நேற்று இரவு வயது மூப்பு மற்றும் உடல்நலக் குறைவு காரணமாகத் தனது 88 ஆவது வயதில் காலமான அவரது மறைவிற்கு, திரையுலகினர், அரசியல் தலைவர்கள் மற்றும் கோடிக்கணக்கான இசை ரசிகர்கள் நேரில் திரண்டு கண்ணீர் அஞ்சலி செலுத்தி வருகின்றனர்.

கர்நாடக அரசு ஜானகி அவர்களின் அரிய இசைப் பங்களிப்பைப் போற்றும் வகையில், அவரது இறுதிச் சடங்குகளை முழு அரசு மரியாதையுடன் நடத்த உத்தரவிட்டுள்ளது. இதற்கான பொறுப்பை அம்மாநில அமைச்சர் டாக்டர் யதீந்திர சித்தராமையா ஏற்று வழிநடத்தி வருகிறார்.

மாலை 4:00 மணி வரை பொதுமக்கள் அஞ்சலிக்காக வைக்கப்படும் அவரது உடல், அதனைத் தொடர்ந்து மைசூரின் எச்.டி. கோட்டை சாலையில் உள்ள கனியனஹுண்டியில் அமைந்துள்ள தனியார் பண்ணை இல்லத்திற்கு எடுத்துச் செல்லப்பட்டு, மாலை 5:00 மணியளவில் முழு அரசு மரியாதையுடன் நல்லடக்கம் செய்யப்படவுள்ளது.

ஷாம், நடராஜன், கிளாரா, ஷாலினி, ஏ.ஜி.ஆர், டுரை.இ. ஐஸ்வர்யா, கீர்த்தனா ஆகியோர் முக்கிய கதாபாத்திரங்களில் நடிக்கும் இத்தொடரின் துவக்க விழா நேற்று பூஜையுடன் நடைபெற்றது. இதில், பிரபல இயக்குநரும், நடிகருமான ஆர்.அரவிந்தராஜ் சிறப்பு விருந்தினராக கலந்துக்கொண்டு படக்குழுவினரை வாழ்த்தினார்.

படம் குறித்து பேசிய தயாரிப்பாளரும், கதையாசிரியருமான ஏ.ஜி.ஆர், “இந்த தலைப்பை நாங்கள் மூன்று வருடங்களுக்கு முன்பே பதிவு செய்து விட்டோம். முன்னணி நட்சத்திரங்களை வைத்து இதை தொடங்கினோம். ஆனால், சில தவிர்க்க முடியாத காரணங்களால் காலதாமதாகி விட்டது. அதனால், இந்த கதையை அப்படியே விட்டுவிட கூடாது என்று புதியவர்களை வைத்து மீண்டும் உருவாக்க முடிவு செய்திருக்கிறோம். தற்போது பூஜையுடன் துவக்கா விழா நடத்தியிருக்கிறோம். விரைவில் படப்பிடிப்புக்கு செல்ல இருக்கிறோம்.

படத்தின் பெரும்பாலான காட்சிகள் சென்னையில் உள்ள அடுக்குமாடி குடியிருப்பு மற்றும் ரெஸ்ட்ரோ பார் ஒன்றில் நடக்கிறது. கிளைமாக்ஸ் காட்சிக்காக மட்டும் பாண்டிச்சேரியில் படப்பிடிப்பு நடத்த இருக்கிறோம். விரைவில் படப்பிடிப்பை தொடங்க திட்டமிட்டு, சுமார் 28 நாட்களில் முழு படத்தையும் முடிக்க திட்டமிட்டுள்ளோம்.

என்னுடன் பணியாற்றிய காட்சிகா ரோஸ், மிக சிறப்பான பணியாற்றக்கூடியவர், அவரது அர்ப்பணிப்பு, உழைப்பை பார்த்து தான் இந்த படத்தை இயக்கும் வாய்ப்பை கொடுத்தேன். தமிழ் சினிமாவில் அவர் நிச்சயம் இயக்குநராக தனி இடம் பிடிப்பார், என்று நம்பிகிறேன்.” என்றார்.

இயக்குநர் காட்சிகா ரோஸ் பேசுகையில், “எனக்கு வாய்ப்பளித்த ஏ.ஜி.ஆர் அவர்களுக்கு நன்றி. ‘மை டியர் டயானா’ ரோம் காம் ஜானர் தொடராகும். எந்தவிதமான வன்மம் இன்றி, நாகரீகமான முறையில் படமாக்க உள்ளோம். இளைஞர்களுக்கான தொடராக மட்டும் இன்றி அனைத்து தரப்பினருக்குமான தொடராக உருவாக உள்ளது.” என்றார்.

