அஸ்வத் மாரிமுத்து இயக்கம், அனிருத் ரவிச்சந்தரின் இசை, அன்பரிவின் சண்டை பயிற்சி என புகழ்பெற்ற கலைஞர்களின் சக்திவாய்ந்த கூட்டணி, தொலைநோக்கு பார்வை கொண்ட கதைசொல்லல் மற்றும் தொழில்நுட்ப நேர்த்தி ஆகியவற்றோடு உருவாகும் ‘தர்மன்’, திரை ரசிகர்களுக்கு பெருவிருந்தாக தயாராகி வருகிறது.

ராஜ்கமல் ஃபிலிம்ஸ் இன்டர்நேஷனல் மற்றும் டர்மெரிக் மீடியா சார்பில் திரு. கமல்ஹாசன் மற்றும் ஆர். மகேந்திரன் இணைந்து தயாரிக்கும் ‘தர்மன்’, தொடர்ந்து பல நட்சத்திரங்களை கூட்டணியாக இணைத்து தன் பயணத்தைத் தொடர்கிறது.

சென்னை நீலாங்கரையில் உள்ள R.K. கன்வென்ஷன் ஹாலில் நடைபெற்ற இந்தத் திருமண விழா, தென்னிந்தியத் திரையுலகமே திரண்டு வந்த பிரம்மாண்டக் கொண்டாட்டமாக அமைந்தது. தமிழ், தெலுங்கு, மலையாளம், கன்னடம், இந்தி உள்ளிட்ட பல்வேறு திரையுலகங்களைச் சேர்ந்த முன்னணி நடிகர்கள், நடிகைகள், இயக்குநர்கள், தயாரிப்பாளர்கள் என ஏராளமான திரைப்பிரபலங்களும், அரசியல் தலைவர்கள், தொழிலதிபர்கள் உள்ளிட்ட பல்வேறு துறைகளைச் சேர்ந்த முக்கியப் பிரமுகர்களும் கலந்துகொண்டு மணமக்களை வாழ்த்தினர். நட்சத்திரங்களின் வருகையாலும் பிரம்மாண்டமான ஏற்பாடுகளாலும் இந்தத் திருமணக் கொண்டாட்டம் அனைவரது கவனத்தையும் ஈர்த்தது.

துபாயைத் தலைமையிடமாகக் கொண்டு சர்வதேச அளவில் பல்வேறு தொழில் துறைகளில் செயல்பட்டு வரும் Kannan Ravi Group (KRG), கட்டுமானம், எலக்ட்ரோ மெக்கானிக்கல் சேவைகள், ரியல் எஸ்டேட், ஹாஸ்பிட்டாலிட்டி உள்ளிட்ட துறைகளில் தனது செயல்பாடுகளை விரிவுபடுத்தி வருகிறது. ரவி கண்ணன் தலைமையில் வளர்ந்து வரும் இக்குழுமம், தற்போது இந்தியத் திரையுலகிலும் தனது தடத்தைப் பதித்து வருகிறது.

KRG Productions சார்பில் ‘இராவண கோட்டம்’, ‘தலைவர் தம்பி தலைமையில்’, ‘TN 2026’ உள்ளிட்ட திரைப்படங்களைத் தயாரித்துள்ள கண்ணன் ரவி, தொடர்ந்து பல புதிய திரைப்படங்களையும் தயாரித்து வருகிறார். இந்நிறுவனத்தின் திரைப்படத் தயாரிப்புப் பணிகளில் இணைத் தயாரிப்பாளராகத் தீபக் ரவியும் முக்கியப் பங்காற்றி வருகிறார்.

இவ்வாறு சர்வதேச அளவில் பல்வேறு தொழில்களிலும், இந்தியத் திரையுலகிலும் தனது பயணத்தைத் தொடர்ந்து வரும் KRG குழுமத்தின் குடும்ப விழாவாக நடைபெற்ற இந்தத் திருமணம், பல்வேறு துறைகளைச் சேர்ந்த பிரபலங்களின் பங்கேற்புடன் கோலாகலமாகவும் பிரம்மாண்டமாகவும் நிறைவடைந்தது.

கடந்த 2001 முதல் 2006 வரை அதிமுக ஆட்சிக் காலத்தில் வீட்டு வசதித்துறை அமைச்சராக இருந்தபோது, ​​வருமானத்துக்கு அதிகமாக சுமார் ரூ.2.68 கோடி முதல் ரூ.4.90 கோடி வரை சொத்து சேர்த்ததாக லஞ்ச ஒழிப்புத்துறையினர் வழக்குப்பதிவு செய்தனர். இந்த வழக்கு தொடர்பான விசாரணை தூத்துக்குடி நீதிமன்றத்தில் நடைபெற்று வந்தது. சுமார் 20 ஆண்டுகாலமாக நடைபெற்று வந்த இந்த வழக்கில், இன்று நீதிமன்றம் தீர்ப்பு வழங்கியது.

அதன்படி, போதிய ஆதராங்கள் இல்லை எனக்கூறி இந்த வழக்கில் சேர்க்கப்பட்டிருந்த அனிதா ராதாகிருஷ்ணன், அவரது மனைவி ஜெயகாந்தி, மகன்கள் ஆனந்த பத்மநாபன், ஆனந்த ராமகிருஷ்ணன், ஹரிஹரன் மற்றும் அவரது சகோதரர்கள் சண்முகானந்தன், சிவானந்தன் ஆகிய 7 பேரையும் விடுவித்து நீதிமன்றம் உத்தரவிட்டுள்ளது.

சூர்யா, நஸ்ரியா நஜீம், நஸ்லென், ஆனந்தராஜ், லால், ராஜ் பிரியன் உள்ளிட்ட பலர் நடித்திருக்கும் ‘சீன்’ படத்தை இயக்குநர் ஜித்து மாதவன் இயக்கியிருக்க, வினீத் அகஸ்டியன் ஒளிப்பதிவு செய்ய, சுஷின் ஷ்யாம் இசையமைந்திருக்கிறார். ஜெயஸ்ரீ தாமோதரன் இணை தயாரிப்பாளராக பணியாற்றி, மாஸ் ஆக்சன் என்டர்டெய்னராக தயாராகி இருக்கும் இந்த திரைப்படம் தீபாவளி திருநாளை முன்னிட்டு எதிர்வரும் நவம்பர் மாதம் ஆறாம் தேதி உலகம் முழுவதும் திரையரங்குகளில் வெளியாகிறது.

‘சீன்’ படத்தை ரசிகர்களுக்கு சென்றடையும் வகையில் விளம்பரப்படுத்தும் பணிகளை தொடங்கி இருக்கும் படக்குழு. இதன் முதல் நிகழ்வு ஐக்கிய அரபு அமீரகத்தின் துபாயில் உள்ள பிரபலமான வணிக வளாகத்தில் பிரத்யேகமாக நடைபெற்றது. இந்நிகழ்வில் நடிகர்கள் சூர்யா, நஸ்லென், நடிகை நஸ்ரியா நஜீம், இயக்குநர் ஜித்து மாதவன், இணை தயாரிப்பாளர் ஜெயஸ்ரீ தாமோதரன்- ராஜசேகர் பாண்டியன் ஆகியோர் கலந்து கொண்டனர்.

இணை தயாரிப்பாளர் ஜெயஸ்ரீ தாமோதரன் பேசுகையில்,

” ழகரம் என்பது சூர்யா அண்ணாவின் கனவு. அவருடைய கனவை நனவாக்கும் முயற்சிதான் ழகரம் ஸ்டுடியோஸ். சீன் படத்தின் மூலமாக முதல் முயற்சியை தொடங்கியிருக்கிறோம். ‘சூரரைப் போற்று’, ‘ஜெய் பீம்’ போன்ற திரைப்படங்களை தயாரித்த 2d என்டர்டெய்ன்மென்ட் நிறுவனத்தை கடந்து, ழகரம் ஸ்டுடியோஸ் நிறுவனத்திலும் படங்களை தயாரிக்க விரும்புகிறோம்.

இந்த திரைப்படத்தின் மூலம் இயக்குநர் ஜித்து மாதவன் புதிய உலகத்தை உருவாக்கி இருக்கிறார். அதில் நாங்களும் அவருடன் பயணித்திருக்கிறோம். படத்தின் வெளியீட்டிற்கு ஆதரவு அளித்து வரும் அனைவருக்கும் நன்றி.

2 டி என்டர்டெய்ன்மென்ட் ராஜசேகர் பேசுகையில்,

”ழகரம் ஸ்டுடியோஸ் நிறுவனத்தின் அழகான தொடக்கம் இந்த திரைப்படம். படத்தைப் பற்றி இந்த தருணத்தில் நிறைய விசயங்களை பகிர்ந்து கொள்ள முடியாது. இந்தத் திரைப்படத்தை திரையரங்கத்தில் பார்க்கும்போது நல்லதொரு அனுபவத்தை அனைவருக்கும் அளிக்கும். காமெடியாகவும் இருக்கும். இந்த திரைப்படத்தில் வித்தியாசமான சூர்யாவை ரசிகர்கள் பார்ப்பார்கள். இந்த திரைப்படத்தை உலகம் முழுவதும் வெளியிடும் அனைத்து விநியோகஸ்தர்களுக்கும் நன்றி” என்றார்.

