இந்த நிகழ்வில் இளைஞர் நலன் மற்றும் விளையாட்டு மேம்பாட்டுத்துறை அரசு செயலாளர் சஜ்ஜன்சிங் ரா சவான், இ.ஆ.ப., தமிழ்நாடு விளையாட்டு மேம்பாட்டு ஆணைய உறுப்பினர் செயலர் ஜெ.மேகநாத ரெட்டி, இ.ஆ.ப., மாவட்ட வருவாய் அலுவலர் மரு.ரெ.சுமன் மற்றும் பொது மேலாளர் எல்.சுஜாதா மற்றும் தொடர்புடைய அலுவலர்கள் பங்கேற்றனர்.

ராயல் சேலஞ்சர்ஸ் பெங்களூரு அணியின் வெங்கடேஷ் அய்யர் (19), விராட் கோலி (43) ஆகியோர் சிறப்பான துவக்கம் கொடுத்தனர். இவர்களைத் தொடர்ந்து விளையாடிய தேவ்தத் படிக்கல் 19 பந்துகளில் 30 ரன்களும், கேப்டன் ரஜத் பட்டிதார் 33 பந்துகளில் 93 ரன்களும் விளாசினர். க்ரூணால் பாண்டியா 28 பந்துகளில் 43 ரன்களை விளாச ஆர்சிபி அணி 20 ஓவர்கள் முடிவில் 5 விக்கெட்டுகள் இழப்புக்கு 254 ரன்களை குவித்தது.

குஜராத் டைட்டன்ஸ் அணியின் சாய் சுதர்சன் 14 ரன்களிலும், சுப்மன் கில் 2 ரன்களிலும், நிஷாந்த் சிந்து 5 ரன்களிலும், வாஷிங்டன் சுந்தர் 8 ரன்களிலும், ஜேசன் ஹோல்டர் டக் அவுட் என அடுத்தடுத்து அவுட்டாகி அதிர்ச்சி கொடுத்தனர். ஜாஸ் பட்லர் 29 ரன்கள் எடுத்தார். 19.3 ஓவர்களில் 162 ரன்களுக்கு குஜராத் அணி ஆல்-அவுட் ஆனது. அந்த அணியின் ராகுல் தேவாட்டியா 43 பந்துகளில் 68 ரன்களை குவித்தார்.

இதனால் 92 ரன்கள் வித்தியாசத்தில் ஆர்சிபி இமாலய வெற்றியைப் பதிவு செய்துள்ளது. இதன் மூலம் நடப்பு ஐபிஎல் தொடரின் இறுதிப் போட்டிக்கு முன்னேறியது. பெங்களூரு அணி தரப்பில் சிறப்பாக பந்துவீசிய ஜேக்கப்
டஃபி 3 விக்கெட்களையும், புவனேஷ்வர் குமார், ரசிக் சலாம், க்ரூணால் பாண்டியா தலா 2 விக்கெட்களையும், ஜோஷ் ஹேசில்வுட் 1 விக்கெட் வீழ்த்தினர்.

இந்த போட்டியின் மூலம் ஐபிஎல் வரலாற்றில் பிளே ஆஃப் சுற்றில் 254 என்ற அதிக ஸ்கோர்களை குவித்தது என்ற பெருமையை ஆர்சிபி பெற்றுள்ளது. இதற்கு முன்னதாக கடந்த 2023-ம் ஆண்டு நடைபெற்ற பிளே ஆஃப் சுற்றில் மும்பை இந்தியன்ஸ் அணிக்கு எதிராக குஜராத் டைட்டன்ஸ் அணி 233 ரன்கள் அடித்ததே, பிளே ஆஃப் சுற்றில் அடிக்கப்பட்ட அதிகபட்ச ஸ்கோராக இருந்தது.அதை ஆர்சிபி முறியடித்துள்ளது.

கால்பந்து உலகை இணைக்கும் சக்தி, அமைதி, ஒற்றுமை, இளைஞர்களின் மேம்பாடு, பெண்களின் சக்தி வாய்ந்த தளம் என பல வழிகளில் தாக்கம் செலுத்துகிறது. FIFA-வும் ஐ.நா.வும் இணைந்து World Football Week (மே 21-25) கொண்டாடுகின்றனர் – விளையாடுங்கள், செயல்படுங்கள், மகிழுங்கள்!

