மதுரையின் அரசியான மீனாட்சி அம்மனுக்குப் பட்டு வஸ்திரம் சாத்தப்பட்டு, வைரக் கற்கள் பதித்த திருமாங்கல்யம் அணிவிக்கப்பட்ட அந்தப் புனிதமான தருணத்தில், அங்கிருந்த ஒட்டுமொத்த பக்தர் கூட்டமும் “மீனாட்சி… சொக்கநாதா…” என்ற முழக்கத்துடன் தங்கள் கரகோஷங்களை எழுப்பினர்.

இந்த தெய்வீகத் திருமணத்தைக் காண்பதற்காக நாட்டின் பல்வேறு பகுதிகளில் இருந்தும் லட்சக்கணக்கான மக்கள் மதுரையில் திரண்டுள்ள நிலையில், திருக்கல்யாணம் முடிந்தவுடன் மங்கல நாண் மாற்றிக் கொள்ளும் வழக்கப்படி பெண் பக்தர்கள் அனைவரும் புதிய தாலிச் சரடை மாற்றிக் கொண்டு தங்களின் மாங்கல்ய பலம் பெருக வேண்டிக் கொண்டனர்.