ஜிந்த் மற்றும் சோனிபட் இடையேயான 89 கிலோமீட்டர் தூரத்திற்கு இயக்கப்படவுள்ள இந்த ரயில், சுற்றுச்சூழலுக்கு முற்றிலும் உகந்த ஒரு பசுமைப் புரட்சியாகப் பார்க்கப்படுகிறது.

முழுக்க முழுக்க இந்தியாவிலேயே சுதேசித் தொழில்நுட்பத்துடன் (Indigenous Technology) வடிவமைக்கப்பட்ட இந்த ரயிலில் 10 பெட்டிகள் இணைக்கப்பட்டுள்ளன. ஹைட்ரஜன் எரிபொருள் செல்கள் (Fuel Cells) மூலம் இயங்குவதால், இந்த ரயிலில் இருந்து நச்சுப் புகைக்குப் பதிலாக வெறும் நீராவி மட்டுமே வெளியேறும். இதனால் கார்பன் உமிழ்வு என்பது பூஜ்யம் என்ற நிலையை எட்டுகிறது. சாதாரண டீசல் ரயில்களை விட சத்தம் மிகவும் குறைவாக இருக்கும் என்பதோடு, இதற்கு வழக்கமான மின்சார ரயில்கள் போல தலைக்கு மேல் மின் கம்பிகள் (Overhead Electrification) தேவையில்லை என்பதும் இதன் சிறப்பம்சமாகும்.

இதற்காக நாட்டின் மிகப்பெரிய ஹைட்ரஜன் சேமிப்பு மற்றும் எரிபொருள் நிரப்பும் மையம் ஜிந்த் பகுதியிலேயே அமைக்கப்பட்டுள்ளது. இந்த அதிரடித் தொடக்கத்தின் மூலம் ஜெர்மனி, ஜப்பான், சீனா, அமெரிக்கா போன்ற நாடுகளின் வரிசையில், ஹைட்ரஜன் ரயிலை இயக்கும் உலகின் முன்னணி நாடுகள் பட்டியலில் இந்தியாவும் பெருமையுடன் இணைந்துள்ளது.

தமிழகத்தில் உள்ள அம்மன் ஸ்தலங்களில் மிகவும் பிரசித்தி பெற்ற இந்த ஆலயத்தில், ஆடி மாதத்து வெள்ளிக்கிழமைகள் மிகவும் விசேஷமாகக் கருதப்படுவதால், திருச்சி மாவட்டம் மட்டுமின்றி தமிழகத்தின் பல்வேறு மாவட்டங்களில் இருந்தும் ஆயிரக்கணக்கான பக்தர்கள் நேற்று இரவே சமயபுரத்தில் குவியத் தொடங்கினர். பக்தர்கள் நீண்ட வரிசையில் நின்று அம்மனைத் தரிசனம் செய்ய ஏதுவாகக் கூடுதல் வரிசைகள், குடிநீர் வசதி மற்றும் பாதுகாப்பு ஏற்பாடுகள் கோவில் நிர்வாகம் மற்றும் காவல்துறை சார்பில் விரிவாகச் செய்யப்பட்டுள்ளன.

அம்மனுக்குச் சிறப்பு அபிஷேக ஆராதனைகள் நடைபெற்று வரும் நிலையில், வேப்பிலை ஆடை அணிந்தும், அங்கப்பிரதட்சணம் செய்தும், தீச்சட்டி ஏந்தியும் பக்தர்கள் தங்களின் நேர்த்திக்கடனைச் செலுத்தி வருவதால் சமயபுரம் பகுதியே ஆன்மீகப் பெருவிழாக் கோலம் பூண்டுள்ளது.

இதற்கென உருவாக்கப்பட்டுள்ள பிரத்யேக இணையதளத்தில் (https://se.census.gov.in) பொதுமக்கள் தங்களின் மொபைல் எண்ணைப் பயன்படுத்தி உள்நுழைந்து, வீட்டின் தரம், குடிநீர், சுகாதாரம், மின்சாரம் மற்றும் சொத்துக்கள் உள்ளிட்ட 33 கேள்விகள் அடங்கிய படிவத்தைப் பூர்த்தி செய்து சமர்ப்பிக்கலாம்.

