நோயறிதல் தரத்தைத் தக்கவைக்கும் அதே வேளையில், கதிர்வீச்சு வெளிப்பாட்டைக் குறைப்பதற்கு அல்ட்ரா-லோ-டோஸ் சிடி மார்பகப் பரிசோதனை மற்றும் லோ-டோஸ் சிடி கரோனரி ஆஞ்சியோகிராபி ஆகியவற்றுடன் உகந்த மருத்துவ நெறிமுறைகளையும் இம்மருத்துவமனை இணைத்துள்ளது. இந்த சிடி இமேஜிங் செயல்முறையின் முக்கிய அங்கமாக டீப்-லேர்னிங் அடிப்படையிலான ‘டெல்டா’ இமேஜ் மறுஉருவாக்கத் தொழில்நுட்பம் விளங்குகிறது. மிகக் குறைந்த அளவு கதிர்வீச்சு மற்றும் குறைந்த அளவிலான கான்ட்ராஸ்ட் மருந்து பயன்படுத்தப்பட்டாலும், நோயறிதலுக்குத் தேவையான தரமான படங்களை உருவாக்க இத்தொழில்நுட்பம் உதவுகிறது. மருத்துவ நெறிமுறை வடிவமைப்பு, பணிப்பாய்வு ஒருங்கிணைப்பு, படங்களைப் பெறுதல், மறுஉருவாக்கம், அளவு சார்ந்த பகுப்பாய்வு மற்றும் நோயாளிகளின் சிகிச்சைப் பராமரிப்பு ஆகியவற்றில் இந்தப் புத்தாக்க அம்சங்கள் முதன்மையாகச் செயல்படுத்தப்படுகின்றன.

இம்மருத்துவமனை கடந்த 10 நாட்களில் சுமார் 133 கரோனரி சிடி பரிசோதனைகளை மேற்கொண்டுள்ளது. குறைந்த அளவிலான கதிர்வீச்சுடன், ஒவ்வொரு பரிசோதனைக்கும் சுமார் 15 மி.லி கான்ட்ராஸ்ட் மருந்து மட்டுமே பயன்படுத்தப்பட்டுள்ளது. கரோனரி தமனிகளைத் துல்லியமாக மதிப்பிடுவதற்குத் தேவையான படத் தரத்தைப் பராமரிக்கும் அதே வேளையில், கதிர்வீச்சு மற்றும் கான்ட்ராஸ்ட் மருந்து ஆகியவற்றின் பக்கவிளைவுகளைக் குறைப்பதே இதன் நோக்கமாகும். இதேபோல், 260 நோயாளிகளுக்கு அல்ட்ரா-லோ-டோஸ் சிடி மார்பகப் பரிசோதனை செய்யப்பட்டுள்ளது. இவர்களில், பரிசோதனை முடிவுகளின் அடிப்படையில் 179 பேருக்கு அடுத்தகட்ட பயாப்ஸி பரிசோதனை மேற்கொள்ளப்பட்டு, அதில் 54 பேருக்குப் புற்றுநோய் இருப்பது உறுதி செய்யப்பட்டுள்ளது.

இது குறித்துப் பேசிய கதிரியக்கவியல் துறையின் மூத்த நிபுணர் டாக்டர் சாமுவேல் ரீஃபத் ஜே, “ஒவ்வொரு முறை சிடி பரிசோதனை செய்யும் போதும், ‘மருத்துவருக்குத் தேவையான துல்லியமான தகவல்களைப் பெற முடியுமா?’ மற்றும் ‘நோயாளிகளுக்குக் குறைந்தபட்ச பாதிப்புடன் இதைச் செய்ய முடியுமா?’ ஆகிய இரண்டு கேள்விகளை எங்களுக்கு நாங்களே கேட்டுக்கொள்கிறோம். நோயாளிகளுக்கு ஏற்படும் பாதிப்பு என்பது கதிர்வீச்சு, அயோடினேற்றப்பட்ட கான்ட்ராஸ்ட், செலவு, நேரம் மற்றும் சில ஊடுருவல் பரிசோதனைகளுடன் தொடர்புடைய பதற்றம் ஆகியவற்றை உள்ளடக்கியதாகும். எனவே, வழக்கமான இமேஜிங் முறையில் இருந்து மாறி, மிகக்குறைந்த அளவிலான கதிர்வீச்சு வெளிப்பாட்டின் மூலம் அதிகபட்சமாக மருத்துவப் பயனுள்ள தகவல்களைத் தரும் ‘துல்லியமான இமேஜிங்’ முறைக்கு மாற நாங்கள் விரும்பினோம். இந்தக் கொள்கையே எங்களின் குறைந்த மருந்தளவுடன் கூடிய கரோனரி சிடி, மிகக் குறைந்த அளவுடன் கூடிய மார்பக சிடி மற்றும் செயற்கை நுண்ணறிவு உதவியுடன் கூடிய இமேஜிங் சோதனைகளை அறிமுகம் செய்ய உந்துசக்தியாக இருந்தது. பாரம்பரியமான சிடி கொள்கைகளை நாங்கள் கைவிடவில்லை; மாறாக, அங்கீகரிக்கப்பட்ட கதிரியக்கவியல் மற்றும் இதயநாள சிடி தரநிலைகளுக்கு உட்பட்டு செயல்படுகிறோம். அதே வேளையில், ஒவ்வொரு தனிப்பட்ட நோயாளியின் மருத்துவச் சூழலுக்கும் ஏற்றவாறு பரிசோதனை அளவுருக்களை மேம்படுத்திப் பக்கவிளைவுகளைக் குறைத்துச் செயல்படுகிறோம்,” என்று கூறினார்.

மேலும் அவர், “நவீன சிடி மற்றும் எம்ஆர்ஐ ஸ்கேனர்கள் மிகத் தெளிவான, விரிவான தகவல்களை அதிக அளவில் உருவாக்கும் திறன் கொண்டவை. டீப் லேர்னிங் தொழில்நுட்பமானது, இவ்வளவு பெரிய அளவிலான இமேஜிங் தரவுகளைப் பகுப்பாய்வு செய்யவும், நெருக்கமான மதிப்பீடு தேவைப்படும் பாதிப்புகளை எளிதில் கண்டறியவும் உதவுகிறது. இதன் மூலம் நுட்பமான அசாதாரணங்களைக் கண்டறியவும், படப் பகுப்பாய்விற்கும், தகவல்களை ஒழுங்கமைத்து அளவிடுவதற்கும் துணைபுரிகின்றன. இதன் விளைவாக, கதிரியக்கவியல் மருத்துவ நிபுணர், நோயறிதல் மற்றும் மருத்துவ விளக்கங்களைப் பெறுவதில் அதிக கவனம் செலுத்த முடியும். இந்தத் தொழில்நுட்பங்களின் ஒருங்கிணைப்பானது, கதிரியக்கவியல் துறையின் செயல்பாட்டை விரைவானதாக மாற்றுவதோடு, நிலையானதாகவும், அளவிடக்கூடியதாகவும், மருத்துவ ரீதியாகப் பயனுள்ளதாகவும் ஆக்குகிறது,” என்றார்.

தலைமை இயக்க அதிகாரி, குழுமத் துணைத் தலைவர் திரு. வேணுகோபால் பட் கூறுகையில், “எங்கள் தொலைநோக்குப் பார்வை தொழில்நுட்பங்களை அதிகரிப்பது மட்டுமல்ல; மாறாகத் துல்லியமான சுகாதாரப் பராமரிப்பை நோக்கி முன்னேறுவதாகும். மேம்பட்ட இமேஜிங் மூன்று கேள்விகளுக்குப் பதிலளிக்க வேண்டும்: நோயை முன்கூட்டியே கண்டறிய முடியுமா? இன்னும் துல்லியமாக வகைப்படுத்த முடியுமா? மற்றும் பாதுகாப்பாகச் செய்ய முடியுமா? அடையாறு மலர் மருத்துவமனையை நவீன ஸ்கேன் செய்யும் மையமாக மட்டுமின்றி, சிறந்த மருத்துவ முடிவுகளை எடுக்க உதவும் மையமாகவும் நிலைநாட்ட விரும்புகிறோம்,” என்றார்.