சிறப்பு விருந்தினராக கலந்து கொண்ட இயக்குநரும், நடிகருமான ஆர்.அரவிந்தராஜ் பேசுகையில், “இந்த இளைஞர்களை பார்க்கும் போது எனக்கு என் பழைய நினைவுகள் வருகிறது. இதுபோல தான் மிகவும் கஷ்ட்டப்பட்டு நாங்கள் எங்களை நிரூபித்தோம். இப்போது இவர்களும் மிகவும் சிரமப்பட்டு, அதே சமயம் புதிய கதைக்களத்துடன் ‘மை டியர்டயானா’ தொடரை உருவாக்க இருக்கிறார்கள். இவர்கள் அனைவரும் வெற்றி பெற வாழ்த்துகிறேன், நன்றி.” என்றார்.

ஸ்டாராவும், சிறந்த நடிகராகவும் விளங்கும் சூர்யாவுடன் இணைந்து இந்திய அளவில் தாக்கத்தை உருவாக்கிய ‘ஜெய்பீம்’ படத்தைக் கொடுத்தவர் இயக்குநர் த.செ. ஞானவேல். எல்லா தரப்பு சினிமா ரசிகர்களின்  கவனத்தையும் பெற்று ஆச்சர்யப்பட வைத்த இவர்கள் மீண்டும் இணையும் திரைப்படத்தை, கே.ஜி.எஃப், காந்தாரா, சலார் போன்ற பிளாக் பஸ்டர் ஹிட் வெற்றி படங்களைத் தருவதில் புதிய சாதனைகளைப் படைத்து வரும், இந்தியாவின் முன்னணி திரைப்பட தயாரிப்பு நிறுவனமான ஹொம்பாலே பிலிம்ஸ் தயாரிக்கும் செய்தி, இந்திய அளவில் அதிக எதிர்பார்ப்பை உருவாக்கி இருக்கிறது.

வெற்றித்திரைப்படங்களின் முகவரியாக விளங்கும் ஹொம்பாலே பிலிம்ஸ் நிறுவனர் தயாரிப்பாளர் விஜய் கிரகந்தூர் இத்திரைப்படம் பற்றி கூறும்போது, ’’தமிழ்நாடு, தென்னிந்தியா கடந்து இந்திய சினிமாவின் சிறந்த நட்சத்திர நடிகராக விளங்கும் சூர்யாவை, முப்பது ஆண்டுகளுக்கு மேல் மக்கள் கொண்டாடி வருகின்றனர். வணிக வெற்றியையும், விமர்களின் பாராட்டையும் ஒருசேர பெறுவதில் தனித்து விளங்கும் சூர்யா அவர்களுடன் ஹொம்பாலே பிலிம்ஸ் இணைவதில் பெருமிதமும் பெருமகிழ்ச்சியும் அடைகிறது.

இந்தியா கடந்து உலக அளவில் கவனம் ஈர்த்த ஜெய்பீம் திரைப்படத்தை இயக்கிய த.செ. ஞானவேல் அவர்கள், அழுத்தமான கதைகளத்தில் நட்சத்திர நடிகர்களை வெற்றிகரமாக கையாண்டு வெற்றிகளைத் தரக்கூடியவர். மொழி மற்றும் கலாச்சார எல்லைகளை கடந்து செல்லும் சிறந்த வெற்றி திரைப்படங்களை உருவாக்குவதில் ஹொம்பாலே பிலிம்ஸ் தொடர்ந்து கவனம் செலுத்தி வருகிறது. இந்திய அளவில் பெரும் வெற்றியையும், கவனத்தையும் பெறப்போகும் திரைப்படத்தை தயாரிப்பதில் நாங்கள் மகிழ்ச்சி அடைகிறோம். The one சூர்யா அவர்களையும், இயக்குநர் த.செ. ஞானவேல் அவர்களையும் ஹொம்பாலே பிலிம்ஸ் குடும்பத்தில் இணைய மகிழ்ச்சியுடன் வரவேற்கிறோம்.

ஹொம்பாலே பிலிம்ஸ் மக்களின் எதிர்பார்ப்புகளை புரிந்துகொண்டு சிறந்தப்படங்களை தயாரிப்பதிலும், அதை மிகப்பெரிய அளவில் பிரம்மாண்ட வெற்றியடை செய்வதில் ஆர்வமும் கவனமும் செலுத்துகிறது. இந்த  தொலைநோக்கு சிந்தனையோடு உள்ள நடிகர்களையும், இயக்குனர்களையும், தொழில்நுட்ப கலைஞர்களையும் இணைப்பதில் எப்போதும் தீவிரம் காட்டி வருகிறது. அதே தொலைநோக்கு சிந்தனை கொண்ட நட்சத்திர நடிகர் சூர்யா அவர்களோடும், இயக்குநர் த.செ. ஞானவேல் அவர்களோடும் ஹொம்பாலே பிலிம்ஸ் இணைவதில் எதிர்பாராததை எதிர்பாருங்கள்’ என்கிறார் தயாரிப்பாளர் விஜய் கிரகந்தூர்.

