கூட்டத்தில் முதலமைச்சர் மு.க.ஸ்டாலின் பேசுகையில், “தமிழ்நாட்டின் தலைமகன், நம்மையெல்லாம் ஆளாக்கிய ஒப்பற்ற தலைவர் பேரறிஞர் பெருந்தகை அறிஞர் அண்ணா பிறந்த காஞ்சி மண்ணிற்கு வாக்கு கேட்டு மறைமலைநகருக்கு நான் வந்திருக்கிறேன்.

காஞ்சிபுரம் மற்றும் செங்கல்பட்டு மாவட்டத்தில், எந்தப் பக்கம் திரும்பினாலும் தொழிற்சாலைகள், எங்கு பார்த்தாலும் இளைஞர்களுக்கு வேலை வாய்ப்புகள். இங்கு தொழிற்சாலைகளை எல்லாம் கொண்டு வந்தது யார் ? திமுக.

தொழிற்சாலைகள் மட்டுமா, வளமான வயல்கள், நிறைவான நீராதார்ம என இருக்கும் ஒருங்கிணைந்த காஞ்சிக்கு அதரவு கேட்க வந்திருக்கிறேன்.

திமுக என்றால், வளர்ச்சி. திமுகவின் வளர்ச்சித் திட்டங்களைத் தெரிந்து கொள்ள தலைநகர் சென்னையையும், சுற்றியிருக்கும் காஞ்சிபுரம், செங்கல்பட்டு பகுதிகளையும் சுற்றி வந்தாலே நன்றாகத் தெரிந்துவிடும்.

2021-இல் உங்கள் ஆதரவுடன் தமிழ்நாட்டை மீட்டெடுத்து, இன்றைக்கு இந்தியாவில் நம்பர் ஒன் மாநிலமாக தமிழ்நாட்டை உயர்த்தியிருக்கிறோம். இந்தியாவுக்கே வழிகாட்டும் மாடல், திராவிட மாடல் தான் என்று சொல்லும் அளவுக்கு, மாநிலத்தையே தலைநிமிர வைத்திருக்கிறோம்.

இந்த வளர்ச்சியை சிலரால் பொறுத்துக் கொள்ல முடியவில்லை. அதிலும் எதிர்க்கட்சித் தலைவராக இருக்கும் பழனிசாமி அவர்கள், அவதூறுகளை மட்டுமே பேசிக் கொண்டிருக்கும் அவர், இப்போது திடீரென்று என்னுடைய மரணத்தை விரும்பி பேசியிருக்கிறார்.

மாதந்தோறும் உரிமைத்தொகை கொடுத்து, ஒரு கோடியே 31 லட்சம் மகளிருக்கு துணை நிற்கும் நான், இல்லாமல் போக வேண்டுமாம். முதல் நாள் முதல் கையெழுத்துப் போட்டு, மகளிர் அனைவரும் கட்டணமில்லாமல் விடியல் பயணம் செய்யலாம் என்று உத்தரவிட்ட இந்தக் கை, மண்ணுக்குள் போக வேண்டுமாம்.

பழனிசாமி அவர்களே, இந்த உலகத்தில் மரணத்தைச் சந்திக்காத எந்த மனிதரும் இல்லை, யாராக இருந்தாலும் மரணம் ஒருநாள் நிச்சயம் வந்தே தீரும். இந்த ஸ்டாலினுக்கும் மரணம் வரும், மண்ணில் புதைப்பார்கள்.

ஆனால், சவால் விட்டுச் சொல்கிறேன், இந்த ஸ்டாலின் கொண்டு வந்திருக்கும் திட்டங்களை, மண்ணில் புதைக்கும் துணிச்சல் ஒருவருக்கும் வராது, அது தான் உண்மை. இந்தத் திட்டங்கள் இருக்கும் வரை, இந்த ஸ்டாலின் தான் தமிழ்நாட்டை ஆள்வான்!” என்று தெரிவித்தார்.

ஏப்ரல் 25 ஆம் தேதி வரை ஆசிரியர்கள் மட்டும் பள்ளிக்கு வருகை புரிய வேண்டும். கோடை விடுமுறைக்கு பின் ஜூன் 1 ஆம் தேதி அனைத்து பள்ளிகளும் திறக்கபப்டும், என்று பள்ளிக்கல்வித்துறை அறிவித்துள்ளது.