மேலும் அவர், “இறுதியில் ஒரு நோயாளி ஆரம்பத்திலேயே, பாதுகாப்பான, துல்லியமான நோயறிதலைப் பெற வேண்டும். புற்றுநோயை அறிகுறிகள் தோன்றும் முன்பே கண்டறிந்தால், முன்கூட்டியே சிகிச்சை அளிக்கலாம். மிகக்குறைந்த கான்ட்ராஸ்ட், கதிர்வீச்சைப் பயன்படுத்தி கரோனரி சிடி பரிசோதனை செய்யும் போது நோயாளிகளுக்கான சுமையைக் குறைக்கலாம். செயற்கை நுண்ணறிவு, அளவு சார்ந்த இமேஜிங் தொழில்நுட்பம் ஆகியவை பார்வைக்குத் தெரியாத தகவல்களைப் பெற உதவுகின்றன. இதனால் மருத்துவர்களுக்குத் தெளிவான தகவல்கள் கிடைக்கும். ஸ்கேனர் எவ்வளவு அதிநவீனமானது என்பது இறுதி அளவுகோல் அல்ல; நோயாளிக்கு அதனால் என்ன பலன் கிடைக்கிறது என்பதே அதற்கான இறுதி அளவுகோலாகும்,” என்றார்.

இந்த உலக சாதனை கடந்த பிப்ரவரி 2026-ல் நிகழ்த்தப்பட்டது. ஒரே நேரத்தில் 37 கலைஞர்களை நிகழ்நேரத்தில் Motion Capture செய்து இந்த சாதனை படைக்கப்பட்டுள்ளது. இதன் மூலம் இந்திய சினிமாவில் புதிய தொழில்நுட்ப சாதனை ஒன்று நிகழ்த்தப்பட்டுள்ளது. இந்த சாதனைக்கான அதிகாரப்பூர்வ அங்கீகாரம் 15 செப்டம்பர் 2026 அன்று வழங்கப்பட்டது.

கின்னஸ் உலக சாதனைக்கான அதிகாரப்பூர்வ சான்றிதழை ஐகான் ஸ்டார் அல்லு அர்ஜுன் மற்றும் இயக்குநர் அட்லீ ஆகியோரிடம் கின்னஸ் உலக சாதனையின் மூத்த நடுவர் ஸ்வப்னில் டாங்ரிகர் வழங்கினார். படத்தின் முக்கிய நடிகர்கள் மற்றும் தொழில்நுட்பக் கலைஞர்கள் பங்கேற்ற நெருக்கமான விழாவில் இந்த சான்றிதழ் வழங்கப்பட்டது.

இந்த சாதனை குறித்து அல்லு அர்ஜுன் கூறுகையில், “சினிமாவின் எல்லைகளை விரிவுபடுத்தி, உலக அளவில் புதிய அளவுகோலை உருவாக்கும் இந்த குறிப்பிடத்தக்க சாதனையை நினைத்து நாங்கள் மிகவும் பெருமைப்படுகிறோம். இது ஒட்டுமொத்த படக்குழுவிற்கும் பெருமையான தருணம். இந்த சாதனையை அதிகாரப்பூர்வமாக அங்கீகரித்து எங்களது முயற்சிகளை கௌரவித்த கின்னஸ் உலக சாதனை நிறுவனத்திற்கு நன்றி. எனது இயக்குநர் அட்லீயின் தொலைநோக்கு பார்வையும் வழிகாட்டுதலும், ஒட்டுமொத்த படக்குழுவினரின் அசாத்திய உழைப்பும் இல்லாமல் இந்த சாதனை சாத்தியமாகியிருக்காது. இவ்வளவு பிரம்மாண்டமான கனவுடன் உருவாகும் இந்தப் படைப்பிற்கு தொடர்ந்து ஆதரவளித்து வரும் சன் பிக்சர்ஸ் நிறுவனத்திற்கும் நன்றி. இது எங்கள் அனைவருக்கும் மிகவும் சிறப்பான தருணம்” என்றார்.

இயக்குநர் அட்லீ கூறுகையில், “சிறுவயதில் கின்னஸ் உலக சாதனைகள் குறித்து மிகுந்த ஆச்சரியத்துடன் கேள்விப்பட்டிருக்கிறோம். ஒரு நாள் நாமே ஒரு சாதனையைப் படைப்போம் என்று அப்போது நினைத்துக்கூட பார்த்ததில்லை. ஒரே படப்பிடிப்பில் 37 Motion Capture Assets-ஐ ஒன்றிணைத்து இந்த அங்கீகாரத்தைப் பெற்றிருப்பது எனக்கு இன்னும் கனவு போலவே இருக்கிறது. இது மிகவும் மகிழ்ச்சியையும் பணிவையும் அளிக்கிறது. நாம் பெரிய கனவு கண்டு, முழுமையான நம்பிக்கையுடன் ஒன்றிணைந்து உழைத்தால், சில நேரங்களில் சாத்தியமற்றதாகத் தோன்றுவதையும் சாத்தியமாக்க முடியும் என்பதற்கு இது ஒரு உதாரணமாக இருக்கும். இறைவனின் அருளால் இந்தக் கனவில் நம்பிக்கை வைத்து, அதை நனவாக்கிய எனது ஒட்டுமொத்த படக்குழுவினருக்கும் மனமார்ந்த நன்றி” என்றார்.

‘ராக்கா’ திரைப்படத்திற்காக மேற்கொள்ளப்பட்ட இந்த பிரம்மாண்டமான Motion Capture பணியில் 4 வயது குழந்தை முதல் 70 வயது முதியவர் வரை 37 கலைஞர்கள் ஒரே நேரத்தில் ஒரே அமர்வில் பதிவு செய்யப்பட்டுள்ளனர். ஒரே Capture Volume-க்குள் 37 பேரின் தனித்தனி நடிப்பையும் ஒரே நேரத்தில் துல்லியமாகப் பதிவு செய்து, அதன் தனித்தன்மை பாதிக்காமல் பாதுகாப்பதே இந்த முயற்சியின் மிகப்பெரிய சவாலாக இருந்துள்ளது.

இதற்காக, படத்தின் VFX தயாரிப்பாளர், ‘ராக்கா’ படத்தின் பிரம்மாண்டத்திற்கும் தொழில்நுட்பத் தேவைகளுக்கும் ஏற்ப புதிய மோஷன் கேப்சர் பைப்லைன் மற்றும் வொர்க்ஃப்ளோ ஒன்றை உருவாக்கியுள்ளார். கின்னஸ் உலக சாதனை முயற்சிக்காக 92 ஆப்டிக்கல் மோஷன் கேப்சர் கேமராக்கள் பயன்படுத்தப்பட்டுள்ளன. கேப்சர், கேலிப்ரேஷன், நெட்வொர்க்கிங், சிங்க்ரனைசேஷன், ரியல்-டைம் அன்ரியல் விஷுவலைசேஷன், விட்னஸ் கேமராக்கள், ஃபேஷியல் கேப்சர் உள்ளிட்ட பல்வேறு அதிநவீன தொழில்நுட்பங்கள் ஒருங்கிணைக்கப்பட்டு இந்த சாதனை நிகழ்த்தப்பட்டுள்ளது.

