கடந்த 5 ஆண்டுகளாக ஆராய்ச்சி, தயாரிப்பு மேம்பாடு மற்றும் தரத்தை உறுதிப்படுத்தும் பணிகளில் ஈடுபட்டு வந்த அவர், இறுதி 11 மாதங்களில் மட்டும் 551 முறை தயாரிப்பு கலவையில் மாற்றங்களைச் செய்து, தனது எதிர்பார்ப்புக்கு ஏற்ப தயாரிப்பை உருவாக்கியுள்ளார்.

பொதுவாக பிரபலங்கள் ஏற்கனவே உள்ள தயாரிப்புகளுக்கு விளம்பரத் தூதர்களாக செயல்படும் நிலையில், சாக்ஷி அகர்வால் தனது பெயரை ஒரு தயாரிப்புடன் இணைப்பதை விட, தரமான ஊட்டச்சத்து தயாரிப்பைத் தானே உருவாக்க முடிவு செய்துள்ளார். தயாரிப்பின் தேவையை கண்டறிவது முதல், அதன் தரம், தயாரிப்பு கலவை மற்றும் நிறுவனத்தின் நோக்கத்தை வரையறுப்பது வரை அனைத்து பணிகளிலும் அவர் நேரடியாக பங்கேற்றுள்ளார்.

உடல்தகுதியை பராமரிப்பதிலும், திரைப்படப் பணிகளை சமநிலைப்படுத்துவதிலும் ஏற்பட்ட தனது அனுபவங்களே, இந்தியாவில் தரமான ஊட்டச்சத்து தயாரிப்புகளை வழங்க வேண்டும் என்ற எண்ணத்தை உருவாக்கியதாக அவர் தெரிவித்துள்ளார்.

‘OKUU’ என்பது தாவர அடிப்படையிலான (Plant-Based) பிரீமியம் புரோட்டீன் பார் ஆகும். இதில் 35 கிராம் புரோட்டீன், 14 கிராம் நார்ச்சத்து மற்றும் 6 கிராம் கொலாஜன் இடம்பெற்றுள்ளதுடன், சர்க்கரை, தேவையற்ற ரசாயனங்கள் மற்றும் செயற்கை சேர்மங்கள் சேர்க்கப்படவில்லை.

இதுகுறித்து சாக்ஷி அகர்வால் கூறுகையில், “கடந்த 5 ஆண்டுகளாக நடிகை வாழ்க்கையுடன் இணைந்து, ‘OKUU’ நிறுவனத்தை உருவாக்கும் பணியிலும் முழு அர்ப்பணிப்புடன் ஈடுபட்டு வந்தேன். இது ஒரு பிரபலத்தின் பெயரில் உருவாக்கப்பட்ட பிராண்ட் அல்ல. இந்திய மக்களுக்கு தரமான மற்றும் சிறந்த ஊட்டச்சத்து தயாரிப்புகளை வழங்க வேண்டும் என்ற எண்ணத்தில் உருவானது. இன்று நான் பல ஆண்டுகளாக உருவாக்கி வந்த கனவை அனைவருடனும் பகிர்ந்து கொள்வதில் மிகுந்த மகிழ்ச்சி அடைகிறேன்” என்றார்.

‘OKUU’ நிறுவனத்தின் மூலம், நடிகை சாக்ஷி அகர்வால் இந்தியாவின் பெர்ஃபார்மன்ஸ் நியூட்ரிஷன் துறையில் புதிய அத்தியாயத்தைத் தொடங்கியுள்ளதுடன், நடிகையாகவும் தொழில்முனைவோராகவும் தனது பயணத்தை வெற்றிகரமாக தொடர உள்ளார்.

