சென்னை மேலக்கோட்டையூரில் அமைந்துள்ள தமிழ்நாடு உடற்கல்வியியல் மற்றும் விளையாட்டுப் பல்கலைக்கழகத்தில் நடைபெற்ற இப்போட்டியில் தமிழகம் முழுவதும் இருந்து சிலம்ப வீரர், வீராங்கனைகள் ஆர்வத்துடன் கலந்து கொண்டு தங்களது திறமைகளை வெளிப்படுத்தினர்.

போட்டிகளில் மினி சப்-ஜூனியர், சப்-ஜூனியர், ஜூனியர், சீனியர் மற்றும் சூப்பர் சீனியர் ஆகிய பிரிவுகளில் மாணவ, மாணவியர்கள், ஆடவர் மற்றும் மகளிர் பங்கேற்றனர். வயது மற்றும் பிரிவு வாரியாக நடைபெற்ற போட்டிகளில் வீரர்கள் தங்களது வேகம், காலடி நுட்பம், சுழற்சி, உடல் சமநிலை மற்றும் மன ஒருமைப்பாடு ஆகிய திறன்களை சிறப்பாக வெளிப்படுத்தினர்.

இப்போட்டி மூலம் மாணவர்கள் மற்றும் இளைஞர்களிடையே உடல் வலிமை, தன்னம்பிக்கை, ஒழுக்கம், மனக்கட்டுப்பாடு மற்றும் தற்காப்புத் திறன் ஆகியவற்றை வளர்ப்பதுடன், தமிழர்களின் பாரம்பரிய வீரக்கலையான சிலம்பத்தை அடுத்த தலைமுறையினரிடம் கொண்டு செல்லும் முயற்சியும் முன்னெடுக்கப்பட்டது.

போட்டியில் சிறப்பாக செயல்பட்ட வீரர், வீராங்கனைகளுக்கு பரிசுகள் மற்றும் சான்றிதழ்கள் வழங்கி பாராட்டுத் தெரிவிக்கப்பட்டது. வெற்றி பெற்ற வீரர்களை அமைப்பின் நிர்வாகிகள், பயிற்சியாளர்கள் மற்றும் சிறப்பு விருந்தினர்கள் வாழ்த்தினர்.
சிலம்பக் கலையின் வளர்ச்சிக்காக தொடர்ந்து போட்டிகள், பயிற்சி முகாம்கள் மற்றும் விழிப்புணர்வு நிகழ்ச்சிகளை நடத்துவதன் மூலம், சிலம்பத்தை மாநில, தேசிய மற்றும் சர்வதேச அளவில் மேலும் வளர்க்க நடவடிக்கைகள் மேற்கொள்ளப்படும் என ஏற்பாட்டாளர்கள் தெரிவித்தனர்.

நிகழ்வை சிறப்பாக நடத்த ஒத்துழைத்த தமிழ்நாடு உடற்கல்வியியல் மற்றும் விளையாட்டுப் பல்கலைக்கழக நிர்வாகம், பயிற்சியாளர்கள், நடுவர்கள், பெற்றோர்கள், வீரர்–வீராங்கனைகள் மற்றும் அனைத்து ஒத்துழைப்பாளர்களுக்கும் ஏற்பாட்டாளர்கள் நன்றி தெரிவித்தனர்.

இந்த நிலையில், காமன்வெல்த் போட்டிகளில் தனது அறிமுகத்திலேயே, ஆண்களுக்கான 65 கிலோ எடை பிரிவில் பளுதூக்கும் வீரர் ராஜா முத்துப்பாண்டி வெள்ளி பதக்கம் வென்று அசத்தியுள்ளார். இதன் மூலம், இங்கு நடைபெற்ற பளுதூக்கும் போட்டிகள் அனைத்திலும் இந்தியா குறைந்தது ஒரு பதக்கத்தையாவது உறுதி செய்தது.

முத்துப்பாண்டி ‘ஸ்னாட்ச்’ (snatch) முறையில் 126 கிலோவையும், ‘கிளீன் அண்ட் ஜெர்க்’ (clean and jerk) முறையில் 160 கிலோவையும் தூக்கி, மொத்தம் 286 கிலோ எடையுடன் போட்டியை நிறைவு செய்தார்.