தமிழக சட்டமன்றத் தேர்தல் ஏப்ரல் 23 ஆம் தேதியன்று நடைபெற உள்ளது. பள்ளிகள் வாக்குச்சாவடி மையங்களாகப் பயன்படுத்தப்பட உள்ளதால், தேர்தல் பணிகளுக்காகத் தேர்வுகளை முன் கூட்டியே முடித்து விடுமுறை அளிக்க அரசு திட்டமிட்டுள்ளது.

இது குறித்து அவரது தந்தை வீராசாமி லால்குடி காவல் நிலைய போலீசாரிடம் புகார் அளித்தார். அதன் பேரில் லால்குடி காவல் நிலைய வழக்கு பதிவு செய்து விசாரணை மேற்கொண்டு வருகின்றனர்.

இதேபோல், ராமஜிநகர் நியூ காட்டூர் அருகே கஞ்சா விற்ற ராம்ஜிநகர் மில் காலனியை சேர்ந்த சின்னப்பொண்ணு (வயது 77) என்ற பாட்டியை போலீசார் கைது செய்து 80 கிராம் கஞ்சாவை பறிமுதல் செய்தனர்.

இந்தியப் பெருங்கடல் பிராந்தியத்தில் பாதுகாப்பை உறுதிப்படுத்தவும், நட்பு நாடுகளின் கடற்படைகளுடன் நல்லுறவை வளர்க்கவும் மேற்கொள்ளப்படும் நீண்ட தூரப் பயணத்தின் ஒரு பகுதியாக இந்தப் பயணம் அமைந்துள்ளது. மொம்பசாவில் தங்கியிருக்கும் காலப்பகுதியில், இந்தியக் கடற்படை அதிகாரிகள் கென்யப் பாதுகாப்புப் படையினருடன் இணைந்து கூட்டுப் பயிற்சி, தொழில்முறைப் பரிமாற்றங்கள் மற்றும் இருநாட்டு உறவை வலுப்படுத்தும் பல்வேறு நிகழ்வுகளில் ஈடுபட உள்ளனர்.

கடற்கொள்ளையர் தடுப்பு மற்றும் கடல்சார் பாதுகாப்பில் இந்தியாவின் பங்களிப்பை இந்தப் பயணம் மீண்டும் உறுதிப்படுத்துவதுடன், ஆப்பிரிக்க நாடுகளுடனான இந்தியாவின் ஆழமான நட்புறவுக்குச் சான்றாகவும் அமைகிறது.

தமிழகத்தில் சட்டம் ஒழுங்கு முற்றிலும் சீர்குலைந்துவிட்டதாகவும், போதைப்பொருள் புழக்கம் அதிகரித்துள்ளதாகவும் குற்றம்சாட்டிய அவர், காவல்துறை மூலம் மக்களை அச்சுறுத்தும் போக்கை திமுக கையாளுவதாகவும் விமர்சித்தார்.

ஒரு குடும்பத்தின் பிடியில் உள்ள திமுக, மத்திய அரசின் நலத்திட்டங்களைத் தமிழக மக்களுக்குச் சரியாகக் கொண்டு சேர்க்காமல் முட்டுக்கட்டைப் போடுவதாகக் குறிப்பிட்ட அவர், மணல் மற்றும் மது மாஃபியாக்களின் கூடாரமாக மாநிலம் மாறியிருப்பதாகக் கூறி வரும் ஏப்ரல் 23-ஆம் தேதி நடைபெறவுள்ள தேர்தலில் தேசிய ஜனநாயகக் கூட்டணிக்கு ஆதரவு கோரினார்.

ஏற்கனவே 2026 ஜனவரியில் சுமார் 16,000 ஊழியர்களை அந்நிறுவனம் நீக்கியிருந்த நிலையில், தற்போது வெளியாகியுள்ள இந்தச் செய்தி அதன் கார்ப்பரேட் ஊழியர்களிடையே பெரும் கலக்கத்தை ஏற்படுத்தியுள்ளது.

குறிப்பாக நடுத்தர மேலாண்மைப் பொறுப்புகளில் உள்ள வெள்ளை காலர் பணியாளர்கள் மற்றும் AWS, ரீடைல் போன்ற பிரிவுகளில் இந்தப் பாதிப்பு இருக்கலாம் என்று கூறப்படுகிறது.