அண்மையில் நடைபெற்ற பொதுக்கூட்டம் ஒன்றில் பேசிய மார்க்கண்டேயன், தமிழக முதலமைச்சரை ஒருமையில் விமர்சித்ததோடு, “உன்னை சட்டமன்றத்திற்குள் வைத்துப் பார்த்துக் கொள்கிறோம்; நாங்களெல்லாம் கோமாளிகள் என்று நினைத்துக் கொண்டிருக்கிறாயா? சட்டமன்றத்தைப் பூட்டிப் பார், உனக்கு எலும்பு இருக்காது, உடைத்துத்தான் அனுப்பி வைப்போம்” என்று மிகக் கடுமையான வார்த்தைகளால் மிரட்டல் விடுக்கும் தொனியில் பேசியிருந்தார்.

இந்த அவதூறு மற்றும் மிரட்டல் பேச்சு தொடர்பான வீடியோ சமூக வலைதளங்களில் வெளியாகி பெரும் பரபரப்பை ஏற்படுத்திய நிலையில், முதலமைச்சரைத் தரக்குறைவாகவும் வன்முறையைத் தூண்டும் வகையிலும் பேசியதாகக் கூறி, காவல் துறையினர் தற்போது அவர் மீது வழக்குப் பதிவு செய்து கைது நடவடிக்கை மேற்கொண்டுள்ளனர்.

நீட் தேர்வு முறைகேடு புகார்கள் மற்றும் வினாத்தாள் கசிவு விவகாரத்தில் மத்திய கல்வி அமைச்சர் தர்மேந்திர பிரதான் பதவி விலகக் கோரி, காக்ரோச் ஜனதா கட்சி (CJP) இன்று (ஜூலை 20) நாடாளுமன்றத்தை நோக்கி ‘சலோ சன்சாத்’ என்ற பிரம்மாண்ட பேரணியை நடத்த அழைப்பு விடுத்துள்ளது.

இதனையொட்டி, புது டெல்லி மாவட்டம் மற்றும் நாடாளுமன்றச் சுற்றியுள்ள பகுதிகளில் 5 அல்லது அதற்கு மேற்பட்ட நபர்கள் கூடுவதற்கும், அனுமதியின்றி பேரணிகள் நடத்துவதற்கும் தடை விதிக்கும் பாரதிய நகரிக் சுரக்ஷா சன்ஹிதாவின் (BNSS) 163-வது பிரிவின் கீழ் தடை உத்தரவு பிறப்பிக்கப்பட்டுள்ளது.

டெல்லி காவல்துறை இந்த நாடாளுமன்றப் பேரணிக்கு எவ்வித அனுமதியும் வழங்கவில்லை என்று திட்டவட்டமாகத் தெரிவித்துள்ளதுடன், முக்கிய சாலைகளில் பல அடுக்கு தடுப்புகளை (Barricades) அமைத்துக் கண்காணிப்பை முடுக்கிவிட்டுள்ளனர். தடையை மீறி பேரணி நடத்த முயல்பவர்கள் மீது கடுமையான சட்ட நடவடிக்கை எடுக்கப்படும் எனவும் எச்சரிக்கை விடுக்கப்பட்டுள்ளது.

இந்தப் போட்டியில் 4-ஆவது முறை கோப்பை வெல்லும் முனைப்பில் அர்ஜென்டினா அணியும், 2-ஆவது முறையாக கோப்பையை வெல்லும் முனைப்பில் ஸ்பெயின் அணியும் களமிறங்கின. போட்டியின் தொடங்கியது முதலே இரு அணிகளும் கோல் கணக்கை தொடங்க தீவிரம் காட்டின. போட்டியின் முதல் பாதி வரை எந்த அணியாலும் கோல் அடிக்க முடியவில்லை.

இதேபோல் ஆட்டத்தின் 2-ஆவது பாதியிலும் இரு அணிகளும் கோல் அடிக்கவில்லை. இதற்காக பல வாய்ப்புகள் உருவான போதிலும் இரு அணி வீரர்களாலும் அவற்றை கோலாக மாற்ற தவறினர். 90 நிமிடங்கள் முடிவிலும் ஆட்டம் கோல் அடிக்கப்படமல் சமநிலையில் இருந்தது. இதன் காரணமாக கூடுதல் நேரம் வழங்கப்பட்டது. (90+3) நேரத்தின் போது அர்ஜென்டினா வீரர் என்சோ பெர்னான்டஸ் ரெட் கார்டு பெற்று வெளியேற்றப்ட்டார். இதன் காரணமாக ஆட்டத்தின் மீதியை அந்த அணி 10 வீரர்களுடன் விளையாட வேண்டிய நிலை உருவானது.

