அப்போது திமுகமீது பல்வேறு குற்றச்சாட்டுகளை முன்வைத்தார். மேலும் அமலாக்கத்துறை வழக்குகள், மிசா, சர்க்காரியா ஆணையம் உள்ளிட்ட பலவற்றை குறிப்பிட்டு பேசினார். இதற்கு திமுக கடும் எதிர்ப்பு தெரிவித்தது. முதலமைச்சர் விஜய் உரையாற்றும்போதே திமுக சட்டமன்ற உறுப்பினர்கள் அவையில் எழுந்து அமளியில் ஈடுபட்டனர். மேலும் அவை நடுவே தர்ணாவிலும் ஈடுபட்டனர்.

தொடர்ந்து எதிர்க்கட்சிகள் பதிலளிக்க சட்டப்பேரவைத் தலைவர் நேரம் தரவில்லை என வெளிநடப்பு செய்தனர். அப்போது செய்தியாளர்களை சந்தித்த எதிர்க்கட்சித் தலைவர் உதயநிதி ஸ்டாலின், “தவெகவின் நூறு நாள் ஆட்சியில் சட்டம் ஒழுங்கு சீரழிந்துள்ளதை ஆதாரத்துடன் தாங்கள் சுட்டிக்காட்டியதாகவும், அதற்குப் பதிலளிக்க முடியாமல் முதலமைச்சர் விஜய் எந்தவித ஆதாரமும் இல்லாத பொய்க் குற்றச்சாட்டுகளைத் தங்கள் மீது சுமத்தியுள்ளார் என்றும் கூறினார்.

மேலும் அவை அனைத்தும் வழக்குகள்தான் என்றும், முதலமைச்சர் விஜய், பொதுப்பணித்துறை அமைச்சர் ஆதவ் அர்ஜூனா மீதும் வழக்குகள் இருப்பதாகவும் சுட்டிக்காட்டினார்.

மரகதம் குமரவேல் ராஜினாமாவால் மதுராந்தகம் (SC) தொகுதியும், பி. சத்யபாமா ராஜினாமாவால் தாராபுரம் (SC) தொகுதியும் காலியானதைத் தொடர்ந்து இந்த இடைத்தேர்தல் அறிவிக்கப்பட்டுள்ளது. தேர்தல் ஆணையத்தின் அறிவிக்கப்பட்ட அட்டவணையின்படி, செப்டம்பர் 9-ஆம் தேதி அரசிதழ் அறிவிக்கை (Gazette Notification) வெளியிடப்பட்டு வேட்புமனுத் தாக்கல் தொடங்குகிறது. வேட்புமனுத் தாக்கலுக்கான கடைசி நாள் செப்டம்பர் 16, வேட்புமனுக்கள் மீதான பரிசீலனை செப்டம்பர் 17-இல் நடைபெறும் நிலையில், மனுக்களைத் திரும்பப் பெற செப்டம்பர் 19 கடைசி நாளாகும்.

அதனைத் தொடர்ந்து அக்டோபர் 6-ஆம் தேதி வாக்குப்பதிவும், அக்டோபர் 9-ஆம் தேதி வெள்ளிக்கிழமை வாக்கு எண்ணிக்கையும் நடைபெற்று முடிவுகள் அறிவிக்கப்பட உள்ளன. தேர்தல் தேதி அறிவிக்கப்பட்டதைத் தொடர்ந்து அந்தந்தத் தொகுதிகளில் தேர்தல் நடத்தை விதிகள் உடனடியாக அமலுக்கு வந்துள்ளதால், தமிழக அரசியல் களத்தில் தேர்தல் களம் மீண்டும் பரபரப்படைந்துள்ளது.

டெல்லியில் நடைபெறும் நிகழ்ச்சியொன்றில் பங்கேற்பதற்காகப் புறப்பட்ட பிரதமர், சாதாரணப் பயணியைப் போல மெட்ரோ ரயிலில் பயணித்து, தன்னுடன் பயணித்த மாணவர்கள், இளைஞர்கள் மற்றும் பொதுமக்கள் உள்ளிட்ட பல்வேறு தரப்பினரிடம் நலம் விசாரித்தார். இந்தத் திடீர் பயணத்தின் போது ரயிலில் இருந்த பயணிகளுடன் அவர் மிகவும் எளிமையாக உரையாடி, புகைப்படங்கள் மற்றும் செல்ஃபிக்களையும் எடுத்துக்கொண்டார்.

டெல்லி மெட்ரோவின் இந்த சுவாரசியமான மற்றும் எளிமையான பயண அனுபவம் குறித்துப் பயணிகள் தங்களது மகிழ்ச்சியைப் பகிர்ந்து கொண்ட நிலையில், பொதுப்போக்குவரத்தைப் பயன்படுத்துவதன் முக்கியத்துவத்தையும், மக்களின் அன்றாட வாழ்க்கையை நேரில் உணரும் பிரதமரின் இந்த நடவடிக்கை பெருமளவில் சமூக வலைதளங்களில் வரவேற்பைப் பெற்றுள்ளது.

வருங்காலத்தில் இஸ்ரோ புதிய ஏவு வாகனங்களைத் தயாரிக்காது என்றும், தனியார் நிறுவனங்களே அந்தப் பணியைச் செய்யும் என்றும் பவன் கோயங்கா கூறிய கருத்துத் தங்களுக்குள் பெரும் அச்சத்தை ஏற்படுத்தியுள்ளதாக அதில் குறிப்பிட்டுள்ளன.

தனியார் மயமாக்கல் நடவடிக்கைகளால் தற்போது பணியாற்றி வரும் இஸ்ரோ ஊழியர்களின் வேலைவாய்ப்பு மற்றும் எதிர்காலம் பாதிக்கப்படுமா என்ற கேள்வியை எழுப்பியுள்ள அச்சங்கங்கள், விண்வெளித்துறையில் இஸ்ரோவின் எதிர்காலப் பங்கு மற்றும் செயல்பாடுகள் என்ன என்பது குறித்துத் தெளிவான விளக்கமளிக்க வேண்டும் என கோரிக்கை விடுத்துள்ளன.

இஸ்ரோவில் பணியாற்றும் மொத்தம் 18,100 ஊழியர்களில் சுமார் 5,000 பேரைப் பிரதிநிதித்துவப்படுத்தும் முன்னணி ஊழியர் சங்கங்கள் இணைந்தே இக்கடிதத்தை அனுப்பியுள்ளது குறிப்பிடத்தக்கது

கிராம ஊராட்சிப் பிரதிநிதிகளின் கௌரவ ஊதியத்தை உயர்த்துதல், உள்ளூர் டாஸ்மாக் கடைகள் குறித்த முடிவுகளில் கிராமசபைகளுக்கு தீர்க்கமான அதிகாரத்தை வழங்குதல், கிராமசபை தீர்மானங்கள் மீது குறிப்பிட்ட காலக்கெடுவுக்குள் நடவடிக்கை எடுப்பதை உறுதிசெய்தல் மற்றும் கிராம வளர்ச்சித் திட்டமிடலை உண்மையிலேயே மக்கள் பங்கேற்புடன் மாற்றுதல் உள்ளிட்ட 8 அம்சக் கோரிக்கைகளை அவர் அதில் முன்வைத்துள்ளார்.

