bike race

இந்தியாவின் முன்னணி மோட்டார் ரேசிங் தொடர், JK டயர் FMSCI நேஷனல் ரேசிங் சாம்பியன்ஷிப், வரும் நவம்பர் 15–16 அன்று கோயம்புத்தூரில் உள்ள கரி மோட்டார் ஸ்பீட்வேயில் நடைபெற உள்ள அதிரடியான கிராண்ட் ஃபினாலேக்கு தயாராகியுள்ளது. கடுமையான போட்டிகள், ரொம்ப நெருக்கமான முடிவுகளுடன் நிறைந்த ஒரு பருவத்திற்குப் பிறகு, இறுதி வார இறுதி நிகழ்ச்சி ரசிகர்களுக்கு பரபரப்பை வழங்கப்போகிறது. 28வது ஆண்டை எட்டியுள்ள இச்சாம்பியன்ஷிப், இந்தியாவின் நீண்ட காலம் நடைபெற்று வரும் மோட்டார் ரேசிங் தொடராகும். மேலும், மூன்று முறை மோட்டோGP உலக சாம்பியனும், மோட்டோGP ஹால் ஆஃப் ஃபேம் உறுப்பினருமான அமெரிக்க ரேசிங் நாயகன் ஃப்ரெடி ஸ்பென்சர் இந்நிகழ்வில் சிறப்பு விருந்தினராக கலந்துகொள்கிறார். புதிய திறமைகள் முதல் அனுபவமிக்க ரேசர்கள் வரை அனைவரும் தங்கள் திறனை வெளிப்படுத்தவுள்ள இந்த இறுதி சுற்றில், LGB Formula 4, JK Tyre Novice Cup, Royal Enfield Continental GT Cup, மற்றும் புதிய JK Tyre Levitas Cup ஆகிய பிரிவுகளில் கடுமையான போட்டிகள் நடைபெறும். இதனுடன், FIA அங்கீகாரம் பெற்ற Formula 4 Indian Championship தொடரின் இரண்டாம் கடைசி சுற்றும் (penultimate round) நடைபெற உள்ளது. இந்தியாவின் மிகவும் போட்டி நிறைந்த ஒற்றை சீட்டர் பிரிவான LGB Formula 4, JK Tyre சாம்பியன்ஷிப்பின் முக்கியமான தளமாக இருந்து வருகிறது. இது கார்டிங் மற்றும் ஃபார்முலா ரேசிங்கிற்கிடையேயான பாலமாகும். இரண்டாம் சுற்றுக்குப் பின், டில்ஜித் T.S. (Dark Don Racing) 53 புள்ளிகளுடன் முதலிடத்தில் உள்ளார், அவரை த்ருவ் கோஸ்வாமி (MSport Racing) 45 புள்ளிகளுடன், மற்றும் மேஹுல் அகர்வால் (Dark Don Racing) 28 புள்ளிகளுடன் பின்தொடர்கின்றனர். கரி மோட்டார் ஸ்பீட்வேயில் நடைபெறும் இறுதி சுற்று, 2025 தேசிய சாம்பியனை தீர்மானிக்கப் போகும் முக்கியமான தருணமாகும். FIA Formula 4 Indian Championship, Indian Racing Festival (IRF)யின் ஒரு பகுதியாக, கரியில் நடைபெறுகிறது. கென்யாவின் ஷேன் சந்தாரியா (Chennai Turbo Riders), பிரான்ஸின் சாசெல் ரோட்ட்ஜே (Kichcha’s Kings Bengaluru), தென் ஆப்பிரிக்காவின் லுவிவே சாம்புட்லா (Goa Aces JA Racing), இந்தியாவின் இஷான் மதேசு (Kolkata Royal Tigers) மற்றும் சைசிவ சங்கரன் (Speed Demons Delhi) ஆகியோர் முன்னணியில் உள்ளனர். ஒரே மாதிரியான