மலேசியாவின் முஹம்மது அஸ்னில் பின் பிடின், மொத்தம் 299 கிலோ எடையைத் தூக்கி போட்டி சாதனையுடன் தங்க பதக்கத்தை வென்றார்; அதேவேளையில், பப்புவா நியூ கினியாவின் மோரியா பாரு மொத்தம் 282 கிலோ எடையைத் தூக்கி வெண்கல பதக்கத்தை கைப்பற்றினார்.

இந்தப் போட்டியில் 4-ஆவது முறை கோப்பை வெல்லும் முனைப்பில் அர்ஜென்டினா அணியும், 2-ஆவது முறையாக கோப்பையை வெல்லும் முனைப்பில் ஸ்பெயின் அணியும் களமிறங்கின. போட்டியின் தொடங்கியது முதலே இரு அணிகளும் கோல் கணக்கை தொடங்க தீவிரம் காட்டின. போட்டியின் முதல் பாதி வரை எந்த அணியாலும் கோல் அடிக்க முடியவில்லை.

இதேபோல் ஆட்டத்தின் 2-ஆவது பாதியிலும் இரு அணிகளும் கோல் அடிக்கவில்லை. இதற்காக பல வாய்ப்புகள் உருவான போதிலும் இரு அணி வீரர்களாலும் அவற்றை கோலாக மாற்ற தவறினர். 90 நிமிடங்கள் முடிவிலும் ஆட்டம் கோல் அடிக்கப்படமல் சமநிலையில் இருந்தது. இதன் காரணமாக கூடுதல் நேரம் வழங்கப்பட்டது. (90+3) நேரத்தின் போது அர்ஜென்டினா வீரர் என்சோ பெர்னான்டஸ் ரெட் கார்டு பெற்று வெளியேற்றப்ட்டார். இதன் காரணமாக ஆட்டத்தின் மீதியை அந்த அணி 10 வீரர்களுடன் விளையாட வேண்டிய நிலை உருவானது.

தொடர்ந்து ஆட்டம் கூடுதலாக 30 நிமிடங்கள் வரை நீட்டிக்கப்பட்டது. கூடுதல் நேரத்தில் ஸ்பெயின் வீரர் பெரான் டோரஸ் கோல் அடிக்க அந்த அணி 1-0 என்ற கணக்கில் முன்னிலை பெற்றது. இதைத் தொடர்ந்து அர்ஜென்டினா அணி கோல் அடித்து ஆட்டத்தை சமன் செய்ய அதிக முனைப்பு காட்டினர். எனினும், அவர்களது கோல் அடிக்கும் முயற்சி கடைசி வரை அவர்களுக்கு கைகூடவில்லை.

மறுப்பக்கம் கோல் அடித்த முன்னிலை பெற்ற ஸ்பெயின் அணி டிஃபென்ஸ் ஆட்டத்தில் மட்டும் கவனம் செலுத்தியது. ஆட்டத்தின் இறுதி வரை அர்ஜென்டினா அணி கோல் அடிக்க தவறியது. இதையடுத்து ஸ்பெயின் அணி 1-0 என்ற கணக்கில் வெற்றி பெற்று 23-ஆவது உலகக் கோப்பை கால்பந்து தொடரின் சாம்பியன் பட்டத்தை வென்றது.

இந்தியா சார்பில் லக்சயா சென், ஆயுஷ் ஷெட்டி, பிவி சிந்து, உன்னதி ஹூடா, சிராக் ஷெட்டி-சாத்விக் ரங்கிரெட்டி ஜோடி, தனிஷா கிரஸ்டோ-துருவ் கபிலா ஜோடி உள்ளிட்டோர் கலந்து கொண்டனர்.

ஜப்பான் ஓபன் தொடரின் இறுதிப்போட்டிக்கு முன்னேறிய முதல் இந்திய வீராங்கனை என்ற பெருமையைப் பெற்றார் பி.வி.சிந்து.

இந்நிலையில், இன்று நடைபெற்ற பெண்கள் ஒற்றையர் பிரிவின் இறுதிப்போட்டியில் இந்தியாவின் பி.வி.சிந்து, ஜப்பானின் அகானே யமாகுச்சி உடன் மோதினார். இதில் ஆரம்பம் முதலே சிறப்பாக ஆடிய பி.வி.சிந்து 21-17, 21-17 என்ற செட் கணக்கில் வென்று சாம்பியன் பட்டம் பெற்று அசத்தினார்.