காந்தியடிகளின் ‘கிராம சுயராஜ்ஜியம்’ என்ற தொலைநோக்குப் பார்வை வலுவடைந்த கிராமங்கள் மற்றும் மக்கள் பங்கேற்பு ஜனநாயகத்தில் வேரூன்றியிருந்தது என்பதைக் சுட்டிக்காட்டியுள்ள கமல்ஹாசன், அவரது பாரம்பரியத்தைப் போற்றுவதற்குத் தமிழகம் கிராம நிர்வாகத்தில் இந்தியாவின் முன்மாதிரி மாநிலமாகத் திகழ வேண்டும் என்றும் வலியுறுத்தியுள்ளார்.

மாணவர்களின் மருத்துவத் திறன் மற்றும் தேர்வுக்கான தயாரிப்பை மேம்படுத்தும் வகையில் ஒரு தீவிரப் பயிற்சி வகுப்பாக வடிவமைக்கப்பட்டுள்ள இந்த இரண்டு நாள் தொடர் மருத்துவக் கல்வி (CME) நிகழ்ச்சியில், 30-க்கும் மேற்பட்ட முன்னணிப் பேராசிரியர்கள் மற்றும் இந்தியாவின் பல்வேறு பகுதிகளைச் சேர்ந்த 300-க்கும் மேற்பட்ட இளம் மருத்துவர்கள் பங்கேற்கின்றனர்.

கர்நாடக மாநில அரசின் மருத்துவக் கல்வித்துறை இயக்குநர் டாக்டர் B. L. சுஜாதா ரத்தோட் இந்நிகழ்வை தொடங்கி வைத்தார். இந்நிகழ்வில், டாக்டர் அகர்வால்ஸ் ரிஃப்ராக்டிவ் மற்றும் கார்னியா அறக்கட்டளையின் (DARCF) இயக்குநரும் தலைவருமான டாக்டர் சூசன் ஜேக்கப் மற்றும் டாக்டர் அகர்வால்ஸ் கண் மருத்துவமனையைச் சேர்ந்த இந்நிகழ்வின் அமைப்பு செயலாளர்கள் டாக்டர் எஸ். சௌந்தரி, டாக்டர் திவ்யா அசோக் குமார், டாக்டர் ப்ரீத்தி நவீன் ஆகியோர் முன்னிலை வகித்தனர்.

இப்பயிலரங்கில், வெட் லேப் செய்முறைப் பயிற்சிகள் மற்றும் வினாடி வினா நிகழ்ச்சிகளுடன், கண் சிகிச்சையியலில் தேர்வுகளுடன் தொடர்புடைய முக்கியப் பிரிவுகளான கருவிழிப்படல அழற்சி, குளுக்கோமா (கண் அழுத்த நோய்), ஒளிஊடுருவு விழிப்படலம் மற்றும் ஒளிக்கதிர்விலக்கம், கண்புரை, மாறுகண் மற்றும் நரம்பியல் சார்ந்த கண் மருத்துவம், ஆர்பிட் மற்றும் விழியில் ஒட்டறுவை சிகிச்சை ஆகியவை உட்பட, பல்வேறு தலைப்புகளில் நிபுணர்களின் சிறப்பு உரைகள் இடம்பெறுகின்றன. முதுநிலை மருத்துவ மாணவர்களால் முன்வைக்கப்படும் மிகச் சிறந்த மருத்துவ நேர்வு விளக்க சமர்ப்பிப்பிற்கு, ‘சிறந்த மருத்துவ நேர்வுக்கான டாக்டர் (திருமதி) T. அகர்வால் விருது’ வழங்கப்படும்.

சிறந்த நேர்வு விளக்க சமர்ப்பிப்பிற்கு, டாக்டர் எம். திவ்யா டாக்டர் வி. வேலாயுதம் தொடர் சிறப்புப் பங்களிப்பு விருதும், டாக்டர் ஆர். திவ்யா டாக்டர் ஜே. அகர்வால் சிறப்பு விருதும் பெற்றனர்.

இந்நிகழ்ச்சியில் பேசிய டாக்டர் B. L. சுஜாதா ரத்தோட், “அடிப்படை மருத்துவ அறிவை ஆழப்படுத்துவதிலும், மருத்துவக் காரணங்களை ஆராயும் திறனை வலுப்படுத்துவதிலும், தேர்வுகளைத் தெளிவுடனும் தன்னம்பிக்கையுடனும் எதிர்கொள்ள மாணவர்களைத் தயார்படுத்துவதிலும் கல்பவிருக்‌ஷா பயிற்சி அமர்வுகள் முக்கியப் பங்கு வகிக்கின்றன. இத்தகைய சிறப்பான கல்வி முயற்சிகள், மாணவர்களின் வழக்கமான முதுநிலைப் பட்டப்படிப்பு பயிற்சிக்குத் துணைபுரியும். அதற்கும் கூடுதலாக, நம் நாட்டின் வருங்கால கண் மருத்துவர்கள் தங்களது அறிவை கண் நோயாளிகளுக்கான சிறந்த சிகிச்சைப் பராமரிப்பாக சேவையாற்றவும் பெரிதும் உதவும். நேர்த்தியாக கட்டமைக்கப்பட்ட இத்தகைய கற்றல் முயற்சிகள், முதுநிலை மருத்துவக் கல்வியில் மேன்மை நிலையை நோக்கிய பயணத்தில் ஒரு முக்கிய முன்னேற்ற நகர்வாக கருதப்படுகின்றன,” என்று கூறினார்.

இந்த இரண்டு நாள் நிகழ்வு குறித்துப் பேசிய டாக்டர் சூசன் ஜேக்கப், “கண் மருத்துவத் துறையில் தேசிய அளவிலான ஒரு முன்னணி முதுநிலைத் தொடர் மருத்துவக் கல்வி (CME) நிகழ்வாக ‘கல்பவிருக்‌ஷா’ அங்கீகாரம் பெற்றுள்ளது. மாணவர்களின் கல்வி அறிவை வலுப்படுத்தவும், மருத்துவப் புரிதலை மேம்படுத்தவும், அவர்களின் முதுநிலை பட்டப்படிப்பு தேர்வுகளுக்கு அதிக தன்னம்பிக்கையுடன் தயாராகவும் இது பயிற்சிக்கான செயல்தளத்தை வழங்கி வருகிறது. அதிகப் பலன் தரக்கூடிய இதன் கட்டமைக்கப்பட்ட அணுகுமுறை, வழக்கமான முதுநிலைப் பயிற்சிக்கு ஒரு மதிப்புமிக்க துணையாக இருப்பதோடு, திறமையான மற்றும் தன்னம்பிக்கை மிக்க கண் மருத்துவர்களை உருவாக்குவதில் அர்த்தமுள்ள பங்களிப்பை வழங்குகிறது,” என்றார்.

