படம் வெளியான சில நாட்களிலேயே, ‘ரவுடி பேபி’ பாடலின் வீடியோவை யூடியூப் பக்கத்தில் அதிகாரப் பூர்வமாக வெளியிட்டார்கள். இந்த பாடல் பெரும் வைரலாக பரவியது. மேலும், சர்வதேச அளவிலான பில்போர்ட் இசைப் பட்டியலிலும் இடம் பெற்று சாதனை புரிந்தது. பில்போர்ட் இசைப்பட்டியல் என்பது, அந்தந்த வாரத்தில் மக்களால் அதிகம் கேட்கப்பட்ட, விரும்பப்பட்ட பாடல்களின் பட்டியல். தற்போது தமிழ் சினிமாவில் அதிகம் பேர் பார்த்த பாடல் என்ற மாபெரும் சாதனையை நிகழ்த்தி உள்ளது.

விஜய் நடித்த ‘மெர்சல்’ படத்தில் இடம்பெற்ற ‘ஆளப்போறான் தமிழன்’ பாடல் சாதனையை ‘ரவுடி பேபி’ பாடல் முறியடித்துள்ளது. தற்போது வரை தமிழ் சினிமாவில் முதன்முதலாக 10 கோடி பார்வைகளைத் தொட்ட வீடியோ பாடல் என்ற சாதனையை நிகழ்த்தி உள்ளது.

இந்த சாதனையை பாராட்டி நடிகையும், காங்கிரஸ் முன்னாள் எம்.பி.யுமான குத்து ரம்யா ட்விட்டரில் கருத்து தெரிவித்து இருந்தார். அற்புதமான பாடலை 100 மில்லியன் பேர் பார்த்துள்ளனர் என்றும், இசையமைப்பாளர் யுவன் சங்கர் ராஜாவை நினைத்து மகிழ்ச்சியும், பெருமையும் அடைவதாகவும் குறிப்பிட்டு இருந்தார். இதற்கு கன்னட ரசிகர்கள் கண்டனம் எதிர்ப்பு தெரிவித்து உள்ளனர். நடிகை குத்து ரம்யாவை கண்டித்து கன்னட ரசிகர்கள் சமூக வலைதளங்களில் பதிவிட்டு வருகின்றனர்.

பிரபல கன்னட நடிகர் யஷ் நடித்து வெளியான கே.ஜி.எப். படம் நல்ல வரவேற்பை பெற்றுள்ளது. பல மொழிகளில் அந்த படத்திற்கு ஆதரவு கிடைத்துள்ளது. பாகிஸ்தான் நாட்டிலும், தற்போது அந்த படம் வெளியாகி உள்ளது. அந்த படத்தை பற்றி அவர் பேசி இருக்கலாம். ஆனால் அப்படி பேசவில்லை. சொகுசு விடுதியில் தங்கி இருக்கும் காங்கிரஸ் எம்.எல்.ஏக்கள் தாக்கிக் கொண்டதை பற்றியும் அவர் பேசி இருக்கலாம். அதுவும் பேசவில்லை. ஆனால் தமிழ்நாட்டை சேர்ந்தவர்களை பற்றி மட்டும் பேச அவருக்கு நேரம் இருக்கிறது. இதற்காக அவருக்கு எங்களது கண்டனத்தை தெரிவித்துக் கொள்கிறோம். இவ்வாறு அதில் கூறப்பட்டிருந்தது.

மயக்கம் என்ன படத்தின் போது ஏற்பட்ட சிறிய மனகசப்பால் தனுஷ் – ஜி.வி.பிரகாஷ் இணையாமல் இருந்தார்கள். ஜி.வி.பிரகாஷ் நடிப்பில் உருவாகி இருக்கும், ஜெயில் படத்தில் தனுஷ் ஒரு பாடலை பாடியதன் மூலம் மீண்டும் இருவரும் இணைந்தார்கள். அதன்பின்னர் வெற்றிமாறன் இயக்கத்தில் தனுஷ் நடிக்கும் `அசுரன்’ படத்திற்கு ஜி.வி.பிரகாஷ் இசையமைக்கவிருப்பதாக செய்திகள் வெளிவந்தது. தற்போது ஜி.வி. அதனை உறுதிப்படுத்தியிருக்கிறார்.

தனுசை சந்தித்ததே பெரிய செய்தியாகி விட்டது. எப்போது மீண்டும் இணைகிறீர்கள் என்று அவரிடம் கேட்ட போது, ஆமாம். `அசுரன்’ படத்துக்கு இசை அமைக்கிறேன். ஆடுகளம் படத்துக்கு பின் வெற்றிமாறன், தனுஷ், நான் மூவரும் இணைகிறோம். மிக சுவாரசியமான படமாக இருக்கும். சில வி‌ஷயங்கள் அதுவாக நடந்தது. மகிழ்ச்சி. என்றார்.