ஒலிம்பிக்கில் இரு முறை பதக்கம் பெற்றவரான பிவி சிந்து கடந்த 2 ஆண்டாக சர்வதேச பட்டம் எதுவும் வெல்லாத நிலையில், தற்போது ஜப்பான் ஓபனில் சாம்பியன் பட்டம் வென்றுள்ளது குறிப்பிடத்தக்கது.

இந்திய பெண்கள் அணி வருமாறு:-

சவிதா, பிச்சுதேவி கரி பாம் (கோல் கீப்பர்கள்), இஷிகா சவுத்ரி, சுஷிலா சானு, லால்தன்ட்லுவாங்கி, ஜோதி, ஷில்பி தபாஸ் (பின்களம்), நிக்கி பிரதான், சாக்ஷி ராணா, சுனேலிதா டாப்போ, சலிமா டெடி (கேப்டன்), நேஹா, தீபிகா சோரெங் (நடுகளம்), லால்ரெம்சியாமி, ருதுஜா தாதாசோ பிசல், நவ்னீத் கவுர், தீபிகா, இஷிகா, பல்ஜீத் கவுர், பியூட்டி டங்டங்.

இதைத் தொடர்ந்து நடைபெற்ற இரண்டாவது அரையிறுதி போட்டியில் அர்ஜென்டினா மற்றும் இங்கிலாந்து அணிகள் மோதின. இந்த ஆட்டம் தொடக்கம் முதலே பரபரப்பாக இருந்தது. இரு அணி வீரர்களும் கோல் அடிக்க முனைப்பு காட்டினர். எனினும், இரு அணிகளாலும் கோல் அடிக்க முடியவில்லை.

சரியாக 55-ஆவது நிமிடத்தில் இங்கிலாந்து அணியின் மோர்கன் ரோஜர்ஸ் அசிஸ்ட் செய்ய அந்தோனி ஜோர்டன் கோல் அடித்தார். இதனால், இங்கிலாந்து அணி 1-0 என முன்னிலை பெற்றது. இதைத் தொடர்ந்து ஆட்டத்தின் இறுதியில் 85-ஆவது நிமிடத்தில் அர்ஜென்டினா அணி தனது கோல் கணக்கை தொடங்கியது. நட்சத்திர வீரர் மெஸ்ஸி அசிஸ்ட் செய்ய என்சோ ஃபெர்னான்டஸ் கோல் அடித்தார்.

இதனால் ஆட்டம் 1-1 என சமநிலைக்கு வந்தது. மேலும், ஆட்டத்தின் 90-ஆவது நிமிடத்தில் அர்ஜென்டினா அணி தனது இரண்டாவது கோலை அடித்தது. இந்த முறை மெஸ்ஸி அசிஸ்ட் செய்ய லௌடரோ மார்டின்ஸ் கோல் அடித்தார். இதனால், அர்ஜென்டினா அணி 2-1 என முன்னிலை பெற்றது.

இதன் பிறகு ஆட்டத்தின் இறுதிவரை இரு அணிகளும் கோல் அடிக்கவில்லை. இதனால், அர்ஜென்டினா அணி 2-1 என்ற கணக்கில் வெற்றி பெற்று இறுதிப் போட்டிக்கு முன்னேறியது.

ஸ்பெயின் சார்பில் ஓயர்சபல் ஆட்டத்தின் 22வது நிமிடத்தில் பெனால்டி வாய்ப்பில் ஒரு கோல் அடித்தார். இதனால் ஸ்பெயின் அணி 1 -0 என்ற கணக்கில் முன்னிலை பெற்றது. பிரான்ஸ் அணி தொடர்ந்து முயன்றாலும் அதனால் கோல் அடிக்க முடியவில்லை.

ஆட்டத்தின் இரண்டாம் பாதியில் 58வது நிமிடத்தில் ஸ்பெயின் வீரர் பெட்ரொ பேரோ அணியின் இரண்டாவது கோலை பதிவு செய்தார். பிரான்ஸ் தீவிரமாக முயன்றும் கடைசி வரை கோல் அடிக்க முடியாது போனது. ஆட்ட நேர முடிவில் 2-0 என்ற கோல் கணக்கில் ஸ்பெயின் வெற்றி பெற்றது.