தொடர்ந்து ஆட்டம் கூடுதலாக 30 நிமிடங்கள் வரை நீட்டிக்கப்பட்டது. கூடுதல் நேரத்தில் ஸ்பெயின் வீரர் பெரான் டோரஸ் கோல் அடிக்க அந்த அணி 1-0 என்ற கணக்கில் முன்னிலை பெற்றது. இதைத் தொடர்ந்து அர்ஜென்டினா அணி கோல் அடித்து ஆட்டத்தை சமன் செய்ய அதிக முனைப்பு காட்டினர். எனினும், அவர்களது கோல் அடிக்கும் முயற்சி கடைசி வரை அவர்களுக்கு கைகூடவில்லை.

மறுப்பக்கம் கோல் அடித்த முன்னிலை பெற்ற ஸ்பெயின் அணி டிஃபென்ஸ் ஆட்டத்தில் மட்டும் கவனம் செலுத்தியது. ஆட்டத்தின் இறுதி வரை அர்ஜென்டினா அணி கோல் அடிக்க தவறியது. இதையடுத்து ஸ்பெயின் அணி 1-0 என்ற கணக்கில் வெற்றி பெற்று 23-ஆவது உலகக் கோப்பை கால்பந்து தொடரின் சாம்பியன் பட்டத்தை வென்றது.

இந்தியா சார்பில் லக்சயா சென், ஆயுஷ் ஷெட்டி, பிவி சிந்து, உன்னதி ஹூடா, சிராக் ஷெட்டி-சாத்விக் ரங்கிரெட்டி ஜோடி, தனிஷா கிரஸ்டோ-துருவ் கபிலா ஜோடி உள்ளிட்டோர் கலந்து கொண்டனர்.

ஜப்பான் ஓபன் தொடரின் இறுதிப்போட்டிக்கு முன்னேறிய முதல் இந்திய வீராங்கனை என்ற பெருமையைப் பெற்றார் பி.வி.சிந்து.

இந்நிலையில், இன்று நடைபெற்ற பெண்கள் ஒற்றையர் பிரிவின் இறுதிப்போட்டியில் இந்தியாவின் பி.வி.சிந்து, ஜப்பானின் அகானே யமாகுச்சி உடன் மோதினார். இதில் ஆரம்பம் முதலே சிறப்பாக ஆடிய பி.வி.சிந்து 21-17, 21-17 என்ற செட் கணக்கில் வென்று சாம்பியன் பட்டம் பெற்று அசத்தினார்.

ஒலிம்பிக்கில் இரு முறை பதக்கம் பெற்றவரான பிவி சிந்து கடந்த 2 ஆண்டாக சர்வதேச பட்டம் எதுவும் வெல்லாத நிலையில், தற்போது ஜப்பான் ஓபனில் சாம்பியன் பட்டம் வென்றுள்ளது குறிப்பிடத்தக்கது.

தங்களின் கட்சித் தலைவரைப் பாராட்டி வாழ்த்து கோஷங்களை எழுப்பியும், மேள தாளங்கள் முழங்கவும், பூங்கொத்துகள் மற்றும் பொன்னாடைகளுடன் விமான நிலைய நுழைவாயில் பகுதியில் தொண்டர்கள் பெருந்திரளாகக் கூடி நிற்பதால் அந்தப் பகுதியே விழாக்கோலம் பூண்டுள்ளது.