சன் பிக்சர்ஸின் பிரம்மாண்ட தயாரிப்பு, அட்லீயின் தொலைநோக்கு பார்வை, எல்லைகளைத் தாண்டி நடிப்பை வெளிப்படுத்தும் அல்லு அர்ஜுனின் அர்ப்பணிப்பு, Apple Art Studio-வின் தொழில்நுட்பத் திறன், படத்தின் மேம்பட்ட VFX தொழில்நுட்பம் மற்றும் ஒட்டுமொத்த படக்குழுவினரின் கூட்டு முயற்சி ஆகியவை இந்த சாதனை சாத்தியமாக முக்கிய காரணமாக அமைந்துள்ளன.

இந்த கின்னஸ் சாதனை, உலக அரங்கில் இந்திய சினிமாவின் தொழில்நுட்பத் திறன் மற்றும் பிரம்மாண்டமான படைப்பாற்றலை வெளிப்படுத்தும் முக்கியமான தருணமாக அமைந்துள்ளது. இந்திய படைப்பாளிகள் மற்றும் தொழில்நுட்பக் கலைஞர்களின் திறமையால் உருவாக்கப்பட்ட இந்த சாதனை, நவீன திரைப்படத் தொழில்நுட்பத்தில் இந்திய சினிமா எட்டியுள்ள புதிய உயரத்தையும் எடுத்துக்காட்டுகிறது.

‘ராக்கா’ மூலம் இந்திய சினிமா மீண்டும் ஒருமுறை உலக அரங்கில் தனது படைப்பாற்றல் மற்றும் தொழில்நுட்ப சாத்தியங்களைப் பறைசாற்றியுள்ளது.

இந்நிகழ்ச்சியில் சென்னை பெருநகர காவல்துறை (போக்குவரத்து – தெற்கு) இணை ஆணையர் திரு. பி. பகலவன், இ.கா.ப., தலைமை விருந்தினராகக் கலந்து கொண்டார்.

இத்திட்டத்தின் முதல் கட்டத்தில் காவேரி மருத்துவமனை குழுமத்தின் சென்னை வலையமைப்பில் உள்ள ஆழ்வார்பேட்டை, வடபழனி, ரேடியல் சாலை மற்றும் மா காவேரி ஆகிய கிளைகளை உள்ளடக்கிய 10 இருசக்கர வாகன ஆம்புலன்ஸ்கள் ஈடுபடுத்தப்பட்டுள்ளன. நகரின் பல்வேறு பகுதிகளில் போக்குவரத்து நெரிசல் அல்லது குறுகிய சாலைகள் காரணமாக பெரிய ஆம்புலன்ஸ் வாகனங்கள் வருவதில் தாமதம் ஏற்படலாம் என்ற சூழலைக் கருத்தில் கொண்டு, உடனடியாக மருத்துவ உதவிகளை வழங்குவதற்காகவே இந்த இருசக்கர வாகன ஆம்புலன்ஸ் கட்டமைப்பு பிரத்யேகமாக உருவாக்கப்பட்டுள்ளது.

இந்த இருசக்கர வாகன ஆம்புலன்ஸ்கள் நோயாளிகளை மருத்துவமனைக்கு அழைத்துச் செல்வதற்கானவை அல்ல. மாறாக, நோயாளிகளுக்குத் தேவையான மேல்சிகிச்சை மற்றும் அவர்களை மருத்துவமனைக்கு விரைவாக அழைத்துச்செல்லும் ஆம்புலன்ஸ் வரும் வரை, அவர்களுக்கு அத்தியவசிய முதலுதவிகளை வழங்கி உயிரைக் காப்பாற்றுவதற்கான அடிப்படை நடவடிக்கைகளை எடுப்பதே இதன் முக்கிய நோக்கமாகும்.

ஒவ்வொரு ‘ஃபர்ஸ்ட் ரெஸ்பாண்டர்’ வாகனத்திலும் ஆட்டோமேட்டட் எக்ஸ்டர்னல் டிஃபிப்ரில்லேட்டர் (AED), ஆக்சிஜன் வசதி மற்றும் அவசரகால மருத்துவ உபகரணத் தொகுப்பு உள்ளிட்ட அத்தியாவசிய உயிர் காக்கும் கருவிகள் பொருத்தப்பட்டுள்ளன.

உதாரணமாக, மாரடைப்பு ஏற்பட்டதாகச் சந்தேகிக்கப்படும் நோயாளிகளுக்கு, AED கருவி மூலம் அவர்களின் இதயத் துடிப்பை ஆராய்ந்து, தேவைப்படும் பட்சத்தில் உடனடியாக மின் அதிர்வு சிகிச்சையை அளிக்க முடியும். மருத்துவரீதியாக அவசியப்படும்போது நோயாளிகளுக்கு உடனடியாக ஆக்சிஜன் செலுத்தும் வசதியும் இதில் இருக்கிறது. மேலும், இந்த பைக்கில் இடம்பெற்றுள்ள அவசரகால மருத்துவ உபகரணத் தொகுப்பு, நோயாளியை உடனடியாகப் பரிசோதிக்கவும், மருத்துவ நெறிமுறைகளின்படி தகுந்த முதலுதவி சிகிச்சை அளிக்கவும் மருத்துவப் பணியாளருக்கு உதவுகிறது.

‘ஃபர்ஸ்ட் ரெஸ்பாண்டர்ஸ்’ என அழைக்கப்படும் இந்த மருத்துவப் பணியாளர்கள் ஒருங்கிணைக்கப்பட்ட அவசரகால சிகிச்சை கட்டமைப்பின் ஒரு பகுதியாகவே செயல்படுகின்றனர். 5ஜி தொழில்நுட்ப இணைப்பு, வெப்கேமராக்கள் மற்றும் ஜிபிஎஸ்/லைவ் டிராக்கிங் வசதிகளுடன் இருப்பதால், சம்பவ இடத்திலிருந்தபடியே மருத்துவமனை குழுவுடன் அப்பணியாளர்கள் தொடர்ந்து தொடர்பில் இருக்க முடியும். நோயாளி மருத்துவமனைக்கு ஆம்புலன்ஸில் அழைத்துவரும்போது, நிகழ்நேர ஒருங்கிணைப்பைச் சாத்தியப்படுத்தவும், தொடர் சிகிச்சையை எவ்விதத் தாமதமுமின்றி வழங்கவும் இது பெரிதும் உதவும். அவசர சிகிச்சைக்கு 044-40006000 என்ற எண்ணில் மருத்துவமனையை தொடர்பு கொள்ளலாம்.

இந்த அறிமுக விழாவில் காவேரி மருத்துவமனை குழுமத்தின் நிறுவனரும் நிர்வாக இயக்குநருமான டாக்டர் மணிவண்ணன் செல்வராஜ் பேசுகையில், “மருத்துவ அவசரநிலை உருவாகும் காலத்தில், நோயாளியை விரைவாக சென்றடைவதுதான் முதல் சவால். சென்னை போன்ற நகரங்களில் உள்ள போக்குவரத்து நெரிசல் இந்தச் சவாலை மேலும் கடினமாக்குகிறது. இந்த எதார்த்தத்தைப் புரிந்துகொண்டு, எங்கு மருத்துவ உதவி தேவைப்படுகிறதோ, அங்கு அதை உடனடியாகக் கொண்டு சேர்க்கும் ஒரு கட்டமைப்பை உருவாக்க நாங்கள் விரும்பினோம். ஆம்புலன்ஸ் மற்றும் மருத்துவக் குழுவினர் அடுத்த கட்ட சிகிச்சையை ஒருங்கிணைக்கும் அதே நேரத்தில், சம்பவ இடத்திலேயே தகுந்த சிகிச்சை தொடங்குவதை உறுதி செய்யும் விதமாகப் பயிற்சி பெற்ற மருத்துவ மீட்பாளர்களையும் அத்தியாவசிய உபகரணங்களையும் சாலைகளில் களமிறக்கவே ‘காவேரி ஃபர்ஸ்ட் ரெஸ்பாண்டர்ஸ்’ திட்டம் வடிவமைக்கப்பட்டுள்ளது. இது ஆம்புலன்ஸ் சேவைக்கு மாற்று அல்ல; ஆம்புலன்ஸுக்காகக் காத்திருக்கும் நேரத்தில், முதலுதவி பெறுவதற்காகவும் நோயாளிகள் காத்திருக்கக் கூடாது என்பதை உறுதி செய்வதே இதன் நோக்கமாகும்,” என்று கூறினார்.