செயற்கை நுண்ணறிவு (AI) தொழில்நுட்பத்தின் வளர்ச்சி மற்றும் நிறுவனக் கட்டமைப்பைச் சீரமைக்கும் நோக்கில் இந்த அதிரடி நடவடிக்கைகள் எடுக்கப்படுவதாகப் பொருளாதார நிபுணர்கள் கருதினாலும், அமேசான் தரப்பில் இந்தச் செய்திகள் முற்றிலும் உண்மைக்குப் புறம்பானவை என்று விளக்கம் அளிக்கப்பட்டுள்ளது.

பள்ளிகளில் கல்வி கற்கும் சூழலைப் பாதுகாக்கவும், ஒழுக்கத்தை நிலைநாட்டவும், கல்வி நிறுவனங்களின் கண்ணியத்தைக் காக்கவும் இந்த முடிவு எடுக்கப்பட்டுள்ளதாகத் தெரிவிக்கப்பட்டுள்ளது.

பொழுதுபோக்கு நோக்கத்திற்காகப் பள்ளி வளாகத்திற்குள் வீடியோக்கள் எடுக்கப்படுவதால் மாணவர்களின் கவனம் சிதறுவதாகவும், கற்றல் கற்பித்தல் பணிகள் பாதிக்கப்படுவதாகவும் வந்த புகார்களைத் தொடர்ந்து இந்த சுற்றறிக்கை அனுப்பப்பட்டுள்ளது.

இருப்பினும், கல்வி சார்ந்த அல்லது விழிப்புணர்வு தொடர்பான வீடியோக்களை முறையான அனுமதி பெற்று, ஒரு ஆசிரியரின் மேற்பார்வையில் மட்டும் எடுக்கலாம் எனத் தளர்வு அளிக்கப்பட்டுள்ளது. மீறுபவர்கள் மீது கடுமையான நடவடிக்கை எடுக்கப்படும் என்றும் எச்சரிக்கை விடுக்கப்பட்டுள்ளது.

இந்த நிலையில், இந்த சோதனை குறித்து சில ஊடகங்களில் தவறான செய்திகள் வெளியானதை தொடர்ந்து, இது குறித்து பத்திரிகையாளர்களுக்கு நேரடியாக விளக்கம் அளித்த ஜாபர் சாதிக், கூறியதாவது:

என்னைச் சுற்றி பரவி வரும் பல தவறான தகவல்களுக்கு நேராக பதில் சொல்ல வேண்டிய அவசியம் ஏற்பட்டதால் தான், உங்கள் முன் வந்திருக்கிறேன். 6 ஆம் தேதி காலை சுமார் 6 மணியளவில் அதிகாரிகள் என் வீட்டுக்கு வந்தார்கள். அந்த சோதனை 8 ஆம் தேதி அதிகாலை 3 மணி வரை நீண்டது. வீடு முழுவதும் அவர்கள் முழுமையாகச் சோதனை செய்தார்கள். அவர்கள் தேடி வந்த எந்த விஷயத்துக்கும் எனக்கு சம்பந்தமே இல்லை. எதுவும் கிடைக்கவில்லை. இறுதியில் அவர்கள் “Nil Seizure” என்று பதிவு செய்து சென்றார்கள்.

தேர்தல் பணம் அல்லது வேறு ஏதாவது தொடர்பாக வந்திருந்தாலும், எதுவும் இல்லை என்று உறுதிப்படுத்தி சென்றார்கள். ஆனால் சில மீடியாவில் ஆயிரக்கணக்கான கோடிகள் கைப்பற்றப்பட்டது என்று செய்திகள் வெளியாகின. அது முற்றிலும் தவறு. நடந்ததை மட்டுமே உண்மையாக சொல்ல வேண்டும், இல்லாததை உருவாக்கி பேசுவது எங்களுக்கு பெரும் பாதிப்பை ஏற்படுத்துகிறது. எனக்கும் ஒரு குடும்பம் இருக்கிறது, என் குழந்தைகள் பள்ளிக்குச் செல்கிறார்கள். இப்படி வரும் செய்திகள் அவர்களையும் பாதிக்கிறது.