S-48 திரைப்படத்திற்கு, இளைஞர்களின் இசை ரசனையை தற்போது ஆட்சி செய்கிற சாய் அபயங்கர் இசையமைக்கிறார். தமிழ், தெலுங்கு, மலையாளம் என எல்லா மொழிகளிலும் மிகவும் கவனம் ஈர்த்த கயாது லோகர் கதாநாயகியாக நடிக்கிறார். மிக முக்கியமான கதாபாத்திரத்தில் பிரகாஷ்ராஜ், யோகிபாபு, குமரவேல் போன்ற சிறந்த கலைஞர்கள் நடிக்கிறார்கள்.

எஸ். ஆர். கதிர் ஒளிப்பதிவு செய்ய, கே. கதிர் தயாரிப்பு வடிவமைப்பிலும், ஃபிலோமின் ராஜ் படத்தொகுப்பிலும், பா. கிருத்திகா திரைக்கதையிலும் பங்களிப்பு செய்கிறார்கள். விரைவில் இத்திரைப்படத்தின் இதர தொழில்நுட்ப கலைஞர்கள் விவரங்கள் விரைவில் வெளியாகியுள்ளன. ஜூலை மாதம் 22-ம் தேதி முதல் இத்திரைப்படத்தின் படப்பிடிப்பு தொடங்குகிறது.

இந்த திரைப்படத்தில் முன்னணி கதாபாத்திரத்தில் ஆர்யன் ஷ்யாம் நடிக்கிறார். இப்படத்தை இயக்குநர் ஆனந்த் வி. பிரசாத் இயக்குகிறார்.

நேதாஜி சுபாஷ் சந்திர போஸின் அசாதாரண வாழ்க்கைப் பயணத்தை பதிவு செய்யும் இந்த திரைப்படம், அவரது தொலைநோக்குப் பார்வை கொண்ட தலைமைத்துவம், அசைக்க முடியாத தேசப்பற்று மற்றும் இந்திய விடுதலைப் போராட்டத்தில் அவர் வகித்த முக்கிய பங்கை வெளிப்படுத்தும். விரிவான ஆய்வுகள் மற்றும் வலுவான திரைக்கதையின் மூலம், இந்திய தேசிய இராணுவத்தின் (INA) தலைவராக அவர் செயல்பட்ட காலம் உள்ளிட்ட அவரது வாழ்க்கையின் முக்கிய அத்தியாயங்களையும், நாட்டின் வரலாற்றில் அவர் ஏற்படுத்திய நிலையான தாக்கத்தையும் படம் ஆராய்கிறது.

இந்த வரலாற்றுச் சிறப்புமிக்க கதாபாத்திரத்தை ஏற்கும் வாய்ப்பு குறித்து முன்னணி நடிகர் ஆர்யன் ஷ்யாம் கூறுகையில், “நேதாஜி சுபாஷ் சந்திர போஸைப் போன்ற ஒரு மாபெரும் தேசியத் தலைவரை திரையில் சித்தரிப்பது எனக்கு மிகப் பெரிய பெருமையும், அதே நேரத்தில் மிகுந்த பொறுப்பும் ஆகும். தனது தியாகங்களாலும் உயர்ந்த கொள்கைகளாலும் நம் தேசத்தை வடிவமைத்த ஒரு மகத்தான ஆளுமைக்கு முழுமையான நீதி செய்ய நான் உறுதிபூண்டுள்ளேன்.” என்றார்.

ஆர்யன் ஷ்யாம் இந்த கதாபாத்திரத்திற்காக தேர்வு செய்யப்பட்டிருப்பது தனித்துவமான வரலாற்றுப் பின்னணியைக் கொண்டுள்ளது. பிரிட்டிஷ் ஆட்சிக் காலத்தில் இந்தியர்களின் பொருளாதார தன்னிறைவை வலுப்படுத்தும் நோக்கில் இந்தியன் வங்கியை நிறுவிய தேசியவாத தலைவர் வி. கிருஷ்ணசுவாமி ஐயரின் கொள்ளுப் பேரனான ஆர்யன் ஷ்யாம், இந்தியாவின் சுதந்திரப் பயணத்துடன் ஆழமாக இணைந்த ஒரு பாரம்பரியத்தின் வாரிசாக உள்ளார்.

அவரின் நேதாஜி சுபாஷ் சந்திர போஸ் கதாபாத்திரம், தேசப்பற்று, தியாகம் மற்றும் தேசக் கட்டமைப்பின் இரண்டு மகத்தான பாரம்பரியங்களின் சங்கமத்தை பிரதிபலிக்கிறது. இதனால் இந்த திரைப்படம் உலகம் முழுவதும் உள்ள பார்வையாளர்களுக்கு மேலும் அர்த்தமுள்ள மற்றும் ஊக்கமூட்டும் படைப்பாக அமையும்.

