சர்வதேச சந்தையில் கச்சா எண்ணெய் விலை குறைந்தபோதிலும், மத்திய அரசு தொடர்ந்து எரிபொருள் விலையை உயர்த்திப் பொதுமக்களை வசிப்பதாகக் குற்றம் சாட்டி இந்த போராட்டம் நடைபெற்றது.

இதன் ஒரு பகுதியாக, எரிபொருள் விலை உயர்வுக்கு எதிரான தங்களின் கடுமையான எதிர்ப்பைப் பதிவு செய்யும் விதமாக, ஆவேசமடைந்த இடதுசாரி தொழிற்சங்கத் தொழிலாளர் ஒருவர் சாலையிலேயே மோட்டார் சைக்கிள் (பைக்) ஒன்றை தீயிட்டுக் கொளுத்தி தங்களின் எதிர்ப்பை வெளிப்படுத்தியதால் அந்தப் பகுதியில் பெரும் பரபரப்பு ஏற்பட்டது.

இந்த நிலையில், சென்னையில் பெட்ரோல், டீசல் விலை இன்று 7 வது முறையாக உயரத்தப்பட்டுள்ளது. அதன்படி, பெட்ரோல் விலை லிட்டருக்கு 24 காசுகள் அதிகரித்து ஒரு லிட்டர் பெட்ரோல் ரூ.108.01-க்கும், டீசல் லிட்டருக்கு 23 காசுகள் அதிகரித்து ஒரு லிட்டர் ரூ.99.78-க்கும் விற்பனை செய்யப்படுகிறது.

பெட்ரோல், டீசல் விலை இப்படி தொடர்ந்து அதிகரித்து வருவதால் வாகன ஓட்டிகள் கலக்கம் அடைந்துள்ளனர்.

சுவிட்சர்லாந்தில் நடைபெற்ற மாநாட்டில் கலந்துகொண்ட அவர், நிதி சார்ந்த விஷயங்களில் இந்திய அரசு கவனமாக செயல்பட்டு வருவதாக தெரிவித்துள்ளார். மேலும், ஹார்முஸ் நீரிணை வழியாக எண்ணெய் மற்றும் எரிவாயு எடுத்து செல்வதற்கு ஈரான் கடும் கட்டுப்பாடு விதித்துள்ள நிலையில், எரிவாயுக்களின் மீதான விலை உயர்ந்துள்ளதாக மல்ஹோத்ரா தெரிவித்துள்ளார்.

கடந்த பிப்ரவரி மாதம் 28 ஆம் தேதி தொடங்கி மத்திய கிழக்கில் தொடர்ந்து போர் நடந்து வரும் சூழலில், இந்தியாவில் பெட்ரோல் மற்றும் டீசல் விலை மீதான விலை உயர்த்தப்படவில்லை என்றும் ரிசர்வ் வங்கி ஆளுநர் சஞ்சய் மல்ஹோத்ரா தெரிவித்துள்ளார்.

இந்த தட்டுப்பாட்டை தொடர்ந்து பெட்ரோல், டீசல் தட்டுப்பாடு நிலவுவதாக சமூக வலைதளங்களில் வதந்தி பரவியது. இதனால் நாடு முழுவதும் பெட்ரோல் விற்பனை மையங்களில் நீண்ட வரிசையில் கார்கள் மற்றும் இருசக்கர வாகனங்கள் அணிவகுத்து நின்று எரிபொருளை நிரப்பிச் செல்லும் நிலை காணப்படுகிறது. ஹோர்முஸ் நீரிணையில் சிக்கல் இருந்தாலும், இந்தியா 40-க்கும் மேற்பட்ட உலகளாவிய விநியோகஸ்தர்களிடமிருந்து கச்சா எண்ணெயைப் பெற்று வருவதாகவும் தெரிவிக்கப்பட்டுள்ளது.

