இந்நிலையில் மலேசியாவில் கார் பந்தயத்திற்கான பயிற்சிகளை மேற்கொண்டு வரும் அஜித் குமாருடன் சிறுத்தை சிவா கடந்த சில நாட்களாக நேரம் செலவிட்டு வருகிறார். அங்கு அஜித்தின் மேலாளர் சுரேஷ் சந்திராவுடன் சிறுத்தை சிவா இருக்கும் புகைப்படங்கள் வெளியாகி உள்ளன.

இதனால் சிறுத்தை சிவா அஜித்துக்கு கதை சொல்ல அங்கு சென்றுள்ளதாகவும், இருவரின் கூட்டணியில் புதிய படம் உருவாக வாய்ப்புள்ளதாகவும் ஊகங்கள் எழுந்துள்ளது. அஜித்தின் ரேஸிங் வாழ்க்கை பற்றி ஆவணப்படம் ஒன்று உருவாக இருப்பதாக தகவல்கல் வெளியாகி வந்த நிலையில் அந்த படத்தை சிறுத்தை சிவா இயக்கலாம் என்றும் கூறப்படுகிறது.

குட் பேட் அக்லி வெற்றிக்கு பிறகு அஜித் அடுத்ததாக மீண்டும் ஆதிக் ரவிச்சந்திரன் இயக்கத்தில் நடிக்க உள்ளது குறிப்பிடத்தக்கது.

இதில் அஜித்குமார் மீது அன்பு கொண்ட தீவிர ரசிகராக அதர்வா நடிக்கிறார். அவருக்கு ஜோடியாக பிரியா பவானி சங்கர் நடிக்கிறார். படம் பற்றி இயக்குநர் ஸ்ரீகணேஷ் கூறியதாவது:-

”ஒரு உச்ச நடிகரின் ரசிகரை பிரதான கதாபாத்திரமாக வைத்து, இதற்கு முன்பு சில படங்கள் வந்துள்ளன. இந்த படத்தின் நாயகன் அஜித்குமார் ரசிகராக வருவதற்கு ஒரு முக்கிய காரணம் இருக்கிறது. படத்தின் கதை மற்றும் கதாபாத்திரத்தை அதர்வாவிடம் சொன்னபோது, மிகவும் மகிழ்ச்சி அடைந்தார்.

கதைப்படி, அதர்வா கபடி வீரர். அஜித்குமாரின் தீவிர ரசிகர். அவர் ஆடுகிற ஆட்டம்தான், குருதி ஆட்டம். கதாநாயகி பிரியா பவனி சங்கரின் கதாபாத்திரத்துக்கும் முக்கியத்துவம் கொடுக்கப்பட்டு இருக்கிறது. த.முருகானந்தம் தயாரிக்கிறார். படத்தின் பெரும்பகுதி காட்சிகள் படமாக்கப்பட்டு விட்டன. இன்னும் சில நாட்களில் படப்பிடிப்பு முடிவடைந்து விடும்.” என்றார்.

குடும்ப ரசிகர்களைப் பெரிதும் ஈர்த்ததால் இத்திரைப்படம் 25 நாட்களை கடந்து ஓடிக்கொண்டிருக்கிறது. கர்நாடகத்திலும் பொங்கல் அன்று தமிழ் மொழியிலேயே வெளியிடப்பட்ட விஸ்வாசம் நல்ல வரவேற்பை பெற்றது.

இந்நிலையில் கர்நாடகா விநியோக உரிமையை வாங்கிய அதே விநியோகஸ்தர் தற்போது படத்தை கன்னடத்தில் டப் செய்து ‘ஜகா மல்லா’ என்ற பெயரில் வெளியிட திட்டமிட்டுள்ளார். படத்தின் டப்பிங் வேலைகள் முடிந்தவுடன் கன்னடத்தில் வெளிவரும் தேதி அறிவிக்கப்படும் என எதிர்பார்க்கப்படுகிறது.