இந்த பிரம்மாண்டமான திரைப்படத் தயாரிப்பை, இந்தியாவின் மிகச் சிறந்த தேசிய வீரர்களில் ஒருவருக்கு செலுத்தப்படும் அஞ்சலியாக ஜெமினி ஃபிலிம் சர்க்யூட் கருதுகிறது. காலப்பின்னணியை துல்லியமாக மீட்டுருவாக்கும் பிரம்மாண்டமான காட்சிகள், உயர்தர தயாரிப்பு மதிப்புகள் மற்றும் உண்மைத்தன்மை மிக்க, ஊக்கமளிக்கும் திரையரங்க அனுபவத்தை வழங்க அர்ப்பணிப்புடன் செயல்படும் திறமையான படைப்புக் குழுவுடன் இந்த திரைப்படம் உருவாக்கப்படுகிறது.

தற்போது முன் தயாரிப்பு பணிகள் நடைபெற்று வருகின்றன. முக்கிய படப்பிடிப்பு இந்த ஆண்டின் பிற்பகுதியில் தொடங்க திட்டமிடப்பட்டுள்ளது. மேலும் நடிகர்கள் மற்றும் தொழில்நுட்பக் குழுவினரின் விவரங்கள் வரும் மாதங்களில் அறிவிக்கப்படும்.

இந்த திரைப்படம் பல மொழிகளில் உலகம் முழுவதும் வெளியிடப்படவுள்ளதாகவும், இந்தியா மட்டுமின்றி சர்வதேச சந்தைகளிலும் பார்வையாளர்களை சென்றடையும் எனவும் எதிர்பார்க்கப்படுகிறது.

இயக்குநர் ஆனந்த் வி. பிரசாத் கூறுகையில், “இன்றைய இளைஞர்களில் பலர் நல்ல வருமானம் தரக்கூடிய தொழில்கள் மற்றும் வெளிநாடுகளுக்குச் சென்று உயர்ந்த வேலைவாய்ப்புகளைப் பெறுவதிலேயே அதிக ஆர்வம் காட்டுகின்றனர். இதன் காரணமாக ராணுவப் பணியில் சேரும் ஆர்வம் ஓரளவு குறைந்து வருவதை காண முடிகிறது.

இந்தத் திரைப்படத்தின் மூலம் இளைஞர்கள் ஈர்க்கப்பட்டு, குறைந்தபட்சம் ஆயிரம் இளைஞர்களாவது ராணுவத்தில் சேரும் எண்ணத்தைப் பெறுவார்கள் என்று நாங்கள் நம்புகிறோம்.

மேலும், ஒழுக்கமின்மை மற்றும் போதைப் பழக்கங்கள் அதிகரித்து வரும் இச்சூழலில், இந்தத் திரைப்படம் முன்வைக்கும் கருத்துகளால் ஈர்க்கப்பட்டு, இளைஞர்கள் நாட்டுப்பற்றை நோக்கி உறுதியான அடியெடுத்து வைப்பார்கள் என்றும் நம்புகிறோம்.” என்றார்.

தயாரிப்பு நிறுவனம்: ஜெமினி ஃபிலிம் சர்க்யூட்

நிர்வாகத் தயாரிப்பாளர்: பெரு துளசி பழனி வேல்

முன்னணி நடிகர்: ஆர்யன் ஷ்யாம்

இயக்கம்: ஆனந்த் வி. பிரசாத்

ஜியோஹாட்ஸ்டார் தனது அடுத்த ஹாட்ஸ்டார் ஸ்பெஷல்ஸ் தமிழ் ஒரிஜினல் தொடரான லிங்கம் படத்தின் டிரெய்லரை வெளியிட்டுள்ளது. குற்றம், அதிகாரம், துரோகம் மற்றும் பழிவாங்கல் ஆகியவற்றால் வடிவமைக்கப்பட்ட ஒரு தீவிரமான உலகத்தை இந்த டிரெய்லர் ரசிகர்களுக்கு அறிமுகப்படுத்துகிறது. இந்தத் தொடர் ஜூன் 26 முதல் ஜியோஹாட்ஸ்டாரில் மட்டும் ஸ்ட்ரீமிங் செய்யப்படுகிறது.
1990களிலும் 2000களின் தொடக்க காலத்திலும் தமிழ்நாட்டின் தென் மாவட்டங்களில் நடைபெற்ற நம்பமுடியாத உண்மைச் சம்பவங்களால் ஈர்க்கப்பட்ட லிங்கம், ஒரு கபடி வீரரின் வாழ்க்கையில் நிகழும் வெடித்துச் சிதறும் மாற்றத்தைச் சொல்லும் விறுவிறுப்பான குற்றம் மற்றும் பழிவாங்கல் கதையாகும். ஒரு கொலைக் குற்றச்சாட்டால் அவரது வாழ்க்கை முற்றிலும் மாறிப்போகிறது. கௌரவம், அடையாளம் மற்றும் சீருடை அணியும் எதிர்காலம் என்ற கனவுகளுடன் தொடங்கும் அவரது பயணம், பின்னர் அநீதி, உயிர் பிழைப்பு மற்றும் பழிவாங்கல் நிறைந்த வன்முறைப் பாதையாக மாறுகிறது.

