madhurandhagam

துராந்தகம் தொகுதி இடைத்தேர்தல் பிரச்சாரத்தில் தவெக தலைவரும் முதலமைச்சருமான சி. ஜோசப் விஜய் பங்கேற்றுப் பேசிய நிலையில், ஆட்சிப் பொறுப்பேற்று 120 நாட்களுக்கு மேலாகியும் தங்களின் சாதனைகளை முன்வைத்துப் பேசாமல் எதிர்க்கட்சிகள் மீதான குற்றச்சாட்டுகளையும், "விஜய் ஏன் முதல்வராகக் கூடாது?" என்ற அனுதாப அரசியலையுமே மீண்டும் கையில் எடுத்திருப்பதாக அரசியல் விமர்சகர்கள் கேள்வி எழுப்பியுள்ளனர். பிரச்சார மேடையில் எதிர்க்கட்சிகளின் ஊழல்கள் குறித்தும் தன் மீதான விமர்சனங்கள் குறித்தும் மட்டுமே விரிவாகப் பேசிய விஜய், கடந்த நான்கு மாத கால ஆட்சியில் எட்டப்பட்ட முக்கியச் சாதனைகளையோ அல்லது நிறைவேற்றப்பட்ட திட்டங்களையோ பெரிய அளவில் பட்டியலிடத் தவறிவிட்டதாகக் சுட்டிக்காட்டப்படுகிறது. அதிகாரத்திலும் முதலமைச்சர் நாற்காலியிலும் அமர்ந்துகொண்டே, இப்போதும் தங்களை எளிய மனிதர்களாகவும் பாதிக்கப்பட்டவர்களாகவும் சித்தரித்து வாக்காளர்களிடம் அனுதாபம் தேடும் தேர்தல் வியூகத்தைக் கையாள்வது ஏன் என எதிர்க்கட்சிகளும் காரசாரமாகச் சாடி வருகின்றன. சாதனைகளைச் சொல்லி வாக்கு சேகரிப்பதற்குப் பதிலாக இத்தகைய அனுதாப மற்றும் பாதுகாப்பு அரசியலையே தவெக முதன்மைப் பிரச்சார உத்தியாக மாற்றியிருக்கிறதா என்ற விவாதம் தற்போது தேர்தல் களத்தில் சூடுபிடித்துள்ளது.

madhurandhagam

மதுராந்தகம் தொகுதி இடைத்தேர்தல் – முதலமைச்சர் ஜோசப் விஜயின் பேச்சுக்கு வலுக்கும் எதிர்ப்பு