அமெரிக்கா, ரஷ்யா, ஆஸ்திரேலியா போன்ற நாடுகளில் இருந்து பெரிய அளவிலான சமையல் எரிவாயு சரக்குகள் இந்தியா வந்து கொண்டிருப்பதாகவும், அடுத்த ஒரு மாதத்திற்கு தேவையான சமையல் எரிவாயு உறுதி செய்யப்பட்டிருப்பதாகவும் விளக்கமளிக்கப்பட்டுள்ளது.
இந்த நிலையில், மத்திய நிதி அமைச்சகத்தின் கீழ் உள்ள வருவாய்த் துறை, பெட்ரோல் மற்றும் டீசல் மீதான கலால் வரியைக் குறைப்பதாக அறிவித்துள்ளது. உலகளாவிய கச்சா எண்ணெய் விலை உயர்ந்து வரும் நிலையிலும், எண்ணெய் சந்தைப்படுத்தல் நிறுவனங்கள் உள்நாட்டு விலைகளை நிலையாகப் பராமரிக்க அரசின் இந்த நடவடிக்கை உதவும் என்று கூறப்பட்டுள்ளது.

இதன்படி பெட்ரோல் ஒரு லிட்டருக்கு 13 ரூபாயில் இருந்து 3 ரூபாயாகக் குறைக்கப்பட்டுள்ளது. டீசல் ஒரு லிட்டருக்கு 10 ரூபாயில் இருந்து பூஜ்ஜியமாகக் குறைக்கப்பட்டுள்ளது.இதன் மூலம் பெட்ரோல், டீசல் விலை உயர்வு தவிர்க்கப்படும் என்றும், உற்பத்தி நிறுவனங்களுக்கு ஏற்படும் சுமை குறையும் என்றும் தெரிவிக்கப்பட்டுள்ளதாக அரசுத்துறை வட்டாரங்கள் தெரிவித்துள்ளன. இந்த நிலையில், எரிபொருள் இருப்பு மற்றும் சீரான விநியோகத்தை உறுதி செய்வது குறித்து, அனைத்து மாநில முதலமைச்சர்களுடன் பிரதமர் மோடி இன்று (மார்ச் 27) ஆலோசனை நடத்த உள்ளார்.

கியாஸ் சிலிண்டரை போன்று பெட்ரோல்-டீசலுக்கும் தட்டுப்பாடு ஏற்பட போவதாகவும், இதனால் பெட்ரோல், டீசலின் விலை அதிரடியாக உயர வாய்ப்புள்ளது என்றும் திடீரென வதந்தி பரவியது. இதன் காரணமாக வாகன ஓட்டிகள் பெட்ரோல் பங்க்குகளுக்கு படையெடுத்தனர். தங்களது வாகனங்களுக்கு பெட்ரோல் போட்டது போக, கேன் மற்றும் பாட்டில்களிலும் பெட்ரோல் மற்றும் டீசலை பிடித்து சென்றனர்.

இதனை தொடர்ந்து எண்ணெய் நிறுவனங்கள் சார்பிலும் பெட்ரோல்-டீசல் பங்க் உரிமையாளர்கள் சங்கத்தினரும் தமிழகத்தில் பெட்ரோல், டீசல் வினியோகத்தில் எந்தவித தட்டுப்பாடும் இல்லை. எனவே பொதுமக்கள் அது தொடர்பாக பீதியடைந்து பெட்ரோல் பங்க்குகளில் மொத்தமாக குவிய வேண்டாம் என்று வேண்டுகோள் விடுத்தனர்.

இருப்பினும் பல இடங்களில் பெட்ரோல் பங்க்குகளில் கூட்டம் அலைமோதியது. சென்னை உள்பட தமிழகம் முழுவதும் பல மாவட்டங்களில் பெட்ரோல் பங்க்குகளில் வாகன ஓட்டிகள் அலைமோதி வருகிறார்கள். இதனை கருத்தில் கொண்டு பெட்ரோல் பங்க்குளில் கேன் மற்றும் பாட்டில்களில் பெட்ரோல்-டீசல் விற்பனைக்கு தடை விதிக்கப்பட்டுள்ளதாக பெட்ரோல் பங்க் உரிமையாளர்கள் சங்கத் தலைவர் முரளி தெரிவித்துள்ளார்.

இதுதொடர்பாக பெட்ரோல் பங்க் உரிமையாளர்கள் கூறும்போது, பெட்ரோல், டீசல் தட்டுப்பாடு ஏற்படவில்லை. வாகனங்களுக்கு தேவைப்படும் அளவுக்கு பெட்ரோல்-டீசல் இருப்பு உள்ளது. எனவே, வாகனங்களுக்கு மட்டும் பெட்ரோல் போடுவதற்கு முடிவு செய்துள்ளோம். பொதுமக்கள் கேன்களை தூக்கிக் கொண்டு பெட்ரோல் பங்க்குகளுக்கு வர வேண்டாம் என்று கேட்டுக்கொண்டுள்ளனர்.