இம்மாதம் 31-ஆம் தேதி வரை 15 நாட்களுக்கு மட்டுமே செயல்பாட்டில் இருக்கும் இந்த ஆன்லைன் பதிவை வெற்றிகரமாக முடிப்பவர்களுக்கு, எஸ்.எம்.எஸ் (SMS) மூலம் ஒரு தனித்துவமான 11 இலக்க அடையாள எண் (Self-Enumeration ID) வழங்கப்படும். இதனைத் தொடர்ந்து, ஆகஸ்ட் 1-ஆம் தேதி முதல் ஆகஸ்ட் 30-ஆம் தேதி வரை கணக்கெடுப்பாளர்கள் செல்போன் செயலியுடன் வீடு வீடாகச் சென்று விவரங்களைச் சேகரிக்கும் களப்பணியை மேற்கொள்ளும்போது, ஆன்லைனில் பதிவு செய்தவர்கள் தங்களின் அடையாள எண்ணைக் காட்டினால் போதுமானது, அவர்களின் விவரங்கள் நேரடியாகச் சரிபார்க்கப்படும்.

இந்த சுய கணக்கெடுப்பு முறை கட்டாயமில்லை என்றாலும், பொதுமக்கள் தங்களின் விவரங்களைத் துல்லியமாகப் பதிவிட இது ஒரு எளிய வாய்ப்பாக அமைவதோடு, நேரடியாக வீடுகளுக்கு வரும் அதிகாரிகளின் பணிச்சுமையையும் நேரத்தையும் வெகுவாகக் குறைக்கும் என்பதால் இதற்கு நல்ல வரவேற்பு கிடைத்து வருகிறது.

இந்த அறிவிப்பின்படி மண்டலம் 1 முதல் மண்டலம் 15 வரை உள்ள கொளத்தூர், அண்ணா நகர், தேனாம்பேட்டை, விருகம்பாக்கம், பெசண்ட் நகர், திருவான்மியூர், பெருங்குடி, துரைப்பாக்கம், காரப்பாக்கம் மற்றும் சோழிங்கநல்லூர் உள்ளிட்ட மாநகராட்சியின் அனைத்துப் பகுதி மக்களின் பார்வைக்காகவும் இந்த இடங்கள் தெளிவாகப் பட்டியலிடப்பட்டுள்ளன.

இதில் கொளத்தூரின் ஜெயந்தி நகர் சுடுகாடு, வீனஸ் நகர், அஞ்சுகம் நகர், அண்ணா நகரின் 18-வது மெயின் ரோடு, தேனாம்பேட்டை வள்ளுவர்கோட்டம் அருகில் உள்ள டேங்க் பண்ட் ரோடு, விருகம்பாக்கத்தின் உதயம் காலனி, பஜனைக் கோவில் தெரு, ராஜமன்னார் தெரு மற்றும் பெசண்ட் நகர் கடற்கரை உள்ளிட்ட குறிப்பிட்ட பகுதிகளில் எங்கு முறையாக உணவளிக்கலாம் என்ற விவரங்கள் வழங்கப்பட்டுள்ளன. அதுமட்டுமின்றி, தென் சென்னை பகுதிகளான திருவான்மியூரின் அவ்வை நகர் மற்றும் வால்மீகி நகர், பெருங்குடியின் ஏரிக்கரை தெரு மற்றும் வீரபாண்டிய கட்டபொம்மன் தெரு, பாலவாக்கத்தின் வி.ஜி.பி 7-வது குறுக்குத் தெரு, நீலாங்கரையின் சி.எல்.ஆர்.ஐ நகர், துரைப்பாக்கத்தின் சுப்புராயன் நகர் மற்றும் சுலைமான் நகர், ஒக்கியம் துரைப்பாக்கத்தின் கண்ணகி நகர், காரப்பாக்கத்தின் குப்புசாமி தெரு மற்றும் சோழிங்கநல்லூரின் நெடுஞ்செழியன் தெரு உள்ளிட்ட 39 இடங்கள் இதில் அடையாளம் காணப்பட்டுள்ளன.

இந்த இடங்களை மக்கள் முறையாகப் பின்பற்றுவதன் மூலம் தெருநாய்களின் பசியைப் போக்குவதோடு, குடியிருப்புப் பகுதிகளில் பொதுமக்களுக்கு ஏற்படும் அச்சுறுத்தல்களையும் சண்டைகளையும் தவிர்க்க முடியும் என்று சென்னை மாநகராட்சி நம்புகிறது.