சென்னை திரும்பும் முதலமைச்சருக்குப் பிரம்மாண்ட வரவேற்பு அளிப்பதற்கான அனைத்து ஏற்பாடுகளையும் சென்னை மற்றும் புறநகர் மாவட்ட திமுகவினர் விரிவாகச் செய்துள்ள நிலையில், அசம்பாவிதங்கள் ஏதுமின்றிப் பாதுகாப்பை உறுதி செய்யும் வகையில் விமான நிலையப் பகுதியில் காவல்துறையினர் பலத்த பாதுகாப்புப் பணிகளில் ஈடுபட்டுள்ளனர்.

ஆனால் இன்று இரவு 8 மணிக்குத்தான் சென்னை திரும்புகிறாராம் மு.க.ஸ்டாலின்.

மருந்து மற்றும் மருத்துவ உபகரணங்கள் வாரியத்தால் (PMBI) சான்றளிக்கப்பட்டு வெளிவந்துள்ள இந்த ஃபேஸ் வாஷ், 1% மற்றும் 2% ஆகிய இரண்டு வீரிய அளவுகளில் 60 மி.லி கொண்ட சிறிய டியூப்களில் முறையே வெறும் ₹47 மற்றும் ₹66 என்ற மிகக் குறைந்த விலையில் நாடு முழுவதும் உள்ள ஜனசூஷதி மையங்களில் விற்பனை செய்யப்படுகிறது.

சந்தையில் இருக்கும் பிரபல தனியார் நிறுவனங்களின் இதே போன்ற ஃபேஸ் வாஷ்கள் ₹150 முதல் ₹400 வரை விற்கப்படும் நிலையில், அதே மருத்துவத் தரத்துடன் (WHO-GMP certified) மிகக் குறைந்த விலையில் அரசு இதனை வழங்குகிறது. சருமத் துவாரங்களில் உள்ள அழுக்குகளை ஆழமாக நீக்கி, அதிகப்படியான எண்ணெய் சுரப்பைக் கட்டுப்படுத்திப் பருக்கள் வருவதைத் தடுக்கும் ஆற்றல் கொண்ட இந்த ஃபேஸ் வாஷ், நடுத்தர மற்றும் ஏழை எளிய மக்களுக்கான தரமான மருத்துவத் தயாரிப்பாகப் பார்க்கப்படுகிறது.

இந்தச் சமூக அமைப்பின் சார்பில், தமிழகம் முழுவதும் போதைப்பொருள் இல்லாத மாநிலத்தை உருவாக்குவதை முதன்மை நோக்கமாகக் கொண்டு பல்வேறு விழிப்புணர்வுப் பேரணிகள் மற்றும் மாரத்தான் போட்டிகள் தீவிரமாக முன்னெடுக்கப்பட்டு வருகின்றன.

தேனியில் நடைபெற்ற இந்த மாரத்தான் ஓட்டத்தில் திரளான கல்லூரி மாணவர்கள், இளைஞர்கள் மற்றும் பொதுமக்கள் கலந்துகொண்டு போதைப்பொருளுக்கு எதிரான உறுதிமொழிகளை ஏற்றுக்கொண்டதோடு, தங்களின் ஆதரவை வெளிப்படுத்தினர்.

இளைய தலைமுறையினரிடையே வேகமாகப் பரவி வரும் போதைப்பொருள் பழக்கத்திற்கு முற்றுப்புள்ளி வைக்கவும், உடல் ஆரோக்கியத்தை மேம்படுத்தும் உடற்பயிற்சி விழிப்புணர்வை ஏற்படுத்தவும் இந்த ஓட்டப்பந்தயம் ஒரு முக்கியக் களமாக அமைந்தது என்று அதன் ஒருங்கிணைப்பாளர்கள் பெருமிதத்துடன் தெரிவித்துள்ளனர்.

கடந்த 2013-ஆம் ஆண்டு ஆசிரியர் தகுதித் தேர்வில் (TET) வெற்றி பெற்றுச் சான்றிதழ் சரிபார்ப்பையும் முடித்த 410 பேருக்கு, சென்னை உயர்நீதிமன்ற உத்தரவின்படி உடனடியாக ஆசிரியர் பணி வழங்க வேண்டும்.