இன்று என்ன செய்யலாம்?உங்களுக்கு பிடித்த அணியுடன் ஒரு சிறு போட்டி விளையாடுங்கள்.
பிரபல கோல் அல்லது மேட்ச் மோமென்ட்களை மறுபார்வையிடுங்கள்.
கால்பந்தின் மூலம் அமைதி மற்றும் ஒற்றுமையைப் பற்றி பேசுங்கள்.

கால்பந்து உலகம் உங்களுக்கு என்ன அர்த்தம்? உங்களுக்கு பிடித்த வீரர் அல்லது மோமென்ட் எது? பகிருங்கள்!

உலக கோப்பை வரலாறு ஒரு பார்வை :

உலகக் கோப்பை என்பது உலகின் மிகப் பெரிய மற்றும் புகழ்பெற்ற கால்பந்து தொடர். FIFA (International Federation of Football Association) நடத்தும் இந்தப் போட்டி, ஒவ்வொரு 4 ஆண்டுகளுக்கு ஒருமுறை நடைபெறுகிறது.

இது “The Beautiful Game” என அழைக்கப்படும் கால்பந்தின் உச்சக்கட்ட நிகழ்வு.

தொடக்கம் முதல் உலகக் கோப்பை:

1930 ஜூலை 13 முதல் 30 வரை உருகுவேயில் நடைபெற்றது.
13 அணிகள் பங்கேற்றன.
இறுதிப் போட்டியில் உருகுவே 4-2 என்ற கணக்கில் அர்ஜென்டினாவை வீழ்த்தி முதல் சாம்பியன் ஆனது.
முதல் கோல்: பிரான்ஸின் Lucien Laurent.

இரண்டாம் உலகப் போர் காரணமாக 1942 மற்றும் 1946 ஆண்டுகளில் போட்டி ரத்து செய்யப்பட்டது.

வெற்றியாளர்கள் (Champions) – முக்கிய பட்டியல்பிரேசில் – 5 முறை (1958, 1962, 1970, 1994, 2002) – உலக சாதனை.
ஜெர்மனி – 4 முறை (1954, 1974, 1990, 2014).
இத்தாலி – 4 முறை (1934, 1938, 1982, 2006).
அர்ஜென்டினா – 3 முறை (1978, 1986, 2022) – நடப்பு சாம்பியன்.
பிரான்ஸ் – 2 முறை (1998, 2018).
உருகுவே – 2 முறை (1930, 1950).
இங்கிலாந்து – 1 (1966).
ஸ்பெயின் – 1 (2010).

சில சிறப்பம்சங்கள் :

ஹோஸ்ட் நாடுகள் வெற்றி: 6 முறை ஹோஸ்ட் அணி சாம்பியன் ஆனது (உருகுவே 1930, இத்தாலி 1934, இங்கிலாந்து 1966, மேற்கு ஜெர்மனி 1974, அர்ஜென்டினா 1978, பிரான்ஸ் 1998).

பிரேசில் மட்டுமே அனைத்து உலகக் கோப்பை தொடர்களிலும் பங்கேற்ற ஒரே அணி.

2002இல் தென் கொரியா & ஜப்பான் – முதல் ஆசிய ஹோஸ்ட்கள்.

2010இல் தென் ஆப்பிரிக்கா – முதல் ஆப்பிரிக்க ஹோஸ்ட்.

2022இல் கத்தார் – முதல் மத்திய கிழக்கு ஹோஸ்ட்.

வரவிருக்கும் உலகக் கோப்பைகள்2026:

கனடா, அமெரிக்கா, மெக்சிகோ (முதல் 3 நாடுகள் இணைந்து).
2030: ஸ்பெயின், போர்ச்சுக்கல், மொராக்கோ (சில தென் அமெரிக்க போட்டிகள்).
2034: சவுதி அரேபியா.

உலகக் கோப்பை வரலாறு முழுவதும் ஒற்றுமை, ஆர்வம், சர்ச்சை, சாதனைகள் நிறைந்தது. பெலே, மரடோனா, ஜிடேன், ரொனால்டோ, மெஸ்ஸி போன்ற லெஜண்டுகள் இதை இன்னும் சிறப்பாக்கியுள்ளனர்.

