medical students

மருத்துவக் கல்வித் தரத்தை மேம்படுத்தும் மற்றும் மாணவர்களின் எதிர்காலத்தைப் பாதுகாக்கும் முக்கிய முடிவாக, எம்பிபிஎஸ் முதல் ஆண்டு மாணவர்களுக்கான தேர்ச்சி விதிகளில் தேசிய மருத்துவ ஆணையம் (NMC) புதிய திருத்தங்களைக் கொண்டுவந்துள்ளது. இதன் அடிப்படையில், எம்பிபிஎஸ் முதலாம் ஆண்டு தேர்வுகளில் மாணவர்கள் தேர்ச்சி பெற இனி மொத்தம் ஐந்து வாய்ப்புகள் வழங்கப்படும் என்றும், இந்தத் தேர்வுகளை முதல் நான்கு முயற்சிகளுக்குள் முழுமையாக எழுதி முடிக்க வேண்டும் என்றும் ஆணையம் தெளிவுபடுத்தியுள்ளது. ஒரு மாணவர் எம்பிபிஎஸ் படிப்பில் சேர்ந்த நாள் முதல் அதிகபட்சம் நான்கு ஆண்டுகளுக்குள் தனது முதல் ஆண்டு தேர்வுகளில் தேர்ச்சி பெறுவது கட்டாயமாக்கப்பட்டுள்ளது. குறிப்பிட்ட இந்த அவகாசத்திற்குள்ளும் அல்லது அனுமதிக்கப்பட்ட ஐந்து முயற்சிகளுக்குள்ளும் முதல் ஆண்டு தேர்வில் வெற்றி பெறத் தவறும் பட்சத்தில், அந்த மாணவர் மருத்துவப் படிப்பில் இருந்து முழுமையாக விடுவிக்கப்படுவார் (நீக்கப்படுவார்) என்ற கடுமையான விதிமுறையும் அமல்படுத்தப்பட்டுள்ளது. பல வருடங்களாக மன உளைச்சலுக்கும் கடுமையான அழுத்தத்திற்கும் ஆளாகி வந்த மருத்துவ மாணவர்களின் கல்வி வாழ்வையும் மனநலனையும் பாதுகாக்கும் நோக்கில் இந்தச் சீர்திருத்தம் கொண்டுவரப்பட்டுள்ளதாகக் கல்வியாளர்களும் மாணவர்களும் வரவேற்பு தெரிவித்துள்ளனர்.

medical students

முதலாம் ஆண்டு மருத்துவ படிப்பு மாணவர்களுக்கான தேர்ச்சி விதிகளில் புதிய திருத்தம்!