இயக்குநர் ஜித்து மாதவன் பேசுகையில்,

”நான் மலையாளத்தில் பேச தொடங்கலாம் என நினைக்கிறேன். இந்த அரபு தேசத்தில் மலையாளிகள் அதிகம் இருக்கிறார்கள். ஆனாலும் தமிழில் பேசித்தான் ஆக வேண்டும். ஏனெனில் தமிழில் படத்தை இயக்கியிருக்கிறேன். அனைவரும் முதல் நாளில் திரையரங்கத்திற்கு வருகை தந்து இந்த படத்தை பார்க்க வேண்டும் என ஆசைப்படுகிறோம்.

சூர்யா இந்தப் படத்தின் கதையை கேட்கத் தொடங்கிய ஐந்து நிமிடங்களுக்குப் பிறகு சிரிக்கத் தொடங்கி விட்டார். அப்போதே இந்த கதை அவருக்கு பிடித்து விட்டது என்பதை உணர்ந்து கொண்டேன்.

தற்போது திரைப்படங்களுக்கான எல்லைக்கோடு மறைந்து விட்டது. எல்லோரும் எல்லா மொழி திரைப்படங்களையும் பார்க்கத் தொடங்கி விட்டார்கள். கேரளாவில் தமிழ் திரைப்படங்களையும்… தமிழகத்தில் மலையாள திரைப்படங்களையும்… பார்த்து வெற்றி பெறச் செய்கிறார்கள். தற்போது தமிழ் திரைப்படம்- மலையாள திரைப்படம் என்று வேறுபாடு ரசிகர்களிடத்தில் இல்லை. அதனால் இந்த திரைப்படம் அனைவருக்கும் பிடிக்கும் என நம்புகிறேன்” என்றார்.

நடிகர் நஸ்லென் பேசுகையில்,

”மிகுந்த பயத்துடன் தான் நான் இங்கு நிற்கிறேன். நான் இதற்கு முன் பலமுறை துபாய்க்கு வருகை தந்திருக்கிறேன். ஆனால் இந்த முறை சற்று ஸ்பெஷல்.‌ காரணம் இது என்னுடைய முதல் தமிழ் திரைப்படம். அதை நான் ஸ்பெஷலாக உணர்கிறேன். இதற்காக சூர்யா – நஸ்ரியா-  ஜித்து – ஆகியோருக்கு நன்றி. நவம்பர் ஆறாம் தேதி திரையரங்கத்தில் இந்த படத்தை பார்த்துவிட்டு தங்களுடைய அபிப்பிராயத்தை தெரிவிக்க வேண்டும். உங்களுடைய அன்பும் ஆதரவும் தொடரட்டும்.

நான் சிறிய வயதிலிருந்து திரையில் பார்த்து ரசித்த ஒரு நட்சத்திர நடிகருடன் நடிக்க வேண்டும் என்ற போது.. முதல் நாள் படப்பிடிப்பின் போது நெஞ்சம் படபடத்தது. மனதில் எதுவுமில்லை. மனம் முழுவதும் வெற்றிடமாகவே இருந்தது. ஆச்சரியத்தில் மிதந்தேன். ஒரு கனவு நனமானது போல் இருந்தது. இந்தப் படத்தில் நான் வித்தியாசமான கதாபாத்திரத்தில் நடித்திருக்கிறேன்” என்றார்.

நடிகை நஸ்ரியா நஜீம் பேசுகையில்,

” நான் பிறந்தது வளர்ந்தது படித்தது எல்லாம் துபாயில் தான். அதனால் மீண்டும் இங்கு வருகை தந்திருப்பதற்கு மகிழ்ச்சியடைகிறேன். இங்கு வருகை தந்திருக்கும் அனைவருக்கும் நன்றி.‌ 12 வருடங்களுக்குப் பிறகு நான் மீண்டும் தமிழில் நடித்திருக்கிறேன். இதற்காக என் மீது நம்பிக்கை வைத்து இந்த படத்தின் நடிக்க வாய்ப்பளித்த இயக்குநர் ஜித்துவிற்கு நன்றி.‌ இந்த திரைப்படத்திற்கான பயணத்தில் உடன் பயணித்த சூர்யா- நஸ்லென்- ஆகியோருக்கும் நன்றி. நவம்பர் 6ஆம் தேதி அனைவரும் திரையரங்கத்திற்கு சென்று இந்த படத்தை பார்க்க வேண்டும். அனைவரும் வயிறு குலுங்க சிரித்து மகிழ்வீர்கள்.

நான் சிறிய வயதில் இருந்து சூர்யாவின் திரைப்படங்களை பார்த்து ரசித்து இருந்தாலும், இந்தப் படத்தில் அவருடன் இணைந்து நடித்தது மறக்க முடியாதது” என்றார்.

நடிகர் சூர்யா பேசுகையில்,

”இங்கு வருகை தந்து எங்களுக்காக பொறுமையுடன் காத்திருந்து அன்பையும், ஆதரவையும் அளித்த அனைவருக்கும் நன்றி.

நான் இயக்குநர் ஜித்து மாதவனுடன் இணைந்து பணியாற்ற வேண்டும் என மனதிற்குள் பிரார்த்தனை செய்தேன். அது உடனே நடைபெறும் என நினைக்கவில்லை.  இதற்கு பின் ஒரு நாள் அவர் என்னை சந்தித்தார். கதையை சொன்னார். பொதுவாக நான் கதை கேட்கும் போது அமைதியாகத்தான் கேட்பேன். ஆனால் ஜித்து கதையை கேட்ட ஐந்து நிமிடங்களுக்குப் பிறகு சிரித்தேன். அவர் சொன்ன கதையை முழுவதுமாக கேட்டு ரசித்தேன். அவர் எப்போதும் போல் ‘சீன்’ திரைப்படத்திலும் புதிய உலகத்தை உருவாக்கியிருக்கிறார்.

இந்தப் படத்தில் ‘மாயா’ என்ற கதாபாத்திரத்தில் திறமையான நடிகை நஸ்ரியா தன் முழுமையான பங்களிப்பை வழங்கி இருக்கிறார்.‌

இந்தப் படத்தின் மூலம் தமிழில் அறிமுகமாகும் நஸ்லென் இன்னும் நிறைய தமிழ் திரைப்படங்களில் நடிக்க வேண்டும். நடிப்பார்.‌ இந்தப் படத்தில் நடிப்பில் அவர் ஒரு மேஜிக்கை நிகழ்த்தி இருக்கிறார்.

நான் இசையமைப்பாளர் சுஷின் ஷ்யாமின் ரசிகர். அவரும் இப்படத்தின் மூலம் தமிழில் அறிமுகமாகிறார்.
ஒளிப்பதிவாளர் -படத்தொகுப்பாளர் – சண்டை பயிற்சியாளர்- என அனைவரும் இந்த படத்தில் மூலம் தமிழில் அறிமுகமாகிறார்கள். அவர்கள் இனிமேல் நடைபெறும் ஒவ்வொரு நிகழ்விலும் கலந்து கொண்டு அவர்களின் அனுபவத்தை பகிர்ந்து கொள்வார்கள். கேரளாவில் இருந்து ஒரு குழுவினர் தமிழில் ஒரு திரைப்படத்தை வித்தியாசமாக உருவாக்கியிருக்கிறார்கள்.

திரையுலகில் அறிமுகமாகி 28 ஆண்டுகளில், 48 திரைப்படங்களை நிறைவு செய்திருக்கிறேன். ஆனால் இந்த ‘சீன்’ திரைப்பட பயணம் மிகவும் புத்துணர்ச்சியானது. தீபாவளியன்று…. உங்களுக்கு எல்லாம் எப்படி ‘கருப்பு’ திரைப்படம் பிடித்ததோ.. ‘விஸ்வநாத் & சன்ஸ்’ படம் பிடித்ததோ… அதேபோல் ‘சீன்’ திரைப்படமும் பிடிக்கும். இந்த திரைப்படம் ஃபிரஷ்ஷான படைப்பாக இருக்கும். இதை நீங்கள் கிரைம் திரில்லர் என்றும் சொல்லலாம். மர்டர் மிஸ்டரி என்றும் சொல்லலாம். ஆனால் இந்த திரைப்படம் ஃபேமிலி என்டர்டெய்னராகவும் இருக்கும்.

நான் இதுவரை மலையாளத்தில் நேரடியாக நடிக்கவில்லை. இருப்பினும் அங்கிருந்து தொழில்நுட்ப கலைஞர்கள் மற்றும் நடிகர்களுடன் இணைந்து ஒரு தமிழ் படத்தில் நடித்திருக்கிறேன். அதனால் இந்த படம் கேரள மக்களுக்கும் பிடிக்கும் என்று நம்புகிறேன். எனவே தீபாவளி திருநாளை முன்னிட்டு நவம்பர் 6ஆம் தேதி திரையரங்குகளில் வெளியாகும் படத்தை பார்த்து ரசிக்க வேண்டும் என கேட்டுக்கொள்கிறேன்.

இந்த படத்தின் கதையை கேட்டவுடன் நடிக்க தீர்மானித்தேன். படத்தை உருவாக்கவும் முடிவு செய்தோம்.