இதற்கு முன்பே IT நோட்டீஸ் வந்தது. அதற்கு என் ஆடிட்டரும், வழக்கறிஞர்களும் பதில் அளித்து தொடர்ந்து செயல்பட்டு வந்தார்கள். அந்த நிலைமையிலேயே மீண்டும் சோதனை நடந்தது ஏன் என்று எனக்கு தெரியவில்லை. தேர்தல் நேரம் என்பதால் இப்படிச் நடந்திருக்கலாம் என்று நினைக்கிறேன். அதிகாரிகள் கேட்ட அனைத்து கேள்விகளுக்கும் நாங்கள் முழுமையாக பதில் அளித்தோம். அவர்கள் திருப்தியுடன் சென்றார்கள். என்சிபி மற்றும் தேர்தல் அதிகாரிகளும் வந்து சோதனை செய்தார்கள். அவர்களும் எதுவும் இல்லை என்று கூறி சென்றார்கள். நான் எதையும் மறைக்கவில்லை. என்னிடம் உள்ள அனைத்தும் சட்டப்படி தான் இருக்கிறது.

டெல்லி வழக்கு குறித்து பேச வேண்டுமென்றால், அது தற்போது கோர்ட்டில் நடைபெற்று வருகிறது. நான் சட்டப்படி அந்த வழக்கை தொடர்ந்து பின்பற்றி வருகிறேன். என் லீகல் டீமும் அதைப் பார்த்துக்கொண்டு இருக்கிறது. அந்த வழக்குக்கும் எனக்கும் எந்த தொடர்பும் இல்லை என்பதை தெளிவாகச் சொல்கிறேன். இரண்டு ஆண்டுகளாக அந்த வழக்கு நீண்டு கொண்டே இருக்கிறது. இது கோர்ட்டில் நடக்கும் ஒரு சாதாரண நடைமுறை. தீர்ப்பு வந்தவுடன் நான் நேரடியாக உங்களிடம் பகிர்வேன். அதற்கு முன்பே பெரிய தொகைகள் கூறி என்னை குற்றம் சாட்டுவது சரியல்ல. என் தொடர்புடைய எந்த இடத்திலும் ஒரு கிராம் கூட தவறான பொருள் கிடைக்கவில்லை. நான் தற்போது எந்த அரசியல் கட்சியிலும் இல்லை. அரசியலிலிருந்து விலகி இருக்கிறேன். யாருக்கும் நான் பண உதவி செய்யவில்லை. பாண்டிச்சேரி அல்லது சென்னை என்று எங்கும் நான் பணம் கொடுத்ததில்லை. நான் என் குடும்பம், வேலை, மற்றும் கோர்ட் விஷயங்களில் மட்டுமே கவனம் செலுத்தி வருகிறேன். கடந்த சில நாட்களில் பல துறைகள் என்னை விசாரித்துள்ளன. அதில் IT துறை மட்டும் முறையாகவும் தெளிவாகவும் செயல்பட்டது. மற்ற துறைகளும் வந்து சோதனை செய்து எதுவும் இல்லை என்று கூறி சென்றன. என் வீட்டில் சாதாரண குடும்ப செலவுக்கான சுமார் 40,000 ரூபாய் மட்டுமே இருந்தது. அதற்கும் மேலாக எந்தப் பெரிய தொகையும் இல்லை. இதை தயவுசெய்து சரியாக பதிவு செய்யுங்கள்.

தவறான தகவல்களை பரப்ப வேண்டாம் என்று நான் கேட்டுக்கொள்கிறேன். என்னை ஒரு கருவியாக பயன்படுத்த வேண்டாம். நான் அமைதியாக இருக்க விரும்புகிறேன். என் நிலையை புரிந்து கொண்டு தேவையற்ற பிரச்சனைகளை உருவாக்க வேண்டாம்.

நான் தற்போது என் பட வேலைகளில் கவனம் செலுத்தி வருகிறேன். விரைவில் என் தயாரிப்பில் உருவாகும் ’மங்கை’ மற்றும் ’இறைவன் மிகப்பெரியவன்’ திரைப்படங்களை உங்களிடம் கொண்டு வருகிறேன். நன்றி.

இவ்வாறு அவர் தெரிவித்தார்.