தகுதித் தேர்வில் தேர்ச்சி பெற்ற இவர்களுக்கு வேலை வழங்க நீதிமன்றம் ஆணையிட்டும் கூட, முந்தைய திமுக அரசும் தற்போதைய தவெக அரசும் அதனைச் செயல்படுத்த மறுப்பது எளிய பட்டதாரிகளுக்கு இழைக்கப்படும் பெரும் சமூக அநீதியாகும். கடந்த 2012-இல் ஆசிரியர் பணிக்குத் தகுதித் தேர்வு கட்டாயமாக்கப்பட்ட பிறகு, அடுத்தடுத்து வந்த அரசுகள் தங்களின் கொள்கைகளை முன்னுக்குப் பின் முரணாக மாற்றியதே இவர்களின் எதிர்காலம் கேள்விக்குறியாக மாறக் காரணம்.

வெயிட்டேஜ் முறை மற்றும் 2018-இன் அரசாணை எண் 149 மூலம் கொண்டு வரப்பட்ட போட்டித் தேர்வு போன்ற அடுத்தடுத்த விதி மாற்றங்களால் இந்த 410 பேரின் வேலைவாய்ப்பு கானல் நீராகிப் போனது. இந்த இரட்டைத் தேர்வு முறையை எதிர்த்துத் தொடரப்பட்ட வழக்கில் 2024-இல் உயர்நீதிமன்றம் சாதகமாகத் தீர்ப்பளித்த நிலையில், அதற்கு எதிராக உச்சநீதிமன்றம் சென்ற அரசு, அங்கே லோக் அதாலத் மூலம் கருணை அடிப்படையில் சமரசத் தீர்வு காணுமாறு அறிவுறுத்தப்பட்ட பிறகும், கடந்த ஜூலை 14-ஆம் தேதி நடந்த விசாரணையில் கோரிக்கைகளை நிராகரித்து மீண்டும் மேல்முறையீடு செய்யப்போவதாகக் கூறியிருப்பது ஏழை ஆசிரியர்களின் வாழ்வாதாரத்தைப் பாதிக்கும் செயலாகும்.

எனவே, நீதிமன்றங்களின் உத்தரவை மதித்து பாதிக்கப்பட்ட 410 பேருக்கும் உடனடியாகப் பணி நியமனம் வழங்குவதோடு, தகுதித் தேர்வு தேர்ச்சியாளர்களைப் பெருமளவில் பாதிக்கும் அரசாணை எண் 149-ஐயும் ரத்து செய்ய அரசு முன்வர வேண்டும்.

இவ்வாறு அறிக்கையில் அவர் தெரிவித்துள்ளார்.

நகரின் உள்கட்டமைப்பு மேம்பாடு, சாலை விரிவாக்கம் மற்றும் போக்குவரத்து நெரிசலைக் குறைக்கும் நோக்கில் நெடுஞ்சாலைத் துறையினரால் இந்த நடவடிக்கை மேற்கொள்ளப்பட்டதாகத் தெரிவிக்கப்பட்டாலும், நகரின் அடையாளமாகத் திகழ்ந்த இந்த வரலாற்று வளைவு இடிக்கப்பட்டதற்குப் பல்வேறு தரப்பினரும் சமூக ஆர்வலர்களும் தங்களின் பலத்த எதிர்ப்புகளையும் வேதனைகளையும் பதிவு செய்து வருகின்றனர்.

அசம்பாவிதங்கள் ஏதுமின்றி இந்த இடிப்புப் பணியை தடையின்றி முடிப்பதற்காக, முன்னெச்சரிக்கை நடவடிக்கையாக அந்தப் பகுதி முழுவதும் நூற்றுக்கணக்கான காவல்துறையினர் குவிக்கப்பட்டு, போக்குவரத்து முற்றிலும் மாற்றுப் பாதையில் திருப்பி விடப்பட்டுக் கண்காணிப்பு வளையத்திற்குள் கொண்டுவரப்பட்டது என்பது குறிப்பிடத்தக்கது.