காவேரி மருத்துவமனை குழுமத்தின் இணை நிறுவனரும் செயல் இயக்குநருமான டாக்டர் அரவிந்தன் செல்வராஜ் பேசுகையில், “அவசரநிலை சிகிச்சை என்பது ஒரு நோயாளியை நாம் எவ்வளவு விரைவாகச் சென்றடைகிறோம் என்பதைப் பொறுத்தது மட்டுமல்ல; பாதிப்பு ஏற்பட்ட அந்த முதல் சில நிமிடங்களில் என்ன நடக்கிறது என்பதையும் பொறுத்தது. பயிற்சி பெற்ற பணியாளர்கள், சரியான உபகரணங்கள் மற்றும் இணைக்கப்பட்ட மருத்துவக் கட்டமைப்பு ஆகியவை இருக்கும்போதுதான் விரைவான மீட்பு நடவடிக்கை பயனளிப்பதாக இருக்கும். இந்த திட்டத்தின் மூலம், அவசரநிலை சிகிச்சை செயல்முறையை மருத்துவமனைக்கு வெளியேயும் விரிவுபடுத்தி, முதல் கட்ட மருத்துவ உதவியை பொதுமக்களுக்கு இன்னும் நெருக்கமாக நாங்கள் கொண்டு சேர்க்கிறோம். விரைவான இயக்கம், அவசரநிலைக்கான தயார்நிலை மற்றும் நிகழ்நேர தொடர்பு ஆகியவற்றின் ஒருங்கிணைப்பு, அந்த ஆரம்ப நிமிடங்களை உயிரைக் காப்பாற்றுவதற்கு மிகவும் பயனுள்ளதாக மாற்றுவதுடன், நோயாளி தொடர் மருத்துவக் கண்காணிப்பில் இருப்பதையும் உறுதி செய்யும்,” என்று தெரிவித்தார்.

காவேரி மருத்துவமனை ஏற்கனவே சென்னையில் ஒருங்கிணைந்த அவசரகால ஆம்புலன்ஸ் நெட்வொர்க்கை இயக்கி வருகிறது. இதில் உள்ள 5ஜி வசதி கொண்ட ஆம்புலன்ஸ்கள், மருத்துவமனைக்கு அழைத்துச் செல்லப்படும் வழியிலேயே நோயாளிகளின் உடல்நிலையை நிகழ்நேரத்தில் கண்காணிக்கவும், தொலைதூர மருத்துவ வழிகாட்டுதல்களைப் பெறவும் உதவுகின்றன. இந்த விரிவான அவசரகாலச் சிகிச்சை கட்டமைப்பில் ‘ஃபர்ஸ்ட் ரெஸ்பாண்டர்ஸ்’ சேவை மற்றொரு அங்கமாக இணைந்து, அவசர நிலை ஏற்படும் சம்பவ இடத்திற்கே உடனடியாகச் சென்று உயிர் காக்கும் மருத்துவ உதவி வழங்குவதைச் சாத்தியமாக்கும்.

நிகழ்ச்சியில் தயாரிப்பாளர் தமிழ்குமரன் பேசியதாவது, “’சிக்மா’ படத்தின் இயக்குநர் ஜேசன் சஞ்சய்க்கு இந்த படம் எவ்வளவு முக்கியமானதோ, அதுபோலவே லைகா நிறுவனத்திற்கும் இந்த படம் மிக முக்கியமானது. ஏனெனில், அவருடைய அப்பா இன்றைய தமிழக முதல்வர் விஜய் அவர்களின் ‘கத்தி’ படம் தயாரித்து தான் நாங்கள் திரைத்துறைக்கு அறிமுகமானோம். இப்பொழுது அவர் மகனை நாங்கள் அறிமுகப்படுத்துவது மகிழ்ச்சி. இயக்குநராக சஞ்சய் மீது நாங்கள் வைத்த நம்பிக்கை வீண் போகவில்லை. படத்தை சிறப்பாக செய்திருக்கிறார். திறமையாளர்களை கண்டறிந்து ஊக்குவிப்பவர் சுபாஸ்கரன் சார். ஜேசன் கடின உழைப்பாளி. நிச்சயம் இன்னும் பெரிய உயரத்திற்கு செல்வார். நடிகர்கள் சந்தீப், ஃபரியா மற்றும் தொழில்நுட்பக் குழுவினர் அனைவரும் சிறப்பாக பணிபுரிந்து இருக்கிறார்கள். அனைவருக்கும் வாழ்த்துகள்”.

பாடலாசிரியர் விவேக் பேசியதாவது, “‘சர்கார்’, ‘பிகில்’ படங்களின் ஆடியோ லான்ச் இங்கே தான் நடந்தது. இப்போது விஜய் சார் மகனுடைய படவிழாவில் இருக்கிறேன். இந்த வாய்ப்பு கொடுத்த லைகா புரொடக்சன்ஸ் நிறுவனத்திற்கு நன்றி. இந்தப் படத்தின் இசையமைப்பாளர் தமன் இசையில் பல நல்ல பாடல்கள் எழுதியிருக்கிறேன். ஜேசன் சஞ்சய் சிறந்த கதை சொல்லி. சின்சியராக உழைத்துள்ளார். அவர் நிச்சயமாக வெற்றி பெறுவார். படக்குழுவினர் அனைவருக்கும் வாழ்த்துகள்”.

பாடலாசிரியர் சூப்பர் சுப்பு பேசியதாவது, “யாருடைய உதவியும் இல்லாமல் வெற்றி பெறுபவன் தான் சிக்மா என்று சொல்வார்கள். அப்படியான இந்த படத்தில் பணிபுரிய வாய்ப்பு கொடுத்த லைகா நிறுவனம், இயக்குநர் சஞ்சய்க்கு நன்றி. தமன் தான் ஒரிஜினல் பிளாக்பஸ்டர் இசையமைப்பாளர். படக்குழுவினருக்கு வாழ்த்துகள்”.

நடிகர் அன்புதாசன் பேசியதாவது, “இந்த வாய்ப்பு கொடுத்த லைகா நிறுவனம் மற்றும் படக்குழுவினருக்கு நன்றி. இந்தப் படம் எனக்கு ரொம்பவே ஸ்பெஷல். சந்தீப், ஃபரியாவுக்கு நன்றி”.

நடிகர் சம்பத் பேசியதாவது, “அடுத்தவர்களின் நேரத்தை மதித்து நடப்பவர் சஞ்சய். இயக்கத்தை அடுத்து நிச்சயம் அவர் படம் நடிக்கவும் வாழ்த்துகள். சந்தீப், ஃபரியா மற்றும் படக்குழுவினருக்கு வாழ்த்துகள். வாய்ப்பு கொடுத்த லைகா நிறுவனத்திற்கு நன்றி”.