கடினமான இலக்குடன் களமிறங்கிய சிஎஸ்கே 13.4 ஓவரில் 140 ரன்களுக்கு அனைத்து விக்கெட்டையும் இழந்து 89 ரன் தோற்றது. அதிகபட்சமாக துபே 17 பந்தில் 47 ரன் (4 சிக்ஸ், 4 பவுண்டரி) விளாசினார். சஞ்சு சாம்சன் ஆட்டத்தின் முதல் பந்திலேயே டக் அவுட்டானார். சிறப்பாக பந்து வீசிய குஜராத்தின் முகமது சிராஜ், ரபாடா, ரஷித் கான் தலா 3 விக்கெட் வீழ்த்தினர். கடைசி லீக் ஆட்டத்தில் சிஎஸ்கே படுதோல்வியின் மூலம் பிளே ஆப் சுற்று வாய்ப்பை இழந்து தொடரில் இருந்து வெளியேறியது.

181 ரன்கள் எடுத்தால் வெற்றி என்ற இலக்குடன் களம் இறங்கிய ஐதராபாத் அணியின் துவக்க வீரர்கள் அபிஷேக் சர்மா மற்றும் டிராவிஸ் ஹெட் முறையே 26 மற்றும் 6 ரன்களில் ஆட்டம் இழந்தனர். அடுத்து களம் இறங்கிய இஷான் கிஷன் அதிரடியாக விளையாடி அரைசதம் கடந்தார். இவருடன் ஜோடி சேர்ந்த கிளாசனும் அதிரடியாக விளையாடி 47 ரன்களை குவித்தார்.

இறுதியில் 19 ஓவர்கள் முடிவில் சன்ரைசர்ஸ் ஐதராபாத் அணி 5 விக்கெட்டுகளை இழந்து 181 ரன்கள் குவித்து 5 விக்கெட் வித்தியாசத்தில் வெற்றி பெற்றது.

ஆர்.சி.பி 13 போட்டிகள் விளையாடி 9 வெற்றியுடன் பிளே ஆஃப் சுற்று வாய்ப்பை உறுதி செய்துள்ளது.

பஞ்சாப் கிங்ஸ் அணி 13 போட்டிகளில், 6 வெற்றியுடன் புள்ளிகள் பட்டியலில் 4 வது இடத்தில் உள்ளது. இதனால், இந்த அணி பிளே ஆஃப் சுற்றுக்கு முன்னேறுமா ? என்ற கேள்வி எழுந்துள்ளது. கடைசி லீக் போட்டியில் லக்னோவை எதிர்கொள்ள உள்ள பஞ்சாப் கிங்ஸ், இதில் வெற்றி பெற்றால் 15 புள்ளிகளுடன் மற்ற அணிகளின் முடிவுக்காக காத்திருக்க வேண்டும். அதை பொறுத்தே இந்த அணியின் பிளே ஆஃப் சுற்றுக்கான வாய்ப்பு தெரிய வரும்.

ராஜஸ்தான் ராயல்ஸ் அணி 12 போட்டிகளில் 6-ல் வெற்றி பெற்று 12 புள்ளிகளுடன் 6 வது இடத்தில் உள்ளது. அடுத்து லக்னோ, மும்பை ஆகிய அணிகளுடன் விளையாட உள்ளது. இரண்டு போட்டிகளிலும் வெற்றி பெற்றால் மட்டுமே பிளே ஆஃப் வாய்ப்பு குறித்து நினைத்து பார்க்க முடியும்.

டெல்லி கேப்பிட்டல்ஸ் 13 போட்டிகளில், 6-ல் வெற்றி பெற்றுள்ளது. கடைசி லீக் போட்டியில் கொல்கத்தாவை எதிர்கொள்ள உள்ளது. இதில் வெற்றி பெற்றால் மட்டுமே பிளே ஆஃப் சுற்று வாய்ப்பு உள்ளதா? என்பது குறித்து தெரிய வரும்.

குஜராத் டைட்டன்ஸ் 13 போட்டிகளில், 8-ல் வெற்றி பெற்றுள்ளது. தற்போது 2 வது இடத்தில் உள்ளது. ஏறக்குறைய பிளே ஆஃப் வாய்ப்பை பெற்றுள்ளது என்றாலும், கடைசி போட்டியில் சி.எஸ்.கே அணியுடன் மோத உள்ளது. இதில் வெற்றி பெற்றால் வாய்ப்பு உறுதி செய்யப்படும். இல்லை என்றால் மற்ற அணிகளின் முடிவு மற்றும் ரன் ரேட்டிற்காக காட்திருக்க வேண்டும்.