குழந்தைகளைக் கவரும் வகையில் கவர்ச்சிகரமான நிறங்களில் விற்கப்படும் இந்த அப்பளங்களில் கார்மோசின், டார்ட்ராசின், சன்செட் யெல்லோ போன்ற ஆபத்தான இரசாயன நிறமிகள் (Artificial Dyes) சேர்க்கப்படுவது ஆய்வில் தெரியவந்துள்ளது. இவற்றைத் தொடர்ந்து சாப்பிடுவதால் குழந்தைகளுக்குத் தோல் அலர்ஜி, கவனச்சிதறல் ஏற்படுவதுடன், செரிமானக் கோளாறு, சிறுநீரகப் பாதிப்பு மற்றும் புற்றுநோய் (Cancer) போன்ற கொடிய நோய்கள் ஏற்படுவதற்கான அபாயம் அதிகம் உள்ளதாக அதிகாரிகள் எச்சரித்துள்ளனர்.

எனவே, பெற்றோர்கள் விழிப்புடன் இருந்து குழந்தைகளுக்கு இதுபோன்ற கலர் அப்பளங்களை வாங்கித் தருவதைத் தவிர்க்க வேண்டும் என்றும், அதற்கு மாற்றாக நம் முன்னோர்கள் பயன்படுத்திய பாரம்பரிய உளுந்து மற்றும் அரிசி அப்பளங்களை மட்டுமே வாங்கிப் பயன்படுத்த வேண்டும் என்றும் உணவுப் பாதுகாப்புத் துறை அறிவுறுத்தியுள்ளது. விதிகளுக்குப் புறம்பாக ரசாயன நிறமூட்டிகளைப் பயன்படுத்தி அப்பளம் தயாரிப்பவர்கள் மற்றும் விற்பனையாளர்கள் மீது கடுமையான சட்ட நடவடிக்கை எடுக்கப்படும் எனவும் எச்சரிக்கை விடுக்கப்பட்டுள்ளது.

இந்தியாவில், ஜோஹோ கிளாசஸ் 2.0, அனைத்து மத்திய மற்றும் மாநில அரசு பள்ளிகள், கல்லூரிகள், மற்றும் பல்கலைக்கழகங்களுக்கும் எந்த உரிமக் கட்டணமும் இன்றி வழங்கப்படும். 100 மாணவர்கள் வரை கற்பிக்கும் ஆசிரியர்களும் இதை இலவசமாகப் பயன்படுத்தலாம். இது, தொழில்நுட்பத்தின் மூலம் கல்வியை அனைவருக்கும் சென்றடையச் செய்யும் ஜோஹோவின் உறுதிப்பாட்டின் அடிப்படையில் செய்யப்படும் ஒரு முன்னெடுப்பாகும். இந்தத் தளம், சிறந்த விலையிலான சந்தா திட்டங்கள் மூலம், தனியார் கல்வி நிறுவனங்களுக்கும் கிடைக்கிறது.

ஜோஹோ கிளாசஸ் 2.0, கற்பித்தல், கற்றல், மாணவர் வெற்றி, மற்றும் கல்வி நிறுவன நிர்வாகத்தை ஒரே ஒருங்கிணைந்த தளத்தில் கொண்டு வருகிறது. இந்தப் புதிய பதிப்பு மூன்று முக்கிய திறன்களை அறிமுகப்படுத்துகிறது: மாணவர்களின் கற்றல் பயணம்
முழுமைக்கும் உடனிருக்கும் செயற்கை நுண்ணறிவு (AI), டிஜிட்டல் தலைமுறை

மாணவர்களை கற்றலில் ஈடுபடுத்த வடிவமைக்கப்பட்ட மென்பொருள் கருவிகள், மற்றும் நிறுவன நுண்ணறிவுடன் கூடிய மாணவர் வாழ்நாள்சுழற்சி மேலாண்மை. இந்தியாவின் மொழிப் பன்முகத்தன்மை மனதில் கொண்டு உருவாக்கப்பட்ட இத்தளத்தை, இந்திய அரசியலமைப்பால் அங்கீகரிக்கப்பட்ட 22 மொழிகளிலும் பயன்படுத்தலாம். இதன் மூலம், கற்பித்தல், மதிப்பீடு மற்றும் பாடத் திட்ட உள்ளடக்கத்தை மாணவர்கள் தங்கள் சொந்த மொழியிலேயே செயற்கை நுண்ணறிவின் துணையோடு பெற முடியும்.

