இதுதொடர்பாக மு.க.ஸ்டாலின் தனது எக்ஸ் தளத்தில் வெளியிட்டுள்ள அறிக்கையில், “முதலமைச்சரை அவதூறாகப் பேசினார் என்று முன்னாள் அமைச்சர் அனிதா ராதாகிருஷ்ணன் அவர்களைக் கைது செய்துள்ளது ‘Take Diversion’ அரசு. தொகுதியில் ஆய்வு மேற்கொண்டு மக்கள் பணியில் ஈடுபட்டு இருந்தவரை, அவசர அவசரமாகக் கைதுசெய்ய வேண்டிய அவசியம் என்ன வந்தது?

சினிமா ஆக்‌ஷன் பாணியில் போலீஸ் ராஜ்ஜியம் நடத்திக் கொண்டிருக்கிறார் முதலமைச்சர். கூட்டுப் பாலியல் வன்கொடுமைக்கு உள்ளான பெண்மணி திருவைகுண்டம் தவெக சட்டமன்ற உறுப்பினர் மேல் கூறியுள்ள புகாரில் இதுவரை எந்த நடவடிக்கையும் எடுக்காத ‘தூயசக்தி ஆட்சி’, அந்த வழக்கில் ஏன் இந்த அவசரத்தைக் காட்டவில்லை? தமிழ்நாடு முழுவதும் நடைபெறும் கொலை, கொள்ளைகளையும் பெண்களுக்கு எதிரான பாலியல் குற்றங்களையும் தடுக்க வக்கில்லாமல் அடுத்த கட்சி சட்டமன்ற உறுப்பினர்களை இணைத்துக் கொண்டிருக்கும் இந்த அரசின் மாற்றம் இதுதானா?

அவதூறு வழக்கில் கைது செய்வதாக இருந்தால், இன்றைய அமைச்சர்கள் பேசும் பேச்சுக்கு எல்லாம் எத்தனை பேரைக் கைது செய்வது? வாக்களித்த மக்களுக்கு எந்த நன்மையும் செய்யாமல், குதிரைபேரத்தின் மூலமாகத் தனது நாற்காலியைத் தக்க வைத்து – விமர்சிக்கும் எதிர்க்கட்சிகளைக் கைது செய்து காலம் கடத்திவிடலாம் என நினைக்கிறார் முதலமைச்சர். ஆணவம் அழிவிற்கு வழி!” என்று பதிவிட்டுள்ளார்.

இதுபற்றி அ.தி.மு.க. பொதுச்செயலாளர் எடப்பாடி பழனிசாமி கூறுகையில், குதிரை பேரம் நடத்துவதாக த.வெ.க. மீது குற்றம் சாட்டியிருந்தார். மறுபுறம் கட்சி மற்றும் திருமண நிகழ்ச்சிகளில் கலந்து கொள்ளும் தி.மு.க. தலைவர் மு.க.ஸ்டாலின், பெரும்பான்மை இல்லாமல் த.வெ.க. அரசு நடைபெறுகிறது. எனவே தமிழகத்துக்கு எப்போது வேண்டுமானாலும் தேர்தல் வரலாம் என்று கூறினார்.

தி.மு.க. சின்னத்தில் போட்டியிட்டு வெற்றிபெற்ற 2 எம்.எல்.ஏ.க்களை ராஜினாமா செய்யுமாறு பேரம் நடைபெறுவதாக தி.மு.க. சார்பில் புகார் தெரிவிக்கப்பட்டது. அதற்கு சமீபத்தில் தி.மு.க. கூட்டணியில் இருந்து விலகிய ம.தி.மு.க. பொதுச்செயலாளர் வைகோவின் பேச்சை சுட்டிக்காட்டி இருந்தனர்.

இந்நிலையில் சட்​டப்​பேர​வை​யில் சபா​நாயகருக்கு எதி​ராகத் தீர்மானம் கொண்டு வர உள்​ள​தாக​வும் ஆளும் கட்சி உறுப்​பினராக இருந்​தா​லும் நாங்​கள் சொல்​வது போல் கேட்டு சபாநாயகருக்கு எதி​ராக வாக்​களிக்க வேண்​டும் என்​றும், அதற்கு ரூ.35 கோடி வரை பணம் கிடைக்கும் என்றும் கிருஷ்ணகிரி மாவட்​டம் ஊத்​தங்​கரை தொகுதி தவெக எம்​எல்ஏ இளையராஜாவிடம் சிலர் பேசி உள்ளனர். இதுதொடர்பாக அவர் சென்னை போலீஸ் கமிஷனர் அமல்ராஜை சந்தித்து இளையராஜா புகார் அளித்தார்.