கபடியின் பரபரப்பான உலகில் தொடங்கும் டிரெய்லர், நாயகனின் வாழ்க்கையை மாற்றக்கூடிய ஒரு முக்கியமான போட்டியைக் காட்டுகிறது. அந்தப் போட்டி, காவல் அதிகாரியாக வேண்டும் என்ற அவரது கனவை நனவாக்கும் வாய்ப்பாக அமைகிறது. ஆனால் ஒரு வீரர் கொல்லப்படுவதால் விதி கொடூரமான திருப்பத்தை எடுக்கிறது; அந்தக் கொலைக்குப் பொறுப்பாளியாக அவர் குற்றம் சாட்டப்படுகிறார். தான் செய்யாத குற்றத்திற்காக சிக்கவைக்கப்பட்ட அவர், ஒருபோதும் நுழைய விரும்பாத ஒரு ஆபத்தான உலகிற்குள் தள்ளப்படுகிறார். காலப்போக்கில் அவர் அச்சமூட்டும் பெயராக உருவெடுக்கிறார்.

கதிர், திவ்யா பாரதி, பூர்ணிமா ரவி மற்றும் சத்யா ஆகியோர் முக்கிய கதாபாத்திரங்களில் நடித்துள்ள லிங்கம், தமிழ்நாட்டின் கலாச்சார மற்றும் சமூகப் பின்னணியில் வேரூன்றிய உணர்ச்சிப்பூர்வமான நாடகம், அதிரடி மற்றும் குற்றத் திரில்லர் அம்சங்களை ஒருங்கிணைக்கிறது. லக்ஷ்மி சரவணகுமார் எழுதி இயக்கியுள்ள இந்தத் தொடரை பிரசாந்த் பாண்டியராஜ் ஷோ ரன்னராக வழிநடத்த, விகடன் டெலிவிஸ்டாஸ் தயாரித்துள்ளது. கபடி மைதானத்தின் தீவிரத்திலிருந்து அதிகாரம், வன்முறை மற்றும் பழிவாங்கலின் இருண்ட உலகம் வரை நகரும் இந்தத் தொடர், யதார்த்தமான மற்றும் அதிக பதற்றம் நிறைந்த கதையம்சத்தை வழங்கும் என எதிர்பார்க்கப்படுகிறது.

அதன் சக்திவாய்ந்த டிரெய்லர் மூலம், லிங்கம் ஒரு சம்பவம் எவ்வாறு ஒரு மனிதனின் வாழ்க்கைப் பாதையை என்றென்றும் மாற்றிவிட முடியும் என்பதை ஆராயும் வலுவான தமிழ் ஒரிஜினல் தொடராக தன்னை நிலைநிறுத்துகிறது. தனித்துவமான கதைகள், வலுவான உள்ளூர் பின்னணிகள் மற்றும் மனதைத் தொடும் கதாபாத்திரங்களை மையமாகக் கொண்ட பிராந்திய ஒரிஜினல் படைப்புகளின் பட்டியலில் இது ஜியோஹாட்ஸ்டாரின் மற்றொரு முக்கிய சேர்க்கையாக அமைகிறது.

’16 வயதினிலே’ என்ற படத்தின் மூலம் தமிழ் சினிமாவில் இயக்குநராக அறிமுகமான பாரதிராஜா, ஸ்டுடியோக்குள் முடங்கியிருந்த திரைப்பட படப்பிடிப்புகளை வெளியுலகத்திற்கு அழைத்துச் சென்றவர் என்பது குறிப்பிடத்தக்கது. மேலும், பல புதுமுகங்களை அறிமுகப்படுத்தி சினிமாவில் யார் வேண்டும் என்றாலும் வரலாம், வெற்றி பெறலாம் என்ற நம்பிக்கையை வித்திட்டவர்களில் பாரதிராஜாவுக்கு தான் முதலிடம்.

நடிகராக வேண்டும் என்ற ஆசையால் சினிமாவுக்கு வந்த பாராதிராஜா அதற்கான வாய்ப்பு கிடைக்காத போது இயக்குநராகி விட்டார். அவருக்கு கிடைக்காத வாய்ப்பை பலருக்கு வழங்கிய அவர் தமிழ் சினிமாவில் உச்ச நடிகர்களாக இருக்கும் பல நடிகர், நடிகைகளை அறிமுகப்படுத்திய பெருமைக்குரியவர்.

இயக்குநராக பல வெற்றிகளை குவித்த பாரதிராஜா, நடிகராகவும் பல படங்களில் தனது திறமையை வெளிப்படுத்தி ரசிகர்களை வியக்க வைத்தார். ‘குரங்கு பொம்மை’ படத்தில் அவரது நடிப்பை பார்த்து ஒட்டுமொத்த திரையுலகமே வியந்ததோடு, ஊடகங்களும் வெகுவாக பாராட்டின. தொடர்ந்து ‘திருச்சிற்றம்பலம்’ உள்ளிட்ட பல படங்களில் முக்கிய கதாபாத்திரங்களில் நடித்து வந்தார்.