கடந்த சில ஆண்டுகளாகவே கர்நாடகாவில் பிற மொழியிலிருந்து கன்னடத்தில் டப் செய்த படங்கள் வெளியிடப்பட்டு வருகிறது. அவற்றுக்கு நல்ல வரவேற்பும் கிடைக்கிறது.

இந்த நிலையில், தல 59 படத்தில் நடிக்கும் நடிகர், நடிகைகள் குறித்த அறிவிப்பு வெளியாகி உள்ளது. இதுகுறித்து போனி கபூர் கூறும் போது, வித்யாபாலன் தமிழில் அறிமுகப்படுத்துவதில் மகிழ்ச்சி. அவர் இந்த படத்தில் அஜித் ஜோடியாக நடிக்கிறார். அவருக்கு சிறப்பான ஒரு கதாபாத்திரம் கொடுக்கப்பட்டுள்ளது. மேலும் ஷ்ரத்தா ஸ்ரீநாத் முன்னணி கதாபாத்திரத்தில் நடிக்கிறார்.

ரங்கராஜ் பாண்டே ஆதிக் ரவிச்சந்திரன், அர்ஜூன் சிதம்பரம், அபிராமி வெங்கடாசலம், ஆண்ட்ரியா தரியங், அஸ்வின் ராவ், சுஜித் ஷங்கர் உள்ளிட்ட பலரும் முக்கிய கதாபாத்திரத்தில் நடிக்கிறார்கள்.

யுவன் ஷங்கர் ராஜா இசையமைக்க, நிரவ் ஷா ஒளிப்பதிவு பணிகளை கவனிக்கிறார். கோகுல் சந்திரன் படத்தொகுப்பையும், திலீப் சுப்பராயன் சண்டைக்காட்சிகளையும், கே.கதிர் கலை பணிகளையும், பூர்ணிமா ராமசாமி ஆடை வடிவமைப்பையும் கவனிக்கிறார்கள்.

அஜித் பற்றி போனி கபூர் கூறும்போது, “இங்கிலீஷ் விங்கிலீஷ்” படத்தில் அஜித்குமாருடன் இணைந்து பணியாற்றிய போது, எங்கள் தயாரிப்பில் தமிழில் அவர் ஒரு படம் நடிக்க வேண்டும் என்று ஸ்ரீதேவி விரும்பினார். கடந்த ஆண்டு வரை நல்ல கதை கிடைக்கவில்லை. ‘பிங்க்’ படத்தை தமிழில் தயாரிக்கலாம் என்ற எண்ணத்தை அஜித் தெரிவித்தார். அஜித் அந்த படத்தில் நடித்தால், அதை ஒரு சிறந்த படமாக உருவாக்க முடியும் என்பதால் அதனை உருவாக்குகிறோம். அத்துடன் அஜித்துடன் அடுத்தடுத்து இரண்டு படங்களில் இணைவது மகிழ்ச்சி. பிங்க் ரீமேக்கை மே 1-ஆம் தேதி திரைக்கு கொண்டு வர திட்டமிட்டுள்ளோம். அஜித்துடனான இரண்டாவது படம் 2020 ஏப்ரலில் திரைக்கு வரும். எச்.வினோத் போன்ற சிறந்த இயக்குநர் அமைந்ததில் மகிழ்ச்சி என்றார்.

இந்த செய்திக்காக தனது அரசியல் நிலைபாடு பற்றி அஜித் நீண்ட அறிக்கையை வெளியிட்டார். ‘அரசியலில் தனிப்பட்ட கருத்துகள், விருப்பு வெறுப்புகள் உண்டு. ரசிகர்கள் அவரவர் விருப்பப்படி அரசியலில் ஈடுபடலாம். ஆனால் அதில் என் பெயரையோ புகைப்படத்தையோ பயன்படுத்தாதீர்கள். எந்த சமயத்திலும் அரசியல் பற்றி சினிமாவில் கூட நான் எதுவும் பேசியதில்லை’ என்று அறிக்கையில் குறிப்பிட்டுள்ளார்.