இந்த புகார் தொடர்பாக விசாரணை நடத்திய போலீசார் 3 பேரை கைது செய்தனர். கைதான 3 பேரும் முன்னாள் அமைச்சர் செந்தில் பாலாஜியின் சகோதரர் அசோக் குமாரை சென்னையில் வைத்து சந்தித்து பேசியதாகவும், செந்தில் பாலாஜியும், அசோக் குமாரும் கூறிய அறிவுரையின் பேரிலேயே எம்எல்ஏ இளையராஜாவுடன் பேசியதாக வாக்குமூலம் அளித்தனர்.

கைதான 3 பேரும் கோர்ட்டில் ஆஜர்படுத்தப்பட்டனர். அவர்களை வருகிற 15-ந்தேதி வரை நீதிமன்ற காவலில் வைக்க நீதிபதி உத்தரவிட்டார். இதையடுத்து 3 பேரும் சென்னை புழல் சிறையில் அடைக்கப்பட்டனர். இந்த புகார் தொடர்பாக திமுக பிரமுகர்களான சக்தி மெஸ் கார்த்தி, ரமேஷ் ஆகியோரை போலீசார் கைது செய்தனர். கைதான 2 பேரும் செந்தில் பாலாஜி ஆதரவாளர்கள் எனவும் கூறப்படுகிறது. இந்த விவகாரம் தொடர்பாக இதுவரை 5 பேர் கைது செய்யப்பட்டுள்ளனர்.

இந்நிலையில் தவெக ஆட்சியை கவிழ்க்க ரூ.35 கோடி பேரம் பேசிய விவகாரத்தில் முதல் தகவல் அறிக்கை விவரம் வெளியானது. ஊத்தங்கரை தவெக எம்எல்ஏ இளையராஜா அளித்த புகாரை வைத்து முதல் தகவல் அறிக்கை பதிவு செய்யப்பட்டுள்ளது.

திருநாவுக்கரசு, நரேஷ், கிருஷ்ணன், அசோக்குமார் ஆகியோர் மீது வழக்குப்பதிவு செய்துள்ளதாக முதல் தகவல் அறிக்கையில் தகவல் வெளியாகி உள்ளது. செந்தில் பாலாஜியின் சகோதரர் அசோக்குமார் மீது 4 பிரிவுகளில் போலீசார் வழக்குப்பதிவு செய்துள்ளனர். கொலை மிரட்டல், குற்றச் சதிக்கு உடந்தையாக இருத்தல் உள்ளிட்ட 4 பிரிவுகளில் அசோக் குமார் மீது வழக்குப்பதிவு செய்யப்பட்டுள்ளது.

பேரம் பேசியதை வெளியே சொன்னால் குடும்பத்தினர் உயிரோடு இருக்க முடியாது என திருநாவுக்கரசு மிரட்டியதாக தகவல் வெளியாகி உள்ளது. ஒத்துழைக்காவிடில் உயிருடன் நடமாட முடியாது என இளையராஜாவை மிரட்டியதாக எஃப்ஐஆரில் தகவல் வெளியாகி உள்ளது.

மேலும், திருவண்ணாமலையில் உள்ள அவரது வீடு மற்றும் அவருக்கு சொந்தமான இடங்களிலும் சோதனை நடைபெற்று வருகிறது.

அவர் அமைச்சராக இருந்த போது பொதுப்பனித்துறையில் கமிஷன் பெற்றதாக புகார் எழுந்தது. பணி நியமனத்திற்கும் பணம் பெற்றதாக எழுந்த குற்றச்சாட்டை தொடர்ந்து இந்த சோதனை நடைபெறுவதாக சொல்லப்படுகிறது.

தவெக அரசு பொறுப்பேற்று 40 நாட்கள் நிறைவடைந்துள்ள சூழலில், ஆளுநர் உரையில் ஏதேனும் புதிய திட்டங்கள் அறிவிக்கப்பட்டுள்ளதா என்று ஆவலுடன் காத்திருந்த தங்களுக்கு ஏமாற்றமே மிஞ்சியதாகக் குறிப்பிட்ட அவர், இந்த உரை ‘ரீல்ஸ்’ கன்டென்ட்டிற்கு உதவுமே தவிர மக்களின் உண்மையான பிரச்னைகளுக்குத் தீர்வாகாது என விமர்சித்தார்.