இதன்மூலம் 16 ஆண்டுகளுக்குப் பிறகு ஸ்பெயின் பிஃபா உலகக் கோப்பை இறுதிப் போட்டிக்கு முன்னேறியது. இதற்கு முன்னர் 2010 ஆம் ஆண்டு இறுதிப் போட்டிக்குத் தகுதி பெற்றிருந்தது. அப்போது, ​​நெதர்லாந்தை 1-0 என்ற கோல் கணக்கில் வீழ்த்தி ஸ்பெயின் பட்டம் வென்றது.

மறுபுறம், 2018 மற்றும் 2022க்குப் பிறகு, தொடர்ந்து மூன்றாவது முறையாக இறுதிப் போட்டியில் விளையாடும் வாய்ப்பை பிரான்ஸ் தவறவிடுள்ளது.

லண்டன் சென்டர் கோர்ட்டில் நடைபெற்ற விறுவிறுப்பான இறுதிப் போட்டியில் ஜெர்மனியின் அலெக்சாண்டர் ஸ்வெரெவை 6-7, 7-6, 6-3, 6-4 என்ற செட் கணக்கில் வீழ்த்தி சின்னர் மகுடம் சூடினார். இந்த அசாத்திய வெற்றியின் மூலம், ஓபன் எரா (Open Era) வரலாற்றில் விம்பிள்டன் ஆண்கள் ஒற்றையர் பட்டத்தைத் தக்கவைத்துக்கொண்ட 10-வது வீரர் என்ற பெருமையை அவர் பெற்றுள்ளார்.

இது சின்னர் வெல்லும் 5-வது கிராண்ட்ஸ்லாம் பட்டமாகும். ஆரம்பத்தில் முதல் செட்டை இழந்தாலும், மன உறுதியோடு போராடி அடுத்தடுத்த செட்களைக் கைப்பற்றி சின்னர் அசத்தினார். இந்தத் தொடர் வெற்றிகளின் மூலம் டென்னிஸ் உலகின் அசைக்க முடியாத சக்தியாக அவர் உருவெடுத்துள்ளார்.

ஆட்டம் தொடங்கிய 10-வது நிமிடத்தில் அர்ஜென்டினா அணிக்கு முதல் கோல் கிடைத்தது. அலெக்சிஸ் மேக் அலிஸ்டர் இந்த கோலை அடித்தார். அதன்பின் முதல் பாதி நேர ஆட்டத்தில் இரு அணிகளும் கோல் அடிக்கவில்லை. இதனால் அர்ஜென்டினா 1-0 என முன்னிலைப் பெற்றது.

2-வது பாதி நேரத்தில் சுவிட்சர்லாந்து வீரர்கள் அபாரமாக விளையாடினர். ஆட்டத்தின் 67-வது நிமிடத்தில் அந்த அணியின் டான் என்டோய் கோல் அடித்தார். இதனால் ஸ்கோர் 1-1 என சமநிலை பெற்றது.

72-வது நிமிடத்தில் சுவிட்சர்லாந்து அணிக்கு அதிர்ச்சி காத்திருந்தது. அந்த அணியின் ப்ரீல் எம்போலோ ரெட்கார்டு மூலம் வெளியேற்றப்பட்டார். என்றாலும், சுவிட்சர்லாந்து 10 வீரர்களுடன் கடுமையாக போராடியது. 90 நிமிடங்கள் வரை அர்ஜென்டினாவை கோல் அடிக்கவிடவில்லை.

இதனால் கூடுதல் நேரம் வழங்கப்பட்டது. முதல் 15 நிமிடத்தில் கடுமையாக போராடி அர்ஜென்டினாவை கோல் அடிக்கவிடாமல் தடுத்தது. அதன்பின் மீண்டும் 15 நிமிடங்கள் வழங்கப்பட்டது. இதில் அர்ஜென்டினா ஆதிக்கம் செலுத்தியது. 112-வது நிமிடத்தில் அர்ஜென்டினாவின் ஜூலியன் அல்வாரஸ் கோல் அடித்தார். அதன்பின் 120+1 நிமிடத்தில் மார்ட்டினஸ் கோல் அடிக்க அர்ஜென்டினா 3-1 என சுவிட்சர்லாந்தை வீழ்த்தி அரையிறுதிக்கு முன்னேறியது.

