல்கள் தமிழிலும் அச்சிட்டு வழங்குமளவுக்கு அந்த நகராட்சிகளில் கணிசமான தொகையினராகத் தமிழர் உள்ளதே காரணம்.

இவ்வாறாக, உலக வளர்ச்சிக்குத் தமிழர் பங்களித்து வரும் வேளையில் எந்தெந்த நாட்டில் எவ்வெவ்வளவு தமிழர் வாழ்கின்றனர் என்ற மதிப்பீடு, உலக வளர்ச்சியில் தமிழரின் பங்களிப்பை மதிப்பிட உதவும்.

உலகில் 235 ஆட்சிப் புலங்கள் இருக்கின்றன.

பின்வரும் 39 புலங்களும் வேற்று நாடடுக்கு அடிமை நாடுகளாகவே தொடர்கின்றன.

இவற்றுள் பசிபிக் தீவிலுள்ள நியுகலிடோனியாவுக்கு 2010இல் விடுதலை வழங்கப் பிரான்சு ஒப்புக் கொண்டுள்ளது.

பின்வரும் 196 நாடுகளும் இறைமையும் தன்னாதிக்கமும் உடைய நாடுகள்.

இவற்றுள், கொசோவோ, தைவான், பாலஸ்தீனம், வத்திக்கான் நகர், ஆகிய நான்கும் ஐநா. உறுப்புரிமை பெறாதவை.  எஞ்சிய 192 நாடுகளும் ஐநா. உறுப்புரிமை பெற்றவை.

இந்த 235 ஆட்சிப் புலங்களிலும் தமிழ் மரபு பேணுவோர் எத்தனை ஆட்சிப் புலங்களில் வாழ்கின்றனர்?

ஒவ்வொரு நாட்டிலும் எத்தனை பேர் வாழ்கின்றனர்?

தோராயமாகவாவது கணக்கு உண்டா?

இந்திய மாநிலங்கள் ஒவ்வொன்றிலும் வாழும் தமிழர் தொகை பற்றிய கணக்கு எவரிடமும் உண்டா?

4 புலங்களில் / 149 நாடுகளில் ஆக 153 புலங்கள் / நாடுகளில் வாழும் 93,805,905 (ஒன்பது கோடியே முப்பத்து எட்டு லட்சத்து ஐந்து ஆயிரத்து தொள்ளாயிரத்து ஐந்து) தமிழர் பற்றிய பட்டியலைத் தயாரித்தேன்.

இப்பட்டியல் தவறுகள் நிறைந்த பட்டியல் என்பதை முன்கூட்டியே தெரிவித்து, தவறுகளைத் திருத்த முன்வருமாறு உங்கள் அனைவரையும் கேட்கிறேன்.

மொத்த மக்கள் தொகை விவரம் ஐநா. மக்கள் தொகை அமைப்புத் தந்ததாம்.

நாட்டின் பெயர் தமிழ் அகர வரிசையில் தமிழில்,  அங்கு வாழும் தமிழர் தொகை (2008ஆம் ஆண்டு டிசம்பர் வரையிலான மதிப்பீடு) பின்னர் ஆங்கிலத்தில், அந்த நாட்டின் மொத்த மக்கள் தொகை (2008ஆம் ஆண்டு டிசம்பர் வரையிலான மதிப்பீடு), என்பன தந்துள்ளேன்.

முதலில் 149 நாடுகளைப் பார்ப்போம்.

விடுதலை பெறா ஆட்சிப் புலங்கள் நான்கைப் பார்ப்போம்.

தமிழர் தொகை பற்றிய இந்தக் கணிப்பு மேலும் திருத்தம் பெற நீங்கள் உதவலாம். உங்களுக்குத் தெரிந்தவருக்கு இந்த விவரம் தெரியலாம். விசாரித்துஉதவுக. நீங்கள் வாழும் நாடு மட்டுமல்ல, பிற நாடுகளின் விவரங்களையும் திரட்டலாம்.

Comments

vraahamoorthy

the sri lankan tamils want to impose their outlook and their system on other tamils. it is not fair to the tamilians living in india.

05 Nov 2009 07:47 PM

Guru.Radhakrishnan

Mr.Sachithanandan comment is agreeable and there should be uniform procedure is must. This is my opinion.

03 Oct 2009 09:54 AM

சச்சிதானந்தன், க.

சீரான எழுத்துப் பெயர்ப்புத் தமிழில் இல்லை.அவரவர் தத்தம் எழுத்துப் பெயர்ப்பே சீரானது எழுத்துப் பெயர்ப்பு எனக் கொள்கிறார்கள்.

14 Sep 2009 08:10 PM

govardhanan gk

hi, am also tamililan

12 Aug 2009 01:25 AM

செ.இரா. செல்வக்குமார்

அருள்கூர்ந்து சீரான எழுத்துப் பெயர்ப்பைப் பயன்படுத்த வேண்டுகிறேன். தமிழில் உள்ள ரகரத்தை, யாழ்ப்பாணத்தமிழர்கள் நுனிநா டகரமாக வழங்குகிறார்கள். அது அவர்களுக்கு ஏற்றதாக இருக்கலாம், ஆனால் அது தமிழில் தவறான வழக்கம். இதனை இங்கு விரித்து எழுதுதல் இயலாது. சென்னை ஆன்லைன் போன்ற ஊடகங்களில் இப்படித் தவறான ஒருசிறு தமிழ்க்குழுவினர் பின்பற்றும் முறையைப் பின்பற்றி எழுதுவதைத் தவிர்க்க வேண்டும். இதனால் தமிழ்மொழிக்கு விளையும் கேடுகள் மிகவுண்டு. யாழ்ப்பாணத் தமிழர்கள் எப்படியோ இந்தத்தவறான வழக்கத்தைப் பின்பற்றுகிறார்கள்.

29 Jun 2009 06:56 PM

Comments*
Name*
Place
Email
Security Code

Enter security code
 

* Do not use semicolon(;)