இதற்கிடையே, அவரது ஒரே மகனான, நடிகரும் இயக்குநருமான மனோஜ் பாரதிராஜா, உயிரிழந்தது பாராதிராஜவை மிகவும் பாதித்தது. மகனின் இழப்பில் இருந்து மீள முடியாமல் தவித்த அவரது உடல்நலம் பாதிக்கப்பட்டு மருத்துவமனையில் அனுமதிக்கப்பட்டார். மருத்துவமனையில் தொடர் சிகிச்சை அளிக்கப்பட்டு வீடு திரும்பிய அவருக்கு வீட்டிலும் திடீர் உடல்நலக்குறைவு ஏற்பட்டது. இதையடுத்து வீட்டில் வைத்தே அவருக்கு தீவிர சிகிச்சை அளிக்கப்பட்டு வந்தது.

இந்த நிலையில், நீலாங்கரையில் உள்ள இல்லத்தில் சிகிச்சை பெற்று வந்த பாரதிராஜா, சிகிச்சை பலன் இன்றி உயிரிழந்தார். அவரது மறைவுக்கு திரையுலக பிரபலங்கள் இரங்கல் தெரிவித்து வருகிறார்கள்.

இயக்குநர் கே. சி. குரு இயக்கத்தில் உருவாகி வரும் ‘லைட் வெயிட் பேபி ‘ திரைப்படத்தில் விக்கல்ஸ் விக்ரம் – ஆர்த்தி கிருஷ்ணா ஆகியோர் முன்னணி கதாபாத்திரங்களில் நடித்து வருகிறார்கள்.. பிரமோத் கோடியன் ஒளிப்பதிவு செய்து வரும் இந்த திரைப்படத்திற்கு சரவணன் சுப்பிரமணியம் இசையமைக்கிறார். பின்னர் இந்தப் படத்தின் படத்தொகுப்பாளராக ஹரிஷ் கோமே பணியாற்றுகிறார். ரொமான்டிக் காமெடி என்டர்டெய்னராக தயாராகும் இந்த திரைப்படத்தை ஹிதா ஸ்டுடியோஸ் நிறுவனம் தயாரிக்கிறது. இந்த திரைப்படத்தை தயாரிப்பாளர்கள் சாகர் சந்தேஷ் இணைத்து தயாரிக்கிறார்கள்.

இப்படத்தின் டைட்டில் வெளியிடப்பட்டு ரசிகர்களின் கவனத்தை கவர்ந்த நிலையில்… தற்போது இப்படத்தின் 30 நாட்கள் படப்பிடிப்பை வெற்றிகரமாக நிறைவு செய்துள்ள நிலையில், சென்னை மற்றும் பெங்களூருவில் நடைபெற்ற இரண்டு கட்ட படப்பிடிப்புகளும் முடிவடைந்து, மொத்த படப்பிடிப்பில் 60% பணிகள் நிறைவடைந்துள்ளதாகவும் படக்குழுவினர் உற்சாகத்துடன் தெரிவித்துள்ளனர்.‌

ஸ்டாண்ட் அப் காமெடியன் விக்கல்ஸ் விக்ரம் – பிட்னெஸ் மாடல் ஆர்த்தி கிருஷ்ணா ஆகிய இருவரும் எதிரும் புதிருமாக இணைந்து இருப்பதால்… படத்தை பற்றிய எதிர்பார்ப்பு ரசிகர்களிடத்தில் தொடர்ந்து அதிகரித்து வருகிறது.‌ இப்படத்தைப் பற்றிய புதிய தகவல்களை விரைவில் படக்குழு வெளியிடும் என எதிர்பார்க்கப்படுகிறது.

நடிகர் அஜித்தின் தந்தை சுப்பிரமணியம் – தாய் மோகினி. இவர்கள் சென்னை பாலவாக்கத்தில் தனியாக வசித்து வந்த நிலையில், தந்தை சுப்பிரமணியம் கடந்த 2020 ஆம் ஆண்டு உடல்நலக்குறைவால் பாதிக்கப்பட்டு மூன்று ஆண்டுகள் சிகிச்சை பெற்று வந்தார். இதையடுத்து கடந்த 2023 ஆம் ஆண்டு அவர் காலமானார்.

இந்த நிலையில், அஜித்தின் தயாரான மோகினி வயது மூப்பு காரணமாக இன்று உயிரிழந்தார். சென்னை ஈஞ்சம்பாக்கத்தில் உள்ள அஜித்குமாரின் இல்லத்தில் அவரது தாயாருக்கு இறுதிச்சடங்கு நடைபெற உள்ளது.