நடிகர் ஷிவ் பண்டிட் பேசியதாவது, ” லைகா நிறுவனத்துடன் இணைந்து பணிபுரிந்தது மகிழ்ச்சி. சஞ்சய் மிகவும் தன்மையானவர். அவர் கொடுத்த வாய்ப்பிற்கு நன்றி. சந்தீப், ஃபரியா மற்றும் அனைவருக்கும் வாழ்த்துகள்”.

நடிகர் ராஜூ சுந்தரம் பேசியதாவது, “‘சிக்மா’ படத்திற்கும் படக்குழுவினருக்கும் நன்றி, வாழ்த்துக்கள்”.

திருப்பூர் சுப்பிரமணியம் பேசியதாவது, “நடிகர் விஜய் அவர்களின் ‘பூவே உனக்காக’ படத்தில் இருந்து அவருடைய ஏராளமான படங்களை விநியோகம் செய்து இருக்கிறேன். இப்பொழுது சஞ்சய் இயக்குநராக அறிமுகம் ஆகிறார். நடிகராகவும் அவர் வெற்றி பெற வாழ்த்துகள். தமிழ்நாடு முழுவதும் இந்த படத்தை நாங்கள் விநியோகம் செய்கிறோம். படம் வெற்றி பெற வாழ்த்துகள்”.

தயாரிப்பாளர் தாணு பேசியதவாது, ” விஜய் அவர்களின் தெறி உள்ளிட்ட பல படங்களை தயாரித்து இருக்கிறேன். இப்பொழுது அவருடைய மகன் சஞ்சய் இயக்குநராக அறிமுகமாகிறார். விஜய் இன்று முதல்வராக இருப்பதால் திரையுலகில் அவருடைய இடம் வெற்றிடமாக உள்ளது. அந்த இடத்தை நடிகராகவும் சஞ்சத் நிரப்ப வேண்டும். படம் பெரும் வெற்றி பெற வாழ்த்துகள்”.

நடிகர் விக்ராந்த் பேசியதாவது, ” சிக்மா படம் எனக்கு ரொம்பவே ஸ்பெஷல். ஏனெனில், இயக்குநரின் சித்தப்பாவாக மேடையில் நிற்கிறேன். இரண்டு வருடங்களுக்கு முன்பு ‘லால் சலாம்’ மேடையில் சஞ்சய் உடன் இணைந்து பணிபுரிவதற்காக லைகா நிறுவனத்திற்கு நன்றி சொன்னேன். சிக்மா படத்தை இவ்வளவு பிரமாண்டமாக மாற்றி கொடுத்ததற்கு மீண்டும் நன்றி. என்னுடைய அண்ணா சஞ்சீவ் நிச்சயம் பெரிய இடத்திற்கு போவார். இந்த விழாவிற்கு நேரம் ஒதுக்கி வந்த சூரி அண்ணனுக்கு நன்றி. சஞ்சய்க்கு சிறு வயதில் கிரிக்கெட்டராக வேண்டும் என்ற விருப்பம் இருந்தது. இப்பொழுது இயக்குநராக அவர் மிகப்பெரும் வெற்றி அடைவார். வாழ்த்துக்கள்”.

சஞ்சீவ் பேசியதாவது, “சஞ்சய்யின் சித்தப்பாவாக இந்த மேடையில் நிற்பது மகிழ்ச்சி. சில வருடங்களுக்கு முன்பு என்னுடைய அண்ணியிடமிருந்து கால் வந்தது. சஞ்சய் படம் செய்யப் போகிறார். அவரை மீட் பண்ணு என்று சொன்னார். அதன் பிறகு நடந்ததுதான் சிக்மா. படம் நன்றாக வந்திருக்கிறது. லைகா நிறுவனத்திற்கு நன்றி”.

நடிகை ஃபரியா அப்துல்லா பேசியதாவது, “லைகா புரொடக்சன்ஸ் மற்றும் இயக்குநர் சஞ்சய் மூலம் இந்தப் படத்தில் அறிமுகமாவது பெருமையாக உள்ளது. நடிகர் சந்தீப், இசையமைப்பாளர் தமன் என உடன் பணிபுரிந்த அனைவருக்கும் நன்றி. சிக்மா படம் பார்த்துவிட்டு சொல்லுங்கள்”.

நடிகர் சூரி பேசியதாவது, “அன்பு தம்பி சஞ்சய்க்கு பின்னால் அனைவரும் அன்பால் ஒன்று கூடியிருப்பதை பார்க்கும்போது நெகிழ்ச்சியாக உள்ளது. இயக்குநராக மட்டுமல்லாது நடிகராகவும் அவர் ஜெயிக்க வேண்டும். லைகா புரொடக்சன்ஸ் சுபாஸ்கரன் அண்ணன், தமிழ்குமரன் அண்ணன் இருவருக்கும் நன்றி. தமிழ் சினிமாவை உலக அளவில் எடுத்து செல்லக்கூடியவர்கள். நடிகர் சந்தீப், ஃபரியா இருவரும் திறமையானவர்கள். சஞ்சய்க்கு என்னுடைய வாழ்த்து மட்டுமல்லாது கோடிக்கணக்கானவர்களின் அன்பும் வாழ்த்தும் இருக்கிறது. அவருடைய தன்மையான பண்பு அவரை பெரிய இடத்திற்கு கொண்டு செல்லும். எல்லோருடைய ஆசைக்காக சஞ்சய் ஹீரோவாக நடிக்கவும் வேண்டும். நன்றி”.

நடிகர் சந்தீப் கிஷன் பேசியதாவது, “நான் தமிழில் எப்போதாவது தான் படங்கள் நடிப்பேன். சிக்மா படத்தில் என்னுடைய நடிப்பை பார்த்த தயாரிப்பு தரப்பு சிறப்பு என பாராட்டி இருக்கிறார்கள். என்னுடன் பணிபுரிந்த அனைத்து இயக்குநர்களுக்கும் நன்றி. மாநகரம் படத்திற்கான பட்ஜெட்டில் தான் விக்ரம் படத்தினுடைய ஆடியோ லான்ச் நடைபெற்றது. இதை லோகேஷ் கனகராஜிடமும் சொன்னேன். அப்படியான பிரம்மாண்டமான படத்தில் எனக்கு வாய்ப்பு கொடுத்த லைகா புரொடக்ஷன்ஸ் நிறுவனத்திற்கு நன்றி. ‘லியோ’ பட பூஜையின் பொழுது விஜய் சாரை சந்தித்தேன். அவர் என்னுடைய படங்களை பாராட்டினார். அதைப்போல அவருடைய மகன் சஞ்சய்க்கும் என்னை பிடிக்கும் என சொன்னார். அதை இந்த தருணத்தில் பதிவு செய்கிறேன். ஏனெனில், சஞ்சய்யின் முதல் படத்தில் நான் தான் ஹீரோ. தங்களது சுய அடையாளத்திற்காக போராடும் பலரின் கதை தான் ‘சிக்மா’. என்னுடன் பணிபுரிந்த சக நடிகர்கள், தொழில்நுட்ப குழுவினர் அனைவருக்கும் நன்றி. இசையமைப்பாளர் தமனுடன் எனக்கு இது நான்காவது படம். சிறப்பாக இசையமைத்திருக்கிறார். படம் அக்டோபர் இரண்டு திரையரங்குகளில் வெளியாகிறது. நிச்சயம் உங்கள் ஆதரவு எங்களுக்கு தேவை”.