அவையின் மரபுகளை மீறி இரண்டு முறை தேசிய கீதம் பாடப்பட்டதைச் சுட்டிக்காட்டியவர், ஆளுங்கட்சிக்குத் தங்களின் கூட்டணி கட்சிகளின் வாக்குகளும், உடன்பிறப்புகளின் உழைப்பும் பின்னணியாக இருந்ததால், தங்களின் தயவில்தான் இந்த ஆட்சியே நடக்கிறது என்றும், அதனால் தங்களுக்கு இந்த அரசை விமர்சிக்க அதிக உரிமையும் பொறுப்பும் இருப்பதாகத் தெரிவித்தார்.

தொடர்ந்து பேசிய அவர், காலை உணவுத் திட்டத்தை 8-ஆம் வகுப்பு வரை நீட்டித்ததற்கும், மகளிர் உரிமைத் தொகையை வழங்கியதற்கும் நன்றி தெரிவித்த அதேவேளையில், கடந்த நான்கு ஆண்டுகளில் 41 லட்சம் மாணவர்கள் பயனடைந்த ‘நான் முதல்வன்’ திட்டத்தை முடக்க முயல்வது ஏன் என்று கேள்வி எழுப்பினார்.

நிதி ஆயோக் கூட்டத்தில் பாராட்டிய மகளிர் சுயஉதவி குழுக்களின் சாதனை முந்தைய திமுக ஆட்சியில் நிகழ்ந்தது என்று குறிப்பிட்ட உதயநிதி, திரைப்படங்களில் ஐந்து நிமிடத்தில் பணக்காரராவது போல ஒரு மாதத்தில் எதையும் மாற்றிவிட முடியாது என்றும், தங்களின் சாதனைகள் மீது புதிய அரசு ஸ்டிக்கர் ஒட்டிக்கொள்வதாகவும் சாடினார். மேலும், அறநிலையத்துறை வருவாய் குறித்த ஆளுநர் உரையின் வரிகள், அறநிலையத்துறையே வேண்டாம் என்று கூறும் பாஜகவின் குரலாக இந்த அரசு ஒலிக்கிறதோ என்ற சந்தேகத்தை ஏற்படுத்துவதாகக் கூறியவர், சென்னை பெரம்பூர் தொகுதி முதல் ஒட்டுமொத்தத் தமிழ்நாடே கடுமையான மின்வெட்டால் இருளில் மூழ்கியிருப்பதாகக் குற்றம் சாட்டினார்.

இறுதியாக, தவெக ஆட்சியில் பெண்களுக்கும் குழந்தைகளுக்கும் பாதுகாப்பற்ற சூழல் நிலவுவதாகவும், குற்றச்சம்பவங்களைப் பார்க்கும்போது நாம் தமிழ்நாட்டில் இருக்கிறோமா அல்லது உத்திரபிரதேசம் போன்ற வடமாநிலத்தில் இருக்கிறோமா என்ற சந்தேகம் எழுவதாகவும், பெரும்பாலான குற்றவாளிகள் ஆளுங்கட்சியைச் சேர்ந்தவர்களாகவே இருப்பதால் முதலமைச்சர் விஜய் உடனடியாக சட்டம் ஒழுங்கைப் பாதுகாக்க முதல் கவனம் செலுத்த வேண்டும் என்றும் வலியுறுத்தினார்.

இது தொடர்பாக தமிழ்நாடு முன்னாள் முதலமைச்சரும், திமுக தலைவருமான மு.க.ஸ்டாலின் எக்ஸ் தளத்தில் வெளியிட்டுள்ள பதிவில், ” தெற்கில் தோன்றி, வடக்கில் ஒளிர்ந்த ‘கண்ணியத் தென்றல்’ காயிதே மில்லத் அவர்களின் 131-வது பிறந்தநாளில் அவரது புகழைப் போற்றுகிறேன்.

‘தமிழ் ஆட்சிமொழியாக வேண்டும்’ என அரசியல் நிர்ணய சபையில் முழங்கிய மாண்பாளர்; கல்வி வளர்ச்சிக்காக அரும்பணிகளைச் செய்த தகைமையாளர். பேரறிஞர் அண்ணா காலம் தொட்டு, தேர்தல் அரசியலைக் கடந்து உருவான உறவின் உரிமையோடு, இஸ்லாமியப் பெருமக்களுக்கு என்றும் துணை நிற்போம்! சமூக நல்லிணக்கத்தைப் பேணிப் பாதுகாப்போம்” என்று தெரிவித்துள்ளார்.