இந்த மருத்துவ கையேட்டை உருவாக்குவதில் எம்.ஜி.எம் ஹெல்த்கேர் நரம்பியல் அறுவை சிகிச்சை துறை இயக்குனர் டாக்டர் வி.ஆர். ரூபேஷ்குமார், மறுவாழ்வு மருத்துவத்தின் கிளினிக்கல் லீடு டாக்டர் ஏ.ஜே. ராஜேந்திரன் மற்றும் நரம்பியல் அறுவை சிகிச்சை நிபுணர் டாக்டர் எம்.பி. கவியரசன் ஆகியோர் குறிப்பிடத்தக்க பங்களிப்புகளை வழங்கியுள்ளனர்.

இக்கல்விதிட்டத்தில் உடல் மருத்துவம், மறுவாழ்வு சிகிச்சை, நரம்பியல், இயன்முறை சிகிச்சை, தொழில்முறை சிகிச்சை, பேச்சு-மொழி நோயியல் மற்றும் மருத்துவ உளவியல் நிபுணர்கள் என 150-க்கும் மேற்பட்ட வல்லுநர்கள் பங்கேற்றனர். காயம் அல்லது உடல்நல பாதிப்பால் இழக்கப்பட்ட உடலியக்க செயல்பாட்டை மீட்டெடுத்தல், மற்றும் நரம்பியல் மறுவாழ்வில் சமீபத்திய முன்னேற்றங்கள் மீது இக்கல்வித்திட்டம் சிறப்பு கவனம் செலுத்தியது. பக்கவாதத்திற்குப் பிந்தைய கீழ் மூட்டு மறுவாழ்வு, தீவிர சிகிச்சைப் பிரிவில் நரம்பியல் மறுவாழ்வு, நுரையீரல் இயக்கவியலை மேம்படுத்துதல், மூளை-கணினி இடைமுகம் மற்றும் மேம்பட்ட சிகிச்சை உத்திகள் உள்ளிட்ட பல்வேறு தலைப்புகளில் நிபுணர்கள் சிறப்புரையாற்றினர். இந்த தொடர் மருத்துவக் கல்வி நிகழ்ச்சியில் 26-க்கும் மேற்பட்ட மருத்துவ நிபுணர்கள் கலந்துகொண்டு தங்கள் கருத்துகளையும், அனுபவங்களையும் பகிர்ந்து கொண்டனர்.

இத்திட்டம் குறித்துப் பேசிய டாக்டர் வி.ஆர். ரூபேஷ்குமார், “சி.எம்.இ திட்டம் என்பது, நரம்பியல் மறுவாழ்வுத் துறையில் அறிவு, அனுபவங்கள் மற்றும் வளர்ந்து வரும் சிறந்த நடைமுறைகளைப் பகிர்ந்துகொள்ள நிபுணர்களை ஒன்றிணைக்கும் ஒரு அத்தியாவசிய கல்வி முயற்சியாகும். நரம்பியல் மறுவாழ்வு என்பது பொறுமை, துல்லியம், கனிவு மற்றும் வலுவான பல்வேறு துறைகளின் ஒருங்கிணைந்த அணுகுமுறை தேவைப்படும் ஒரு செயல்முறையாகும். மருத்துவ அறிவை மேம்படுத்தவும், புதிதாக கண்டறியப்பட்டுள்ள மறுவாழ்வு சிகிச்சை உத்திகளைப் புரிந்துகொள்ளவும், பல துறைகளுக்கு இடையேயான ஒத்துழைப்பை வலுப்படுத்தவும் இக்கல்வித் திட்டம் மருத்துவப் பணியாளர்களுக்கு ஒரு சிறந்த வாய்ப்பாகும். மருத்துவ முன்னேற்றங்களையும், புதிய உத்திகளையும் தொடர்ந்து கற்று, தங்கள் அறிவையும் திறனையும் மேம்படுத்துவதன் மூலம் எங்கள் நோயாளிகள் அதிக சுதந்திரம், கண்ணியம் மற்றும் வாழ்க்கைத் தரத்தை மீண்டும் பெறுவதற்கு நாங்கள் இன்னும் சிறப்பாக உதவ முடியும்,” என்று கூறினார்.

“நிலையான எதிர்காலத்திற்கான பொறியியல்” (Engineering a Sustainable Future) என்ற கருப்பொருளில் நடைபெறும் இந்த மூன்று நாள் மாநாடு, இந்தியாவின் அடுத்தகட்ட தொழில் துறை வளர்ச்சியை ஆதரிக்கத் தேவையான தொழில்நுட்பங்கள், கூட்டாண்மைகள் மற்றும் திறமைகளை விவாதிக்க கொள்கை வகுப்பாளர்கள், தொழில் துறை தலைவர்கள், ஆராய்ச்சியாளர்கள், கல்வியாளர்கள், குறு, சிறு மற்றும் நடுத்தர தொழில் நிறுவனங்கள் (MSMEs), புத்தொழில் நிறுவனங்கள் (Startups) மற்றும் மாணவர்களை ஒரே தளத்தில் ஒன்றிணைக்கிறது.

இம்மாநாட்டில் 3,000-க்கும் மேற்பட்ட பிரதிநிதிகள், 600-க்கும் மேற்பட்ட பேச்சாளர்கள், 900- க்கும் மேற்பட்ட ஆய்வுக் கட்டுரைகள், 12 தொழில்நுட்ப அமர்வுகள் மற்றும் 75-க்கும் மேற்பட்ட கண்காட்சியாளர்கள் பங்கேற்பார்கள் என்று எதிர்பார்க்கப்படுகிறது.

ஐஎம்இசிஇ (IMECE) மாநாடு மீண்டும் இந்தியாவில் நடத்தப்படுவது, உலகின் மிக வேகமாக வளர்ந்து வரும் பொறியியல் மற்றும் உற்பத்திப் பொருளாதாரங்களில் ஒன்றான இந்தியாவின் மீதான ஏஎஸ்எம்இ-யின் நீண்டகால அர்ப்பணிப்பைப் பிரதிபலிக்கிறது. தனது தொடக்கப் பதிப்பின் மாபெரும் வெற்றியைத் தொடர்ந்து, ‘ஐஎம்இசிஇ இந்தியா 2026' மேம்பட்ட உற்பத்தி, எரிசக்தி, இயக்கம் (Mobility) மற்றும் டிஜிட்டல் உருமாற்றம் ஆகியவற்றில் இந்தியாவின் தொழில் துறை இலக்குகளுடன் உலகளாவிய நிபுணத்துவத்தை இணைக்கும் பாலமாகச் செயல்படுகிறது.