இயக்குநர் ஜேசன் சஞ்சய் பேசியதாவது, “நம் எல்லோர் வாழ்விலும் ஒரு சிக்மா மொமண்ட் கண்டிப்பாக இருக்கும். ‘சிக்மா’ படத்தில் எல்லா கதாபாத்திரங்களுக்கும் ஒரு தேவை, சிக்கல் இருக்கும். அப்போது அவர்கள் எடுக்கும் ஒரு முடிவால் அவர்கள் வாழ்க்கையே மாறுவது தான் ‘சிக்மா’. இது என்னுடைய முதல் படம் என்பதால் எப்போதுமே ஸ்பெஷல். இந்த படத்தின் கதையை லைகா புரொடக்க்ஷன்ஸ் சுபாஸ்கரன் சாரிடம் சொன்னபோது எனக்கு 22 வயது. அந்த வயதில் என்னை நம்பி வாய்ப்பு கொடுத்ததற்கு நன்றி. அடுத்ததாக, தயாரிப்பாளராக தமிழ்குமரன் சாரிடம் கதை சொன்னதும், இந்த படத்திற்கு பிள்ளையார் சுழி போட்டு ரிலீஸ் வரைக்கும் கொண்டு வந்து ஆதரவு கொடுத்ததற்கு நன்றி. சந்தீப் என்னுடைய முதல் பட ஹீரோ. திறமையானவர். இந்த படம் அவருடைய கரியரில் நிச்சயம் மறக்க முடியாத அனுபவமாக இருக்கும் என நம்புகிறேன். ஃபரியாவுக்கு தமிழில் இதுதான் முதல் படம். இந்த படத்தின் கதாபாத்திரத்திற்கும் இவருடைய நிஜ கேரக்டருக்கும் நிறைய ஒற்றுமை உண்டு. அந்த அளவுக்கு நேர்மையானவர், சுதந்திரமானவர். அவருக்கு தமிழில் இந்த படம் நிச்சயம் நல்ல வரவேற்பு கொடுக்கும் என உறுதியாக நம்புகிறேன். நடிகர்கள் ராஜூ சுந்தரம் மாஸ்டர் சம்பத் மற்றும் என்னுடைய தொழில்நுட்ப குழுவினர் எடிட்டர் பிரவீன் சார், டான்ஸ் மாஸ்டர் கல்யாண் சார், அனுஷா, இசையமைப்பாளர் தமன், என்னுடைய சித்தப்பா சஞ்சீவ் சார் என சிறப்பாக பணிபுரிந்த அனைவருக்கும் நன்றி. தமன் இசையில் யுவன் சங்கர் ராஜா சார், சந்தோஷ் நாராயணன் சார், ஷான் ரோல்டன் பாடல் பாடியிருப்பது எனக்கு மகிழ்ச்சி. துல்கர் சல்மான் சார், ராஜமெளலி சார், பலருக்கும் இன்ஸ்பிரேஷன் ஆக இருக்கும் சூரி சார் எல்லோருக்கும் நன்றி. என்னுடைய அம்மா, அப்பா, தங்கை திவ்யா எல்லோருக்கும் நன்றி. படம் அக்டோபர் 2 திரையரங்குகளில் வெளியாகிறது”.

போலீசாரின் முதற்கட்ட விசாரணையில், கணவர் ராஜின் கெடுபிடிகள் மற்றும் கொடுமைகளால் ஆத்திரமடைந்த அவரது மனைவி செல்வராணி (32), தனது ஆண் நண்பரான தேவா என்பவருடன் இணைந்து இக் கொடூரக் கொலையை அரங்கேற்றியது தெரியவந்தது. சம்பவத்தன்று செல்வராணி, கணவர் ராஜிற்குத் தூக்க மாத்திரை கலந்த உணவைக் கொடுத்து மயக்கமடையச் செய்துள்ளார்.

பின்னர், தேவா உதவியுடன் அவர் மீது பெட்ரோலை ஊற்றித் தீவைத்துக் கொன்றது அம்பலமானது. இதனைத் தொடர்ந்து, கொலையில் தொடர்புடைய வழக்கறிஞர் செல்வராணியைப் போலீசார் அதிரடியாகக் கைது செய்தனர். மேலும், இக் கொலையில் தொடர்புடைய தலைமறைவாக உள்ள தேவாவைப் பிடிக்கத் தனிப்படை அமைக்கப்பட்டுத் தீவிரத் தேடுதல் வேட்டை நடைபெற்று வருகிறது.

வடக்கு அந்தமான் மற்றும் அதனை ஒட்டிய மத்திய-கிழக்கு வங்கக்கடல் பகுதியில் உருவான காற்றழுத்த தாழ்வு பகுதியானது, மத்திய-கிழக்கு வங்கக்கடல் பகுதியில் உருவான காற்றழுத்த தாழ்வு பகுதியானது, மத்திய மற்றும் அதனையொட்டிய மேற்கு வங்கக் கடல் பகுதியில் ஆழ்ந்த காற்றழுத்த தாழ்வுப்பகுதியாக வலுவடைந்துள்ளது. இது மேற்கு-வடமேற்கு திசையில் நகர்ந்து, அடுத்த 24 மணி நேரத்தில் காற்றழுத்த தாழ்வு மண்டலமாக வலுவடையும். அது நாளை (22-ந்தேதி) ஆழ்ந்த காற்றழுத்த தாழ்வு மண்டலமாக மேலும் வலுப்பெறக்கூடும். வருகிற 23-ந்தேதி காலை அது வடக்கு ஆந்திரா – தெற்கு ஒடிசா கடற்கரை பகுதியை நெருங்கும்.

இதன் காரணமாக தமிழகத்தில் இன்று 21 மாவட்டங்களில் கனமழைக்கு வாய்ப்புள்ளது. நீலகிரி, கோவை, தர்மபுரி, கிருஷ்ணகிரி, திண்டுக்கல், புதுக்கோட்டை, திருவாரூர், நாகை, மயிலாடுதுறை, பெரம்பலூர், அரியலூர், கள்ளக்குறிச்சி, விழுப்புரம், திருவண்ணாமலை, சிவகங்கை, தஞ்சாவூர், மதுரை, கடலூர், திருப்பத்தூர், வேலூர், திருச்சி ஆகிய மாவட்டங்களிலும், புதுச்சேரி மற்றும் காரைக்கால் பகுதிகளிலும் இன்று இடி, மின்னல், பலத்த காற்றுடன் கூடிய கனமழை பெய்ய வாய்ப்புள்ளது.

சென்னையில் அடுத்த 2 நாட்களுக்கு இடி, மின்னலுடன் கூடிய மிதமான மழை பெய்யக்கூடும்.

இவ்வாறு செய்திக் குறிப்பில் தெரிவிக்கப்பட்டுள்ளது.

ஒருநாள் நடைபெற்ற இந்த மாநாட்டில், பெண்களின் சுகாதாரம் சார்ந்த பல்வேறு அம்சங்கள் குறித்து மருத்துவ நிபுணர்கள் கலந்துரையாடினர். நோய்த் தடுப்பு, நவீன மருத்துவ அணுகுமுறைகள், நீண்ட ஆயுள் மற்றும் பெண்களின் மாறிவரும் மருத்துவத் தேவைகள் ஆகியவை முக்கியமாக விவாதிக்கப்பட்டன. டாக்டர் இர்ஃபானா மற்றும் Be The One நிறுவனத்திற்கு ஒரு முக்கியமான புதிய அத்தியாயத்தையும் இந்த மாநாடு தொடங்கி வைத்தது. Be The One Longevity –Women என்ற பிரத்யேக ஃபெம்டெக் முயற்சியும் HER மாநாட்டில் அறிமுகப்படுத்தப்பட்டது. பெண்கள் தங்களது உடல்நலன் பற்றி அதிக விழிப்புணர்வுடனும் பொறுப்புடனும் செயல்பட உதவும் வகையில் இது உருவாக்கப்பட்டது.