நீட் தேர்வு, தொகுதி மறுசீரமைப்பு, ஒரே நாடு ஒரே தேர்தல், வக்கு சட்டம் மற்றும் FCRA சட்டத் திருத்தம் உள்ளிட்ட ஜனநாயகத்திற்கும் மாநில உரிமைகளுக்கும் எதிரான அம்சங்களை ஆரம்பம் முதலே துணிச்சலுடன் எதிர்த்துப் போராடிய திமுக, ‘இந்தியா’ கூட்டணி தொடங்கியதில் இருந்தே அதன் மையச் சக்தியாக இயங்கி வந்ததைச் சுட்டிக்காட்டியுள்ளது. இருப்பினும், தமிழ்நாட்டில் நடைபெற்று முடிந்த சட்டமன்றப் பொதுத்தேர்தலுக்குப் பின், காங்கிரஸ் கட்சி திமுகவிற்கு இழைத்த துரோகத்தினால் மிகுந்த மனக்காயமுற்றிருக்கும் கழகத் தோழர்களின் உணர்வுகளுக்கு மதிப்பளிக்கின்ற வகையில், காங்கிரஸ் பங்கேற்கும் இந்த ஜூன் 8 கூட்டத்தில் திமுக பங்கேற்காது எனத் தலைமைக்கழகம் அதிரடியாகத் தெரிவித்துள்ளது.

இந்தக் கூட்டத்தில் பங்கேற்காவிட்டாலும், கூட்டணியில் இடம்பெற்றுள்ள மற்ற கட்சிகள் முன்வைக்கும் நாட்டு நலனைப் பாதிக்கும் பிரச்சினைகளில் திமுக என்றைக்கும் தொடர்ந்து குரல் கொடுக்கும் என்றும் அந்த அறிக்கையில் தெளிவுபடுத்தப்பட்டுள்ளது.

அந்த அறிக்கையில் அவர் கூறியிருப்பதாவது:

எப்போதுமே Mute-ல இருக்கவர் முதலமைச்சரா இருக்காருங்கிற தைரியத்துல ஆளுநர் மாளிகையில திருவள்ளுவருக்கு மறுபடியும் காவி Paint அடிச்சு இருக்காங்க.

தமிழ்நாடு அரசு ஜனவரி மாசத்துல திருவள்ளுவர் நாளை அதிகாரப்பூர்வமா கொண்டாடுது. ஆனா, வைகாசி அனுஷம் திருவள்ளுவர் நாள்னு புதுசா ஒரு உருட்டு எங்கே இருந்து வந்தது?

தி.மு.கழக ஆட்சியில இதே மாதிரி வேலையைப் பார்த்த அப்போதைய ஆளுநரை கடுமையா கண்டிச்சோம். சங்கிகளை திருத்துனோம். இப்போ மறுபடியும் தமிழர்களோட சுயமரியாதையை உரசிப்பார்க்குறாங்க.

வள்ளுவரை அவமதிக்கும் பாசிஸ்டுகளுக்கும் – அதை அனுமதிக்கும் #SofaModel அரசுக்கும் என்னுடைய கடும் கண்டனங்கள்.

தமிழ்த்தாய் வாழ்த்தை முதல்ல பாட permission கொடுங்கன்னு டெல்லியில கேட்ட மாதிரி, இந்த விஷயத்துலயும் முதலமைச்சர் பயந்து நடுங்கக் கூடாது.

சட்டம் ஒழுங்கு விஷயத்துல தான் முதலமைச்சர் Silent ஆ இருக்காருன்னா, கொள்கை எதிரிகள் வள்ளுவருக்கு காவி Paint அடிக்கிற அநியாயத்தை தட்டிக் கேட்கவும் தயங்குறது ஏன்?

இவ்வாறு அறிக்கையில் தெரிவித்துள்ளார்.

இது குறித்து அவர் கூறுகையில், “தமிழ்த்தாய் வாழ்த்து முதலில் இசைக்க பிரதமரிடம் முதல்வர் மெஞ்சியிருப்பது மாநில சுயாட்சிக்கு எதிரானது. சுதந்திரத்தை கொடுக்கவும் முடியாது, வாங்கவும் கூடாது. அது நமது உரிமை.” என்று தெரிவித்துள்ளார்.

http://udanpirapinkural.in இணையத்தளத்தில் இதுவரை 4.60 லட்சம் கருத்துகளைப் பெற்றுள்ளோம். இந்த இணையத்தளத்தின் முக்கிய நோக்கமே உடன்பிறப்புகள் அனைவரும் எவ்விதத் தயக்கமுமின்றி உங்கள் மனதில் தோன்றும் கருத்துகளைப் பதிவு செய்ய வேண்டும் என்பதுதான். உங்கள் கருத்துகள் நேரடியாக எனக்கே வந்து சேரும்.