இந்நிகழ்ச்சியில் பேசிய மாண்புமிகு தமிழக ஆளுநர் திரு. ராஜேந்திர விஸ்வநாத் அர்லேகர் கூறியதாவது, “நிலைத்தன்மை என்பது நமது இலக்காக இருக்க வேண்டும். எதற்காக? மனிதகுலத்தின் நலனுக்காகவே. நாம் செய்யும் ஒவ்வொரு செயல்பாடும், ஒவ்வொரு முயற்சியும் சக மனிதர்களுக்கானதே தவிர, எனக்கானது அல்ல. இது எனது ஆய்வகச் சுவர்களுக்கு வெளியே உள்ள மக்களுக்கானது. தங்கள் முன்னேற்றத்திற்காக இந்தக் குறிப்பிட்ட அறிவை எதிர்பார்த்துக் காத்திருக்கும் மக்களுக்கானது. இந்த நோக்கத்திற்காகவே, மனிதகுலத்தின் நலன் கருதி விவாதிக்க நாம் இங்கு கூடியுள்ளோம். ஒரு சிறந்த தொலைநோக்குச் சிந்தனையாளராக இருப்பதற்கும் அல்லது இந்தச் சிந்தனையை நிறைவேற்றுவதற்கும், நாம் அனைவரும் 'ஆத்மநிர்பார்' (தற்சார்பு) இலக்கை நோக்கிச் செயல்பட வேண்டும். நமது இலக்குகள், நமது நோக்கங்கள், நமது முயற்சிகள் மற்றும் செயல்பாடுகள் அனைத்தும் தற்சார்பை நோக்கியே அமைய வேண்டும்.”

தொடக்க விழாவில் பேசிய ஏஎஸ்எம்இ-யின் நிர்வாக இயக்குநரும் தலைமைச் செயல் அதிகாரியுமான (CEO) தாமஸ் கோஸ்டாபில் கூறியதாவது: “ஏஎஸ்எம்இ முதன்முதலில் ஐஎம்இசிஇ மாநாட்டை இந்தியாவிற்கு கொண்டு வந்தபோது, உலகளாவிய பொறியியலின் எதிர்காலத்தில் இந்தியா ஒரு தீர்க்கமான பங்கை வகிக்கும் என்ற எங்கள் நம்பிக்கையைப் பிரதிபலித்தது. தொழில் துறை, கல்வித்துறை, கொள்கை வகுப்பாளர்கள் மற்றும் பொறியியல் சமூகத்தினரிடமிருந்து கிடைத்த மகத்தான வரவேற்பு அந்த நம்பிக்கையை மேலும் வலுப்படுத்தியது. இன்று, மேம்பட்ட உற்பத்தி, எரிசக்தி, இயக்கம் மற்றும் டிஜிட்டல் கண்டுபிடிப்புகளுக்கான மிக முக்கியமான மையமாக இந்தியா உருவெடுத்து வருகிறது. ஐமெக் இந்தியாவின் இரண்டாவது பதிப்பு அந்த வேகத்தை முன்னெடுத்துச் செல்வதுடன், உலகளாவிய முக்கியத்துவம் வாய்ந்த தொழில் துறை சவால்களுக்குத் தீர்வு காண உலகளாவிய நிபுணத்துவமும் இந்தியக் கண்டுபிடிப்புகளும் ஒன்றிணையும் சிறந்த தளத்தை வழங்குகிறது” என்று குறிப்பிட்டார்.

இந்த ஆண்டு மாநாட்டின் உத்திசார் முக்கியக் களங்களை எடுத்துரைத்து, ஏஎஸ்எம்இ-யின் தலைமை உத்திசார் அதிகாரி (CSO) ஆனந்த் சேதுபதி பேசுகையில்: “ஐஎம்இசிஇ இந்தியா 2026 மாநாட்டில் முன்னிலைப்படுத்தப்படும் துறைகள், இந்தியாவின் தொழில் துறை எதிர்காலத்தை வடிவமைக்கும் மிக முக்கியமான வாய்ப்புகளைப் பிரதிபலிக்கின்றன. அணுசக்தி மற்றும் ஆழ்கடல் தொழில்நுட்பங்கள் முதல் விண்வெளி, பாதுகாப்பு மற்றும் செயற்கை நுண்ணறிவு சார்ந்த பொறியியல் வரை, இந்தத் துறைகளில் பொறியியல் சிறப்பானது நாட்டின் பொருளாதார வளர்ச்சி, தொழில்நுட்பத் தலைமை மற்றும் தேசிய போட்டித்தன்மையை நேரடியாக உயர்த்தும். இந்த வாய்ப்புகளை தொழில் துறை வெற்றிகளாக மாற்றுவதற்குத் தேவையான திறன்கள்,
கூட்டாண்மைகள் மற்றும் பணியாளர் தயார்நிலை ஆகியவற்றில் கவனம் செலுத்தும் வகையில் எங்கள் பொது விவாத அமர்வுகள் வடிவமைக்கப்பட்டுள்ளன” என்றார்.

நீண்டகால பொருளாதார வளர்ச்சி மற்றும் தொழில்நுட்பத் தலைமையை வழிநடத்தும் என எதிர்பார்க்கப்படும் துறைகளில் இந்தியாவின் தொழில் திறன்களை வலுப்படுத்துவதே இம்மாநாட்டின் முக்கிய நோக்கமாகும். மூன்று நாள் நிகழ்வின் போது நடைபெறும் விவாதங்கள் அணுசக்தி உற்பத்தி, நீலப் பொருளாதாரம் (Blue Economy), விண்வெளி மற்றும் பாதுகாப்பு, மற்றும் டிஜிட்டல் பொறியியல் ஆகியவற்றில் உள்ள வாய்ப்புகளை விரிவாக ஆராய்வதுடன், இந்திய தொழில் துறை எவ்வாறு மீள்தன்மையை உருவாக்கலாம், கண்டுபிடிப்புகளை விரிவுபடுத்தலாம் மற்றும் உலகளாவிய மதிப்புச் சங்கிலிகளில் தனது நிலையை வலுப்படுத்தலாம் என்பதை ஆய்வு செய்யும்.