அஜித்தின் தாயார் மோகினி மறைவுக்கு முன்னாள் முதலமைச்சர் மு.க.ஸ்டாலின் உள்ளிட்ட பல அரசியல் தலைவர்கள் இரங்கல் தெரிவித்துள்ளனர். திரையுலக பிரபலங்கள் பலரும் இரங்கல் தெரிவித்து வருகிறார்கள்.

#Karthi30 என தற்காலிகமாக பெயரிடப்பட்டுள்ள இந்தப் படத்தின் பூஜை சமீபத்தில் பிரமாண்டமாக நடைபெற்றது. தற்போது படப்பிடிப்பு வேகமாக முன்னேறி வருகிறது. படத்தின் முக்கிய காட்சிகள் தீவிரமாக படமாக்கும் பணிகள் விறுவிறுப்பாக நடைபெற்று வருகின்றன.

வாத்தி, லக்கி பாஸ்கர், விஸ்வநாத் & சன்ஸ் ஆகிய வெற்றிப் படங்களுக்கு பிறகு, சித்தாரா என்டர்டெயின்மென்ட்ஸ் மீண்டும் ஒரு பிரமாண்டமான படைப்புடன் வருகிறது. தொழில்துறை வட்டாரங்களிலும், ரசிகர்கள் மத்தியிலும் ஏற்கெனவே பெரும் எதிர்பார்ப்பை ஏற்படுத்தியுள்ள இந்தக் கூட்டணி பெரும் உற்சாகத்தை தருகிறது.

கார்த்தியின் தீவிரமான, அதேசமயம் நேசிக்கத்தக்க திரை இமேஜும், கல்யாண் சங்கரின் உற்சாகமான கதைசொல்லல் பாணியும் இணையும் போது உருவாகும் புதுமையான அனுபவம் ரசிகர்களுக்கு சிறப்பானதாக இருக்கும் என எதிர்பார்க்கப்படுகிறது. தனித்துவமான உலகம், மகிழ்ச்சியூட்டும் கதாபாத்திரங்கள் மற்றும் அனைத்து தரப்பு ரசிகர்களையும் ஈர்க்கக்கூடிய கதைக்களத்தில் இந்தப் படம் உருவாக்கப்பட்டு வருகிறது.

படக்குழு விரைவில் ஃபர்ஸ்ட் லுக் உள்பட முக்கிய அப்டேட்களை பிரமாண்டமாக வெளியிட திட்டமிட்டுள்ளது. இந்த அப்டேட்கள் ரசிகர்களுக்கு பெரிய ஆச்சரியத்தையும், வரவிருக்கும் பயணம் குறித்த எதிர்பார்ப்பை மேலும் அதிகப்படுத்தும் என்று தெரிகிறது.

வலுவான காம்பினேஷன், வெற்றிகரமான தயாரிப்பு நிறுவனம், திறமையான இளம் இயக்குநர் மற்றும் மிகவும் பிரபலமான நட்சத்திரம் ஒன்றிணைந்துள்ள இந்தத் திரைப்படம், தற்போது உருவாகி வரும் மிக முக்கியமான மற்றும் அதிக எதிர்பார்ப்பு கொண்ட படங்களில் ஒன்றாக உருவெடுத்து வருகிறது.

விரைவில்… இந்தப் படம் தொடர்பான பெரிய அப்டேட்கள் வெளியாக உள்ளன!

‘பீட்சா’, ‘ஜிகர்தண்டா’, ‘இறைவி’, ‘பேட்ட’, ‘மகான்’, ‘ஜிகர்தண்டா டபுள் எக்ஸ்’, ‘ரெட்ரோ’ போன்ற வெற்றி திரைப்படங்கள் கொடுத்த இயக்குநர் கார்த்திக் சுப்புராஜ் கடந்த வருடம் நவம்பர் மாதத்தில் தொடங்கிய தனது பத்தாவது படத்தின் படப்பிடிப்பை அதிகாரப்பூர்வமாக நிறைவு செய்துள்ளார். இப்படத்தை, ஆஸ்கர் விருது பெற்ற சிக்யா என்டர்டெயின்மெண்ட் நிறுவனத்தின் குனீத் மோங்கா கபூர் மற்றும் அசின் ஜெயின் தலைமையில், ஜியோ ஸ்டுடியோஸ் இணைந்து தயாரிக்கின்றன. உலகளவில் பாராட்டப்படும் இந்த தயாரிப்பு நிறுவனத்துடன் கார்த்திக் சுப்புராஜ் முதன்முறையாக இணைந்திருப்பது குறிப்பிடத்தக்கது.

கார்த்திக் சுப்புராஜ் இயக்கும் இந்தப் படத்திற்கு இளையராஜா இசையமைக்கிறார். இது அவருடைய 1540 ஆவது படம் என்பது குறிப்பிடத்தக்கது. இவர்கள் இருவரும் இணைவது ரசிகர்களிடையே பெரும் உற்சாகத்தை ஏற்படுத்தியுள்ளது.