இதுபற்றி தூத்துக்குடி மாவட்டத்தில் நிகழ்ச்சி ஒன்றில் கலந்துகொண்ட கனிமொழி எம்.பி.யிடம் கேட்டபோது, ‘அஜித் சிறந்த நடிகர். அவருடைய அரசியல் பற்றிய கருத்துக்கு நன்றி. அரசியலுக்கு வரமாட்டேன் என்று அஜித் சொல்லியிருப்பது வரவேற்க வேண்டிய நல்ல முடிவு’ என்று கூறினார்.

இதையடுத்து அஜித் ஒரு அறிக்கை வெளியிட்டார். அதில் தான் அரசியலுக்கு வரப்போவதில்லை என்றும் எந்தக் கட்சி மேடைகளிலும் தனது பெயரை பயன்படுத்தக்கூடாது என்றும் அறிவித்தார்.

இந்த நிலையில் இதுபற்றி டாக்டர் தமிழிசை இன்று விளக்கம் அளித்தார். அவர் கூறியதாவது:

நான் அஜித்தை கட்சிக்கு வரும்படி அழைக்கவில்லை. எங்கள் கட்சியில் சேருவார் என்றும் சொல்லவில்லை.

நான் ஒரு குழந்தைகள் நல மருத்துவர் என்ற முறையில் ஒரு குழந்தையின் அறுவை சிகிச்சைக்கு மனிதாபிமானத்துடன் அவர் செய்த உதவியை பாராட்டினேன். நல்ல உள்ளம் கொண்ட நடிகர் என்று குறிப்பிட்டேன். அழைக்கவில்லை. இது தவறா? அவர்கள் நடித்து கொண்டிருந்தால் நடித்து கொண்டிருக்கட்டும்.

இவ்வாறு அவர் கூறினார்.

“சமீபத்தில் வெளியான நடிகர் அஜித் குமார் நடித்த விஸ்வாசம் படத்தினை பார்க்கும் வாய்ப்பு கிடைத்தது. படத்தில் கதை, பாடல், நடிப்பு, சண்டைகாட்சிகள் என ஒவ்வொருவருக்கும் ஏதோ ஒன்று பிடித்திருந்தாலும் எனக்கு சில காட்சிகள் மிகுந்த மகிழ்ச்சியை அளித்தது. படத்தில் கதாநாயகன், கதாநாயகி இருவரும் இரு சக்கர வாகனத்தில் செல்லும்போது கட்டாயமாக ஹெல்மட் அணிந்து செல்வது.

கதாநாயகன் கார் ஒட்டும் போதெல்லாம் சீட் பெல்ட் அணிந்து கார் ஓட்டுவது. தனது மகளின் உயிரைக் காப்பாற்றச் செல்லும் அவசரத்தில் கூட சீட் பெல்ட் அணிந்து செல்வது. பெற்றோர்கள் தங்கள் கனவுகளை குழந்தைகள் மேல் திணிக்காமல், அவர்கள் கனவுகளை எட்ட துணை நிற்க வேண்டுவது. இந்தியாவில் சாலை விபத்துகளில் அதிகம் பேர் உயரிழக்கும் மாநிலங்களில் தமிழகமும் ஒன்று.

பல லட்சக்கணக்கான ரசிகர்களைக் கொண்ட அஜித் போன்ற நடிகர்கள் போக்குவரத்து விதிகளைப் பின்பற்றி நடிக்கும் போது அவரது ரசிகர்களும் பின்பற்ற வேண்டும் என்பதே எனது ஆசை. ‘விஸ்வாசம்‘ படத்தின் கதாநாயகன் அஜித் மற்றும் இயக்குனர் சிவா மற்றம் அவரது குழுவினருக்கு பாராட்டுகள்’’ . இவ்வாறு சரவணன் தனது பதிவில் தெரிவித்துள்ளார்.

ஆனால், அனைவரும் அப்படியல்ல, ஒரு சிலர் செய்யும் தவறுக்காக ஒட்டு மொத்த ரசிகர்களையும் குறை கூற கூடாது, என்பதை சொல்லாமல், செயலில் செய்து காட்டியிருக்கிறார்கள் ஒரு தரப்பு அஜித் ரசிகர்கள்.