மாநாட்டின் நிகழ்ச்சி நிரலில், “100-கிகாவாட் (GW) எதிர்காலத்திற்கான இந்தியாவின் அணுசக்தி விநியோகச் சங்கிலியை உருவாக்குதல்” குறித்த பிரத்யேக முழுமையான அமர்வு இடம்பெற்றுள்ளது. அதேவேளையில், “நீலப் பொருளாதாரத்திற்கான பொறியியல்: நிலையான எதிர்காலத்திற்கான கடல்சார், கடலடி மற்றும் ஆழ்கடல் தொழில்நுட்பங்கள்” என்ற தலைப்பிலான அமர்வானது, இந்தியாவின் கடல்சார் மற்றும் பெருங்கடல் பொருளாதாரத் திறனை முழுமையாகப் பயன்படுத்துவதற்குத் தேவையான தொழில்நுட்பங்கள் குறித்து விரிவாக ஆராயும்.

(அமைச்சர் – இடம் ஒதுக்கப்பட்டுள்ளது) பங்கேற்கும் “வடிவமைப்பிற்கு அப்பால் நகர்தல்: இந்தியாவின் விண்வெளி, பாதுகாப்பு மற்றும் உயர் தொழில்நுட்ப உற்பத்தி” (Moving Beyond Build-to-Print: India’s Aerospace, Defence & Hi-Tech Manufacturing) என்ற அமர்வின் மூலம் உற்பத்திப் போட்டித்தன்மையின் மீது கவனம் செலுத்தப்படும். அதே வேளையில், “அறிவார்ந்த எதிர்காலத்திற்கான பொறியியல்: செயற்கை நுண்ணறிவு, டிஜிட்டல் இரட்டையர்கள் மற்றும் தரவு சார்ந்த மெக்கானிக்கல் இன்ஜினியரிங்” (Engineering the Intelligent Future: AI, Digital Twins and Data-Driven Mechanical Engineering) என்ற அமர்வு செயற்கை நுண்ணறிவு, டிஜிட்டல் இரட்டையர்கள் (Digital Twins) மற்றும் மேம்பட்ட தரவு அமைப்புகள் எவ்வாறு பொறியியல் மற்றும் உற்பத்தித் துறைகளை உருமாற்றுகின்றன என்பதை ஆராயும்.

மாநாட்டை நடத்தும் நகரமாக சென்னை தேர்ந்தெடுக்கப்பட்டது குறித்து ஏஎஸ்எம்இ இந்தியாவின் தலைவரும் இயக்குநருமான மதுகர் சர்மா கூறுகையில், “மெக்கானிக்கல் இன்ஜினியரிங், உற்பத்தித் திறன் மற்றும் தொழில்நுட்பக் கல்வி ஆகியவற்றில் சென்னை நீண்டகாலமாக இந்தியாவின் முதன்மை மையங்களில் ஒன்றாகத் திகழ்கிறது. வாகனத் துறை மற்றும் கனரக பொறியியல் முதல் எரிசக்தி, விண்வெளி மற்றும் ஆராய்ச்சி வரை, இந்தியாவின் தொழில் வளர்ச்சி வரலாற்றில் இந்நகரம் ஒரு முக்கியப் பங்கை ஆற்றியுள்ளது. இங்கு ஐஎம்இசிஇ இந்தியா 2026 மாநாட்டை நடத்துவது அந்தப் பாரம்பரியத்திற்கான அங்கீகாரமாகவும், பொறியியல் மற்றும் உற்பத்தியின் எதிர்காலம் குறித்து விவாதிக்க இந்தியா முழுவதிலும் இருந்தும் உலகெங்கிலும் இருந்தும் பொறியியல் தலைவர்களை ஒன்றிணைப்பதற்கான ஒரு வாய்ப்பாகவும் அமைகிறது” என்றார்.

மாநாட்டின் தலைவர் மற்றும் அண்ணா பல்கலைக்கழகத்தின் பல்கலைக்கழக-தொழில் துறை ஒத்துழைப்பு மையத்தின் (CUIC) இயக்குநரான டாக்டர் கே. சண்முக சுந்தரம் மேலும் கூறுகையில், “ஐஎம்இசிஇ இந்தியா 2026 தொழில் துறை, கல்வித்துறை, அரசு, ஆராய்ச்சியாளர்கள், புத்தொழில் நிறுவனங்கள் மற்றும் மாணவர்களை ஒரு பொதுவான தளத்தில் ஒன்றிணைக்கிறது. இந்தத் தரப்பினரிடையே ஒத்துழைப்பை வளர்ப்பதன் மூலம், இந்த மாநாடு புதுமைகளை விரைவுபடுத்தவும், தொழில்-கல்வித்துறை கூட்டாண்மையை வலுப்படுத்தவும், இந்தியாவின் பொறியியல் இலக்குகளை அடைய ஆதரவளிக்கவும் மகத்தான வாய்ப்புகளை உருவாக்குகிறது” என்றார்.

தொழில்நுட்பம் மற்றும் தொழில் துறைக்கு அப்பால், திறமை மேம்பாடு மற்றும் புதிய கண்டுபிடிப்புகளுக்கு இந்த மாநாடு வலுவான முக்கியத்துவம் அளிக்கிறது. அண்ணா பல்கலைக்கழகத்தில் நடைபெற்ற ‘MEEd இந்தியா 2026 பொறியியல் கல்வி கருத்தரங்கின்’ (MEEd India 2026 Engineering Education Symposium) தொடர்ச்சியாக, இந்நிகழ்வில் பிரைன் போல்ட் (Brain Bolt), தி இன்ஜினியர்ஸ் ஸ்பிரிண்ட் 2026 (The Engineers Sprint 2026), ஏஎஸ்எம்இ ஐஷோ இந்தியா (ASME ISHOW India), இன்னோவேஷன் ஸ்கொயர் (Innovation Square) மற்றும் பொறியியலில் பெண்கள் (Women in Engineering) போன்ற சிறப்புத் திட்டங்கள் இடம்பெறுகின்றன. இவை மாணவர்கள், தொழில்முனைவோர் மற்றும் வளர்ந்து வரும் கண்டுபிடிப்பாளர்கள் தங்களது தீர்வுகளைக் காட்சிப்படுத்தவும், பொறியியல் துறை தலைவர்களுடன் கலந்துரையாடவும் சிறந்த வாய்ப்புகளை வழங்குகின்றன.

செப்டம்பர் 5 வரை நடைபெறும் ‘ஐஎம்இசிஇ இந்தியா 2026’ இந்தியாவின் முன்னணி பொறியியல் மற்றும் உற்பத்தி மையமாக சென்னையின் நிலையை மீண்டும் உறுதிப்படுத்துவதோடு, இந்தியாவின் பொறியியல் துறையின் எதிர்காலத்தை வடிவமைக்க
உதவும் உயர்மட்டக் கலந்துரையாடல்கள், கூட்டாண்மைகள் மற்றும் கண்டுபிடிப்புகளுக்கான முதன்மைத் தளத்தையும் உருவாக்குகிறது.

