குறிப்பாக, தமிழகத்தில் மட்டும் பட்டாசு விபத்துகளால் 1,116 பேர் காயமடைந்து சிகிச்சை பெற்ற நிலையில், மதுரை அரவிந்த் கண் மருத்துவமனைக் கிளைகளில் 1,464 பேருக்குக் கண் காயங்கள் ஏற்பட்டு அதில் 8 பேருக்கு ஒரு கண் அகற்றப்படும் அளவுக்குப் பாதிப்பு தீவிரமடைந்துள்ளது.

தலைநகர் டெல்லியில் உள்ள முக்கிய மருத்துவமனைகளில் 397 தீக்காய வழக்குகளும், ஹைதராபாத்தில் 190-க்கும் மேற்பட்டோருக்குத் தீ மற்றும் கண் காயங்களும் பதிவாகியுள்ள நிலையில், பாதிக்கப்பட்டவர்களில் பெரும்பாலானோர் சிறுவர்கள் மற்றும் பட்டாசு வெடிப்பதை அருகில் நின்று வேடிக்கை பார்த்தவர்கள் என்பது தெரியவந்துள்ளது.

மேலும், மத்தியப் பிரதேசம், ராஜஸ்தான், ஒடிசா மற்றும் டெல்லி உள்ளிட்ட மாநிலங்களில் பட்டாசுப் பொறிகளால் ஏற்பட்ட தீ விபத்துகள் மற்றும் மோதல்களில் சிக்கி 26-க்கும் மேற்பட்டோர் உயிரிழந்துள்ளனர். ஒவ்வொரு ஆண்டும் விழிப்புணர்வு பிரச்சாரங்கள் மேற்கொள்ளப்பட்டாலும், கவனக்குறைவாகப் பட்டாசுகளைக் கையாள்வதும் விதிமீறல்களும் பண்டிகைக் கொண்டாட்டத்தைப் பல குடும்பங்களுக்குத் துயரமாக மாற்றியுள்ளது.