HER மாநாட்டின்போது இதனை டாக்டர் இர்ஃபானா அறிமுகப்படுத்தினார். மாநாட்டிற்குத் தலைமை வகித்த நேச்சுரல்ஸ் சலூன் நிறுவனத்தின் நிறுவனர் சி.கே. குமரவேல், இதனைத் தொடங்கி வைத்தார். பெண்களின் உடல்நலம் தொடர்பான தகவல்கள் மற்றும் கண்காணிப்பு வசதிகளை ஒரே தளத்தில் ஒருங்கிணைக்கும் நோக்கில் இந்த தளம் உருவாக்கப்பட்டுள்ளது. இதன் அடுத்தகட்ட வளர்ச்சியில் மாதவிடாய் சுழற்சி கண்காணிப்பு, அணியக்கூடிய தொழில்நுட்பங்கள் மற்றும் கூடுதல் உடல்நலக் கண்காணிப்பு வசதிகள் உள்ளிட்டவை இணைக்கத் திட்டமிடப்பட்டுள்ளது.

பெண்கள் தங்களது உடல்நலன் குறித்த தகவல்களை தெளிவாக அறிந்துகொள்ளவும், அதன் அடிப்படையில் அதிக விழிப்புணர்வுடன் முன்னெச்சரிக்கை நடவடிக்கைகள் எடுத்து, உடல்நலனை பேணிக்காக்க தொழில்நுட்பத்தைப் பயன்படுத்த வேண்டும் என்ற டாக்டர் இர்ஃபானாவின் தொலைநோக்குப் பார்வையை இந்த முயற்சி பிரதிபலிக்கிறது.

இது குறித்து டாக்டர் இர்ஃபானா ஹமீத் பகிர்ந்து கொண்டதாவது, “பெண்களின் உடல்நலனை தனித்தனியாகப் பார்க்க முடியாது. ஒரு பெண்ணின் வாழ்க்கையின் ஒரு கட்டத்தில் ஏற்படும் மாற்றங்கள், அடுத்த கட்டத்திலும் தாக்கத்தை ஏற்படுத்தக்கூடும். அதனால்தான் உடல்நலமும் நீண்ட ஆயுளும் ஒன்றாக இருக்க வேண்டும். HER மாநாட்டின் மூலம் பல்வேறு மருத்துவத் துறைகளை ஒரே தளத்தில் இணைக்கிறோம். அதே நேரத்தில், தொழில்நுட்பம் மற்றும் நீண்ட ஆயுளுக்கான மருத்துவ அணுகுமுறைகளைப் பயன்படுத்தி பெண்களுக்கான சுகாதாரத்தை மேலும் ஒருங்கிணைந்ததாக மாற்றும் அடுத்தகட்ட முயற்சியையும் தொடங்குகிறோம்” என்றார்.

ஃபெம்டெக்குடன் இணைந்து, Be The One நிறுவனத்தில் பெண்களுக்கான பிரத்யேக Women’s Longevity பிரிவுகளையும் டாக்டர் இர்ஃபானா அறிமுகப்படுத்தினார். இதன் மூலம் பெண்களுக்கான நோய்த் தடுப்பு சுகாதாரம் மற்றும் ஹெல்தி ஏஜிங் தொடர்பான சேவைகளில் நிறுவனம் கவனம் செலுத்தும். பெண்களின் உடல்நலத் தேவைகள் காலப்போக்கில் எவ்வாறு மாறுகின்றன என்பதைப் பல்வேறு மருத்துவத் துறைகளைச் சேர்ந்த நிபுணர்கள் இந்த மாநாட்டில் ஆராய்ந்தனர். நோய்த் தடுப்பு, நவீன மருத்துவ அணுகுமுறைகள், நீண்ட ஆயுள் மற்றும் ஆரோக்கியமான முதுமை உள்ளிட்ட பல்வேறு அம்சங்கள் குறித்தும் கலந்துரையாடப்பட்டது. பெண்களின் வாழ்க்கையின் வெவ்வேறு கட்டங்களையும் கருத்தில் கொண்டு, அவர்களது உடல்நலனை மேலும் விரிவான மற்றும் ஒருங்கிணைந்த பார்வையில் அணுக வேண்டியதன் அவசியத்தையும் இந்த மாநாடு வலியுறுத்தியது.

“நான் சோர்ந்துவிட்டேன், நான் நின்றுவிட்டேன், நான் தோற்றுவிட்டேன்…” என்ற ராஷ்மிகாவின் கம்பீரமான பின்னணிக் குரலுடன் டீசர் தொடங்குகிறது. சமூகத்தின் அனைத்துத் தடைகளையும் தகர்த்தெறிந்து, தனி ஒரு போராளியாக நின்று களம் காணும் அஞ்சாத ஒரு பெண்ணாக ராஷ்மிகா இதில் சித்தரிக்கப்பட்டுள்ளார். இந்த போரில் அவர் வெறும் போராளி மட்டுமல்ல; போரின் போக்கையே தீர்மானிக்கும் பேராயுதமாக உருவெடுக்கிறார்.

கோண்ட் பழங்குடியினப் பெண்ணாக (Gond tribal woman) நடித்துள்ள ராஷ்மிகா, இந்த கதாபாத்திரத்திற்காக கடுமையான உடற்பயிற்சிகளையும் சண்டை பயிற்சிகளையும் மேற்கொண்டுள்ளார். பைக் ரேசிங் சாகசங்கள் முதல் ஆபத்தான நீருக்கடியிலான சண்டை காட்சிகள் (Underwater sequences) வரை அனைத்திலும் துணிச்சலாக நடித்து அசத்தியுள்ளார். குறிப்பாக, கையில் அரிவாளுடன் நீருக்கடியில் அவர் வீற்றிருக்கும் காட்சி ரசிகர்களுக்கு சிலிர்ப்பை ஏற்படுத்தும் வகையில் அமைந்துள்ளது.

இயக்குநர் ரவீந்திரா புல்லேவின் பிரம்மாண்ட கற்பனையை, ஒளிப்பதிவாளர் ஸ்ரேயாஸ் பி. கிருஷ்ணாவின் அசத்தலான ஒளிப்பதிவும், சர்வதேச சண்டை பயிற்சியாளர் கெச்சாவின் கூர்மையான சண்டை வடிவமைப்புடன் ஜேக்ஸ் பிஜோயின் மிரட்டலான பின்னணி இசையும் சர்வதேச தரத்திற்கு உயர்த்தியுள்ளன.

தமிழ், தெலுங்கு, இந்தி, கன்னடம் மற்றும் மலையாளம் ஆகிய 5 மொழிகளில் ஒரே நேரத்தில் நவம்பர் 27, 2026 அன்று இத்திரைப்படம் உலகம் முழுவதும் திரையரங்குகளில் வெளியாகவுள்ளது.

மைசா திரைப்படத்தில் ராஷ்மிகா மந்தானா, ஈஸ்வரி ராவ், ராகுல் ரவீந்திரன், சமுத்திரக்கனி, ராவ் ரமேஷ், குரு சோமசுந்தரம், சிவா கந்துகுரி, கார்த்திக் ரஞ்சனி, தாரக் பொன்னப்பா, நிதி சிங் மற்றும் பலர் முக்கிய கதாபாத்திரங்களில் நடித்துள்ளனர்.

Celebration Van-ல் அமைக்கப்பட்டுள்ள Confession Room ரசிகர்களின் முக்கிய ஈர்ப்பாக மாறியுள்ளது. இதில் ரசிகர்கள் தங்களது Confession-களை பகிர்ந்து கொள்வதுடன், மகிழ்ச்சியாக நேரத்தை செலவிட்டு, தற்போது ஒளிபரப்பாகி வரும் Bigg Boss Tamil Season 10 குறித்த தங்களது கருத்துகள் மற்றும் ஆலோசனைகளையும் பகிர்ந்து வருகின்றனர்.