இந்த நிலையில், தனுஷ் நடிக்கவிருக்கும் அடுத்த 2 படங்களை தயாரிக்கவிருப்பதாக சத்யஜோதி பிலிம்ஸ் அதிகாரப்பூர்வமாக அறிவித்துள்ளது. கொடி படத்தை இயக்கிய துரை செந்தில்குமார் – தனுஷ் கூட்டணி மீண்டும் இணையும் படத்தையும், ராட்சசன் படத்தை இயக்கிய ராம்குமார் இயக்கத்தில் உருவாகும் தனுஷின் 35-வது படத்தையும் சத்யஜோதி பிலிம்ஸ் தயாரிக்கிறது.

இதில் துரை செந்தில்குமார் இயக்கும் தனுஷின் 34-வது படத்திற்கு விவேக் – மெர்வின் இணைந்து இசையமைக்கின்றனர் என்பது குறிப்பிடத்தக்கது.

இதுதவிர தனுஷ் வெற்றிமாறனின் வடசென்னை 2, அசுரன் படங்களில் நடிக்கவிருக்கிறார். மேலும் மாரி செல்வராஜ் இயக்கத்தில் ஒரு படம், தான் இயக்கி நடிக்கும் பிரம்மாண்ட படம் என இந்த ஆண்டு தனுஷ் பிசியாகி இருக்கிறார் என்பது குறிப்பிடத்தக்கது.

தனுஷ் நடிப்பில் அடுத்ததாக `எனை நோக்கி பாயும் தோட்டா’ ரிலீசாகவிருக்கிறது என்பது குறிப்பிடத்தக்கது.

இப்படத்தின் பத்திரிகையாளர் சந்திப்பில் பேசிய தனுஷ், ‘எனக்கு மிகவும் பிடித்த கதாபாத்திரம் மாரி. எனவே இந்த படத்தின் அடுத்த பாகத்திற்காக நான் காத்திருந்தேன். மாரி நல்லவனும் இல்லை, கெட்டவனும் இல்லை. அப்படிப்பட்ட கதாபாத்திரம். ஜாலியான என்டர்டைன்மெண்ட் படமாக இருக்கும்.

மாரி 2 படத்தோட வெற்றிக்கு பின் பாகம் 3 பத்தி யோசிக்கணும். யுவன் இப்படத்திற்கு இசையமைத்திருக்கிறார். இளையராஜா அவர்கள் இந்த படத்தில் பாட்டு பாடி இருக்கிறார். அது எங்களுக்கு கிடைத்த மிகப்பெரிய ஆசிர்வாதம். நான் எழுதிய வரியை பார்த்து, முதல் வரிக்கும் இரண்டாவது வரிக்கும் சம்மந்தமே இல்லை என்றார். பின்னர் படித்து பார்த்து பாடி கொடுத்தார்.

என் கிட்ட ஒரு சில வீடியோக்கள் இருக்கிறது அதை அப்புறம் பகிர்கிறேன். ஒரு குழந்தையாக, ஒரு பக்தனாக அவர் முன்னாடி நின்ற சில நேரங்கள் என்னால் மறக்கவே முடியாது’ என்றார்.

படப்பிடிப்பு முடிந்து பின்னணி வேலைகள் விறுவிறுப்பாக நடந்து வரும் நிலையில், படத்திற்கு இசையமைக்கும் பணிகளில் ஜி.வி.பிரகாஷ் தீவிரமாக இறங்கியுள்ளார். இதில் ஒரு பாடலை நடிகர் தனுஷை பாட வைத்திருக்கிறார் ஜி.வி.பிரகாஷ். மேலும் 8 வருடங்களுக்கு தனுஷ் என்னுடைய இசையில் பாடியிருக்கிறார் என்று ஜி.வி.பிரகாஷ் கூறியிருக்கிறார்.

இதற்கு முன்னதாக காற்று வெளியிடை படத்தின் நாயகி அதிதி ராவை ஒரு பாடலை பாட வைத்திருக்கிறார் என்பது குறிப்பிடத்தக்கது.

ஜெயில் படத்தில் ஜி.வி.பிரகாஷ் ஜோடியாக அபர்ணதி நடித்துள்ளார். முக்கியக் கதாபாத்திரங்களில் ‘பள்ளிப்பருவத்திலே’ படத்தில் நாயகனாக நடித்த நந்தன் ராம், ‘பசங்க’ பாண்டி, ராதிகா உள்ளிட்ட பலரும் நடித்துள்ளனர்.