Ligier JS F422 கார்கள் மூலம், ஓட்டுநர் திறமையே வெற்றிக்கான முக்கிய காரணியாக இருப்பதை இது மீண்டும் நிரூபிக்கிறது. Royal Enfield Continental GT Cup presented by JK Tyre, ரசிகர்களை ஆவலாக காத்திருக்கச் செய்யும் பிரிவு. சக்திவாய்ந்த GT-R650 பைக்குகளில் நடைபெறும் இந்த Pro-Am போட்டியின் இறுதி சுற்று கடுமையானதாக இருக்கும். ப்ரொஃபெஷனல் வகையில், பெங்களூரின் அனிஷ் ஷெட்டி 57 புள்ளிகளுடன் முன்னணியில் உள்ளார்; பாண்டிச்சேரியின் நவநீத் குமார் 36 புள்ளிகளுடன் இரண்டாம் இடத்திலும், மும்பையின் கயன் படேல் 34 புள்ளிகளுடன் மூன்றாம் இடத்திலும் உள்ளனர். அமெச்சூர் வகையில், பாண்டிச்சேரியின் ப்ரையன் நிக்கோலஸ் 69 புள்ளிகளுடன் முதலிடத்தில், அவரை ஜோஹ்ரிங் வரிசா (உம்ராங்சோ) 45 புள்ளிகளுடன், கபீர் சஹோச் (வடோதரா) 33 புள்ளிகளுடன் பின்தொடர்கின்றனர். புதியதாக அறிமுகமான JK Tyre Levitas Cup, ஒரே மாதிரியான Maruti Suzuki Ignis கார்களுடன் நடத்தப்படும் இந்தியாவின் சமீபத்திய ஒற்றை-மாடல் சாம்பியன்ஷிப் ஆகும். ரூகி மற்றும் ஜென்டில்மென் வகைகளில் மொத்தம் 14 திறமையான ஓட்டுநர்கள் பங்கேற்கின்றனர். ரூகி வகையில் அஷ்வின் புஜலகிரி (மதுரை) மற்றும் பாலாஜி ராஜு (சென்னை) தலா 32 புள்ளிகளுடன் சமமாக உள்ளனர்; நிஹால் சிங் (குர்காவ்) 27 புள்ளிகளுடன் நெருங்கிய பின்தொடர்பில் உள்ளார். ஜென்டில்மென் வகையில் ஜய் பிரசாந்த் வெங்கட் (கோயம்புத்தூர்) 38 புள்ளிகளுடன் முன்னணியில் உள்ளார், அவரை ராம் சரண் (28) மற்றும் யோகேஷ்வரன் கிருஷ்ணவேலு (21) பின்தொடர்கின்றனர். JK Tyre Novice Cup, இந்தியாவின் ஆரம்ப நிலை ஒற்றை சீட்டர் தொடர், புதிய திறமைகளை உருவாக்கும் தளமாக இருந்து வருகிறது. 1300cc Swift இயந்திரங்களுடன் நடைபெற்ற கடந்த இரண்டு சுற்றுகளும் கடுமையான போட்டிகளை வழங்கின. இரண்டாம் சுற்றுக்குப் பின், அபிஜித் வடவல்லி (Momentum Motorsports) 34 புள்ளிகளுடன் முன்னணியில் உள்ளார், அவரை லோகித்லிங்கேஷ் ரவி (DTS Racing) 32 புள்ளிகளுடன் மற்றும் ப்ரதிக் அஷோக் (DTS Racing) 28 புள்ளிகளுடன் பின்தொடர்கின்றனர். ஆறு புள்ளிகள் மட்டுமே மூவருக்கும் இடையே உள்ளதால், இறுதி சுற்று சாம்பியன்ஷிப் முடிவை தீர்மானிக்கும் மிக முக்கியமானதாக இருக்கும்.

bike race

’தேசிய ரேசிங் சாம்பியன்ஷிப் 2025’ – கரி மோட்டார் ஸ்பீட்வேயில் பரபரப்பான கிராண்ட் ஃபினாலேக்கு தயாராகிறது!