ஓராண்டுக்கு முன் நடந்த சாலை விபத்தில் முதுகுத்தண்டு வடத்தில் கடுமையான காயம் ஏற்பட்டதால், இரு கால்களின் இயக்கத்திறனை இந்நோயாளி இழந்திருந்தார். முழங்கைகளுக்குக் கீழே கைகளின் அசைவுத்திறனும் கடுமையாக குறைந்திருந்த 30 வயது ஆட்டோ ஓட்டுநருக்கு இச்சிகிச்சை மேற்கொள்ளப்பட்டது.

சிகிச்சைக்குப் பின், நோயாளிக்கு கை தசைகளின் பலத்தில் படிப்படியான முன்னேற்றம் ஏற்பட்டுள்ளது. தற்போது, 6 மாதங்களில், அவர் தனது கை நரம்பு இயக்கச் சக்தியில் MAR 1 தரத்திலான சிறந்த முன்னேற்றத்தை அடைந்துள்ளார்.

நரம்பியல் செயல்பாடு மேம்பட மேம்பட, இந்த முதுகுத்தண்டு வடத் தூண்டல் மின்முனைகளுக்கு அடிக்கடி புரோகிராமிங் செய்ய தேவைப்படும். வழக்கமான தொடர் பரிசோதனைகளும் மறுவாழ்வு சிகிச்சையும், கைகளின் செயல்பாட்டுத்திறனை அதிகப்படுத்துவதில் முக்கிய பங்கு வகிக்கும் என்பதால், தொடர் கண்காணிப்பில் வைக்கப்படும் இவரது உடல்நிலை, அடுத்த ஓராண்டுக்குள் சிறப்பாக மேம்படும் என எதிர்பார்க்கப்படுகிறது.

நோயாளி அனுமதிக்கப்பட்டபோது, விபத்தினால் முதுகுத் தண்டுவடத்திற்கு ஏற்பட்ட சேதத்தின் அளவை மதிப்பிட மருத்துவர்கள் கழுத்துப் பகுதியில் முதுகுத் தண்டுவடத்தின் மீது எம்.ஆர்.ஐ ஸ்கேன் மற்றும் பிற மருத்துவ பரிசோதனைகளை செய்ததில், அவருக்கு ASIA தரம் B முதுகுத்தண்டு வடக் காயம் இருப்பது உறுதி செய்யப்பட்டது. இது காயமடைந்த பகுதிக்குக் கீழே உணர்வுத் திறன் பாதுகாக்கப்பட்டிருந்தாலும், இயல்பான இயக்கத்திறன் பெருமளவு இல்லாத கடுமையான காயத்தை சுட்டிக்காட்டியது.

நோயறிதல் முடிவைத் தொடர்ந்து, நரம்பியல் மீட்சியை ஆதரிக்க, முதுகுத் தண்டுவடத் தூண்டல் சிகிச்சையை செய்ய மருத்துவர்கள் குழு முடிவு செய்தது. கழுத்துப் பகுதியில் முதுகுத் தண்டுவடத்தின் C5 நிலையில், முதுகுத் தண்டுவடத்தின் பாதுகாப்பான வெளி உறையான டூராவுக்கு (Dura) மேலே மின்முனைகள் கவனமாகப் பொருத்தப்பட்டு, 16-தொடர்பு முதுகுத்தண்டு வடத் தூண்டல் மின்முனை அமைப்பு பொருத்தப்பட்டது.

பாதிக்கப்பட்ட இயக்கத்திறன் செயல்பாட்டுடன் தொடர்புடைய முதுகுத் தண்டுவடப் பகுதியை இலக்காகக் கொண்டு இந்த இட அமைப்பு திட்டமிடப்பட்டது. இந்த மின்முனைகள் முதுகுத் தண்டுவடத்தின் செயல்பாட்டை ஒழுங்குப்படுத்த கட்டுப்படுத்தப்பட்ட மின் தூண்டல்களை வழங்குகின்றன. மேலும், நோயாளியின் மருத்துவப் பரிசோதனை மற்றும் முன்னேற்றத்தின் அடிப்படையில் மின்தூண்டல் அமைப்புகள் அவ்வப்போது சரிசெய்யப்படுகின்றன.

நரம்பியல் அறுவைசிகிச்சை துறை இயக்குநர் டாக்டர் ரூபேஷ் குமார் மற்றும் நரம்பியல் அறுவைசிகிச்சை நிபுணர் டாக்டர் அஜின்யா ரேவாட்கர் ஆகியோர் அடங்கிய நரம்பியல் அறுவைசிகிச்சை நிபுணர்கள் குழு, மின்முனை பொருத்துதல் மற்றும் முதுகுத் தண்டுவடத் தூண்டல் சிகிச்சையை வெற்றிகரமாக மேற்கொண்டது.

இது குறித்து கருத்துத் தெரிவித்த நரம்பியல் அறுவைசிகிச்சை துறை இயக்குநர் டாக்டர் ரூபேஷ் குமார் கூறுகையில், “பலவீனம், கடுமையான வலி அல்லது தசைப்பிடிப்பு ஆகிய கடும் சிரமங்களுடன், முதுகுத் தண்டுவடக் காயத்தால் பாதிக்கப்பட்ட நோயாளிகளுக்கு வழக்கமான சிகிச்சைகள் மற்றும் மறுவாழ்வு மூலம் இயக்கத்திறன் மீட்சி குறைவாகவோ அல்லது தாமதமாகவோ இருக்கும் பட்சத்தில், முதுகுத் தண்டுவடத் தூண்டல் சிகிச்சையானது புதிய நம்பிக்கையைக் கொடுக்கிறது. இந்த நோயாளியைப் பொறுத்தவரை, செய்யப்பட்ட இச்சிகிச்சை ஏற்கனவே கை அசைவுகளில் அளவிடக்கூடிய முன்னேற்றம் தந்துள்ளது மிகவும் ஊக்கமளிக்கிறது. சிகிச்சைக்கு முன் விரிவான மதிப்பீட்டை நடத்தி, சிகிச்சைக்குப் பின் தேவையான மறுவாழ்வு சிகிச்சைக்காக அவரைத் தயார்படுத்தினோம். தூண்டல் என்பது தனியாகச் செய்யப்படும் சிகிச்சையல்ல; இது முறையான பிசியோதெரபி மற்றும் மறுவாழ்வு சிகிச்சையுடன் இணைந்து செயல்படும்போது சிறந்த பலனைத் தரும்.

மருத்துவ முன்னேற்றத்தின் அடிப்படையில் மின்முனைகளுக்கு அவ்வப்போது புரோகிராமிங் செய்வதன் மூலம், வரும் மாதங்களில் அவரது நரம்பியல் மீட்சியை அதிகப்படுத்த முடியும் என நம்புகிறோம். கடுமையான பாதிப்புக்குள்ளான செயல்பாடுகளை மீண்டும் பெற விரும்பும் கவனமாகத் தேர்ந்தெடுக்கப்பட்ட நோயாளிகளுக்கு இந்தத் தொழில்நுட்பம், குணமளிக்கும் ஒரு வரமாக அமையும்,” என்றார்.

