வழிநெடுகிலும் அமைக்கப்பட்டிருந்த இரும்புத் தடுப்புகளைக் கடந்து ஆகாஷவாணி பவன் வளாகத்திற்குள் நுழைய முயன்ற ராகுல் காந்தி, பிரியங்கா காந்தி, சமாஜ்வாதி எம்பி ஜியா-வுர்-ரஹ்மான் பார்க் உள்ளிட்ட தலைவர்களை தில்லி காவல்துறை அதிகாரிகள் தடுத்து நிறுத்தியதை அடுத்து, தலைவர்கள் அனைவரும் அப்பகுதியில் சாலையில் அமர்ந்து தொடர் போராட்டத்தில் ஈடுபட்டு வருகின்றனர்.

வாக்காளர் பட்டியல் திருத்தம் மற்றும் படிவம் 6 மாற்றம் தொடர்பான முறைகேடு புகார்களை முன்வைத்து ‘ஜனநாயகத்தைக் காப்போம்’ என்ற முழக்கத்துடன் நடைபெற்ற இப்போராட்டத்தில், பகுஜன் சமாஜ், சமாஜ்வாதி மற்றும் திரிணமூல் காங்கிரஸ் தலைவர்கள் பலரும் பங்கேற்ற நிலையில், அப்பகுதியில் பலத்த போலீஸ் மற்றும் அதிரடிப்படை பாதுகாப்புப் போடப்பட்டுள்ளது.