இது தொடர்பான புரிந்துணர்வு ஒப்பந்தம் (MoU), சென்னைஸ் அமிர்தா குழுமத்தின் தலைவர் திரு. பூமிநாதன், மலேசியாவின் யுனிவர்சிட்டி காலேஜ் ஆஃப் ஏவியேஷனின் டீன் திரு. உமர் அப்தில்லா அன்வர், மலேசியாவின் ஃபியூச்சர் ட்ரீம் அகாடமியின் தலைவர் திரு. கலையரசன் மற்றும் தலைமைச் செயல் அதிகாரி திரு. ஜெய்நானக் சிங் ஆகியோர் முன்னிலையில் இன்று கையெழுத்தானது. இந்நிகழ்வில் சென்னைஸ் அமிர்தா இன்டர்நேஷனல் ஏவியேஷன் கல்லூரியின் தலைமை செயல்பாட்டு அதிகாரி திருமதி. பானுமதி, டீன் திரு. சுரேன், ஏவியேஷன் துறை பேராசிரியர் திரு. அருண் மற்றும் கல்லூரி முதல்வர் டாக்டர். ராகுல் ஆகியோரும் கலந்து கொண்டனர்.

இந்தக் கூட்டாண்மையின் ஒரு பகுதியாக, சர்வதேச விமானப் போக்குவரத்து நிபுணர்கள் கலந்துகொண்ட நான்கு நாள் சர்வதேசப் பயிற்சி முகாம் ஏப்ரல் 6 முதல் 9, 2026 வரை சென்னையில் நடைபெற்றது. விமானப் போக்குவரத்துத் துறையில் அனுபவம் வாய்ந்த நிபுணர்கள் மற்றும் UniCAM-ன் முன்னாள் மாணவர்கள் கலந்துகொண்ட இந்நிகழ்வில், சிறப்பு விரிவுரைகள் மற்றும் பயிலரங்குகள் இடம்பெற்றன. ஏவியேஷன் 4.0 மற்றும் டிஜிட்டல் மாற்றம், விமானப் போக்குவரத்தில் செயற்கை நுண்ணறிவின் (AI) வளர்ந்து வரும் பங்கு, விமான நிலைய செயல்பாடுகள் மற்றும் விமான சேவை மேலாண்மையில் சமீபத்திய புத்தாக்கங்கள், மற்றும் விமானப் போக்குவரத்துத் துறையில் புதிதாக உருவாகி வரும் வேலைவாய்ப்புகள் ஆகிய தலைப்புகளில் இப்பயிற்சி முகாம் மாணவர்களுக்குச் சிறந்ததொரு தளமாக அமைந்தது.

சென்னைஸ் அமிர்தா குழுமத்தின் தலைவர் திரு. ஆர். பூமிநாதன் இது தொடர்பாகக் கூறியதாவது: “தென்னிந்தியாவைத் தொடர்ந்து வடஇந்தியாவிலும் கால் பதித்து, முதல் கல்லூரியை கூடிய விரைவில் புது டெல்லியில் திறக்கப்படும். மாணவர்களது கல்விப் பயணத்தின் ஒரு அங்கமாகச் சர்வதேச விமான நிலையங்களில் பயிற்சித் திட்டத்தை வழங்கும் வெகுசில கல்லூரிகளுள் எங்கள் கல்லூரியும் ஒன்று என்பதில் நாங்கள் பெருமிதம் கொள்கிறோம். சர்வதேச அளவில் பல்வேறு நிறுவனங்களுடன் நாங்கள் மேற்கொண்டிருக்கும் கூட்டாண்மைகள் மற்றும் நிஜமான விமான மாதிரி, சிறிய அளவிலான விமான நிலையம் உள்ளிட்ட எங்களின் சிறப்புக் கட்டமைப்பு வசதிகள் மாணவர்களுக்கு நடைமுறை வழியிலான கற்றலைச் சாத்தியமாக்குகின்றன. இதன் மூலம் விமானவியல் துறையில் பணியாற்றுவதற்கேற்ற சிறந்த திறன் கொண்டவர்களாக எமது மாணவர்கள் உருவாக்கப்படுகின்றனர்,” என்றார்.