15-ந்தேதி நள்ளிரவு நடைபெறும் அரையிறுதி போட்டியில் இங்கிலாந்தை எதிர்கொள்கிறது அர்ஜென்டினா. 14-ந்தேதி நள்ளிரவு நடைபெறும் முதல் அரையிறுதி போட்டியில் பிரானஸ்- ஸ்பெயின் அணிகள் மோதுகின்றன.

இந்த LPL 2026-க்கான டிக்கெட்டுகள் ஜூலை 1 முதல் BookMyShow மூலம் கிடைக்கும். கிரிக்கெட் ரசிகர்கள் தங்கள் டிக்கெட்டுகளை முன்கூட்டியே பெற்றுக்கொள்ளவும், இலங்கைர சிகர்களுக்கு ஒரு உலகளாவிய விளையாட்டு நிகழ்வு பாணியிலான அனுபவத்தை வழங்குகின்ற உயர்-தீவிரடி20 கிரிக்கெட் ஆட்டத்தையும் ஒரு கண்கவர் காட்சியையும் இணைக்கும் சிறப்பான தொடக்க நாள் இரவில் பங்கேற்கவும் ஊக்குவிக்கப்படுகிறார்கள். இலங்கையின் முதன்மையான டி20 ஃபிரான்சைஸ் அணிக்கு ஒரு மறக்க முடியாத தொடக்கத்திற்காக கிரிக்கெட் ரசிகர்கள், குடும்பங்கள், ஃபிரான்சைஸ் ஆதரவாளர்கள், பொழுதுபோக்கு பார்வையாளர்கள் மற்றும் டிஜிட்டல் பார்வையாளர்களை ஒன்றிணைக்கின்ற வகையில், லங்கா பிரீமியர் லீக் இன் ஆறாவது பதிப்பிற்கான போக்கை அமைக்க இந்த துவக்கவிழா எதிர்பார்க்கப்படுகிறது. ஒத்திசைக்கப்பட்ட 500 ட்ரோன்கள் இரவு வானை ஒளிரச் செய்யவிருக்கும் இந்தநிகழ்ச்சி, இலங்கை கிரிக்கெட், இதில்

பங்கேற்கும் அணிகள், டி20 கிரிக்கெட்டின் துடிப்பு மற்றும் ஒரு பிராந்திய அளவிலான விளையாட்டு மற்றும் பொழுது போக்கு நிகழ்வாக LPL-இன் வளர்ந்து வரும் முக்கியத்துவம் ஆகியவற்றைக் கொண்டாடும் வகையிலான ஒரு பிரம்மாண்டமான காட்சி விருந்தாகத் திட்டமிடப்பட்டுள்ளது. உயர்தரமான கிரிக்கெட் மூலம் மட்டுமின்றி, உலகெங்கிலும் உள்ள முன்னணி பிராஞ்சைஸ் லீக்குகளுடன் போட்டியிடக்கூடிய அரங்க பொழுதுபோக்கு, ஒளிபரப்பு ஈர்ப்பு மற்றும் நிகழ்வு தயாரிப்பு தரங்கள் மூலமாகவும் LPL தொடர்பான ரசிகர்களின் அனுபவத்தை மேம்படுத்துவதில் IPG குழுமத்தின் தொடர்ந்த கவனத்தை இந்த முயற்சி பிரதிபலிக்கிறது.