இசைஞானி இளையராஜா பகிர்ந்து கொண்டதாவது, “எனக்கு சினிமாவும் இசையும் உணர்வுப்பூர்வமானவ. ஒரு கதையின் நேர்மையும், அதை சொல்லும் மனிதர்களின் உண்மையும் தான் முக்கியம். கார்த்திக் சுப்புராஜ் உடன் பணியாற்றுவதில் மகிழ்ச்சி அடைகிறேன். சினிமா மீதான அவரது ஆர்வம் அவருடைய பணிகளில் தெளிவாக தெரிகிறது. ஒவ்வொரு படத்துக்கும் தனித்தனி உணர்வும், இசையும் உண்டு. இந்தப் படத்தின் பின்னணி இசை அமைக்கும் போது, அந்த இசையை தனி ஆல்பமாகவே வெளியிட வேண்டும் என்ற எண்ணம் வந்தது. அந்த அளவுக்கு சிறப்பாக உருவாகியுள்ளது. என் ரசிகர்கள் அதை மிகவும் ரசிப்பார்கள் என்று நம்புகிறேன்”

இயக்குநர் கார்த்திக் சுப்புராஜ் பகிர்ந்து கொண்டதாவது, “கலையை நாம் தேர்ந்தெடுப்பதில்லை. கலைதான் நம்மை தேர்ந்தெடுக்கிறது என்று பலர் சொல்வார்கள். என் பயணமே அதற்கு சான்று. இசைஞானி இளையராஜா சார் உடன் பணியாற்றுவது என் வாழ்நாள் கனவு. அது என் பத்தாவது படத்தில் நனவாகியிருப்பது சிறப்பான தருணம். பல ஆண்டுகளாக அவரது இசையை கொண்டாடி வந்த ஒருவனாக அவருடன் இணைந்திருப்பது எனக்கு தனிப்பட்ட முறையிலும், தொழில்ரீதியாகவும் உணர்வுப்பூர்வமான தருணம். சிக்யா என்டர்டெயின்மெண்ட் மற்றும் ஜியோ ஸ்டுடியோஸுடன், குனீத் மோங்கா கபூர் மற்றும் அசின் ஜெயின் ஆகியோருடன் இணைவதிலும் நான் மிகவும் உற்சாகமாக இருக்கிறேன். இந்தப் படத்தை ரசிகர்களுடன் சேர்ந்து பார்க்க ஆவலுடன் உள்ளேன்”.

ஜியோ ஸ்டுடியோஸ் பிரசிடெண்ட் ஜோதி தேஷ்பாண்டே கூறியதாவது, “கார்த்திக் சுப்புராஜ் மற்றும் இசைஞானி இளையராஜா போன்ற கலைஞர்களுடனும், சிக்யா என்டர்டெயின்மெண்ட் நிறுவனத்துடனும் இந்தப் படத்தை உருவாக்குவதில் மகிழ்ச்சி அடைகிறோம். கதை சொல்லலும் இசையும் இணையும் இந்த திரைப்படத்தை, பெரிய திரையில் ரசிகர்களுக்கு கொண்டு செல்ல ஆவலாக இருக்கிறோம்” என்றார்.

சிக்யா எண்டர்டெயின்மெண்ட் தயாரிப்பாளர் குனீத் மோங்கா கபூர், “இந்தப் படம் எங்களுக்கு மிகவும் நெருக்கமானது. இந்திய சினிமாவில் முக்கியமான இயக்குநர் கார்த்திக் சுப்புராஜ். பல தலைமுறைகளை இசையால் கவர்ந்த இளையராஜாவுடன் அவர் இணைந்திருப்பது உற்சாகமான விஷயம். ஜியோ ஸ்டுடியோஸூடன் நாங்கள் முதன்முறையாக இணைந்திருக்கிறோம். நிச்சயம் சிறந்த படமாக இது அமையும்” என்றார்.

சிக்யா என்டர்டெயின்மெண்ட் தயாரிப்பாளர் அசின் ஜெயின் பகிர்ந்து கொண்டதாவது, “கார்த்திக் சுப்புராஜ் தனித்துவமான படங்களை கொடுப்பவர். இளையராஜா சாரின் இசை காலங்களையும், மொழிகளையும் தாண்டி என்றும் நிலைத்திருப்பது. ஜியோ ஸ்டுடியோஸுடன் நாங்கள் முதல் முறையாக இணைந்திருக்கிறோம். இப்படிப்பட்ட ஜாம்பவான்களுடன் இணையும் திரைப்படத்தின் ஒரு பகுதியாக இருப்பதில் நாங்கள் பெருமைப்படுகிறோம். இந்த திரைப்படத்தை ரசிகர்கள் பெரிய திரையில் பார்ப்பதை ஆவலுடன் எதிர்பார்க்கிறோம்” என்றார்.