சரவணனிடமிருந்து சூர்யாவை ரசிகர்கள் எதிர்பார்க்கிறார்கள். அவர்களுக்காக நான் சூர்யாவாக இருக்கிறேன். சூர்யாவின் கண்டறியப்படாத பல முகங்களை திரையில் அவர்களுக்காக வெளிப்படுத்துகிறேன். அவர்களுடைய நிபந்தனையற்ற அன்பின் காரணமாக வித்தியாசமான சூர்யாவை திரையில் வெளிப்படுத்துகிறேன். ரசிகர்களுக்கும்…கதாபாத்திரத்திற்கும்… எந்த அளவிற்கு உண்மையாக இருக்க முடியுமோ..! அந்த அளவிற்கு கடுமையாக உழைக்கிறேன். இதற்காக தங்களுடைய பங்களிப்பை வழங்கிய இயக்குநர்களுக்கும், தயாரிப்பாளர்களுக்கும் இந்த தருணத்தில் என் நன்றியை தெரிவித்துக் கொள்கிறேன். அவர்கள் தான் இந்த சூர்யாவிற்கான அடையாளத்தை உருவாக்கியிருக்கிறார்கள்.

சொந்த வாழ்க்கையிலும்.. தொழில் முறையிலான வாழ்க்கையிலும் நான் ஒரு விசயத்தில் சிறிய அளவில் முயற்சி செய்தால்…. அதிலிருந்து எனக்கு பத்து மடங்கு அதிகமாக நல்லவை கிடைக்கிறது.  நடிகராக நான் ஒரு சதவீதம் முயற்சி செய்தால்… எனக்கு ரசிகர்களிடமிருந்து நூறு சதவீதம் பேரன்பு கிடைக்கிறது.

இங்கு பல மணி நேரம் பொறுமையுடன் நின்று கொண்டு பார்த்து ரசிக்கிறார்கள். இந்த ரசிகர்களுக்கு உண்மையாக இருக்க வேண்டும் என விரும்புகிறேன். அவர்கள் என் மீது வைத்திருக்கும் மரியாதையையும், என் மீது செலுத்தும் பேரன்பும் தான் என்னை தொடர்ந்து இயங்க வைக்கிறது.

நானும், ராஜசேகரும் பள்ளிக்கூடத்தில் இருந்து நண்பர்கள். நாங்கள் இருவரும் ஒன்றாக சேர்ந்து  2 டி என்டர்டெய்ன்மென்ட் நிறுவனத்தை தொடங்கினோம்.  இந்த நிறுவனத்தின் சகோதர நிறுவனம் தான் ழகரம் ஸ்டுடியோஸ்.

அகரம் பவுண்டேஷனை இருபது ஆண்டுகளாக ஜெயஸ்ரீ தாமோதரன் தான் நிர்வகித்து வருகிறார். தற்போது ழகரம் ஸ்டுடியோவையும் அவர் நிர்வகிக்க தொடங்கி இருக்கிறார்.  ழகரத்திற்கு இது முதல் மேடை. இதற்கு உங்களின் அன்பும் ஆதரவும் தேவை.

2 டி நிறுவனத்தின் மூலம் தொடர்ந்து மக்களை மகிழ்விக்கும் தரமான பொழுதுபோக்கு அம்சங்கள் உள்ள படங்களை தயாரிக்கும். அந்த திரைப்படங்கள் வணிக ரீதியாகவும் வெற்றி பெற வேண்டும் .ரசிகர்களுக்கும் பிடிக்க வேண்டும் என்றிருக்கும். இவை பெரும்பாலும் ரசிகர்களுக்கு பழக்கமான முறையில் இருக்கும். இது தொடரும்.

ஆனால் ழகரம் ஸ்டுடியோஸ் நிறுவனத்தின் மூலம் புதிய இளம் திறமைசாலிகளை கண்டறிந்து அவர்களுக்கு வாய்ப்பு வழங்குவதற்காக தொடங்கி இருக்கிறோம்.‌ தொடர்ந்து இந்த நிறுவனத்தின் மூலம் புதிய இளம் திறமைசாலிகளை கண்டறிந்து அறிமுகப்படுத்த திட்டமிட்டிருக்கிறோம்.

‘யுவர் த பெஸ்ட்..யூ கேன் யூ எனிதிங்..’ இந்த டயலாக் படம் பார்க்கும்போதும்… பார்த்த பிறகும்… ரசிகர்கள் அனைவருடனும் தொடர்பு கொள்ளும் என நம்புகிறேன்.

நீங்கள் இன்ஸ்டாகிராமில் நல்ல விசயங்களையோ அல்லது கெட்ட விசயங்களையோ பார்த்தால்.. பார்க்கத் தொடங்கினாளல்.. தொடர்ந்து அதே போன்ற வீடியோக்கள் உங்களுடைய இன்ஸ்ட்டாவில் வரும். அதனால் தான் உங்களுடைய சிந்தனையை நல்ல விசயங்களுக்கு மட்டுமே செலவிடுங்கள். நல்ல விசயத்தை மட்டுமே இன்ஸ்டாவில் பாருங்கள். இதுதான் உங்களுடைய வாழ்க்கையிலும் எதிரொலிக்கும். இதனால் எப்போதும் நல்ல எண்ணங்களை மட்டுமே நினைக்க வேண்டும். அப்போதுதான் அது வாழ்க்கையிலும் எதிரொளலித்து.. மகிழ்ச்சியையும், அமைதியையும் தரும். இது மிகவும் உண்மையானது. சத்தியமானது. எல்லோரும் வாழ்க்கையில் வெற்றி பெற வேண்டும் என நான் மனதிற்குள் பிரார்த்தித்துக் கொள்கிறேன்” என்றார்.

ஹரிணி சுப்பு சினி கிரியேஷன்ஸ் சார்பில் சுப்புலட்சுமி ஜெயராம் தயாரித்துள்ள இப்படத்தை டாக்டர் எஸ். ராஜா கதை, திரைக்கதை, வசனம் எழுதி இயக்கியுள்ளார். குரு விஜய் கதாநாயகனாக நடித்துள்ளார். தர்ஷினி ரெட்டி, தபிதா குணரத்னே, மோனிகா ப்ரீத்தி உள்ளிட்டோர் முக்கியக் கதாபாத்திரங்களில் நடித்துள்ளனர். குறிப்பாக பாஜக மூத்த தலைவர் ஹெச். ராஜா தமிழக முதலமைச்சர் கதாபாத்திரத்தில் நடித்திருப்பது படத்தின் மீதான எதிர்பார்ப்பை மேலும் அதிகரித்துள்ளது.

இன்றைய சமூகத்தில் இளைஞர்களைச் சீரழிக்கும் போதைப்பொருள் பழக்கம், மருத்துவம் குறித்த விழிப்புணர்வின் அவசியம். மனித உயிரின் மதிப்பு மற்றும் தனிமனித ஒழுக்கம் போன்ற முக்கியமான கருத்துகளை மையமாகக் கொண்டு இப்படம் உருவாக்கப்பட்டுள்ளது.

மருத்துவர்களின் அர்ப்பணிப்பு, செவிலியர்களின் சேவை, குடும்ப உறவுகளின் முக்கியத்துவம் மற்றும் சமூகத்தின் மீதான ஒவ்வொருவரின் பொறுப்பு ஆகியவற்றையும் வலுவாக எடுத்துரைக்கும் வகையில் திரைக்கதை அமைக்கப்பட்டுள்ளது.

பொழுதுபோக்குடன் சமூகத்திற்குத் தேவையான விழிப்புணர்வையும் வழங்க வேண்டும் என்ற நோக்கில் உருவாக்கப்பட்ட இப்படம் ரசிகர்கள் மற்றும் பொதுமக்கள் மத்தியில் நல்ல வரவேற்பைப் பெறும் என்று படக்குழுவினர் நம்பிக்கை தெரிவித்துள்ளனர்.

நடிகர்கள்:

– எச். ராஜா – தமிழ்நாடு முதலமைச்சர்
– டாக்டர் எஸ். ராஜா – டாக்டர் சந்திரபோஸ்
– குரு விஜய் – டாக்டர் விஜய்
– தர்ஷினி ரெட்டி – டாக்டர் விஜயலட்சுமி
– பிரதிக்ஷா மனோ பிரசாந்த் – திவ்யா (குழந்தை நட்சத்திரம்)
– சிதம்பரம் PDK – தங்கதுரை
– மௌனிகா ப்ரீத்தி V – டாக்டர் மௌனிகா
– தபிதா குணரத்னே – டாக்டர் பிரியா

தொழில்நுட்பக் குழு

தயாரிப்பு: ஹரிணி சுப்பு சினி கிரியேஷன்ஸ்
தயாரிப்பாளர்: சுப்புலட்சுமி ஜெயராம் (B.Sc), California, USA
கதை / திரைக்கதை / வசனம் / இயக்கம்: டாக்டர் எஸ். ராஜா (M.D., USA)
ஒளிப்பதிவு: வாசு பி. ராம்நாத்
படத்தொகுப்பு: ராஜா முகமது
இசை: டாக்டர் எஸ். ராஜா & ஹரிணி சுப்பு மியூசிக் டீம்
சண்டைப் பயிற்சி: ஸ்டண்ட் கார்த்திக்
மக்கள் தொடர்பு: பா. சிவக்குமார்

கடந்த ஓரிரு ஆண்டுகளாகவே அனிருத்தின் காதல் குறித்த தகவல்கள் பெரும் பரபரப்பை உண்டாக்கி வருகின்றன. அதாவது பிரபல சினிமா தயாரிப்பாளரான கலாநிதிமாறனின் மகளும், ஐதராபாத் சன்ரைசர்ஸ் கிரிக்கெட் அணியின் நிர்வாக பொறுப்பாளருமான காவ்யா மாறனும், அனிருத்தும் காதலித்து வருவதாக தொடர்ந்து கிசுகிசுக்கப்பட்டு வந்தது. ஆனாலும் இதுகுறித்து இருதரப்பில் இருந்தும் மவுனம் மட்டுமே பதிலாக இருந்து வந்தது.