IPG நிறுவனத்தின் நிறுவனர் மற்றும் தலைவர் அனில் மோகன், இந்த தொடக்க விழா ஏற்பாடுகள் குறித்து கருத்துத் தெரிவிக்கையில், “லங்கா பிரீமியர் லீக் என்பது கிரிக்கெட்டை மட்டும் பற்றியதல்ல. அது ரசிகர்கள் நினைவில் கொள்ளும் ஓர் அனுபவத்தை உருவாக்குவதைப் பற்றியதாகும். இந்த ஆண்டு, இந்த போட்டியின் ஆற்றல், லட்சியம் மற்றும் வளர்ச்சியை பிரதிபலிக்கும் ஒரு பிரம்மாண்டமான நிகழ்வுடன் LPL. 2026-ஐ தொடங்க நாங்கள் விரும்புகிறோம். இந்த 500 ட்ரோன்கள் கொண்ட நிகழ்வு, இலங்கைக்கு ஒரு சர்வதேச விளையாட்டு நிகழ்வுக்கான உணர்வைத்தருவதோடு, தொடக்க நாள் நிகழ்வில் பங்கேற்பதற்கு ரசிகர்களுக்கு ஒரு சிறப்பான காரணத்தையும் அளிக்கும்..” என்று கூறினார்.

அவர் மேலும் கூறுகையில், இந்த தொடக்க விழா பாரம்பரிய கிரிக்கெட் ரசிகர்களையும், பரந்த பொழுதுபோக்கு விரும்பிகளையும் கவரும் வகையில் வடிவமைக்கப்பட்டுள்ளது. “LPL தொடக்கவிழாவை ஒரு கட்டாயம் கலந்துகொள்ள வேண்டிய நிகழ்வாக மாற்றுவதே எங்கள் நோக்கமாகும். குடும்பங்கள், இளம் ரசிகர்கள் மற்றும் கிரிக்கெட் ஆர்வலர்கள் அனைவரும் மைதானத்திற்கு வந்து, அந்த சூழ்நிலையை ரசித்து, இலங்கை கிரிக்கெட்டை புத்துணர்ச்சியூட்டும் உற்சாகமான முறையில் கொண்டாடும் ஒரு இரவின் பகுதியாக இருக்க வேண்டும் என்று நாங்கள் விரும்புகிறோம். LPL ஐ ஒரு முழுமையான பொழுதுபோக்கு அறிவுசார் சொத்தாக உருவாக்குவதே இதன் நோக்கம்,” என்று மோகன் கூறினார்.

லங்கா பிரீமியர்லீக் இயக்குனர் சமந்தா தொடன்வெலா கூறுகையில், “SSC கொழும்பில் நடைபெறும் இந்த முதல் LPL போட்டி, இந்த போட்டித் தொடருக்கு ஒரு முக்கியமான தருணமாகும், மேலும் திட்டமிடப்பட்டுள்ள 500 ட்ரோன்காட்சி, ரசிகர்களுக்கு தொடக்க இரவை இன்னும் மறக்க முடியாததாக மாற்றும். LPL போட்டியானது கிரிக்கெட் மற்றும் பொழுதுபோக்கு ஆகிய இரண்டையும் இணைக்கும் ஒரு தளமாகத் தொடர்ந்து வளர்ந்து வருகிறது, மேலும் இத்தகைய அனுபவங்கள், மேலும் பலரை கிரிக்கெட்டிற்கு நெருக்கமாக கொண்டு வர உதவுகின்றன. கிரிக்கெட் ஆர்வலர்கள், குடும்பத்தினர் மற்றும் இளம்ர சிகர்கள் அனைவரும் இந்த தொடக்கவிழாவில் பங்கேற்று, LPL 2026-க்கு உற்சாகமான தொடக்கமாக அமையவிருக்கும் இந்த நிகழ்விற்கு ஆதரவு அளிக்குமாறு நாங்கள் ஊக்குவிக்கிறோம்.” என்று கூறினார்.

இந்த லங்கா பிரீமியர்லீக் 2026 இன் தொடக்கவிழா, ஐந்து போட்டித்திறன் மிக்க உரிமைக்குழுக்கள், முன்னணி இலங்கை கிரிக்கெட் வீரர்கள் மற்றும் சர்வதேச டி20 திறமைகளைக் கொண்ட இந்த பருவத்தின் அதிகாரப்பூர்வ தொடக்கத்தைக் குறிக்கும். அதிக தீவிரமான கிரிக்கெட் மற்றும் வளர்ந்து வரும் உரிமைக்குழு போட்டியாளர்களின் போட்டிகளை வழங்கும் ஆட்டங்களுடன் இந்த போட்டி நாடு முழுவதும் உள்ள ரசிகர்களிடையே வலுவான ஆர்வத்தை ஈர்க்கும் என்று எதிர்பார்க்கப்படுகிறது.