ஜோஹோவின் தலைமை நிர்வாக அதிகாரி மணி வேம்பு கூறுகையில், ”ஒரு சமூகம் எவ்வாறு கற்கிறது, தன்னைத் தகவமைத்துக் கொள்கிறது, மற்றும் வளர்கிறது என்பதை வடிவமைப்பது கல்வியே. எனவே, தொழில்நுட்பம் நீடித்த தாக்கத்தை ஏற்படுத்தக்கூடிய மிக முக்கியமான துறைகளில் இதுவும் ஒன்றாகும். ஒவ்வொரு கல்வி முறையும் தனித்துவமானது என்பதால், தொழில்நுட்பமானது பிராந்திய தேவைகள் மற்றும் பன்முக கற்றல் சூழல்களுக்கு ஏற்ப கட்டமைக்கப்பட வேண்டும். இந்த நம்பிக்கையின் அடிப்படையிலே, ஜோஹோ கிளாசஸ் தளம் பன்முகத்தன்மை வாய்ந்த மாணவர்களுக்கும் மற்றும் கல்வி முறைகளுக்கும் ஏற்ப தகவமைத்துக் கொள்ளும் வகையில் வடிவமைக்கப்பட்டுள்ளது,”என்றார்.

மேலும் அவர், ”நவீன கல்வி தொழில்நுட்பத்தை அணுகுவது ஒரு நிறுவனத்தின் வளங்களால் மட்டுப்படுத்தப்படக் கூடாது என்பதே எங்கள் நம்பிக்கை. அணுகலை ஜனநாயகமயமாக்கும் எங்கள் இந்த உறுதிப்பாட்டின் ஒரு பகுதியாக, ஜோஹோ கிளாசஸ், இந்தியா முழுவதும் உள்ள மத்திய மற்றும் மாநில அரசு பள்ளிகள், கல்லூரிகள் மற்றும் பல்கலைக்கழகங்களுக்கு எந்த உரிமக் கட்டணமும் இன்றி வழங்கப்படுகிறது. மேலும் பல நிறுவனங்கள் தொழில்நுட்பத்தைப் பயன்படுத்தி கற்றல் விளைவுகளை
மேம்படுத்தவும், கல்வி வாய்ப்புகளை விரிவுபடுத்தவும் இது உதவும் என நம்புகிறோம்” என்று தெரிவித்தார்.

ஜோஹோவின் தயாரிப்பு மேலாண்மைத் துறை துணைத் தலைவர் தேவ் ஆனந்த் ராமசாமி கூறுகையில், ”பாரம்பரிய LMS தளங்கள் கல்வி உள்ளடக்கத்தை வழங்குவதற்காக உருவாக்கப்பட்டவை, அனுபவங்களை வழங்குவதற்காக அல்ல. ஆனால் குறும்பட வீடியோக்கள் மற்றும் உடனடி பின்னூட்டத்துடன் வளர்ந்த இன்றைய மாணவர்கள், கற்றல் ஊடாடும் மற்றும் ஈர்க்கும் விதமாக இருக்க வேண்டும் என எதிர்பார்க்கிறார்கள்; பாரம்பரிய முறைகள் இனி அவர்களின் கவனத்தை தக்க வைக்க
முடியவில்லை. அதே நேரத்தில், ஆசிரியர்களின் பணிச்சுமையை அதிகரிக்காமல் நிறுவனங்கள் விளைவுகளை மேம்படுத்த வேண்டும். அந்த இடைவெளியை நிரப்பவே நாங்கள் இதைச் செய்தோம். ஜோஹோ கிளாசஸ் 2.0-இல் ஆழமாக இணைக்கப்பட்ட AI அடுக்கு, பாடத் திட்டமிடல், மதிப்பீடு, அறிக்கையிடல் போன்ற நேரத்தை எடுத்துக்கொள்ளும் பணிகளை தானாகவே செய்கிறது, இதனால் ஆசிரியர்கள் மிக முக்கியமான விஷயத்தில் கவனம் செலுத்த முடியும் — கற்பித்தல் மற்றும் மாணவர்களுடன் ஈடுபடுதல்” என்றார்.

