கடந்த 50 ஆண்டுகளாக நடைமுறையில் இருந்த இந்தச் சட்டத்தின்படி, விலங்குகளுக்கு ஏற்படும் நேரடி பாதிப்புகள் மட்டுமின்றி, அவை வாழும் வாழ்விடங்களை (Habitats) அழிப்பதும் விலங்கினங்களுக்கு இழைக்கப்படும் ‘தீங்கு’ (Harm) என்றே வகைப்படுத்தப்பட்டிருந்தது. ஆனால், தற்போதைய புதிய திருத்தத்தின் மூலம் ‘தீங்கு’ என்பதற்கான வரையறை சுருக்கப்பட்டு, வனவிலங்குகள் நேரடியாகக் காயமடையாத அல்லது கொல்லப்படாத வரை, அவை வாழும் பகுதிகளில் சுரங்கப் பணிகள் (Mining), மரங்களை வெட்டுதல் (Logging) மற்றும் எண்ணெய் கிணறு தோண்டுதல் (Oil drilling) போன்ற தொழில்துறை நடவடிக்கைகளை மேற்கொள்ள சட்டப்பூர்வமாக அனுமதி அளிக்கப்பட்டுள்ளது.

இந்தத் திருத்த நடவடிக்கை சுற்றுச்சூழல் சட்டங்களை அத்துமீறிப் பயன்படுத்துவதைத் தடுத்து, தனியார் சொத்துரிமைகளையும், நாட்டின் எரிசக்தி உள்கட்டமைப்புகளையும் மேம்படுத்தும் என்று டிரம்ப் நிர்வாக அதிகாரிகள் நியாயப்படுத்தியுள்ளனர். அதே நேரத்தில், இந்த விதிமுறை தளர்வு வனவிலங்குகளின் வாழ்விடங்களை முற்றிலுமாக அழித்து, பல அரிய உயிரினங்களை மிக விரைவாக அழிவுப் பாதைக்குக் கொண்டு சென்றுவிடும் என்று சுற்றுச்சூழல் மற்றும் வனவிலங்கு ஆர்வலர்கள் தங்களின் கடுமையான கண்டனங்களைப் பதிவு செய்து நீதிமன்றத்தை நாடத் தயாராகி வருகின்றனர்.

ஹார்முஸ் நீரிணைப் பகுதியில் சர்வதேச வர்த்தகக் கப்பல்கள் மீது ஈரான் நடத்திய தாக்குதல்களுக்குப் பதிலடியாக, அந்நாட்டின் 80-க்கும் மேற்பட்ட ராணுவ இலக்குகள் மீது அமெரிக்கப் படைகள் வான்வழித் தாக்குதல்களை நடத்திய சில மணி நேரங்களிலேயே ட்ரம்பின் இந்த அறிக்கை வெளியாகியுள்ளது.

ஈரானியத் தலைவர்களைக் கடுமையாகச் சாடிய ட்ரம்ப், ஈரானுடன் தொடர்ந்து பேச்சுவார்த்தை நடத்துவது என்பது முற்றிலும் வீணான காரியம் என்றும், இனிமேல் அவர்களுடன் எந்தவொரு உடன்பாடும் வைத்துக்கொள்ளத் தாம் விரும்பவில்லை என்றும் திட்டவட்டமாகக் குறிப்பிட்டுள்ளார்.

அமெரிக்காவின் இந்த அதிரடி நடவடிக்கையைக் ‘கடற்கொள்ளை’ என வர்ணித்துக் கடும் கண்டனம் தெரிவித்துள்ள ஈரான் வெளியுறவுத்துறை அமைச்சகம், அமெரிக்காவின் இத்தகைய சட்டவிரோதப் போக்கினால் உலகப் பொருளாதாரம் பெரும் சரிவைச் சந்திக்கும் எனக் எச்சரித்துள்ளது.

இரு நாடுகளுக்கும் இடையே அதிகரித்துள்ள இந்த நேரடி மோதல் போக்கு, வளைகுடா பிராந்தியத்தில் பெரும் பதற்றத்தை உருவாக்கியுள்ளதோடு சர்வதேசச் சந்தையில் கச்சா எண்ணெய் விலையிலும் மாற்றங்களை ஏற்படுத்தக்கூடும் என எதிர்பார்க்கப்படுகிறது.

