இக்கூட்டத்தில் கொரட்டூர் ஏரி, மைலை பாலாஜி நகர் கால்வாய், பரங்குசபுரம், ரங்கராஜபுரம், சிட்டி லிங்க் ரோடு, அண்ணா சாலை (மவுண்ட் ரோடு), ஜி.பி.ரோடு, என்.எஸ்.சி போஸ் ரோடு மற்றும் அரும்பாக்கம் மெட்ரோ உள்ளிட்ட வெள்ளப் பாதிப்பிற்குள்ளாகும் உணர்திறன் மண்டலங்களில் கூடுதல் கவனம் செலுத்தித் தூர்வாரும் பணிகள் மற்றும் நீர்வழிப் பாதை சீரமைப்புகளை விரைந்து முடிக்க அதிகாரிகளுக்கு உத்தரவிடப்பட்டுள்ளது.

மேலும், மழைக்காலத்தில் பொதுமக்களுக்கு நோய்த்தொற்றுகள் பரவாமல் தடுக்கும் வகையில் பெருமளவிலான மருத்துவ முகாம்களைத் தொடர்ந்து நடத்தவும், மாநகராட்சியின் ‘1913’ உதவி எண் மற்றும் எக்ஸ் (X), ஃபேஸ்புக், இன்ஸ்டாகிராம் உள்ளிட்ட சமூக வலைத்தளங்கள் வாயிலாகப் பெறப்படும் புகார்கள் மீது உடனுக்குடன் நடவடிக்கை எடுக்கும் வகையில் 24 மணி நேரமும் சுழற்சி முறையில் பணியாளர்களை நியமித்துச் செயலாற்றவும் மாநகராட்சி நிர்வாகத்திற்கு அறிவுறுத்தப்பட்டுள்ளது.