கற்பித்தல், கற்றல் மற்றும் மாணவர் வெற்றியில் மாற்றம்

ஜோஹோ கிளாசஸ் 2.0 தளம், செயற்கை நுண்ணறிவு (AI), மாணவர் ஈடுபாடு, மாணவர் வாழ்நாள்சுழற்சி மேலாண்மை, மற்றும் நிறுவன நுண்ணறிவு (institutional intelligence) ஆகியவற்றை ஒரே ஒருங்கிணைந்த தளத்தில் கொண்டு வந்து, மாணவர் விளைவுகளை மேம்படுத்துவதோடு, கற்பித்தல் மற்றும் நிர்வாகத்தையும் எளிதாக்குகிறது.

இதன் மூலம், ஆசிரியர்கள் தங்கள் நேரத்தை நிர்வாகப் பணிகளுக்கு குறைவாகவும், கற்பித்தல் பணிக்கு அதிகமாகவும் செலவிட வழிவகை செய்கிறது. AI கோர்ஸ் பில்டர் அம்சமானது, ஆசிரியர்களுக்கு எந்தவொரு பாடத்திட்டத்தையும் அல்லது
பாடத்தலைப்பையும் 30 வினாடிகளுக்கும் குறைவான நேரத்தில் ஒரு முழுமையான கட்டமைக்கப்பட்ட பாடமாக மாற்றுகிறது. இது வீடியோ பாடக் குறிப்புகள், வாசிப்புப் பொருட்கள், மதிப்பீட்டு அளவுகோல்களுடன் கூடிய ஒப்படைப்புகள் மற்றும்
தகவமைப்புப் பயிற்சித் தேர்வுகள் ஆகியவற்றைத் தானாகவே உருவாக்குகிறது. இதில் உள்ள ஒவ்வொரு அம்சமும் சம்மந்தப்பட்ட பாடநெறி மற்றும் திட்ட விளைவுகளுடன் இணைக்கப்பட்டுள்ளது. பாடம் நடத்தும் ஆசிரியர்கள், உள்ளடக்கப் பூட்டுதல்,
திட்டமிடப்பட்ட வெளியீடுகள், மற்றும் வீடியோவிலேயே குறிப்புகளைச் சேமித்தல் போன்ற அம்சங்களைப் பயன்படுத்தி பாடங்களை வழங்கலாம். மேலும், 1,00,000-க்கும் மேற்பட்ட முன்பே உருவாக்கப்பட்ட பாடத்திட்ட வார்ப்புருக்களின் (curriculum
templates) தொகுப்பையும் பயன்படுத்திக்கொள்ளலாம். பாடநெறி உருவாக்கம், மதிப்பீட்டு வடிவமைப்பு, மற்றும் விளைவுப் பொருத்தம் ஆகியவற்றைத் தானியக்கமாக்குவதன் மூலம், ஜோஹோ கிளாசஸ் 2.0 ஆசிரியர்களின் பணிச்சுமையைக்
கணிசமாகக் குறைக்கிறது. மேலும், மாணவர்கள் வகுப்பிற்கு வருவதற்கு முன்பே பாட உள்ளடக்கத்துடன் பரிச்சயப்படுத்தி, வகுப்பறை நேரத்தை கலந்துரையாடல், சிக்கல் தீர்த்தல், மற்றும் வழிகாட்டுதலுக்கு செலவிடும் flipped classroom எனும் முறையை சாத்தியமாக்குகிறது.

மாணவர்களுக்கு, இந்தத் தளம் கற்றல் அனுபவத்தை ஈடுபாடு மிக்கதாகவும், தனிப்பயனாக்கப்பட்டதாகவும், அவர்களின் சொந்த மொழியில் கிடைக்கக்கூடியதாகவும் உள்ளது. இதன் 24/7 AI ட்யூட்டர் அம்சமானது, ஒவ்வொரு மாணவருக்கும் அவரவர்
கற்றல் வேகத்தில் எந்நேரமும் உறுதுணையாக உள்ளது. அதே நேரத்தில், மாணவர்களுக்கு ஈடுபாட்டையும் அறிவுத் தக்கவைப்பையும் மேம்படுத்த, நுண்கற்றல், ஊடாடும் செயல்பாடுகள், மற்றும் விளையாட்டுமயமாக்கப்பட்ட அனுபவங்கள் ஆகியவை உதவுகிறது.