வழக்கமாக நிதித்துறைச் செயலரும், பொருளாளரும் மட்டுமே கையெழுத்திடும் நடைமுறை உள்ள நிலையில், இந்த புதிய மாற்றம் ஒரு வரலாற்றுச் சிறப்புமிக்க நிகழ்வாகக் கருதப்படுகிறது.

அமெரிக்கப் பொருளாதாரக் கொள்கைகளில் அதிபரின் நேரடிப் பங்களிப்பைப் பறைசாற்றும் விதமாக இந்த நடவடிக்கை அமைந்துள்ளதாக அரசியல் வட்டாரங்களில் பார்க்கப்படுகிறது.

இந்நிலையில் அமெரிக்க அதிபர் டிரம்ப் கூறுகையில், மொஜ்தபா காமெனி ஒரு வேளை காயமடைந்திருக்கலாம் என்று நான் நினைக்கிறேன். ஆனால் அவர் ஏதோ ஒரு வடிவத்தில் உயிருடன் இருக்கலாம் என்று நினைக்கிறேன். ஈரானின் ஆட்சியை நாம் ராணுவ ரீதியாகவும், பொருளாதார ரீதியாகவும், மற்றும் பிற வகைகளிலும் முழுமையாக அழித்து வருகிறோம்.

ஈரானின் கடற்படை முற்றிலுமாக ஒழிக்கப்பட்டுவிட்டது. அவர்களின் விமானப்படை இனி இல்லை. ஏவுகணைகள், டிரோன்கள் மற்றும் பிற அனைத்தும் நிர்மூலமாக்கப்பட்டு வருகின்றன. ஈரானின் தலைவர்கள் பூமியின் முகப்பிலிருந்தே துடைத்தெறியப்பட்டுள்ளனர்.

கடந்த 47 ஆண்டுகளாக அவர்கள் உலகம் முழுவதும் அப்பாவி மக்களை கொன்று குவித்தனர். தற்போது, அமெரிக்காவின்47-வது அதிபராகிய நான் அவர்களை அழித்து வருகிறேன். அவ்வாறு செய்வது எத்துணை ஒரு பெரிய கவுரவம்” என்றார்.

சி.பி.எஸ். செய்தி நிறுவனத்திற்கு அதிபர் டிரம்ப் அளித்த பேட்டியில், “அமெரிக்க-இஸ்ரேலிய தாக்குதல் மிகவும் முழுமையானது என்று டிரம்ப் கூறியபோது பங்கு சந்தைகள் உயர்ந்தன. எனினும், பத்திரிகையாளர் சந்திப்பின் போது அவர் என்ன எதிர்பார்க்கலாம் என்பது குறித்து மாறுபட்ட கருத்துக்களை முன்வைத்தார்.

புளோரிடாவின் மியாமிக்கு அருகிலுள்ள தனது டோரல் நேஷனல் கோல்ஃப் கிளப்பில் செய்தியாளர்களிடம் பேசும் போது ஈரான் போர் முடிவுக்கு வருவது பற்றிய கேள்விக்கு பதில் அளித்த டிரம்ப், “நான் விரைவில், மிக விரைவில் போர் முடிவுக்கு வரும் என நினைக்கிறேன், அவர்களது தலைமை உள்பட அவர்களிடம் உள்ள அனைத்தும் போய்விட்டது,” என்று கூறினார்.

தொடர்ந்து பேசிய டிரம்ப் ஹார்முஸ் நீரினை மூடப்பட்டதால் கச்சா எண்ணெய் விலை கடுமையாக உயர்ந்து வருவது பற்றிய கேள்விக்கு பதிலளித்தார். அப்போது, “ஈரான் அதுபோன்ற செயல்களில் ஈடுபட்டால், அவர்கள் மீதான தாக்குதல் மேலும் தீவிரமடையும். நாம் அவர்களை மிகவும் கடுமையாகத் தாக்குவோம், அவர்கள் ஏதாவது செய்தால் கூட, அவர்களாலோ அல்லது அவர்களுக்கு உதவும் வேறு யாராலோ உலகின் அந்தப் பகுதியை ஒருபோதும் மீட்டெடுக்க முடியாது.