ஆம், வடகாடு அஜித் ரசிகர்கள், தங்களது தலயின் ‘விஸ்வாசம்’ படத்தை வேறு விதமாக கொண்டாடியிருக்கிறார்கள். அதாவது, கஜா புயலால் பாதிக்கப்பட்ட விவசாயிகளுக்கு இலவசமாக மரக்கன்றுகள் வழங்கி தங்களது கொண்டாட்டத்தை வெளிப்படுத்தியிருக்கிறார்கள்.

மேலும், தங்களைப் போல பல ரசிகர்கள், பல நல்ல விஷயங்களை செய்து வந்தாலும் அதனை வெளியில் சொல்லாமல், ஏதோ ஒரு சில ரசிகர்கள் செய்யும் சில தவறான விஷயங்களை மட்டும் ஊடகங்கள் பெரிதுப்படுத்துவது சரியானது அல்ல, என்று கூறி தங்களது கவலையை வெளிப்படுத்தியுள்ளார்கள்.

தேனி மாவட்டத்தைச் சேர்ந்த அஜித் அரிசி மில் வைத்திருப்பதோடு, எதிரிகளே எழுந்து நின்று மரியாதை கொடுக்கும் அளவுக்கு ஊரில் பெரிய மனிதராக வலம் வருபவர், தனது மனைவி நயந்தாராவையும், மகள் அனிகாவையும் பிரிந்து வாழ்ந்து வருகிறார். சில ஆண்டுகளுக்கு ஒரு முறை நடக்கும் ஊர் திருவிழாவில் அனைவரும் தங்களது குடும்பத்தோடு கலந்துக்கொள்ள அஜித் மட்டும் தனி ஆளாக ஒதுங்கி நிற்கிறார். இதனை பார்க்கும் அவரது சொந்த பந்தங்கள், மீண்டும் அஜித் மனைவியுடன் சேர வேண்டும் என்று நினைக்க, அவர்களது பேச்சைக்கேட்டு தனது மனைவியை சமாதானப்படுத்தி அழைத்து வர அஜித் மும்பை செல்கிறார்.

மும்பையில் பெரிய நிறுவனத்தின் முதலாளியாக இருக்கும் நயந்தாரா அஜித்தை பார்க்க விரும்பாத நிலையில், அவரது மகள் அனிகாவை கொலை செய்ய ஒரு கூட்டம் துரத்துகிறது. அதில் இருந்து அனிகாவை காப்பாற்றும் அஜித், தனது மகளை கொலை செய்ய முயற்சிக்கும் எதிரி யார், அவர் எதற்காக கொலை செய்ய நினைக்கிறார், என்பதை கண்டுபிடிப்பதோடு, அந்த எதிரியிடம் இருந்து தனது மகளை காப்பாற்றுபவர், மீண்டும் தனது மனைவியுடன் ஒன்று சேர்ந்தாரா இல்லையா, என்பது தான் ‘விஸ்வாசம்’ படத்தின் கதை.

தேனி மாவட்ட வட்டார மொழியை சரளமாக பேசும் அஜித், தூக்குதுரைக்கு பங்காளியாக வரும் ரோபோ ஷங்கர், மாமனாக வரும் தம்பி ராமையா, மற்றும் கொடுவிலார்பட்டி கிராம தலையாரியாக வரும் யோகிபாபு, என்று கலகலப்பாக தொடங்குகிறது படம்.

முதல் பாதி முழுவதும் தூக்குதுறையின் அலப்பறைகள், கேலி கூத்துகள், அதிரடி என்று ரசிகர்களுக்கான விருந்தாக செல்லும் படம், இரண்டாம் பாதியில் தந்தை-மகள் பாசம் மற்றும் கணவன்-மனைவி கோபம் என்று குடும்ப படமாக உருவெடுக்கிறது. கிராமத்தில் கட்டுக்கடங்காத காளையாக வாழும் தூக்குதுரை, கணவனாகும் போது காதலோடும், தந்தையான பின்பு பாசத்தோடும் நடிப்பில் நவரசங்களை காட்டியுள்ளார்.