தற்போது இந்தப் பேச்சு அடுத்த கட்டத்தை எட்டி, இருவரும் திருமண வாழ்க்கையில் இணையத் தயாராகி இருக்கிறார்கள். அதாவது கிரீஸ் நாட்டில் அடுத்த மாதம் (நவம்பர்) 11-ந்தேதி அனிருத்-காவ்யா மாறன் திருமணம் நடைபெறுகிறது.

அனிருத்-காவ்யா மாறன் திருமணம் முதலில் செஷல்ஸ் நாட்டில் நடைபெறலாம் என்று எதிர்பார்க்கப்பட்ட நிலையில், தற்போது கிரீஸ் நாடு தேர்வு செய்யப்பட்டிருக்கிறதாம். கடற்கரைகள், அழகிய கட்டிடங்கள், கண்கவர் இயற்கைக்காட்சிகள் என உலகப் புகழ்பெற்ற சுற்றுலாத் தலங்களைக் கொண்ட கிரீஸ், பிரமாண்டமான திருமண நிகழ்ச்சிகளுக்கும் ஏற்ற இடமாக கருதப்படுகிறது.

அந்தவகையில் அனிருத்-காவ்யா மாறனின் திருமணத்தை கிரீசில் நடத்திட இரு குடும்பத்தாரும் முடிவு செய்துள்ளார்கள். இந்த திருமணத்தில் முன்னணி பிரபலங்கள், இரு குடும்பத்தார் மற்றும் நெருங்கிய உறவினர்கள், நண்பர்கள் மட்டுமே அழைத்து செல்லப்பட இருக்கிறார்கள். இதற்காக 4 தனி விமானங்களும் ஏற்பாடு செய்யப்பட்டிருக்கிறது.

1979-ஆம் ஆண்டு திரைக்கலைஞர் திரு. சிவகுமார் அவர்களின் 100-வது திரைப்படமான ‘ரோசாப்பூ ரவிக்கைக்காரி’ படத்திற்காகப் பெற்ற முழுச் சம்பளமான ரூ.25,000-ஐ வங்கியில் முதலீடு செய்து, அதன் வட்டித் தொகையைக் கொண்டு மாணவர்களுக்கு உதவும் நோக்கில் இந்த அறக்கட்டளை தொடங்கப்பட்டது. ஆரம்பத்தில் மாணவர்களுக்குப் பரிசுகள் வழங்கப்பட்ட நிலையில், பின்னர் சிவகுமார் அவர்களின் சொந்த நிதியில் இருந்து உதவித்தொகைகள் வழங்கப்பட்டன. 2006-ஆம் ஆண்டு முதல் ‘அகரம் ஃபவுண்டேஷன்’ இந்த அறக்கட்டளையின் பொறுப்பை முழுமையாக ஏற்று, ஆண்டுதோறும் உதவித்தொகைகளையும் விருதுகளையும் வழங்கி வருகிறது.

ஓவியர் ஜீவானந்தனுக்கு விருது:
கல்வியில் சிறந்த மாணவர்களை ஊக்குவிப்பதோடு, ஓவியத் துறையில் நீண்ட காலம் சிறப்பாகப் பங்காற்றிய மூத்த கலைஞர்களைக் கௌரவிக்கும் வகையில் ஆண்டுதோறும் ரூ.1 லட்சம் பரிசுத்தொகையுடன் சிவகுமார் கல்வி அறக்கட்டளை விருது வழங்கி வருகிறது. இதுவரை ஓவியர்கள் அம்புலிமாமா சங்கர், ராமு, ஜெயராஜ், மாயா, மணியம் செல்வன் ஆகியோர் பெற்றுள்ள நிலையில், இந்த 47-வது ஆண்டு விழாவில் சிறந்த ஓவியரும் கலைத்துறையின் குறிப்பிடத்தக்க ஆளுமையுமான ஓவியர் ஜீவானந்தன் அவர்களுக்கு ரூ.1 லட்சம் பொற்கிழியுடன் விருது வழங்கி கௌரவிக்கப்பட்டது.

25 மாணவ, மாணவியருக்குக் கல்வி ஊக்கத்தொகை!
பொருளாதாரச் சவால்களையும் பல்வேறு தடைகளையும் கடந்து, பிளஸ் டூ பொதுத்தேர்வில் சிறந்த மதிப்பெண்கள் பெற்று கல்லூரியில் சேர்ந்துள்ள 25 மாணவ, மாணவியர் ஒவ்வொருவருக்கும் தலா ரூ.10,000 வீதம் மொத்தம் ரூ.2,50,000 கல்வி ஊக்கத்தொகையாக வழங்கப்பட்டது. மாணவர்களின் சாதனையைப் பாராட்டி, அவர்களை மேலும் ஊக்குவிக்கும் வகையில் சான்றிதழ்களும் வழங்கப்பட்டன.

தொடர்ந்து, விளிம்புநிலை மாணவர்களின் கல்விக்காகச் செயல்படும் கீழ்க்கண்ட மூன்று அமைப்புகளின் தன்னலமற்ற சேவையைப் பாராட்டி, அகரம் ஃபவுண்டேஷன் சார்பில் நிதியுதவிகள் வழங்கப்பட்டன :

1. திண்டிவனம் ‘தாய் தமிழ்ப் பள்ளிக்கு’ ரூ. 6,28,000/- நிதியுதவி:
திண்டிவனம் ரோசனை பகுதியில் ‘தாய்மொழிக் கல்வியே சிறந்த கல்விமுறை’ என்ற உயரிய சிந்தனையோடு கடந்த 25 ஆண்டுகளாக இயங்கி வரும் பள்ளி ‘தாய் தமிழ் தொடக்கப்பள்ளி’. இப்பள்ளி மாணவர்களுக்கு இலவசக் கல்வியோடு மதிய உணவுத் திட்டத்தையும் வழங்கி வருகிறது. இப்பள்ளியின் சீரிய பணிகளுக்குக் கடந்த 16 ஆண்டுகளாக அகரம் துணைநின்று வருகிறது. அதன் தொடர்ச்சியாக, 2026 – 2027 கல்வியாண்டில் அங்கு பணியாற்றும் ஆசிரியர்களின் மாதச் சம்பளப் பங்களிப்பிற்காக ரூ. 6,28,000/- வழங்குவதற்கான உறுதியேற்பு கடிதம் தாய் தமிழ்ப் பள்ளி நிர்வாகிகளிடம் வழங்கப்பட்டது.

2. ஈரோடு ‘சுடர்’ அமைப்புக்கு ரூ. 2,00,000/- நிதியுதவி:
ஈரோடு மாவட்டப் பழங்குடி குழந்தைகளின் கல்வி மேம்பாட்டிற்காக கடந்த 20 ஆண்டுகளாகச் செயல்பட்டு வரும் அமைப்பு ‘சுடர்’. சத்தியமங்கலம் மற்றும் பர்கூர் மலைப்பகுதிகளில் பள்ளி இடைநின்ற குழந்தைகளை மீண்டும் பள்ளிக்கு வரவழைக்கவும், கற்றல் இடைவெளியைப் போக்கவும் 25 மாலை நேரப் படிப்பகங்களை நடத்தி வருகிறார்கள். இந்த நற்பணிகளுக்குத் தேவைப்படும் நிதி ஆதாரத்தின் சிறு பகுதியாக ரூ. 2,00,000/-க்கான காசோலை சுடர் அமைப்பின் நிறுவனர் திரு. நடராஜன் அவர்களிடம் வழங்கப்பட்டது.

3. ‘வாழை’ அமைப்புக்கு ரூ. 3,00,000/- நிதியுதவி:
சென்னை மாநிலக் கல்லூரி முன்னாள் மாணவர்களால் தொடங்கப்பட்டு, தருமபுரி, விழுப்புரம் உள்ளிட்ட மாவட்டங்களில் உள்ள அரசுப் பள்ளி மாணவர்களுக்கு வழிகாட்டும் (Mentoring) பணிகளை மேற்கொண்டு வந்த ‘வாழை’ அமைப்பு. தற்போது கிருஷ்ணகிரி மாவட்டம் அய்யூர் வனப்பகுதியில் அமைந்துள்ள 7 அரசு தொடக்க மற்றும் நடுநிலைப் பள்ளிகளில் ஆசிரியர்களை நியமித்து கல்வி மேம்பாட்டு பணிகளை முன்னெடுத்து வருகிறார்கள். இவர்களின் தன்னார்வப் பணிகளுக்கு உதவும் வகையில், மாதந்தோறும் ரூ.25,000/- வீதம் இந்த ஆண்டிற்கான பங்களிப்பாக ரூ. 3,00,000/- வழங்குவதற்கான உறுதியேற்பு கடிதம் வாழை அமைப்பின் தன்னார்வலர்களிடம் வழங்கப்பட்டது.