போர் கிட்டத்தட்ட முடிந்துவிட்டதாகவே நான் நினைக்கிறேன். அவர்களிடம் கடற்படை இல்லை, தகவல் தொடர்பு இல்லை, விமானப்படை இல்லை. அவர்களின் ஏவுகணைகள் சிதறடிக்கப்பட்டுள்ளன. அவர்களின் ட்ரோன்கள் எல்லா இடங்களிலும் வெடிக்கப்படுகின்றன, அவர்களின் ட்ரோன் உற்பத்தி உட்பட. நீங்கள் பார்த்தால், அவர்களிடம் எதுவும் மிச்சமில்லை. இராணுவ அர்த்தத்தில் எதுவும் மிச்சமில்லை,” என்று தெரிவித்தார்.

சர்வதேச அவசர பொருளாதார அதிகார சட்டம் 1977-ன் கீழ் இந்தப் பரஸ்பர வரி விதிப்பை டிரம்ப் அமல்படுத்தினார். அமெரிக்க அதிபர் டிரம்ப் தனது அதிகாரத்தை மீறி செயல்படுகிறார் எனக்கூறி அவர் விதித்த வரிகளை அந்நாட்டு உச்ச நீதிமன்றம் ரத்து செய்து உத்தரவிட்டது.

இதற்கிடையே, அமெரிக்காவுடன் வர்த்தக ஒப்பந்தங்களை எட்டிய நாடுகள் பேச்சுவார்த்தையில் ஒப்புக்கொள்ளப்பட்ட வரிகளுக்குப் பதிலாக தற்போது புதிய 10 சதவீத வரிகளை எதிர்கொள்வார்கள் என தெரிவித்தார். அதிபர் டிரம்ப் ட்ரூத் சோஷியல் தளத்தில் வெளியிட்ட அறிவிப்பில், இந்த வரி விகிதத்தை 15 சதவீதமாக உயர்த்த உள்ளதாக அதிரடியாக அறிவித்தார். இந்தப் புதிய 15 சதவீத வரி விதிப்பானது பிப்ரவரி 24-ம் தேதி முதல் நடைமுறைக்கு வரும் என தெரிவிக்கப்பட்டுள்ளது.

இந்நிலையில், உலக நாடுகள் மீதான ட்ரம்ப்பின் அதீத வரிவிதிப்பை, அமெரிக்க உச்ச நீதிமன்றம் ரத்து செய்துள்ள நிலையில், அதன் அடிப்படையில் வசூலிக்கப்பட்ட பல பில்லியன் கோடி டாலர் பணத்தை திரும்ப வழங்க வேண்டும் என்ற கோரிக்கை வலுத்துள்ளது.

அதிக வரி விதிப்பால், மக்களுக்கு ஏற்பட்ட விலை உயர்வு சட்டவிரோதமானது என இலினாய்ஸ் ஆளுநர் JB Britzker, கலிபோர்னியா ஆளுநர் Gavin Newsom நியூயார்க் ஆளுநர் Kathey Hochul ஆகியோர் காட்டமாக உள்ளனர்.

டிரம்ப் கூறியதாவது, “ஒப்பந்தம் செய்துகொள்வதில் ஈரான் ஆர்வம் காட்டி வருகிறது. பேச்சுவார்த்தை வெற்றிகரமாக அமையும் என்று நம்புகிறோம். அதே நேரத்தில், இப்பகுதியில் அமெரிக்கப் போர்க்கப்பல்களின் எண்ணிக்கையை அதிகரிப்பது குறித்தும் ஆலோசித்து வருகிறோம்.

ஈரான் ஒப்பந்தம் செய்து கொள்ளவில்லை என்றால் தாக்குதல் நடத்தப்படும். அணு ஆயுதங்கள் மற்றும் ஏவுகணைகள் குறித்து ஒப்பந்தம் எட்டப்பட வேண்டும். முந்தைய அமெரிக்க நிர்வாகம் ஈரானுடன் செய்துகொண்ட அணுசக்தி ஒப்பந்தம் மிகவும் முட்டாள்தனமான ஒப்பந்தம்” என்று தெரிவித்தார்.