சன்ரைசர்ஸ் ஐதராபாத் 12 போட்டிகளில் 7-ல் வெற்றி பெற்று 3 வது இடத்தில் உள்ளது. ஆர்.சி.பி, சி.எஸ்.கே-வுக்கு எதிராக விளையாட உள்ளது. இரண்டிலும் வெற்றி பெற்றால் பிளே ஆஃப் சுற்று வாய்ப்பை உறுதி செய்யும். குறிப்பாக சி.எஸ்.கேவை வீழ்த்தினாலே பிளே ஆஃப் சுற்று வாய்ப்பை உறுதி செய்து விடுவதோடு, அந்த அணியை தொடரில் இருந்து வெளியேற்றவும் செய்யும்.

சி.எஸ்.கே அணி சன்ரைசர்ஸ் ஐதராபாத் மற்றும் குஜராத்துக்கு எதிராக விளையாட உள்ளது. இந்த இரண்டு போட்டிகளின் முடிவு மிக முக்கியமானது. இன்று ஐதராபாத்தை எதிர்கொள்கிறது. இதில் சி.எஸ்.கே தோல்வியடைந்தால் பிளே ஆஃப் சுற்று வாய்ப்பை இழக்க வாய்ப்புள்ளது.

டாஸ் வென்ற பெங்களூரு பந்து வீச்சைத் தேர்வு செய்தது. முதலில் களமிறங்கிய சாய் சுதர்சன் அதிரடியாக விளையாடி சதமடித்தார். அந்த அணி 20 ஓவர்களில் 3 விக்கெட்டுகள் இழந்து 265 ரன்களைக் குவித்தது. ஐபிஎல் போட்டியில் 3 சதங்களை அடித்துள்ள சாய் சுதர்சன், இந்த போட்டியின் மூலம் ஐபிஎல் வரலாற்றில் அதிவேகமாக 2,000 ரன்களைக் கடந்த கிரிஸ் கெயில் சாதனையை முறியடித்துள்ளார்.

இதன்பின் விளையாடிய பெங்களூரு அணி 18.5 ஓவர்களில் இலக்கை எட்டி 5 விக்கெட் வித்தியாசத்தில் வெற்றி பெற்றது. இந்தப் போட்டியில் விராட் கோலி 44 பந்துகளில் 81 ரன்கள் குவித்தார். படிக்கல் 27 பந்துகளில் 55 ரன்கள் குவித்தார்.

இந்த ஆட்டத்தில் 8 பவுண்டரி, 4 சிக்சர்களை விளாசிய விராட் கோலி, ஐபிஎல் கிரிக்கெட்டில் ஓர் அணிக்காக 300 சிக்சர் மற்றும் 800 பவுண்டரிகளை விளாசிய முதல் வீரர் என சாதனையைப் படைத்தார். அத்துடன் ஒரே நாட்டில் விளையாடி டி20 போட்டிகளில் 10,000 ரன்களைக் குவித்த உலகின் முதல் கிரிக்கெட் வீரர் என்ற இமாலய சாதனையைப் படைத்துள்ளார். இவருக்கு அடுத்தபடியாக ரோஹித் சர்மா 8563 ரன்கள் எடுத்துள்ளார்.

பவர்பிளேயில் 3 விக்கெட்களை இழந்து 76 ரன்கள் குவித்த சி.எஸ்.கே அதன் பிறகு ரன் அடிக்க முடியாமல் திணறியது. இறுதியில் 184 ரன்கள் எடுத்து தோல்வியடைந்தது. இந்த வெற்றியின் மூலம் சன்ரைசர்ஸ் ஐதராபாத் புள்ளிகள் பட்டியலில் 4ம் இடத்திற்கு முன்னேறியுள்ளது. இதுவரை 6 போட்டிகள் விளையாடியுள்ள ஐதராபத் அணி, 3 வெற்றி, 3 தோல்விகளை சந்தித்துள்ளது.

சென்னை சூப்பர் கிங்ஸ் 6 போட்டிகளில் விளையாடி 4 தோல்வி, 2 வெற்றிகளுடன் புள்ளிகள் பட்டியலில் 7 வது இடத்தில் உள்ளது.

ருதுராஜ் கெய்க்வாட் நிதானமாக விளையாட, சஞ்சு சாம்சன் அதிரடி ஆட்டத்தை வெளிப்படுத்தினார். பவர்பிளேயில் சென்னை சூப்பர் கிங்ஸ் விக்கெட் இழப்பின்றி 61 ரன்கள் எடுத்திருந்தது. 18 பந்தில் 15 ரன்கள் மட்டுமே அடித்த நிலையில் ருதுராஜ் கெய்க்வாட் ஆட்டமிழந்தார். அடுத்து ஆயுஷ் மாத்ரே களம் இறங்கினார்.