விழாவில் மாணவர்களைப் பாராட்டி, திரைக்கலைஞர் சிவகுமார் அவர்கள் பேசியதாவது:
மாணவ – மாணவிகளுக்கு நான் ஒன்னு சொல்லிக்கிற ஒரே ஒரு விஷயம் — கல்வியும் ஒழுக்கமும் இருந்தால், உலகத்திலே எந்த மூலையில் போய் வேண்டும் என்றாலும் நீங்கள் சாதிக்க முடியும். அந்த ஒன்றுதான் அடிப்படை. நீங்கள் ஏழைப் பெற்றோருக்கு பிறந்தீர்களா, பெற்றோர் இழந்த குழந்தைகளா, கிராமத்தில் பிறந்தீர்களா — எதைப் பற்றியும் கவலைப்பட வேண்டாம். உங்களுக்குக் கல்வியும் ஒழுக்கமும் இருந்தால், உலகத்திலே எந்த மூலையிலும் போய் சாதிக்க முடியும் என்பதை நீங்கள் மனதில் புரிந்து கொள்ளுங்கள். அதற்கு ஒரு சின்ன, மிகச் சின்ன உதாரணம் நான்.

நாங்க படிச்ச காலத்துல பள்ளிக்கூடம் என்று ஒன்று கிடையாது, பள்ளிக்கூட கட்டிடம் கிடையாது, வாத்தியார்கள் முறையா கிடையாது. எல்லாம் பிரைவேட் பள்ளிக்கூடம், பிரைவேட் வாத்தியாரு. ‘கலங்கள்’ என்பது எங்க கிராமத்துல இருந்து கரெக்டா நாலு ஃபர்லாங் தூரத்துல இருக்குது. அதுல ஜி.டி. நாயுடு பிறந்த ஊரு. அதுல ஊருக்கு நடுவுல ஒரு மொட்டை மண்டபம், 30 அடிக்கு 60 அடி நீளத்துல ஒரு மண்டபம். அந்த மண்டபத்துல தரையெல்லாம் தூசி படிஞ்சுட்டு இருக்கும். நாங்க ஊர்ல இருந்து வரும்போது வழியில மாடு சாணம் போட்டுருக்கும். அந்த சாணத்தை எல்லாம் நாங்க எடுத்துட்டு வந்து, கூடையில் போட்டு, ஒரு சட்டிக்குள்ள போட்டு நல்லா கரைச்சு, அந்த சாணத்துல நாங்க தான் தரையில மெழுகி குடுப்போம், இல்லைன்னா உள்ள புழுதி பறக்கும். அதை மெழுகி விட்டு, அதுலதான் நான் உட்கார்ந்து படிச்சோம். சைடுல யார் வேடிக்கை பார்ப்பாங்கன்னு மூங்கில் தட்டி அடிச்சு, ஒரு மூணு மூங்கில் தட்டி சுத்தியும் மறைச்சிருப்போம்.

எங்க வாத்தியார் கல்யாணசுவாமி நாயுடு. அவர் 1940-களிலேயே ஸ்டேட் மேத்ஸ்ல ஸ்டேட் செகண்ட் வாங்கினவர். 1940-கள்ல மேத்ஸ்ல மிகப்பெரிய ஆளு. அவரு பிரைவேட் பள்ளிக்கூடம் வச்சிருக்காரு. ஒன்னாம் கிளாஸுக்கு 1 ரூபாய், ரெண்டாம் கிளாஸுக்கு 2 ரூபாய், மூணாம் கிளாஸுக்கு 3 ரூபாய், நாலாம் கிளாஸுக்கு 4 ரூபாய்—இதான் மாச ஃபீஸ்.   நான் ரெண்டாம் கிளாஸ் படிச்சேன், எங்க அக்கா மூணாம் கிளாஸ் போனாங்க. நாங்க படிச்ச காலத்துல ஒரு சவரன் தங்கம் வந்து 12 ரூபாய். அப்போ அக்காவுக்கு 3 ரூபாய், எனக்கு 2 ரூபாய்னா 5 ரூபாய், கிட்டத்தட்ட பாதி சவரன் விலை. நான் பிறந்து 10 மாச குழந்தையா இருக்கும்போது எங்க அப்பா இறந்துட்டார். காலம் பூரா எங்க அம்மா வெள்ளைச் சேலையில தான் நான் பார்த்திருக்கேன். நம்ம காடு கரையில பாடுபட்டு, ஒரு காய்ஞ்சு போன பூமியை எங்க அப்பா விட்டுட்டு போயிருந்தாரு. அதுல பாடுபட்டு தான் எங்க அம்மா படிக்க வச்சாங்க. அதனால 5 ரூபாய் மாசத்துக்கு செலவு பண்ண முடியாதுனு எங்க அக்காவை மூணாம் கிளாஸோட நிறுத்திட்டாங்க.

கிராமப்புறங்களில் ஏழ்மையான குடும்பங்களில் பிறந்து வளர்ந்து, கல்வி கற்பதற்காக மாணவர்கள் எவ்வளவு சிரமங்களை எதிர்கொள்கிறார்கள் என்பது எனக்கு நன்றாகத் தெரியும். கல்வி ஒருவருடைய வாழ்க்கைத் தரத்தை எந்த அளவுக்கு உயர்த்த முடியும் என்பதையும் நான் அனுபவபூர்வமாக உணர்ந்திருக்கிறேன். என்னைப் போலவே ஏழ்மையான குடும்பப் பின்னணியில் இருந்து வந்து, நன்றாகப் படித்து முன்னேறத் துடிக்கும் மாணவர்களுக்கு என்னால் இயன்ற உதவியைச் செய்வதில் எனக்கு மிகுந்த மனநிறைவு கிடைக்கிறது. தடைகளைத் தாண்டி அவர்கள் பெறும் ஒவ்வொரு வெற்றியும் அவர்களுடைய வாழ்க்கையில் ஒரு புதிய தொடக்கமாக அமையும். இந்த பயணத்தில் உங்களுக்கு கிடைத்த முதல் வெற்றி மட்டுமே. இனி கடக்க வேண்டிய பாதை இன்னும் நீண்டது. மாணவர்கள் தங்களுடைய இலக்கில் உறுதியாக இருந்து, ஒழுக்கத்துடன், கவனம் சிதறாமல் தொடர்ந்து உழைத்து வாழ்க்கையில் முன்னேற வேண்டும். கல்வி தரும் வாய்ப்புகளை முழுமையாகப் பயன்படுத்தி, தங்களுக்கும் தங்கள் குடும்பத்திற்கும் சமூகத்திற்கும் பெருமை சேர்க்க வேண்டும். கவனம் சிதறாமல் தொடர்ந்து உழைத்து சமூகத்திற்குப் பெருமை சேர்க்க வேண்டும் என்றார்.

நிகழ்வில் திரைக்கலைஞர் சூர்யா பேசியதாவது, இது ஒரு குடும்ப நிகழ்ச்சி. இது வந்து 47 வயசுன்னா வந்து வீட்ல எப்படி ஒரு பிறந்தநாள் நடக்குமோ, அந்த மாதிரி ஒரு ஒரு முறையும் இது குடும்ப நிகழ்ச்சியா மட்டுமே தான் பார்க்கிறோம். ஒரு ஒரு முறையும் இந்த குடும்பம் இன்னும் விரிவடைந்துகொண்டே தான் இருக்குது. இங்க வந்திருக்கிற, இன்னைக்கு வந்திருக்கிற மாணவ – மாணவிகள் அவங்களோட சாதனைகளைச் சொல்லி, ஒரு ஒரு வாட்டியும் பரிசு எடுத்துட்டு போகும்போது, எவ்வளவு விஷயங்கள் தாண்டி வந்திருக்காங்க, எவ்வளவு விஷயங்கள் கடந்து வந்திருக்காங்க அப்படின்னு பிரம்மிப்பா பார்க்கிறேன். அப்பாவோட வழிகாட்டுதல் தான். இவ்வளவு வருஷத்துக்கு அப்புறமா வந்து இதை எடுத்துட்டு போக முடியுது. இது ஒரு உணர்வு. இப்படித்தான் நாங்க வளர்க்கப்பட்டிருக்கோம். இப்படித்தான் வந்து எங்களை எல்லா விஷயத்தையும் இங்க கண் முன்னாடி வந்து நிப்பாட்டி இருக்காங்க.

அகரம் வந்து 20 வருஷம் கடந்தாச்சு. கிட்டத்தட்ட முதல் தலைமுறை மாணவர்கள், மாணவிகளோட குடும்பத்துல ஒரு 7,000 பேரை எங்களால வந்து தொட முடிஞ்சிருக்கு. இன்னும் இன்னும் இன்னும் பல விஷயங்கள் வந்து அகரம் மூலமா நடந்துட்டே இருக்குது. இன்னும் வந்து அதோட எடுத்துக்கிட்ட நோக்கம் வந்து குறையாம இருந்திருக்குது. இன்னும் அது இன்னும் சிறப்பா நடந்துட்டு இருக்கு அப்படின்னா, அதுக்கு முக்கியமா வந்து கல்யாணி ஐயா மாதிரி முக்கியமானவங்க வந்து நம்ம கூடவே கை கோர்த்து நின்னுட்டு இருக்காங்க. சமூகப் பார்வைனா என்ன? யாருக்காக பண்ண போறோம்? எதுக்காக பண்ண போறோம்? அப்படிங்கிற மறுபடியும் மறுபடியும் அவங்க வச்ச கேள்விகள், நம்ம கூட இருக்கிற வழிகாட்டிகளும் சரி, மாணவர்களும் சரி… இப்ப அகரமை முன்னெடுத்துட்டு போற முன்னாள் மாணவர்கள் அத்தனை பேருக்கும் அந்த பார்வையை சரியா பாத்துக்கிட்டது வந்து இவங்கள மாதிரி நிறைய வழிகாட்டிகள் தான். அதனாலயே எங்க ஆரம்பிச்சமோ, அங்க மட்டுமே அதை மட்டுமே பண்ணிராம, இன்னும் யார் யாருக்குத் தேவை? இன்னும் யார் யார் தேவைப்படும் குழந்தைகள்? இன்னும் யாரை எல்லாம் கை பிடிச்சு கூட்டிட்டு வரணும் அப்படின்னு தேடும்போது வந்து, நிறைய இஸ்லாமிய சமூகத்திலும் சரி, நிறைய மாணவிகள் நிறைய கல்வி இடைநிற்றல் எல்லாம் இருக்காங்க அப்படிங்கிறது தெரிய வந்துச்சு. அங்க போய் சில வேலைகள் பண்ண முடிஞ்சுச்சு. மலைக் கிராமத்துல போய் வேலைகள் பண்ண முடிஞ்சது. கடலோர பகுதிகளில் வேலைகள் பண்ண முடிஞ்சது. அதுமாதிரி தேவைகள் அப்படின்னு பார்த்தா இன்னும் ஏராளமா ஏராளமா இருக்கு.