கல்வி நிறுவனங்களைப் பொறுத்தவரை, மாணவர் வாழ்நாள்சுழற்சி மேலாண்மை, சேர்க்கை முதல் படிப்பை முடிக்கும் வரை மாணவர்களைக் கண்காணித்து, கல்வியில் பின்தங்கும் அபாயத்தில் இருக்கும் மாணவர்களை AI மூலம் கண்டறிந்து சரியான
நேரத்தில் தலையிட்டு உதவ இந்தத் தளம் பயன்படுகிறது. நிறுவன நுண்ணறிவு (institutional intelligence), மாணவர் விளைவுகள், ஈடுபாடு மற்றும் செயல்பாட்டுத் திறன் குறித்த தகவல்களை வழங்குகிறது. அதே நேரத்தில், லோ-கோட் மைக்ரோ ஆப் பில்டர் அம்சமானது, சேர்க்கை, பாடத் திட்டமிடல், மற்றும் கல்வி நிர்வாகத்திற்கான தனிப்பயன் செயலிகளை மென்பொருள் பொறியியல் வளங்கள் இல்லாமலேயே உருவாக்க கல்வி நிறுவனங்களுக்கு உதவுகிறது.

இந்தியாவுக்காக உருவாக்கப்பட்டு, உலகமெங்கும் விரிவடையும் தளம்

ஜோஹோ, பள்ளிக்குச் செல்லாத மாணவர்கள், அரசு பாலிடெக்னிக் கல்லூரிகள், மற்றும் மாநில அளவிலான கல்வி வலையமைப்புகளுக்கான முயற்சிகள் மூலம் டிஜிட்டல் கல்வியை விரிவுபடுத்த, இந்தியா முழுவதும் உள்ள அரசு கல்வி அமைப்புகளுடன்
இணைந்து பணியாற்றி வருகிறது. ஜோஹோ கிளாசஸ் 2.0 தளமானது, ஒரு ஒருங்கிணைந்த இடைமுகம் மூலம் மையப்படுத்தப்பட்ட நிர்வாகம், உள்ளடக்க வழங்கல், மாணவர் ஈடுபாடு, மற்றும் அறிக்கையிடலை சாத்தியப்படுத்துகிறது. தனிப்பட்ட
வகுப்பறைகள் முதல் மாநிலம் தழுவிய கல்வி அமைப்புகள் வரையிலான பல்வேறு சூழல்களிலும் செயல்படுத்தக்கூடிய திறன் கொண்டது.

இந்தியாவின் பன்முக கல்வி சூழல் அமைப்பிற்காக உருவாக்கப்பட்ட ஜோஹோ கிளாசஸ் 2.0, 22 அங்கீகரிக்கப்பட்ட மொழிகளிலும் செயல்படக்கூடியது. இதன் மூலம், மாணவர்கள் தங்கள் சிந்தித்து கற்கும் மொழியிலேயே கற்பித்தல், மதிப்பீடு மற்றும் பாடத்திட்ட உள்ளடக்கத்தைப் பெற முடியும். இது மொழித் தடைகளை நீக்கி, முதல் தலைமுறை மற்றும் பிராந்திய மொழி மாணவர்களுக்கு தொழில்நுட்பம் மூலம் இயக்கப்படும் கல்வியை மேலும் அணுகக்கூடியதாக்குகிறது.

உயர்கல்வி நிறுவனங்களுக்கு, ஜோஹோ கிளாசஸ் 2.0, தானியங்கு பாடநெறி விளைவு (Course Outcome) மற்றும் திட்ட விளைவு (Programme Outcome) அடைவு கண்காணிப்பு மூலம் விளைவு சார்ந்த கல்வி மற்றும் அங்கீகாரத் தயார்நிலையை ஆதரிக்கிறது. இத்தளம் இந்தியாவின் தேசிய கல்விக் கொள்கை (NEP) 2020-இன் டிஜிட்டல் கற்றல், பன்மொழிக் கல்வி, மற்றும் விளைவு சார்ந்த கற்றல் நோக்கங்களையும் ஆதரிக்கிறது. அதே நேரத்தில், NAAC, NBA, UGC மற்றும் NMC போன்ற அங்கீகார கட்டமைப்புகளுக்கான அறிக்கையிடல் மற்றும் ஆவணப்படுத்தலை எளிதாக்குகிறது. மருத்துவ நிறுவனங்களுக்கு, இது தேசிய மருத்துவ ஆணையத்தின் (NMC) தேவைகளுக்கு ஏற்ப திறன்-அடிப்படையிலான மருத்துவக் கல்வி (CBME) பணிகளை ஆதரிக்கிறது. இதில் திறன் கண்காணிப்பு, மருத்துவப் பதிவேடு மேலாண்மை, OSPE மற்றும் OSCE மதிப்பீடுகள், மற்றும் தணிக்கைக்குத் தயாரான ஆவணப்படுத்தல் ஆகியவை அடங்கும்.