சென்னையில் நடந்த செய்தியாளர் சந்திப்பில், சிறப்புவிருந்தினர்நடிகைகுஷ்புசுந்தர்முன்னிலையில்இந்தச்சேவைதொடங்கப்பட்டது. இந்த நிகழ்ச்சியில் பிரசாந்த் மருத்துவமனைகள் குழுமத்தின் தலைவர் டாக்டர். கீதா ஹரிப்ரியா மற்றும் இயக்குனர் டாக்டர். சம்ஹிதா மோடூரி ஆகியோர் பங்கேற்றனர். ஐவிஎப்சிகிச்சையை எவ்விதத் தடங்கலுமின்றித் தொடர்வதில் உள்ள முக்கிய சவால்களைத் தீர்ப்பதே இந்த திட்டத்தின் முக்கிய நோக்கமாகும்.வேலைக்குச்செல்லும்தம்பதிகள் தங்களின் ஐவிஎப்சிகிச்சை பயணத்தில், மருத்துவமனைக்குச் செல்ல முடியாததாலோ அல்லது குறித்த நேரத்தில் ஊசி போட முடியாததாலோ சிகிச்சை தடைபடுவதை எதிர்கொள்கின்றனர். இதனால் சிகிச்சையை மீண்டும் புதிதாகத் தொடங்க வேண்டிய நிலை ஏற்படுகிறது. இதனைத் தவிர்த்து, நோயாளிகள் தங்கள் மருத்துவர்களின் கண்காணிப்பிலேயே வசதியாகச் சிகிச்சையைத் தொடர இந்த ‘பிரசாந்த் பெர்ட்டிலிட்டி அட் ஹோம்’ சேவை உதவும்.

குழந்தை இன்மை: ஒரு முக்கிய சவால்: இந்தியாவில் குழந்தையின்மை என்பது ஒரு முக்கிய சுகாதாரப் பிரச்சனையாக உருவெடுத்து வருகிறது. கணிசமான அளவிலான தம்பதிகள் இதனால் பாதிக்கப்படுவதாக இந்திய அரசும் ஏற்றுக்கொண்டுள்ளது. உலகளாவிய புள்ளிவிவரங்களின்படி, ஆறு பேரில் ஒருவர் தங்கள் வாழ்நாளில் குழந்தையின்மைப் பிரச்சனையை எதிர்கொள்வதாக மதிப்பிடப்பட்டுள்ளது. மருத்துவ ரீதியான சவால்களைத் தாண்டி, குழந்தையின்மை தம்பதிகள் மத்தியில் மிகப்பெரிய அளவிலான உணர்வுபூர்வமான, சமூக மற்றும் நிதி சார்ந்த பாதிப்புகளை ஏற்படுத்தலாம். ஏனெனில், கருவுறுதல் சிகிச்சைக்கு நீண்ட காலம் மருத்துவர் ஆலோசனைகள், பரிசோதனைகள், மருந்துகள் மற்றும் தொடர் கண்காணிப்பு ஆகியவை தேவைப்படுகின்றன.

இந்த முயற்சியின் ஒரு பகுதியாக, சிறப்பு மருத்துவக் குழு மற்றும் சென்னை முழுவதும் பயணிக்கக்கூடிய பிரத்யேக வாகனத்தையும் மருத்துவமனை அறிமுகப்படுத்தியுள்ளது. இதன் மூலம், தம்பதிகள் தங்கள் சிகிச்சையின் ஒவ்வொரு கட்டத்திற்கும் மருத்துவமனைக்குச் செல்ல வேண்டியதில்லை. ஊசி போடுதல், மருத்துவக் கண்காணிப்பு மற்றும் தொடர் பரிசோதனைகள் போன்ற சேவைகளை அவர்கள் வீட்டிலேயே எளிதாகப் பெற்றுக்கொள்ளலாம்.

நோயாளிகள் தங்கள் வீட்டில் பெறும் சேவைகளை எளிதாக முன்பதிவு செய்து நிர்வகிக்க, ‘பிரசாந்த் பெர்ட்டிலிட்டி’ என்ற பிரத்யேக மொபைல் செயலியையும் மருத்துவமனை அறிமுகப்படுத்தியுள்ளது. இந்தச் செயலி மூலம், நோயாளிகள் தங்கள் சிகிச்சைக்குத் தேவையான சேவைகளை முன்பதிவு செய்யலாம். அதன் பிறகு, மருத்துவக் குழுவினர் சென்னை முழுவதும் நோயாளிகள் இருக்கும் இடத்திற்கே சென்று சேவைகளை வழங்குவார்கள்.

தொழில்நுட்பம் மற்றும் தனிப்பட்ட கவனிப்பு ஆகியவற்றை ஒன்றிணைக்கும் இந்த முயற்சியின் மூலம், நோயாளிகள் தங்கள் மருத்துவர்களின் கண்காணிப்பில் வீடுகளிலேயே சிறந்த சேவைகளைப் பெற முடியும். இந்தச் செயலியும், சிறப்பு மருத்துவக் குழுவும் இணைந்து, தம்பதிகளின் ஐவிஎப்சிகிச்சை பயணத்தை மிகவும் எளிமையானதாகவும், பாதுகாப்பானதாகவும், வசதியானதாகவும் மாற்றும் வகையில் உருவாக்கப்பட்டுள்ளன.

இது குறித்துப் பேசிய பிரசாந்த் மருத்துவமனைகள் குழுமத்தின் தலைவர் டாக்டர். கீதா ஹரிப்ரியா கூறுகையில்,”கருவுறுதல் சிகிச்சையில் நாங்கள் எங்கள் பயணத்தை முதன்முதலில் தொடங்கியபோது, எங்கள் நோக்கம் எளிமையானதாக இருந்தது – பல தம்பதிகள் குழந்தை பாக்கியம் பெரும் மகிழ்ச்சியை அனுபவிக்கச் செய்ய வேண்டும் என்பதே அது. கடந்த பல ஆண்டுகளில், கருவுறுதல் சிகிச்சையில் மிகப்பெரிய மாற்றங்கள் வந்துள்ளன. ஆனால், நோயாளிகளுக்கு இந்தச் சிகிச்சைப் பயணத்தின் ஒவ்வொரு படியையும் எளிதாக்க வேண்டும் என்ற ஒரு விஷயம் மட்டும் மாறவே இல்லை.

