football world cup – Chennaionline

உலகக் கோப்பை கால்பந்து தொடர் 2026 – ஆஸ்திரியாவை வீழ்த்தி ஸ்பெயின் வெற்றி

Sukumar J — Fri, 03 Jul 2026 08:55:22 +0000

உலகக்கோப்பை கால்பந்து தொடர் 2வது சுற்று ஆட்டம் அமெரிக்காவின் லாஸ் ஏஞ்சல்ஸ் மைதானத்தில் நடைபெற்றது. இதில் ஸ்பெயின் – ஆஸ்டிரியா அணிகள் மோதின.

முதல் பாதியின் 36வது நிமிடத்தில் ஸ்பெயின் அணியின் வீரர் மிகெல் ஒயார்ஜபால் ஆட்டத்தின் முதல் கோலை பதிவு செய்தார். இதன்பின் முதல் பாதி முழுவதும் மற்றொரு கோல் அடிக்க யாருக்கும் களம் சாதகமாக அமையவில்லை.

விறுவிறுப்புடன் சென்ற 2 ஆம் பாதியில் 66வது நிமிடத்தில் ஸ்பெயின் வீரர் பெட்ரோ ஒரு கோலும், 89வது நிமிடத்தில் மிகெல் மற்றொரு கோலும் அடிக்க 3-0 என முன்னிலை ஸ்பெயின் முன்னேறியது.

கடைசி வரை ஆஸ்திரியா கோல் அடிக்காத நிலையில் 3-0 என்ற கணக்கில் ஸ்பெயின் வென்றது.

உலகக் கோப்பை கால்பந்து தொடர் 2026 – செனகலை வெளியேற்றிய பெல்ஜியம்

Sukumar J — Thu, 02 Jul 2026 04:29:18 +0000

உலகக் கோப்பை கால்பந்து தொடரின் ரவுண்ட் ஆஃப் 32 சுற்றில் பெல்ஜியம் மற்றும் செனகல் அணிகள் மோதின. தொடக்கம் முதலே பரபரப்பாக நடந்த இந்தப் போட்டியின் 24-ஆவது நிமிடத்தில் செனகல் அணி தனது கோல் கணக்கை தொடங்கியது. அந்த அணியின் ஹபிப் டியாரா கோல் அடிக்க செனகல் அணி 1-0 கணக்கில் முன்னிலை பெற்றது.

இடைவெளிக்கு பிறகு ஆட்டம் தொடங்க, இரு அணிகளும் கோல் அடிக்க தீவிரம் காட்டின. ஆட்டத்தின் 51-ஆவது நிமிடத்தில் செனகல் அணியின் மௌசா நியாஹட் அசிஸ்ட்-இல் இஸ்மைலா சர் கோல் அடித்தார். இதனால் செனகல் அணி 2-0 கணக்கில் முன்னிலை பெற்றது.

தொடர்ந்து ஆட்டத்தின் 86-ஆவது நிமிடத்தில் பெல்ஜியம் அணிக்கு முதல் கோலை ரோமெலு லுகாகு அடித்தார். இவருக்கு தாமஸ் மியூனெய்ர் அசிஸ்ட் செய்தார். இதனால் பெல்ஜியம் அணி ஆட்டத்தில் போட்டியை ஏற்படுத்தும் வகையில் 1-2 என தனது கணக்கை தொடங்கியது. மீண்டும் சரியாக மூன்றே நிமிடங்களில் பெல்ஜியம் தனது இரண்டாவது கோலை அடித்தது. இதனால் ஆட்டம் சமநிலைக்கு வந்தது.

ஆட்டத்தின் 89-ஆவது நிமிடத்தில் லொனார்டோ ட்ரோசார்டு அசிஸ்ட் செய்ய யூரி டெய்லிமேன்ஸ் கோல் அடித்தார். இதனால் ஆட்டம் 2-2 என்ற கணக்கில் டிராவை நோக்கி சென்றது. ஆட்டத்தின் இறுதி வரை இரு அணிகளும் கோல் அடிக்கவில்லை. இதனால், கூடுதல் நேரம் வழங்கப்பட்டது.

கூடுதல் நேரத்தில் பெல்ஜியம் வீரர் யூரி டெய்லிமேன்ஸ் கோல் அடிக்க பெல்ஜியம் அணி 3-2 என முன்னிலை பெற்றது. மறுப்பக்கம் செனகல் மேற்கொண்ட கோல் அடிக்கும் முயற்சிகளுக்கு பலன் கிடைக்கவில்லை. ஆட்டத்தின் இறுதியில் பெல்ஜியம் அணி 3-2 கணக்கில் வெற்றி பெற்றது.

உலகக் கோப்பை கால்பந்து தொடர் 2026 – ஹைதியை வீழ்த்திய மொராக்கோ

Sukumar J — Thu, 25 Jun 2026 02:42:04 +0000

23-வது உலகக் கோப்பை கால்பந்து தொடர் அமெரிக்கா, மெக்சிகோ மற்றும் கனடாவில் நடைபெற்று வருகின்றன. இதில் அமெரிக்காவின் அட்லாண்டா மைதானத்தில் நடைபெற்ற இன்றைய ‘சி’ பிரிவு லீக் போட்டியில் மொராக்கோ – ஹைதி அணிகள் மோதின.

போட்டியின் 10-வது நிமிடத்தில் ஹைதி வீரர் யாசின் பவ்னவ் முதல் கோலை அடித்தார். மொராக்கோ வீரர் அச்ரப் ஹகீமி 39-வது நிமிடத்தில் கோல் அடித்து ஆட்டத்தை 1-1 என சமன் செய்தார். ஆனால் 43-வது நிமிடத்தில் ஹைதியின் வில்சன் இசிடோர் அணியின் 2வது கோலை அடிக்க, அந்த அணி 2-1 என முன்னிலை பெற்றது.

மொராக்கோ சார்பில் 46-வது நிமிடத்தில் இஸ்மாயில் சாய்பாரி, 78-வது நிமிடத்தில் சவுபியான் ரகீமி, 89-வது நிமிடத்தில் கெஸ்சிம் யாசின் தலா இரு கோல் அடித்து 4-2 கணக்கில் அணியை முன்னிலைப்படுத்தினர். இதன் பிறகு ஹைதி அணியால் எதிர் கோல் அடிக்க முடியவில்லை. இறுதியில் மொராக்கோ 4-2 என்ற கோல் கணக்கில் ஹைதியை வீழ்த்தி பெற்றி பெற்றது.