2006-ல மாணவர் பத்திரிக்கையாளரா அறிமுகம் ஆன ஞானவேல் அவர்கள் கேட்ட அந்த ஒரே கேள்விதான்: “முதல் தலைமுறை மாணவர்கள் இன்னும் இருக்காங்க. 12த் ஸ்டாண்டர்ட் எக்ஸாமை ஒரு மலைக் கிராமத்துல இருக்கிற ஒரு மாணவியும் எழுதுறாங்க, ஒரு மீனவ கிராமத்துல இருந்து ஒரு மாணவி எழுதுறாங்க. அங்க பல பகுதிகளில் ஆசிரியரே கிடையாது. ஆனா எல்லாரும் ஒரே பரீட்சைதான் எழுதுறாங்க. அவங்களை நீங்க பார்க்கிறீங்களா? அவங்க இருக்காங்கன்னு தெரியுமா? அதுலயும் முதல் தலைமுறை மாணவர்கள் இருக்காங்கன்னு தெரியுமா?”ன்னு ஒரு கேள்வி கேட்டாரு. ஏன் எங்க அப்பா வந்து அப்போ 60-ல 50-ல எல்லாம் வந்து மெட்ராஸ்க்கு கிளம்பி வந்தாங்க. நீங்க சொல்றது எல்லாம் வந்து 50 வருஷத்துக்கு முன்னாடிங்க. இப்ப எல்லாம் எங்க முதல் தலைமுறை மாணவர்கள் இருக்காங்க? அப்படின்னு சாதாரணமா பேசினோம். “இல்லைணா, முதல் தலைமுறை மாணவர்கள் இருக்காங்கணா” அப்படின்னு 2006-ல சொன்னாரு. இப்ப 2026. இப்போதும் முதல் தலைமுறை மாணவர்கள் வந்து படிச்சு வெளியில வந்துட்டு இருக்காங்க. அகரம் அவங்களை தேடி போயி, அவங்களை வெளியில கொண்டு வந்து, யார் யாருக்கு உதவி தேவைப்படுதோ அவங்க கேட்கக் கூட வேண்டாம், அகரம் அங்க போய் அவங்களை வெளியில கூட்டிட்டு வந்து, அவங்களுக்கு வந்து இந்த உலகத்தை, இந்த வெளிச்சத்தைக் காமிக்குதுன்னு நினைக்கும்போது எனக்கு ரொம்ப ரொம்ப சந்தோஷமா இருக்கு. அதுக்கு அத்தனை பேருக்கும் நான் நன்றியை சொல்லிக்கிறேன்.

சினிமாலயே வந்து கிட்டத்தட்ட இப்போ 28, 29 வருஷம் ஆகப்போகுதுன்னு சொல்றாங்க. சினிமால இருந்து நான் கத்துக்கிட்ட விஷயத்தை உங்களுக்கு சொல்லணும் பார்க்கிறேன். சினிமால வந்து ‘ரீடேக்ஸ்’ (Retakes) அப்படின்னு சொல்லுவாங்க. ஒரு காட்சி வந்து ஒரே ஷாட்ல முடியறது கிடையாது. சில டைம் அஞ்சு டேக், ஆறு டேக் ஆகும். ஷாட் நல்லா வரணும் அப்படிங்கிறதுக்காக 18, 30 வாட்டி கூட ‘ரீடேக்ஸ்’ போவோம். ஒரு ஒரு வாட்டியும் அது தப்பாகும்போது வந்து டைரக்டர் வந்து “நீ ஃபெயில்” அப்படின்னு சொல்ல மாட்டாரு. “ஒன் மோர்” அப்படிம்பாரு. நான் டைரக்டரை வந்து வாழ்க்கையா பார்க்கிறேன். வாழ்க்கை எப்பவுமே உங்களை ஃபெயில்னு சொல்றது கிடையாது. நீங்க அப்படி நினைச்சுக்கலாம், ஆனா வாழ்க்கை அப்படி கிடையாது. நீங்க எப்பவுமே வாழ்க்கைக்கிட்ட “இன்னொரு வாட்டி பண்ண போறேன், ஒன் மோர்”னு சொல்லுங்க. “இன்னொரு வாட்டி பண்ண முடியும்”னு சொல்லுங்க. அது உங்களோட மார்க்கா இருக்கலாம், இல்லாட்டி காலேஜ்ல சேர்ற ஒரு சீட்டா இருக்கலாம், இல்லாட்டி நீங்க போற முதல் வேலையா இருக்கலாம். உங்களுக்கு திருப்தியா இல்லாட்டி அதுவே கடைசி கிடையாது, அதுவே முடிவு கிடையாது. நீங்க சொல்ல வேண்டிய ஒரே விஷயம் “ஒன் மோர்”. இன்னொரு வாட்டி அதை சரி பண்ண முடியும், இன்னொரு வாட்டி இன்னொரு சான்ஸ் எடுத்துக்க முடியும், அதை இன்னும் மேம்படுத்த முடியும். So, there is always “one more” அப்படிங்கறதை வந்து ஞாபகம் வச்சுக்கோங்க. எதுவுமே முடிவு கிடையாது அப்படிங்கிறதை தயவுசெஞ்சு மறந்துடாதீங்கன்னு சொல்லுவேன்.

இன்னொன்னு ரிஹர்சல்ஸ் (Rehearsals). நீங்க ஒரு ரெண்டரை மணி நேரம் படம் பார்த்துடுறீங்க, ஆனா கைதட்டலே வாங்காத பல வாட்டி வந்து அந்த விஷயத்தை நாங்க வந்து ரிஹர்ஸ் பண்ணிருப்போம். பல வாட்டி ரிஹர்சல் போயிட்டே இருப்போம், அதுக்கெல்லாம் கைதட்டல் எல்லாம் கிடையாது. சோ, அதுதான் வந்து உங்களை உருவாக்குறதுன்னு நான் சொல்லுவேன். அந்த ரிஹர்சல்ஸ் ரொம்ப ரொம்ப முக்கியம். நமக்கு என்ன ரொம்ப பிடிக்குமோ அதுக்கு முழு மனசோட, முழுசா சரண்டர் ஆகி பண்ணிட்டே இருந்தா என்ன முடியாதோ அதை நாம பண்ண முடியும். நீங்க எடுத்த உடனே வந்து ஒரு ஒரு சின்ன கலையோட, ஒரு ஸ்கில்லோட வந்து வரணும் அப்படிங்கிறது அவசியம் கிடையாது. அது வந்து ஒரு ‘கன்சிஸ்டன்சி’ (Consistency) அப்படின்னு சொல்லுவாங்க. திரும்ப திரும்ப திரும்ப திரும்ப ஒரு விஷயத்தை பண்ணா அதுல நம்ம வந்து மேம்பட முடியும், அதுல முதன்மையா வர முடியும். அது வந்து ஒரு கோடிங்கா (Coding) இருக்கலாம், இல்லாட்டி டிராயிங்கா (Drawing) இருக்கலாம், அல்லது ஓட்டப் பயிற்சியா இருக்கலாம், வேறு எதுவா வேணாலும் இருக்கலாம். கன்சிஸ்டன்சி திரும்ப திரும்ப திரும்ப அதை ரிஹர்சல்ஸ் பண்ணும்போது அதுதான் நம்ம உருவாகுற இடம் அப்படின்னு நான் சொல்லுவேன். எல்லாத்துக்குமே ஒரு முதல் படிக்குன்னு ஒன்னு இருக்குது. நான் சினிமாக்கு வரும்போது நடிக்கவெல்லாம் தெரியாது, எதுவுமே தெரியாது. திரும்ப திரும்ப பண்ண ரிஹர்சல்ஸ்தான் இங்க 29 வருஷத்துக்கு அப்புறமா நிக்க வச்சிருக்கு. என்னால வர முடியும்னா நீங்க எதுல எல்லாம் ஆசைப்படுறீங்களோ அது எல்லாத்துலயும் உங்களால வர முடியும்.