‘பிரசாந்த் பெர்ட்டிலிட்டி அட் ஹோம்’ மூலம், மருத்துவமனையின் சுவர்களைத் தாண்டி, நோயாளிகள் இருக்கும் இடத்திற்கே கருவுறுதல் சிகிச்சையைக் கொண்டு செல்கிறோம். இது வெறும் வசதிக்காக மட்டுமல்ல; இது சிகிச்சையின் தொடர்ச்சி, நம்பிக்கை மற்றும் அன்பான கவனிப்பு பற்றியது. எதிர்காலத்தில் கருவுறுதல் சிகிச்சை என்பது நோயாளிகளுக்கு எளிதில் கிடைக்கக்கூடியதாகவும், அவர்களின் தனிப்பட்ட தேவைகளைப் பூர்த்தி செய்வதாகவும், அவர்களுடன் நெருங்கிய தொடர்பில் இருப்பதாகவும் மாற வேண்டும் என நாங்கள் நம்புகிறோம். அந்த இலக்கை நோக்கிய ஒரு முக்கியமான படியாகவே இந்த முயற்சி அமைந்துள்ளது” என்றார்.

இது குறித்து பிரசாந்த் மருத்துவமனைகள் குழுமத்தின் இயக்குனர் டாக்டர். சம்ஹிதா மோடூரி கூறுகையில்,“கருவுறுதல் சிகிச்சை என்பது ஒரு பயணம்; இதில் சிகிச்சையை எவ்வித இடையூறுமின்றித் தொடர்ந்து எடுத்துக்கொள்வது நல்ல பலனைத் தரும். இந்தச் சிகிச்சையின் போது பலமுறை மருத்துவமனைக்கு வருதல், சரியான நேரத்தில் மருந்துகளை எடுத்துக்கொள்ளுதல், தொடர் பரிசோதனைகள் ஆகியவை தேவைப்படும். வேலை, குடும்பம் மற்றும் பிற பொறுப்புகளைச் சமாளிக்கும் தம்பதிகளுக்கு, பலமுறை கருவுறுதல் மையத்திற்குப் பயணம் செய்வது ஒரு கூடுதல் சவாலாக மாறலாம்.

குழந்தையின்மைப் பிரச்சனை பல தம்பதிகளைப் பாதித்துள்ள நிலையில், சிகிச்சையை எளிதாகக் கிடைக்கச் செய்வதன் மூலமும், தேவையற்ற தடைகளைக் குறைப்பதன் மூலமும் அதிக அளவிலான நோயாளிகள் பயனடைவார்கள் என நாங்கள் நம்புகிறோம். மருத்துவர்களின் கண்காணிப்பில் நோயாளிகளுக்குத் தேவையான கவனிப்பை அவர்களின் இடத்திற்கே கொண்டு செல்லும் நோக்கத்தோடுதான் ‘பிரசாந்த் பெர்ட்டிலிட்டி அட் ஹோம்’ சேவை உருவாக்கப்பட்டுள்ளது.முடிவாக, கருவுறுதல் சிகிச்சையில் உள்ள சில நடைமுறைச் சிக்கல்களை நீக்குவதே இந்த முயற்சியின் நோக்கமாகும். இதன் மூலம், நோயாளிகள் தங்களின் மிக முக்கியமான இலக்கான குழந்தை பாக்கியத்தை அடைவதில் மட்டுமே முழுமையாகக் கவனம் செலுத்த முடியும்” என்றார்.

இந்த அறிமுக விழாவில் சிறப்பு விருந்தினராகக் கலந்து கொண்ட நடிகை குஷ்பு சுந்தர் தனது கருத்துகளைப் பகிர்ந்து கொள்கையில்:”குழந்தை பாக்கியம் பெறுவதற்கான பயணம் என்பது மிகவும் தனிப்பட்ட ஒரு விஷயம். கருவுறுதல்சிகிச்சை பெறும் தம்பதிகளுக்கு, இது உணர்வுபூர்வமாகவும் உடல் ரீதியாகவும் அதிக சவாலான ஒரு அனுபவமாக இருக்கலாம். அவர்களுக்கு அன்பான கவனிப்பும், நம்பிக்கையும், ஆதரவும் அதிகம் தேவைப்படும் இந்த நேரத்தில், அவர்களின் பயணத்தை எளிமையாகவும் எளிதில் அணுகக்கூடியதாகவும் மாற்றுவது ஒரு பெரிய மாற்றத்தை ஏற்படுத்தும். நோயாளிகளின் தேவைகளுக்கு ஏற்ப மருத்துவச் சேவைகள் மாற வேண்டும் என்பதை உணர்ந்து, தம்பதிகளுக்குத் தேவையான சிகிச்சையை அவர்களின் இடத்திற்கே கொண்டு சேர்க்கும் ‘பிரசாந்த் பெர்ட்டிலிட்டி அட் ஹோம்’ திட்டத்தின் தொடக்க விழாவில் பங்கேற்பதில் நான் மகிழ்ச்சியடைகிறேன். இதுபோன்ற முயற்சிகள் சிகிச்சையை எளிதாக்குவதோடு மட்டுமல்லாமல், தங்கள் வாழ்வின் மிக முக்கியமான பயணத்தை மேற்கொள்ளும் தம்பதிகளுக்கு அதிக நம்பிக்கையையும் ஆறுதலையும் அளிக்கும் என்று நான் நம்புகிறேன்,” என்று கூறினார்.

செயலி மற்றும் உதவி எண்

‘பிரசாந்த் பெர்ட்டிலிட்டி’ மொபைல் செயலி மூலம், நோயாளிகள் மருத்துவர்களைச் சந்திப்பதற்கான முன்பதிவுகளை எளிதாகச் செய்யலாம். மேலும், தொடர் பரிசோதனைகளை நிர்வகிக்கவும், தங்கள் மருத்துவப் பதிவுகள் மற்றும் சிகிச்சை தொடர்பான கோப்புகளைப் பராமரிக்கவும், தங்கள் சிகிச்சைப் பயணத்துடன் தொடர்ந்து இணைந்திருக்கவும் இந்த ஒரே செயலி உதவுகிறது.

‘பிரசாந்த் பெர்ட்டிலிட்டி அட் ஹோம்’ மூலம் கிடைக்கும் சேவைகள், அதற்கான தகுதிகள் மற்றும் முன்பதிவு குறித்த கூடுதல் தகவல்களைப் பெற, நோயாளிகள் 044 2888 2888 என்ற 24 மணிநேரமும் செயல்படும் உதவி மைய எண்ணையும் தொடர்பு கொள்ளலாம்.தம்பதிகளின் சிகிச்சைப் பயணத்தின் ஒவ்வொரு கட்டத்திலும் தரமான கருவுறுதல் சிகிச்சையை எளிதாகவும் வசதியாகவும் கிடைக்கச் செய்யும் நோக்கில், இந்தச் சேவை தற்போது சென்னை முழுவதும் வழங்கப்பட்டு வருகிறது என்பது குறிப்பிடத்தக்கது.