அதன்பின் இருவரும் அதிரடி ஆட்டத்தை வெளிப்படுத்தினர். ஆயுஷ் மாத்ரே 27 பந்தில் அரைசதம் அடித்தார். சஞ்சு சாம்சன் அரைசதத்தை சதமாக மாற்றினார். அவர் 52 பந்தில் 13 பவுண்டரி, 3 சிக்சருடன் சதம் அடித்தார். ஆயுஷ் மாத்ரே 59 ரன்கள் அடித்திருக்கும் ரிட்டையர்டு ஹர்ட் மூலம் வெளியேறினார். சஞ்சு சாம்சன் ஆட்டமிழக்காமல் 56 பந்தில் 115 ரன்கள் அடிக்க, ஷிவம் துபே 10 பந்தில் 20 ரன்கள் எடுத்து ஆட்டமிழக்காமல் இருந்தார். சி.எஸ்.கே. 20 ஓவரில் 2 விக்கெட் இழப்பிற்கு 212 ரன்கள் குவித்தது.

213 ரன்கள் எடுத்தால் வெற்றி என்ற இலக்கில் டெல்லி கேபிடல்ஸ் அணி களமிறங்கியது. சிஎஸ்கேவின் அதிரடி பந்துவீச்சால் திணறிய டெல்லி அணி 20 ஓவர் முடிவில் 189 ரன்கள் மட்டுமே எடுக்க முடிந்தது. எனவே 23 ரன்கள் வித்தியாசத்தில் சென்னை சூப்பர் கிங்ஸ் அணி வெற்றி பெற்றது. இதன்மூலம் நடப்பு தொடரில் சிஎஸ்கே தனது முதல் வெற்றியை பதிவு செய்துள்ளது.

CUB நாடு முழுவதும் தனது கிளைகளைக் கொண்டுள்ளது; அதேபோன்று, CSK அணியும் நாட்டின் அனைத்துப் பகுதிகளிலும் ரசிகர்களைக் கொண்டுள்ளது.

வெளியீட்டின் முக்கிய சிறப்பம்சங்கள்:

வெளியீடு: CSK வீரர்கள்/நிர்வாகம், CUB தலைமை மற்றும் ரசிகர்கள் கலந்துகொள்ளும் ஒரு சிறப்பு நிகழ்வில் இந்த கீதம் வெளியிடப்படும்.

கூட்டாண்மையைக் கொண்டாடுதல்: இந்த ஒத்துழைப்பு, ஒரு நம்பகமான கிரெடிட் கார்டு கூட்டாளராக CUB-யின் பங்கையும், அனைவராலும் விரும்பப்படும் ஒரு கிரிக்கெட் அணியாக CSK-யின் அந்தஸ்தையும் எடுத்துக்காட்டுகிறது.

ரசிகர் ஈடுபாடு: இந்த கீதம் டிஜிட்டல் தளங்கள் முழுவதும் விளம்பரப்படுத்தப்படும்; இதன் மூலம் ரசிகர்கள் தங்களின் சொந்தப் பாடல் வடிவங்களையும் அனுபவங்களையும் பகிர்ந்துகொள்ள ஊக்குவிக்கப்படுவார்கள்.

பகிரப்பட்ட விழுமியங்கள்:

CUB மற்றும் CSK ஆகிய இரு அணிகளும் குழுப்பணி, மீள்திறன் மற்றும் சமூகப் பெருமை ஆகியவற்றை வலியுறுத்துகின்றன – இந்த விழுமியங்கள் கீதத்தின் வரிகளிலும் தாளத்திலும் பிரதிபலிக்கின்றன.

இந்த கீதம் இசையைத் தாண்டிய ஒன்று” – இது CSK உடனான எங்கள் கூட்டாண்மையையும், எங்கள் வாடிக்கையாளர்களுக்குச் சேவையாற்றுவதிலும் சமூகங்களுக்கு உத்வேகம் அளிப்பதிலும் நாங்கள் கொண்டுள்ள அர்ப்பணிப்பையும் கொண்டாடும் ஒரு நிகழ்வாகும். கிரிக்கெட் ரசிகர்களை ஒன்றிணைப்பது போலவே, CUB-ம் நம்பிக்கை மற்றும் சேவையின் வாயிலாக மக்களை ஒன்றிணைக்கப் பாடுபடுகிறது.