அப்புறம் ‘கிரெடிட்ஸ்’னு (Credits)… படம் முடிஞ்சதுக்கு அப்புறமா ஒரு கிரெடிட்ஸ்னு வந்து எவ்வளவு பேர் அந்த படத்துக்காக வேலை செஞ்சிருக்காங்க அப்படிங்கிறது அவங்களோட பேரோட வரும். ஒரு ஹீரோங்கிறது தனியா நான் அப்படியே நடந்து அப்படியே வெளியில வந்துறது இல்லை. அவ்வளவு உதவி இயக்குநர்கள் இருப்பாங்க, எழுத்தாளர்கள் இருப்பாங்க, காஸ்ட்யூம்ஸ் இருப்பாங்க, மேக்கப் இருப்பாங்க, டிரைவர்ஸ் இருப்பாங்க, ஆயா இருப்பாங்க, லைட்மேன் இருப்பாங்க. இவங்க எல்லாரோட உழைப்பின் மூலமாதான் வந்து ஒருத்தனால வந்து வெளியில வர முடியுது.

நம்ம ஒரு வாழ்க்கையில மேல வந்துட்டோம் அப்படின்னா வெறும் ரீல்ஸை மட்டும் பார்க்காம, பக்கத்துல லெஃப்ட்ல, ரைட்ல நம்ம கூட யார் இருந்திருக்காங்க? நம்ம இங்க வர்றதுக்கு யார் உதவியா வந்திருக்காங்க? நமக்கு யார் நமக்கு இந்த அடையாளத்தைக் கொடுத்திருக்காங்க அப்படிங்கிற அவங்களை மறந்துட வேண்டாம். அவங்களை தயவுசெஞ்சு ஞாபகம் வச்சுக்கோங்க. அதே மாதிரி ஒரு இடத்துக்கு வந்ததுக்கு அப்புறமா, நம்ம ஒருத்தரையாவது மேல உயர்த்தணும். அவங்களோட கிரெடிட்ல வந்து நம்ம பெயர் இருக்கணும்.

நீங்க இன்ஸ்டாகிராம், அதாவது ரீல்ஸ் (Reels) பார்த்துட்டு இருந்தீங்கன்னா அந்த ரீல்ஸ்ங்கிறது ஒரு கதைதான். அதனால வந்து நம்ம ஒண்ணுமே கத்துக்க போறதே கிடையாது. யாரை ஃபாலோ பண்றோம் அப்படிங்கிறது ரொம்ப முக்கியம். கனவு உலகமா பார்த்துட்டு இருந்தீங்கன்னா, அந்த கனவு உலகத்துலயே தான் நாம இருப்போம். எலான் மாஸ்க் எங்கிருந்து ஆரம்பிச்சாரு? 24 மணி நேரத்துல 23 மணி நேரம் வேலை செய்வாராம். ஒரு மணி நேரம் தான் வந்து தூங்குவாராம். அந்த மாதிரி எங்கிருந்து ஆரம்பிச்சாங்க? ஆரம்பிச்ச பயணம் எங்கிருந்து இங்க வந்தாங்க அப்படிங்கிறதை வந்து வெறும் ரீல்ஸ் மட்டும் பார்க்காம, நிறைய பாட்காஸ்ட் (Podcast) இருக்கும், அவங்களை பத்தின நிறைய ரிசர்ச் வொர்க் இருக்கும், அதெல்லாம் எடுத்துக்கிட்டீங்கன்னா, உங்களுக்கு ரொம்ப உதவியா இருக்கும். உங்கக்குள்ள இருக்கிற டேலன்ட்டை (Talent) வெளியில எடுத்துட்டு வர்றதுக்கு அவை உதவும்.

சினிமால இருந்து நான் கத்துக்கிட்டது மறுபடியும் ‘ரீடேக்’—ஒன் மோர் கேளுங்க, ‘ரிஹர்சல்’ பண்ணுங்க, ‘கிரெடிட்ஸ்’—நம்ம யாருக்காக எதுனால இங்க வந்தோமோ, எதுனால இவ்வளவு தூரம் வந்தோமோ அதை மறந்துட வேண்டாம். So, always ask for one more அண்ட் ஒருத்தரையாவது நாம் மேல உயர்த்தறதுக்கு முயற்சி பண்ணுவோம். வாழ்க்கை ரொம்ப ரொம்ப அழகானது, நம்புங்க. என்ன நினைக்கிறீங்களோ அதுவாவே நாம் ஆக முடியும். ரொம்ப ரொம்ப நன்றி. அனைவருக்கும் வாழ்த்துக்கள்.

இந்நிகழ்வில் சிறப்பு விருந்தினர்கள், கலைஞர்கள், மாணவ, மாணவியர், அகரம் ஃபவுண்டேஷன் தன்னார்வலர்கள் மற்றும் சமூக ஆர்வலர்கள் எனப் பலரும் கலந்துகொண்டனர்.

ஒரு குடும்ப உரையாடலில் உதித்த சமூகக் கனவு:

கடந்த 2023 ஆம் ஆண்டு மக்களிடையே நேர்மறை சிந்தனைகளையும் பயனுள்ள கருத்துகளையும் கொண்டு சேர்க்க வேண்டும் என்ற நோக்கில் கணவன்-மனைவி இடையே நடந்த ஒரு உரையாடலே இந்நிறுவனத்திற்கான தொடக்கப்புள்ளியாக அமைந்தது. தனது நீண்டகால மருத்துவ அனுபவத்தில் தான் கண்ட மனிதர்களின் உணர்வுகளையும் சிக்கல்களையும், கலை வடிவமான திரைப்படங்கள் மூலம் வெளிப்படுத்த மருத்துவர் டாக்டர் எஸ். ராஜா அவர்கள் முடிவெடுத்தார்.

நிறுவனர்கள் & தயாரிப்புப் பின்னணி:

டாக்டர் எஸ். ராஜா, எம்.டி.: நிறுவனத்தின் இணை நிறுவனரான இவர். இத்திரைப்படத்தின் கதை, திரைக்கதை, வசனம், இசை மற்றும் இயக்கப் பொறுப்புகளை ஏற்றுக்கொண்டுள்ளார்.

சுபலட்சுமி ஜெயராம், B.Sc. (California, USA): நிறுவனத்தின் இணை நிறுவனரான இவர். இத்திரைப்படத்தின் தயாரிப்பாளராகச் செயல்பட்டு படைப்புக்கான முழுத் தயாரிப்புத் துணையையும் வழங்குகிறார்.

“மனிதநேயம் எங்கள் அடித்தளம் திறமை வளர்ப்பு எங்கள் பொறுப்பு தன்னிறைவு வாழ்க்கை எங்கள் இலக்கு” என்பதே இந்நிறுவனத்தின் முதன்மை கொள்கையாகும்.

அக்டோபர் 2026-இல் ‘செய் செய்யாதே (Do’s and Don’ts)’ திரையரங்க வெளியீடு

ஹரிணி சுப்பு சினி கிரியேஷன்ஸ் தயாரிப்பில் உருவாகியுள்ள புதிய தமிழ்த் திரைப்படமான ‘செய் செய்யாதே’ (Do’s and Don’ts) சென்சார் தணிக்கை நிறைவு பெற்று திரையரங்க வெளியீட்டிற்குத் தயாராக உள்ளது. இத்திரைப்படம் வரும் 30 அக்டோபர் 2026 அன்று திரையரங்குகளில் வெளியாகவுள்ளது.

நடிகர்கள் & தொழில்நுட்பக் கலைஞர்கள்:

நடிப்பு : எச். ராஜா, குரு, தர்ஷினி ரெட்டி
பாடல் : ஹரிணி
படத்தொகுப்பு : ராஜா முகமது
ஒளிப்பதிவு : இராமநாத் வாசு
மக்கள் தொடர்பு : பா. சிவக்குமார்

கிராமத்திலிருந்து சர்வதேச தளம் வரை:

டாக்டர் ராஜாவின் பின்னணி:

பேருந்து வசதி கூட இல்லாத ஒரு கிராமத்தில் பிறந்த டாக்டர் ராஜா. சிறுவயதிலேயே உழைப்பையும் குடும்பப் பாசத்தையும் கற்றுக்கொண்டவர். தேவகோட்டையில் பள்ளிப் படிப்பையும், மதுரையில் மருத்துவப் படிப்பையும் முடித்த இவர். மாணவர் பருவத்திலிருந்தே சேவை மனப்பான்மையுடன் செயல்பட்டு 18 கிராமங்களின் நம்பிக்கைக்குரிய மருத்துவராகத் திகழ்ந்தார்.

சென்னை ஸ்டான்லி மருத்துவக் கல்லூரி, ட்ரினிடாட் அண்ட் டொபாகோ (Trinidad and Tobago) மற்றும் அமெரிக்கா என உலகளவில் தனது மருத்துவப் பணியை விரிவுபடுத்திய இவர். மருத்துவம், நிர்வாகம் மற்றும் குழந்தை மருத்துவத்துடன் திரைப்பட இயக்கத்திலும் தேர்ச்சி பெற்றார். சுமார் 25 திரைப்படங்களில் சிறிய வேடங்களில் நடித்த அனுபவமும், 2018ல் ஹாலிவுட்டில் பெற்ற இயக்கப் பயிற்சியும் இவரது திரைப்பட உருவாக்கத்திற்கு உறுதுணையாக அமைந்தன.

வசதியற்ற மக்களுக்கு இலவச மருத்துவச் சேவைகளை வழங்கியதோடு விளம்பரமின்றி பல எளிய குடும்பங்களுக்கு உதவிய பெருமை இவருக்கு உண்டு.

