தெலுங்கு திரையுலகிற்கு பல திறமையான நடனக் கலைஞர்களை அறிமுகப்படுத்திய ஜீ தெலுங்கு தொலைக்காட்சியின் புகழ்பெற்ற நடன நிகழ்ச்சியான ‘ஆட்டா’, புதிய சீசனுடன் மீண்டும் ரசிகர்களை மகிழ்விக்கத் தயாராகி வருகிறது.
நடனத் திறமைகளை வெளிக்கொண்டு வரும் தனது பயணத்தைத் தொடர்ந்து, இந்தப் புதிய சீசனுக்கான பணிகளை ஜீ தெலுங்கு தொடங்கியுள்ளது. இதன் ஒரு பகுதியாக, சென்னையில் பிரம்மாண்ட ஆடிஷன்கள் நடைபெற உள்ளன.
நடனத்தின் மீது ஆர்வமும் திறமையும் கொண்டவர்களுக்கு தங்களது திறமையை வெளிப்படுத்த இது ஒரு சிறந்த வாய்ப்பாக அமையும். 18 முதல் 30 வயதுக்குட்பட்டவர்கள் இந்த ஆடிஷனில் பங்கேற்கலாம்.
அதன்படி, வரும் ஞாயிற்றுக்கிழமை, நவம்பர் 22ஆம் தேதி, காலை 10 மணி முதல் மாலை 4 மணி வரை சென்னையில் நேரடி ஆடிஷன்கள் நடைபெற உள்ளன.
ஆர்வமுள்ளவர்கள் கீழே குறிப்பிடப்பட்டுள்ள முகவரிக்கு நேரில் வந்து ஆடிஷனில் பங்கேற்கலாம்.
ஆடிஷன் நடைபெறும் இடம்:
Zee Entertainment Enterprises Ltd.,
எண்: 33B, 1 மற்றும் 2 ஆம் தளம்,
ஒலிம்பியா பிளாட்டினா,
சிட்கோ தொழிற்பேட்டை, கிண்டி, சென்னை.