இந்த இணையத்தளத்தில் உடன்பிறப்புகள் மட்டுமல்லாமல், கழக நிர்வாகிகள், கழக அனுதாபிகள், பொதுமக்கள் என அனைவரும் அளிக்கும் ஆலோசனைகளை ஆராய்ந்து நம் அடுத்தகட்ட நடவடிக்கைகளை நான் திட்டமிடுவேன். எனவே மே மாதம் 31-ஆம் தேதிக்குள் உங்கள் கருத்துகளை http://udanpirapinkural.in இணையத்தளத்தில் பதிவு செய்யவும்.

கழக மாநிலப் பொறுப்பாளர்களும், கழக மாவட்டச் செயலாளர்களும், சட்டமன்ற உறுப்பினர்களும், நாடாளுமன்ற உறுப்பினர்களும், மற்ற முக்கியப் பொறுப்பாளர்கள் அனைவரும் மறக்காமல், இந்தச் செய்தி அனைத்து உடன்பிறப்புகளுக்கும் சென்றடையும் வண்ணம் உங்களுடைய சமூக வலைத்தளப் பக்கங்களிலும் Whatsapp குழுக்களிலும் பதிவு செய்யுமாறு கேட்டுக்கொள்கிறேன்.

இவ்வாறு தனது பதிவில் அவர் தெரிவித்துள்ளார்.

தமிழகத்தில் நடந்து முடிந்த சட்டமன்ற தேர்தலில் 108 இடங்கள் விஜய்யின் தவெக வெற்றி பெற்றது. ஆட்சியமைக்க பெரும்பான்மைக்கு 118 இடங்கள் தேவை என்ற சூழல் உருவானது. இப்படிப்பட்ட நிலையில் தவெக கூட்டணியில் முதல் கட்சியாக காங்கிரஸ் இணைந்தது. காங்கிரஸ் கட்சி திமுக கூட்டணி சார்பில் போட்டியிட்டு 5 இடங்களில் வெற்றி பெற்ற நிலையில் தவெகவுக்கு ஆதரவளித்தது. அடுத்து வரும் உள்ளாட்சி தொடங்கி மக்களவைத் தேர்தல் வரை தவெக உடனான கூட்டணி தொடரும் என்றும் காங்கிரஸ் கட்சி அறிவித்தது. காங்கிரஸ் கட்சியின் இந்த செயலுக்கு, அக்கட்சியின் நிர்வாகிகள் பலர் கண்டனம் தெரிவித்தனர்.

இந்த நிலையில் இளைஞர் காங்கிரஸ் மாநில பொதுச்செயலாளர் அலிம் அல்புகாரி எதிர்ப்பு தெரிவித்தார். இதுகுறித்து அவர் தனது எக்ஸ் பக்கத்தில், “கொள்கைப் பிடிப்பே அரசியல், சந்தர்ப்பவாதம் அல்ல. இதே சந்தர்ப்பவாதத்தை பாஜகவும் அதிமுகவும் செய்து வருகிறது. இப்போது நாம் அதை செய்யக்கூடாது” எனக் கூறியிருந்தார்.

மேலும் காங்கிரஸ் பற்றி கடுமையாக விமர்சித்து இருந்தார். இதையடுத்து இளைஞர் காங்கிரஸ் மாநில செயலாளர் அலிம் அல்புஹாரி சஸ்பெண்ட் செய்யப்பட்டார். தொடர்ந்து காங்கிரஸ் கட்சியில் இருந்து விலகுவதாக அலிம் அல்புஹாரி அறிவித்த நிலையில், நேற்று திமுகவில் இணைந்தார். திமுக தலைவர் மு.க.ஸ்டாலின் முன்னிலையில் நேற்று காலை சென்னை அண்ணா அறிவாலயத்தில் உள்ள திமுக அலுவலகத்தில், தமிழ்நாடு காங்கிரஸ் கமிட்டி இளைஞர் காங்கிரஸ் கட்சியின் மாநில முன்னாள் பொதுச் செயலாளர் அலீம் அல் புகாரி திமுகவில் இணைந்தார்.

அப்போது எதிர்க்கட்சி தலைவர் உதயநிதி ஸ்டாலின்,செய்தித் தொடர்பு தலைவர் டி.கே.எஸ்.இளங்கோவன், சட்டத்துறைச் செயலாளர் என்.ஆர்.இளங்கோ, திருச்சி தெற்கு மாவட்டச் செயலாளர் அன்பில் மகேஸ் பொய்யமொழி, தலைமை நிலையச் செயலாளர் பூச்சி முருகன் ஆகியோர் உடனிருந்தனர்.