சமூக நோக்கம் மற்றும் எதிர்காலத் திட்டங்கள்:

புதிய திறமைகளுக்கான மேடை:

தன் முதல் திரைப்படத்திலேயே பெரும்பாலான புதுமுகங்களுக்கு வாய்ப்பளித்து நடிகர்கள், பாடலாசிரியர்கள், இசையமைப்பாளர்கள் மற்றும் தொழில்நுட்பக் கலைஞர்களை அறிமுகப்படுத்தியுள்ளனர். மேலும் சுமார் 10 கதைகள் தயார்நிலையில் உள்ளன.

ஆட்டிசம் பாதிக்கப்பட்டவர்களுக்கான 25 ஏக்கர் வாழ்வாதார வளாகம்:

திரைப்படம் மூலம் கிடைக்கும் வருமானத்தைக் கொண்டு ஆட்டிசம் ஸ்பெக்ட்ரத்தால் பாதிக்கப்பட்ட குழந்தைகள் மற்றும் அவர்களின் குடும்பங்களுக்காகச் சிறப்பு வளாகம் அமைக்கத் திட்டமிடப்பட்டுள்ளது. சுமார் 25 ஏக்கர் பரப்பளவில் அமையவிருக்கும் இந்த வளாகத்தில் கல்வி, சிகிச்சை, உணர்வுசார் ஆதரவு, தொழிற்பயிற்சி, உற்பத்தி அலகுகள் மற்றும் பாதுகாப்பான தங்குமிட வசதிகள் உருவாக்கப்படவுள்ளன.

சமூகத்திற்கான திரைப்பட வருவாய்:

திரைப்படங்கள் மூலம் கிடைக்கும் வருவாயை நிறுவனர்களின் சொந்தப் பயன்பாட்டிற்குப் பயன்படுத்தாமல் முழுமையாக இச்சமூக மேம்பாட்டுத் திட்டத்திற்கும் கல்வி மற்றும் வேலைவாய்ப்பிற்கும் மட்டுமே பயன்படுத்தவுள்ளனர்.

திரைப்பட ரசிகர்களின் ஆதரவு, புதிய கலைஞர்களின் வளர்ச்சிக்கும், சிறப்புப் பராமரிப்புத் தேவைப்படும் குழந்தைகளின் பிரகாசமான எதிர்காலத்திற்கும் பெரும் துணையாக இருக்கும் என படக்குழுவினர் நம்பிக்கை தெரிவித்துள்ளனர்.

சென்னையில் உள்ள மலையாளிகளுக்கும், கேரள உணவுகளை விரும்பி சாப்பிடும் மற்றவர்களுக்கும் கேரளாவின் பாரம்பரிய சுவையை வழங்கும் வகையில், சென்னை அண்ணா நகரில் ‘தி புட்டு – Dhe Puttu’ உணவகத்தின் புதிய கிளை தொடங்கப்பட்டுள்ளது.

இதன் திறப்பு விழா இன்று கோலாகலமாக நடைபெற்றது. தயாரிப்பாளர் கோகுலம் கோபாலன் சிறப்பு விருந்தினராக கலந்து கொண்டு ‘தி புட்டு – Dhe Puttu’ உணவகத்தை திறந்து வைத்தார்.

இந்நிகழ்வில் நடிகர்கள் அசோகன், ஷாந்தனு பாக்யராஜ், அர்ஜுன் அசோகன், ரியாஸ் கான், நடிகைகள் மீனா, ஷாரதா, ஷீலா, சீமா, ராதிகா சரத்குமார், மிர்னா, பூர்ணிமா பாக்யராஜ், கிகி விஜய், சட்டமன்ற உறுப்பினர் லீமா ரோஸ் மார்டின், இயக்குநர் பிரியதர்ஷன், தயாரிப்பாளர்கள் கண்ணன் ரவி, சிவா, விஜயகுமார், ரவி கொட்டாரக்கரா, Seven Arts விஜயகுமார், Prince Pictures வெங்கடேஷ், ஏ.வி. அனூப், மினி ஸ்டூடியோ வினோத் குமார், பாடகர்கள் ராகேஷ் பிரம்மானந்தன், சுஜாதா மோகன், நடன இயக்குநர்கள் கலா மாஸ்டர், சாண்டி மாஸ்டர், ஸ்டண்ட் மாஸ்டர்கள் கனல் கண்ணன் மாஸ்டர், மாஃபியா சசி மாஸ்டர், ஒளிப்பதிவாளர் அபினந்தன் ராமானுஞ்சன், டாக்டர் சைதன்யா, டாக்டர் கே. கிரீஷ் உள்ளிட்ட ஏராளமான திரையுலகப் பிரபலங்கள் கலந்து கொண்டு சிறப்பித்தனர்.

இங்கு கேரளாவின் பாரம்பரிய உணவான புட்டு 80 வகைகளில் கிடைக்கிறது. இதுவே இந்த உணவகத்தின் தனித்துவமான அடையாளமாகும். உலகம் முழுவதும் ஏராளமான கிளைகளைக் கொண்டிருக்கும் இந்நிறுவனத்தின் புதிய கிளை தற்போது சென்னை அண்ணா நகரில் தொடங்கப்பட்டுள்ளது.

வளைகுடா நாடுகளான துபாய், சார்ஜா, ஜெட்டா, தோஹா ஆகிய இடங்களிலும் சர்வதேச அளவில் ‘தி புட்டு – Dhe Puttu’ உணவகத்தின் கிளைகள் தொடங்கப்பட்டு, வாடிக்கையாளர்களின் பேராதரவுடன் தொடர்ந்து வெற்றிகரமாக இயங்கி வருகின்றன.

சென்னை அண்ணா நகரில் தொடங்கப்பட்டுள்ள இந்த உணவகத்தின் உள்ளரங்க அலங்காரம் கேரள மாநிலத்தின் கலாச்சாரம் மற்றும் பாரம்பரியத்தை பிரதிபலிக்கும் வகையில் வடிவமைக்கப்பட்டுள்ளது. மேலும், 80 வகையான புட்டுகள் கிடைப்பதாலும், பல்வேறு பாரம்பரிய கேரள உணவு வகைகள் வழங்கப்படுவதாலும், புட்டு மற்றும் கேரள உணவுகளின் மீது பிரத்யேக பிரியம் கொண்ட உணவு பிரியர்கள் இந்த புதிய கிளைக்கு வருகை தரத் தொடங்கியுள்ளனர்.

’பாரீஸ் ஜெயராஜ்’ படத்தில் இரண்டாவது நாயகனாக நடித்த விவாந்த் நாயகனாக நடிக்கும் இப்படத்தில் ‘அங்காரன்’ படத்தில் நாயகியாக நடித்த ரெய்னா நாயகியாக நடிக்கிறார். இவர்களுடன் சாம்சன், ஜெகதீஷ், நிஷா, யார் கண்ணன், ஆர்.அரவிந்தராஜ், ராம்நாத், கிரிஷ் ராவ் உள்ளிட்ட பலர் முக்கிய கதாபாத்திரங்களில் நடிக்கிறார்கள்.

ஜெகன் கல்யாண் இசையமைக்கும் இப்படத்திற்கு கீதாகரண் B.V.A, ஒளிப்பதிவு செய்கிறார். ஏ.எம்.சயீப் B.V.A, படத்தொகுப்பு செய்ய, ஸ்ரீதர் கலை இயக்குநராக பணியாற்றுகிறார். பாஸ்கர் ராஜ் வசனம் எழுதுகிறார். ஏ.எக்ஸ்.என்.பிரகாஷ் ஆக்‌ஷன் காட்சிகளை வடிவமைக்க, சவால் ராம் நடனக் காட்சிகளை வடிவமைக்கிறார். ஆடை வடிவமைப்பாளராக அசோக் பணியாற்ற, ஒப்பனை கலைஞராக பிரேமா பணியாற்றுகிறார். நிர்வாக தயாரிப்பு கே.தங்கராஜ் பணியாற்ற, பி.ஆர்.ஓ-வாக தர்மதுரை & சுரேஷ்சுகு பணியாற்றுகிறார். துரை விநாயகமூர்த்தி கிராபிக்ஸ் வடிவமைப்பாளராக பணியாற்றுகிறார்.

சுமார் 1000-க்கும் மேற்பட்ட கிரைம் நாவல்களை எழுதி எழுத்துலகில் தனக்கென்று தனி இடத்தை பிடித்துள்ள கிரைம் கதை மன்னன் ராஜேஷ்குமாரின் படைப்புகள் தற்போது திரைப்படங்களகாவும், வெப் சீரிஸ்களாகவும் உருவாகி வரும் நிலையில், அவரது மிக முக்கியமான கிரைம் திரில்லர் நாவலை மையமாக கொண்டு ‘வயலெட் கனவு’ திரைப்படம் உருவாகி வருகிறது.

இதுவரை திரையில் பார்த்திராத ஒரு கிரைம் திரில்லர் அனுபவத்தை கொடுக்கும் படமாக உருவாகி வரும் இப்படத்தில் பணியாற்றுபவர்கள் அனைவரும் திரைப்பட கல்லூரி மாணவர்கள் என்பதால், இப்படத்தின் மீதான எதிர்பார்ப்பு அதிகரித்துள்ளது.

படத்தின் பணிகள் விறுவிறுப்பாக நடைபெற்று வரும் நிலையில், படத்தை அக்டோபர் மாதம் திரையரங்குகளில் வெளியிட படக்குழு திட்டமிட்டுள்ளது. அதற்கு முன்பாக படத்தின் ஃபர்ஸ்ட் லுக் மற்றும் டிரைலரை பிரமாண்டமாகவும், வித்தியாசமாகவும் வெளியிட படக்குழு முடிவு செய்துள்ளது.