ஜோஹோவின் முழுமையாக ஒருங்கிணைக்கப்பட்ட தொழில்நுட்ப அடுக்கில் கட்டமைக்கப்பட்ட இத்தளம், இந்தியாவில் தரவு இருப்பிடம் (data residency), இறையாண்மை பொருந்திய தரவு பாதுகாப்பு (sovereign data protection), மற்றும் இந்தியாவின் டிஜிட்டல் தனிநபர் தரவு பாதுகாப்புச் சட்டத்திற்கு (DPDP Act) இணக்கம் ஆகியவற்றை ஆதரிக்கிறது.

Zoho Classes 2.0 அனைத்து நிறுவனங்களுக்கும் https://www.zoho.com/classes/ இல் உடனடியாகக் கிடைக்கிறது. தனியார் நிறுவனங்களுக்கான விலை விவரங்கள் இணையதளத்தில் உள்ளன.

சர்வதேச கப்பல்களில் பணியாற்றும் இந்தியப் பணியாளர்களின் பாதுகாப்பை உறுதி செய்ய மத்திய கப்பல் போக்குவரத்து அமைச்சகம் நடவடிக்கைகளை மேற்கொண்டுள்ளது. மறுஉத்தரவு வரும் வரை ஹோர்முஸ் நீரிணை வழியாகச் செல்லும் கப்பல்களில் இந்தியப் பணியாளர்களைப் பணியமர்த்தக் கூடாது என்று கப்பல் உரிமையாளர்கள், கப்பல் மேலாளர்கள் மற்றும் ஆள்சேர்ப்பு முகமைகளுக்கு உத்தரவிடப்பட்டுள்ளது.

இந்தியக் கப்பல் பணியாளர்களின் பாதுகாப்பு மற்றும் நலனை உறுதி செய்வதற்காகவே இந்த நடவடிக்கை எடுக்கப்பட்டிருப்பதாகக் கப்பல் போக்குவரத்து இயக்குநரகம் அறிக்கை வெளியிட்டுள்ளது.

பாரசீக வளைகுடா மற்றும் ஹார்முஸ் நீரிணைப் பகுதிகளில் இயங்கும் கப்பல்களின் கேப்டன்கள் விழிப்புடன் இருக்குமாறு அறிவுறுத்தப்பட்டுள்ளது. உதவி தேவைப்படும் கப்பல் பணியாளர்கள் மற்றும் கப்பல்கள், கப்பல் போக்குவரத்து இயக்குநரகத்தின் தகவல் தொடர்பு மையம் அல்லது இந்தியப் பெருங்கடல் பிராந்தியத்திற்கான இந்தியக் கடற்படையின் தகவல் ஒருங்கிணைப்பு மையத்தைத் தொடர்பு கொள்ள வேண்டும் எனக் குறிப்பிடப்பட்டுள்ளது.

பொது பட்ஜெட் மற்றும் வேளாண் பட்ஜெட்டில் இடம்பெற வேண்டிய முக்கிய அறிவிப்புகள் குறித்தும், புதிய தொழிற்சாலைகளுக்கு அனுமதி அளிப்பது குறித்தும் இந்த கூட்டத்தில் விவாதிக்கப்பட்டுள்ளதாக தகவல் வெளியானது. அத்துடன், புதிய திட்டங்கள் தொடங்குவது குறித்தும் ஆலோசனை நடத்தப்பட்டுள்ளது. இதில் பல்வேறு முக்கிய தொழில் திட்டங்களுக்கு அமைச்சரவையின் ஒப்புதல் கிடைக்கும் என்று எதிர்பார்க்கப்படுகிறது.