இந்த நிலையில், தனுஷ் நடிப்பில் மாரி 2 படம் வருகிற டிசம்பர் 21-ஆம் தேதி ரிலீசாக இருக்கிறது. இதில் தனுஷ் ஜோடியாக சாய் பல்லவி நடித்திருக்கிறார். தெலுங்கு சினிமாவில் சாய் பல்லவிக்கு நல்ல மார்க்கெட் இருப்பதால், தமிழ், தெலுங்கு என இரு மொழிகளிலும் படத்தை ஒரே நேரத்தில் வெளியிட தனுஷ் திட்டமிட்டுள்ளார்.

இதுதவிர தனுஷ் தனுஷ் இயக்கி நடிக்கும் படம், வெற்றிமாறன் இயக்கத்தில் புதிய படம், ராம்குமார், மாரி செல்வராஜ், துரை செந்தில்குமார் இயக்த்தில் தலா ஒரு படங்களில் நடிக்க ஒப்பந்தமாகி இருக்கிறார். அத்துடன் வடசென்னை இரண்டாவது பாகத்திலும் நடிக்க இருக்கிறார்.

Here we go, Official Trailer of #Maari2. Maari 2 stars Dhanush, Sai Pallavi, Krishna, Varalakshmi Sarathkumar, Tovino Thomas in lead roles; Music Composed by Yuvan Shankar Raja & Directed by Balaji Mohan.

தனுஷின் வுண்டர்பார் பிலிம்ஸ் தயாரித்துள்ள இந்த படத்தை வருகிற டிசம்பர் 21-ஆம் தேதி வெளியாக இருப்பதாக முன்னதாக அறிவிக்கப்பட்டது. அதேநாளில் தான் விஜய் சேதுபதியின் சீதக்காதி, ஜெயம் ரவியின் அடங்க மறு, விஷ்ணு விஷாலின் சிலுக்குவார்பட்டி சிங்கம் உள்ளிட்ட படங்கள் ரிலீசாக இருப்பதாக அறிவிக்கப்பட்டுள்ளது. 4 படங்களுக்கும் தியேட்டர்கள் ஒதுக்குவதில் சிக்கல் ஏற்பட்டுள்ளது.

இந்த நிலையில், மாரி-2 டிசம்பர் 21-ஆம் தேதி, குறித்த தேதியில் வெளியாகும் என்று படக்குழு அறிவித்துள்ளது. இதன் மூலம் மோதலை மாரி-2 படக்குழு உறுதிசெய்துள்ளது. மேலும் படத்தின் டிரைலர் நாளை வெளியாக இருப்பதாகவும் படக்குழு அறிவித்துள்ளது.

யுவன் ஷங்கர் ராஜா இசையில், சமீபத்தில் வெளியான `ரவுடி பேபி’ என்ற பாடலுக்கு நல்ல வரவேற்பு கிடைத்துள்ளது என்பது குறிப்பிடத்தக்கது.

மகளிர் கிரிக்கெட்டை மையப்படுத்தி உருவாகி இருக்கும் இந்த படத்தில் ஐஸ்வர்யா ராஜேஷ் கிரிக்கெட் வீராங்கணையாக நடித்திருக்கிறார். அவரது அப்பாவாக சத்யராஜ் முக்கிய கதாபாத்திரத்தில் நடித்திருக்கிறார். இளவரசு, ரமா, அந்தோனி பாக்யராஜ், சவரிமுத்து, ஹலோ கந்தசாமி, முனீஷ்காந்த், நமோ நாராயணன், பாலாஜி வேணுகோபால், பிளேட் சங்கர், அசோக் குமார், குணா, சத்யா. என்.ஜே உள்ளிட்ட பலரும் முக்கிய கதாபாத்திரங்களில் நடித்திருக்கின்றனர்.

படப்பிடிப்பு முடிந்து புரமோஷன் பணிகள் மும்முரமாக நடந்து வரும் நிலையில், படம் வருகிற டிசம்பர் 21-ஆம் தேதி ரிலீசாக இருப்பதாக படக்குழு அறிவித்துள்ளது.

ஏற்கனவே விஜய் சேதுபதியின் சீதக்காதி, தனுஷின் மாரி-2, ஜெயம் ரவியின் அடங்க மறு, விஷ்ணு விஷாலின் சிலுக்குவார்பட்டி சிங்கம் உள்ளிட்ட 4 படங்களும் டிசம்பர் 20, 21-ஆம் தேதிகளில் ரிலீசாக இருப்பதாக அறிவிக்கப்பட்டிருக்கும் நிலையில், சிவகார்த்திகேயன் கனா படத்தின் அறிவிப்பை வெளியிட்டுள்ளார்.

ஏற்கனவே அறிவிக்கப்பட்டுள்ள 4 படங்களுக்கு தேதி ஒதுக்குவதிலே பிரச்சனை இருக்கும் நிலையில், கனா படத்தின் ரிலீஸ் தேதியும் அறிவிக்கப்பட்டுள்ளதால் தியேட்டர் ஒதுக்குவதில் சிக்கல் ஏற்பட்டுள்ளது.