colors appalam

பொதுமக்கள் மற்றும் குழந்தைகளின் ஆரோக்கியத்திற்குப் பெரும் அச்சுறுத்தலாக விளங்கும் வண்ணமயமான 'கலர் அப்பளங்கள்' விற்பனைக்குத் தமிழ்நாட்டில் உணவுப் பாதுகாப்புத் துறை அதிரடியாகத் தடை விதித்துள்ளது. சந்தைகள், திருவிழாக்கள், பொருட்காட்சிகள் மற்றும் சுற்றுலாத் தலங்கள் எனப் பொதுமக்கள் அதிகம் கூடும் எந்தவொரு இடத்திலும் இந்த செயற்கை நிறமூட்டிகள் கலந்த அப்பளங்களை விற்கக் கூடாது என்று அரசு உத்தரவிட்டுள்ளது. குழந்தைகளைக் கவரும் வகையில் கவர்ச்சிகரமான நிறங்களில் விற்கப்படும் இந்த அப்பளங்களில் கார்மோசின், டார்ட்ராசின், சன்செட் யெல்லோ போன்ற ஆபத்தான இரசாயன நிறமிகள் (Artificial Dyes) சேர்க்கப்படுவது ஆய்வில் தெரியவந்துள்ளது. இவற்றைத் தொடர்ந்து சாப்பிடுவதால் குழந்தைகளுக்குத் தோல் அலர்ஜி, கவனச்சிதறல் ஏற்படுவதுடன், செரிமானக் கோளாறு, சிறுநீரகப் பாதிப்பு மற்றும் புற்றுநோய் (Cancer) போன்ற கொடிய நோய்கள் ஏற்படுவதற்கான அபாயம் அதிகம் உள்ளதாக அதிகாரிகள் எச்சரித்துள்ளனர். எனவே, பெற்றோர்கள் விழிப்புடன் இருந்து குழந்தைகளுக்கு இதுபோன்ற கலர் அப்பளங்களை வாங்கித் தருவதைத் தவிர்க்க வேண்டும் என்றும், அதற்கு மாற்றாக நம் முன்னோர்கள் பயன்படுத்திய பாரம்பரிய உளுந்து மற்றும் அரிசி அப்பளங்களை மட்டுமே வாங்கிப் பயன்படுத்த வேண்டும் என்றும் உணவுப் பாதுகாப்புத் துறை அறிவுறுத்தியுள்ளது. விதிகளுக்குப் புறம்பாக ரசாயன நிறமூட்டிகளைப் பயன்படுத்தி அப்பளம் தயாரிப்பவர்கள் மற்றும் விற்பனையாளர்கள் மீது கடுமையான சட்ட நடவடிக்கை எடுக்கப்படும் எனவும் எச்சரிக்கை விடுக்கப்பட்டுள்ளது.

colors appalam

கலர் அப்பளங்களுக்கு தடை விதித்த உணவு பாதுகாப்புத் துறை!