படத்தின் ஆரம்பத்தில் அஜித்தின் கூட்டாளிகளை அவர்களிடம் பறிமுதல் செய்யப்பட்ட ஆயுதங்களை வைத்து அறிமுகப்படுத்தும் விதம், வில்லன்களே அஜித்தை கண்டதும் தானாக எழுந்து நின்று வணங்கும் காட்சி, அஜித் நயன்தாராவை மாற்றி மாற்றி மாட்டிவிடும் கிராமத்து குழந்தைகள் என்று காட்சிக்கு காட்சி ரசிகர்களை ரசிக்க வைத்திருக்கிறார் இயக்குநர்.

மகளை கொல்ல கூலிப்படை துரத்தி செல்லும் செய்தியை கேட்டு அங்கு செல்லும் அஜித், அவர்களை அடித்து நொறுக்கும் போது, அஜித்தை யாரோ ஒருவராக எண்ணி நயன்தாராவிடம் மகள் விவரிக்கும் காட்சி உணர்ச்சிபொங்க வைக்கிறது. அதே போல், கிளைமாக்ஸ் காட்சியில் மகள், தந்தையை முதன்முதலாக ‘அப்பா’ என்று அழைக்கும் போது ‘என் குலசாமி’ என்று அஜித் மண்டியிட்டு நெகிழும் காட்சியில் களங்காதோர் இலர்.

இதுபோக, நடிகர் விவேக் நயன்தாராவிடம் அஜித் மற்றும் மகளை மாட்டிவிடுவதும், கோவை சரளா அவர்களை காப்பாற்ற போராடுவதும் திரையரங்கத்தை சிரிப்பொலியால் அதிர வைக்கிறது. இம்மான் இசையில் பாடல்கள் மற்றும் பின்னணி இசை படத்திற்கு தேவையான அளவில் அமைந்து ரசிக்க வைக்கிறது. வெற்றியின் ஒளிப்பதிவு தேனி மாவட்ட கிராமத்து அழகை அசலாக பதிவு செய்துள்ளது.

துளியும் ஆபாசமற்ற, சிகரெட் மதுஅருந்தும் காட்சிகள் இல்லாத, முக்கியமாக அரசியல் வசனங்கள் எதுவும் இல்லாத இந்த படத்தில் மக்களுக்கு தேவையான ஹெல்மெட் அணிவது, சீட் பெல்ட் அணிவது என்ற நல்ல கருத்துக்களை மட்டும் எடுத்துரைத்து, இறுதியில் இக்கால பெற்றோர்களுக்கு தேவையான முக்கியமான மெசேஜ் சொல்லி படத்தை முடித்து வைத்துள்ளனர்.

மொத்தத்தில், தமிழர் திருநாள் அன்று குடும்பமாக சென்று ரசித்து காணும்படி ஒரு தரமான படத்தினை சிவா மற்றும் அவரது குழு, அஜித் என்கிற நல்ல நடிகரை வைத்து விருந்தளித்துள்ளனர்.

இந்த நிலையில், படம் குறித்து பேட்டி ஒன்றில், அஜித்தின் அந்த வசனம் குறித்து பேசிய இயக்குநர் சிவா, “ஒவ்வொரு மனிதனுடைய கதைக்கும் அந்த அந்த மனிதன் தான் ஹீரோவாக இருப்பார். ஆனால் இந்த படத்தில் அஜித் தன்னுடைய கதையில் தன்னை வில்லன் என்கிறார். இது நிச்சயம் ரசிகர்களுக்கு ஆவலை தூண்டும். இந்த கேள்விக்கான பதிலை கதை கொடுக்கும். படத்தில் இருக்கும் முக்கிய திருப்பம் அது.

இந்த கதையை கேட்டு பிடித்த பிறகே அவர் சம்மதித்தார். படம் முழுக்க அவர் இருப்பார். படத்தில் கதையை சொல்வதே அவர் கதாபாத்திரம் தான்.” என்று தெரிவித்துள்ளார்.