முதலமைச்சர் விஜய் தலைமையில் இன்று நடைபெற்ற அமைச்சரவைக் கூட்டத்தில் ஊழல், லஞ்சம் தொடர்பாக எச்சரிக்கை ஒன்றை விடுத்திருந்தார். கூட்டத்தில் அவர்,”ஊழல் லஞ்சம் முறைகேடு ஆகியவற்றில் ஈடுபட்டால் யாராக இருந்தாலும் அமைச்சராக இருந்தாலும், தெரிந்தவர்கள், தெரியாதவர்கள் என யாராக இருந்தாலும் கடும் நடவடிக்கை எடுக்கப்படும். பதவிகள் பறிக்கப்படும்.

தவெக ஆட்சி ஊழலற்ற ஆட்சியாக இருக்க வேண்டும் என்றும், ரீல்ஸ் எடுக்கிறேன் என்று அலப்பறை வேண்டாம்” எனவும் அமைச்சர்களுக்கு முதலமைச்சர் அறிவுறுத்தியுள்ளார்.

காசியில் உள்ள வரலாற்றுப் புகழ்பெற்ற ஜெகந்நாதர் ஆலயத்தில் இருந்து விமரிசையாகத் தொடங்கியுள்ள இந்த விழாவில், அழகிய மலர்களாலும் துணிகளாலும் அலங்கரிக்கப்பட்ட பிரம்மாண்ட தேரில் பலராமர் மற்றும் சுபத்ரா தேவியுடன் அமர்ந்து ஜெகந்நாதர் வீதி உலா வந்து பக்தர்களுக்கு அருள்பாலிக்கிறார். ‘ஜெய் ஜெகந்நாத்’ என்ற பக்தி முழக்கங்கள் காசி மாநகரெங்கும் எதிரொலிக்க, நாட்டின் பல்வேறு பகுதிகளில் இருந்தும் வருகை தந்துள்ள ஆயிரக்கணக்கான பக்தர்கள் நீண்ட வரிசையில் நின்று மழையையும் பொருட்படுத்தாமல் இறைவனைத் தரிசித்து, தேரை வடம்பிடித்து இழுத்து தங்களின் நேர்த்திக்கடனைச் செலுத்தி வருகின்றனர்.

இந்த மூன்று நாட்களும் அப்பகுதியில் அமைக்கப்பட்டுள்ள பிரம்மாண்ட திருவிழாக் கடைகளில் வாரணாசியின் பாரம்பரியக் கைவினைப் பொருட்கள், பொம்மைகள் மற்றும் சுவையான உள்ளூர் உணவுகள் விற்பனை செய்யப்படுவதுடன், பஜனைகள் மற்றும் பாரம்பரிய ஒடிசி, நாட்டுப்புற நடனங்கள் உள்ளிட்ட பல்வேறு கலை நிகழ்ச்சிகளும் அரங்கேறி ஒட்டுமொத்த காசியையும் ஆன்மீகப் பெருவிழாக் கோலமாக மாற்றியுள்ளன.

கூகுளின் இந்த அதிரடி முடிவின் மூலம், ஆண்ட்ராய்டு மொபைல் பயனர்கள் இனி கூகுள் பிளே ஸ்டோர் (Google Play Store) மட்டுமின்றி, தங்களுக்குப் பிடித்த பிற மாற்று ஆப் ஸ்டோர்களையும் எவ்வித கட்டுப்பாடும் இன்றி எளிதாகப் பதிவிறக்கம் செய்து பயன்படுத்த முடியும். டிஜிட்டல் சந்தையில் நிலவும் ஏகபோக உரிமையைக் குறைத்து, நியாயமான போட்டிச் சூழலை உருவாக்க வேண்டும் என்ற உலகளாவிய சட்ட நெறிமுறைகளின் அழுத்தத்தைத் தொடர்ந்து இந்த மாற்றத்தைக் கூகுள் கொண்டு வருகிறது.

இதன் மூலம் ஆப் டெவலப்பர்கள் தங்கள் ஆப்களைப் பயனர்களிடம் கொண்டு சேர்க்க கூடுதல் வழிகள் கிடைப்பதுடன், கூகுளுக்குச் செலுத்த வேண்டிய கமிஷன் தொகையும் குறைய வாய்ப்புள்ளது. ஆண்ட்ராய்டு சுற்றுச்சூழல் அமைப்பில் (Android Ecosystem) தன்னாட்சியையும், பயனர்களின் தேர்வையும் அடுத்த கட்டத்திற்கு எடுத்துச் செல்லும் ஒரு மைல்கல்லாக இந்த புதிய நடைமுறை பார்க்கப்படுகிறது.