கடந்த ஆண்டு ஜூன் 22 ஆம் தேதி ஈரான் மீது அமெரிக்க ராணுவம் போர் விமானங்கள் மூலம் வான்வழித் தாக்குதல் நடத்தியது. இதில் ஈரானின் அணுசக்தி நிலையங்கள் முற்றிலும் அழிக்கப்பட்டதாக டிரம்ப் கூறியிருந்தது குறிப்பிடத்தக்கது.

டிரம்ப்பின் மனைவி மெலனியாவின் வாழ்க்கை குறித்த ஆவணப் படத்தின் சிறப்புக் காட்சி நடந்தது. இதில் பங்கேற்ற டிரம்ப் நிருபர்களிடம் கூறும்போது, சீனாவுடன் வர்த்தகம் செய்வது இங்கிலாந்துக்கு மிகவும் ஆபத்தானது என்றார்.

இதுதொடர்பாக இங்கிலாந்து பிரதமர் ஸ்டார்மர் கூறும்போது, “இங்கிலாந்து மணலில் தலையை புதைத்துக்கொள்வது புத்திசாலித்தனமல்ல. சீனா உலகின் 2-வது பெரிய பொருளாதாரம் ஆகும். ஹாங்காங்குடன் சேர்த்து, சீனா எங்களது 3-வது பெரிய வர்த்தகப் பங்குதாரராக உள்ளது. எனது பயணத்தின் மூலம், வேலைவாய்ப்புகளுக்கும் செல்வத்தை உருவாக்குவதற்கும் நாங்கள் பல வாய்ப்புகளைத் திறந்துவிட்டுள்ளோம்” என்றார்.

இதற்கிடையே வெனிசுலா உச்சநீதிமன்ற உத்தரவுப்படி, துணை அதிபர் டெல்சி ரோட்ரிக்ஸ் அந்நாட்டின் இடைக்கால அதிபராக பொறுப்பேற்றுள்ள நிலையில், வாஷிங்டனில் நேற்று செய்தியாளர்களிடம் பேசிய டிரம்ப், ”வெனிசுலா அரசு அமெரிக்காவிற்கு ஒத்துழைக்கவில்லை என்றால் அந்த நாடு கடுமையான விளைவுகளைச் சந்திக்க நேரிடும்.

வெனிசுலாவில் எண்ணெய் தொழிலைத் தொடங்குவதற்கும், போதைப்பொருள் கடத்தலைத் தடுப்பதற்கும் அமெரிக்கா மேற்கொள்ளும் முயற்சிகளுக்கு அந்நாட்டு அரசு முட்டுக்கட்டை போட்டால், மீண்டும் ஒருமுறை ராணுவத் தாக்குதலுக்கு உத்தரவிடத் தயங்கமாட்டேன்.

சிறைபிடிக்கப்பட்டுள்ள நிக்கோலஸ் மதுரோ மீதான குற்றச்சாட்டுகள் நிரூபிக்கப்பட்டுள்ளதால், அவருக்கு நிச்சயம் தண்டனை கிடைக்கும்” என்று தெரிவித்துள்ளார்.

மேலும், அமெரிக்காவுக்கு எதிராக செயல்பட்டால் கொலம்பியா மற்றும் மெக்சிகோ நாடுகள் மீதும் ராணுவ நடவடிக்கை எடுக்கப்படலாம் என்றும் கியூபாவின் கம்யூனிச ஆட்சி தானாகவே வீழும் நிலையில் தான் உள்ளது என்றும் டிரம்ப் தெரிவித்தார்.

இதற்கிடையே இந்த எச்சரிக்கைகளுக்குப் பதிலளித்துள்ள இடைக்கால அதிபர் டெல்சி ரோட்ரிக்ஸ், வெனிசுலா தனது இயற்கை வளங்களைப் பாதுகாக்கும் என்று கூறியுள்ளார்.

இருப்பினும், அமெரிக்காவுடன் இணைந்து வளர்ச்சித் திட்டங்களில் பணியாற்றத் தயாராக இருப்பதாகவும், இரு நாடுகளுக்கும் இடையே கண்ணியமான உறவை ஏற்படுத்த முன்னுரிமை அளிக்கப்படும் என்றும் அவர் குறிப்பிட்டுள்ளார்.