விமானப் போக்குவரத்துத் துறையில் அதிகரித்து வரும் வேலைவாய்ப்புகளைச் சுட்டிக்காட்டிய அவர், 2035-ஆம் ஆண்டிற்குள் விமானிகள், கேபின் பணியாளர்கள், பொறியாளர்கள் மற்றும் விமானநிலையத்தில் தரைத்தள பணியாளர்கள் போன்ற பணிகளுக்குத் தகுதியும் திறமையும் வாய்ந்த சுமார் 1.5 முதல் 2 லட்சம் பணியாளர்கள் தேவைப்படுவார்கள் என்பதையும் குறிப்பிட்டார்.

சென்னைஸ் அமிர்தா ஏவியேஷன் கல்லூரியின் ஒரு பகுதியான இந்நிறுவனம், உலகளவில் அங்கீகரிக்கப்பட்ட கல்வித் திட்டங்களை வழங்குகிறது. விமானப் போக்குவரத்தில் இளங்கலைப் பட்டம் (3 ஆண்டுகள்); பி.எஸ்சி ஏர் டிரான்ஸ்போர்ட் மற்றும் ஏவியேஷன் & டூரிசம் மேனேஜ்மென்ட் டிப்ளமோ படிப்புகள் இதில் அடங்கும். இந்தப் புரிந்துணர்வு ஒப்பந்தத்தின்படி, மூன்றாண்டு காலப் பட்டம் மற்றும் டிப்ளமோ படிப்புகளில் சேரும் மாணவர்கள் தங்களது முதல் இரண்டு ஆண்டுகளைச் சென்னையில் உள்ள சென்னைஸ் அமிர்தா வளாகத்தில் முடிப்பார்கள். அதன்பிறகு அவர்கள் மலேசியாவிற்குச் செல்வார்கள். இறுதி ஆண்டில், UniCAM-ல் ஆறு மாத காலக் கல்விப் பயிற்சியும், மலேசிய விமான நிலையங்களில் ஆறு மாத கால உள்ளகப் பயிற்சியும் பெறுவார்கள். இந்தப் பயிற்சி, மாணவர்களுக்கு மதிப்புமிக்க சர்வதேசப் பணி அனுபவத்தையும், துறை சார்ந்த நேரடி நடைமுறை அறிவையும் வழங்கும்.

விமானப் போக்குவரத்துத் துறையைப் பொறுத்தவரை, சர்வதேச விமானப் போக்குவரத்துச் சங்கத்தின் (IATA) சான்றிதழ் என்பது உலகளாவிய வேலைவாய்ப்புகளுக்கான ஒரு நுழைவுச்சீட்டாகப் பரவலாகக் கருதப்படுகிறது.

மாணவர்களுக்கு எவ்வித கட்டணமுமின்றி முற்றிலும் இலவசமாக IATA பயிற்சியை வழங்குவதன் மூலம் சென்னைஸ் அமிர்தா இத்துறையில் தனிச்சிறப்புடன் திகழ்கிறது. பிற கல்வி நிறுவனங்கள் இப்பயிற்சிக்கு ₹50,000 முதல் ₹1.5 லட்சம் வரை கட்டணம் வசூலிக்கும் நிலையில், இங்கு மாணவர்களுக்கு முழுமையான பயிற்சியும், தேர்வுக்கான முன்னேற்பாடுகளும் இலவசமாக வழங்கப்படுகின்றன. IATA தேர்வில் அகில இந்திய அளவில் முதலிடம் பிடித்த திருமதி. க்ரீஷ்மா அவர்கள் இப்பயிற்சியை வழங்குகிறார்.

இந்தச் சர்வதேச அனுபவம், வேகமான வளர்ச்சியையும் மாற்றத்தையும் எதிர்கொண்டு வரும் விமானப் போக்குவரத்துத் துறையைப் பற்றி மாணவர்கள் ஆழமாகப் புரிந்துகொள்ள உதவுகிறது.

வெளிநாடுகளில் சர்வதேச அளவிலான பயிற்சித் திட்டங்களுக்குச் செல்வதற்கான கல்விக்கடன் உதவி, மாணவர்கள் மாத வருவாய் ஈட்ட உதவும் பகுதிநேர வேலைவாய்ப்புகள் மற்றும் சிறந்த நிறுவனங்களில் வேலைவாய்ப்பைப் பெற்றுத் தரும் வலுவான துறைசார் இணைப்புகள் என மாணவர்களின் நலன் சார்ந்த முன்னெடுப்புகளில் சென்னைஸ் அமிர்தா தொடர்ந்து முன்னிலை வகிக்கிறது.