கோடை வெப்பத்தைத் தணிக்கவும், விடுமுறையைக் கொண்டாடவும் மணிமுத்தாறு அருவிக்குத் தினமும் ஏராளமான பொதுமக்கள் மற்றும் சுற்றுலாப் பயணிகள் வந்து செல்லும் சூழலில், திடீரென ஏற்பட்ட இந்த வெள்ளப்பெருக்கு காரணமாக இந்தத் தற்காலிகத் தடை விதிக்கப்பட்டுள்ளது.

அருவியில் நீர்வரத்து சீராகி, இயல்பு நிலை திரும்பும் வரை இந்தத் தடை நீடிக்கும் என்றும், மறு உத்தரவு வரும் வரை சுற்றுலாப் பயணிகள் வனத்துறையினரின் கட்டுப்பாடுகளுக்கு ஒத்துழைப்பு அளிக்க வேண்டும் என்றும் அதிகாரிகள் கேட்டுக் கொண்டுள்ளனர். மேற்குத் தொடர்ச்சி மலைப்பகுதியில் தொடர்ந்து மழை பெய்து வருவதால், அருவிப் பகுதி தீவிரமாகக் கண்காணிக்கப்பட்டு வருகிறது.