குழந்தைகள், பெரியவர்கள், மூத்த குடிமக்கள் என அனைத்து தரப்பினரும் Bigg Boss Tamil Celebration Van-ஐ நேரில் பார்த்து, அதில் பங்கேற்று மகிழ்ந்து வருகின்றனர். இதுவரை சுமார் 5,000 பேர் Bigg Boss Celebration Van அனுபவத்தைப் பெற்றுள்ளனர். இது நிகழ்ச்சிக்கு ரசிகர்கள் மத்தியில் உள்ள வலுவான வரவேற்பையும், Bigg Boss Tamil Season 10 மீதான ஆர்வத்தையும் வெளிப்படுத்துகிறது. வரும் நாட்களில் Celebration Van மேலும் பல நகரங்களுக்கு தனது பயணத்தைத் தொடர உள்ளது.

அடுத்தகட்ட பயண இடங்கள்:

திருச்சி
18 செப் – தில்லைநகர் மெயின் ரோடு
19 செப் – கே.கே.நகர் மெயின் ரோடு
20 செப் – உறையூர் மெயின் ரோடு
21 செப் – கண்டோன்மென்ட்–வில்லியம்ஸ் ரோடு

மதுரை
22 செப் – கே.கே.நகர் மெயின் ரோடு
23 செப் – மாட்டுத்தாவணி–மேலூர் ரோடு சர்வீஸ் ஸ்ட்ரெட்ச்
24 செப் – காளவாசல்–பைபாஸ் ரோடு சர்வீஸ் ஸ்ட்ரெட்ச்
25 செப் – தல்லாகுளம்–அழகர் கோவில் ரோடு
26 செப் – பைபாஸ் ரோடு–பொன்மேனி ஸ்ட்ரெட்ச்

திருநெல்வேலி
27 செப் – வண்ணாரப்பேட்டை பைபாஸ் ரோடு
28 செப் – பாளையங்கோட்டை ஹை கிரவுண்ட் ரோடு
29 செப் – திருநெல்வேலி புதிய பேருந்து நிலைய சர்வீஸ் ரோடு

Bigg Boss Tamil Season 10-ஐ தினமும் இரவு 9:30 மணிக்கு விஜய் டிவியில் காணலாம். JioHotstar-ல் எப்போது வேண்டுமானாலும் ஸ்ட்ரீம் செய்யலாம். Bigg Boss வீட்டின் 24×7 நேரலை ஒளிபரப்பையும் JioHotstar-ல் காணலாம்.

Kichcha’s Kings Bengaluru அணியின் Aris Kyriakou, இந்த சுற்றில் மூன்று முறை மேடையைப் பிடித்து சாம்பியன்ஷிப் முன்னிலையைத் தக்கவைத்தார். Sambudla-வின் இரண்டு வெற்றிகளும் அவரை புள்ளிப்பட்டியலில் முன்னிலை வகிக்கும் Kyriakou-வை நெருங்கச் செய்துள்ளன.

பந்தயம் 1 | Sambudla-வின் இரண்டாவது வெற்றி

Goa Aces JA Racing அணியின் Luviwe Sambudla, துருவ நிலையில் இருந்து தொடங்கி முன்னிலை மாறாமல் பந்தயத்தை நிறைவு செய்து, 2026 F4 சாம்பியன்ஷிப்பில் தனது இரண்டாவது வெற்றியைப் பதிவு செய்தார். Kichcha’s Kings Bengaluru அணியின் Aris Kyriakou இரண்டாவது இடத்தையும், Speed Demons Delhi அணியின் Ntiyiso Mabunda மூன்றாவது இடத்தையும் பிடித்தனர். Godspeed Kochi அணியின் Mahlori Mabunda நான்காவது இடத்தைப் பிடித்தார்.

Ahmedabad Apex Racers அணியின் Mathias Alexander Forland, Aditya-வுடன் மோதியதைத் தொடர்ந்து பாதுகாப்பு வாகனம் களமிறக்கப்பட்டது. மறுதொடக்கத்திற்குப் பிறகும் Sambudla தனது முன்னிலையைத் தக்கவைத்ததுடன், பந்தயத்தின் அதிவேக சுற்றையும் பதிவு செய்தார்.

பந்தயம் 2 | Bhuvan Bonu வெற்றி

Hyderabad Blackbirds அணியின் Bhuvan Bonu, reverse-grid pole நிலையில் இருந்து தொடங்கி பந்தயத்தில் வெற்றி பெற்றார். முதல் திருப்பத்தில் Kolkata Royal Tigers அணியின் Aaron Mehta மற்றும் Sambudla இடையே மோதல் ஏற்பட்டது. இதனால் Sambudla சரளைப் பகுதிக்குச் சென்று steering சேதமடைந்ததால் பந்தயத்திலிருந்து விலகினார்.

Mahlori Mabunda பந்தயத்தை இரண்டாவது இடத்தில் நிறைவு செய்தபோதிலும், அவருக்கு ஐந்து இடங்கள் பின்தள்ளும் தண்டனை வழங்கப்பட்டது. இதனால் அவர் ஏழாவது இடத்திற்குத் தள்ளப்பட்டார். Ntiyiso Mabunda இரண்டாவது இடத்திற்கு முன்னேறினார். Kyriakou மூன்றாவது இடத்தைப் பிடித்தார். Kichcha’s Kings Bengaluru அணியின் Enzo Rujugiro மற்றும் Goa Aces JA Racing அணியின் Aaryan Narola ஆகியோர் முதல் ஐந்து இடங்களை நிறைவு செய்தனர்.

பந்தயம் 3 | Sambudla மீண்டும் வெற்றி

Race 2-ல் பந்தயத்திலிருந்து விலகிய Sambudla, மூன்றாவது பந்தயத்தில் சிறப்பாகத் திரும்பி வந்து, இந்த சுற்றின் தனது இரண்டாவது வெற்றியைப் பதிவு செய்தார். Kyriakou இரண்டாவது இடத்தையும், Kolkata Royal Tigers அணியின் Swarnav Das மூன்றாவது இடத்தையும் பிடித்தனர்.

Chennai Turbo Riders அணியின் Sai Aditya, 10வது இடத்தில் இருந்து தொடங்கி சிறப்பான தொடக்கத்தைப் பதிவு செய்தார். Aaryan Narola டயர் பஞ்சர் காரணமாக பந்தயத்திலிருந்து விலகினார். Aaron Mehta பிரேக் கோளாறு காரணமாக பந்தயத்தை நிறைவு செய்ய முடியவில்லை.

இரண்டு சுற்றுகள் நிறைவடைந்த நிலையில், Kyriakou 93 புள்ளிகளுடன் சாம்பியன்ஷிப் புள்ளிப்பட்டியலில் முதலிடத்தில் உள்ளார். Sambudla 88 புள்ளிகளுடன் இரண்டாவது இடத்திலும், Bonu 51 புள்ளிகளுடன் மூன்றாவது இடத்திலும் உள்ளனர். Mahlori Mabunda மற்றும் Aaron Mehta முறையே 46 மற்றும் 42 புள்ளிகளுடன் நான்காவது மற்றும் ஐந்தாவது இடங்களில் உள்ளனர்.

F4 இந்திய சாம்பியன்ஷிப் அடுத்த சுற்றுக்காக சென்னையில் உள்ள Madras International Circuit (MIC)-க்கு செல்கிறது. சாம்பியன்ஷிப்பில் இன்னும் நான்கு சுற்றுகள் மீதமுள்ளன.