இந்நிலையில் பெட்ரோல் பங்க்குகளுக்கு போலீஸ் பாதுகாப்பு வழங்கக்கோரி டிஜிபிக்கு தமிழ்நாடு பெட்ரோலிய விற்பனையாளர்கள் சங்கம் கடிதம் எழுதி உள்ளது. பெட்ரோல் பங்க்குகளில் நிலவும் செயற்கை தட்டுப்பாடு, கூட்ட நெரிசலைக் கருத்தில் கொண்டு போலீஸ் பாதுகாப்பு வழங்க வேண்டும். நகர்ப்புறங்களில் உள்ள பெட்ரோல் நிலையங்களில் தலா ஒரு காவலரை பாதுகாப்பு பணியில் ஈடுபடுத்த வேண்டும் என்று கோரிக்கை விடுத்துள்ளது.

மேலும், இந்த போர், கச்சா எண்ணெய் உற்பத்தி செய்யும் நாடுகளையும் சூழ்ந்து விட்டதால், உற்பத்தி குறைந்து விட்டது. ஈராக், குவைத், ஐக்கிய அரபு அமீரகம் ஆகிய நாடுகள் கச்சா எண் ணெய் ஏற்றுமதி செய்ய முடியாதநிலையில், சேமிப்பு கிடங்குகள் நிரம்பி வழிகின்றன. எனவே, கச்சா எண்ணெய் உற்பத்தியை அந்நாடுகள் குறைத்து விட்டன.

ஈரான் தலைநகர் டெஹ்ரானில் உள்ள எண்ணெய் வயல்கள் மீது இஸ்ரேல் தாக்குதல் நடத்தி உள்ளது. அதனால் ஈரானில் இருந்து நாள்தோறும் 16 லட்சம் பீப்பாய் கச்சா எண்ணெய் ஏற்றுமதி செய்வது பாதிக்கப்பட்டுள்ளது. இந்த காரணங்களால் உலகின் பெரும்பாலான நாடுகளில் கச்சா எண்ணெய் வரத்து குறைது விட்டது. அதனால் நேற்று கச்சா எண்ணெய் விலை கணிசமாக உயர்ந்தது.

இந்நிலையில் நாடு முழுவதும் எரிபொருள் தட்டுப்பாடு ஏற்பட்டுள்ளதாக செய்திகள் பரவி வரும் நிலையில் ஹிந்துஸ்தான் பெட்ரோலியம் நிறுவனம் குறுஞ்செய்தி மூலமாக வாடிக்கையாளர்களுக்கு விளக்கம் அளித்துள்ளது. நாட்டில் எரிபொருள் தட்டுப்பாடு ஏற்பட்டுள்ளதாக வெளியாகும் செய்திகளை நம்ப வேண்டாம். நாட்டில் தேவைக்கு அதிகமாக எரிபொருள் கையிருப்பில் உள்ளது. சமூக வலைதளங்களில் ஆதாரமற்ற செய்திகள் பரவி வருவதாக விளக்கம் அளித்துள்ளது.

உலகின் ஒட்டுமொத்த எண்ணெய் தேவையில் ஐந்தில் ஒரு பங்கு, அதாவது 20% இந்தப் பாதை வழியாகவே செல்கிறது. தினமும் சுமார் 2 கோடி பேரல் கச்சா எண்ணெய் மற்றும் எரிபொருள் இதன் வழியாகக் கொண்டு செல்லப்படுகிறது.

ஹார்முஸ் ஜலசந்தியை இரான் முடக்கியதால் என்ன ஆகும்?

ஹார்முஸ் ஜலசந்தியை மூடுவதாக ஈரான் அறிவித்துள்ளதால் அவ்வழியே செல்லும் எல்லா கப்பல்களையும் அவர்கள் நிறுத்த வேண்டியதில்லை. அதற்கு மாறாக கடலில் குண்டு வைக்கலாம். அவ்வழியே வரும் கப்பல்கள் மீது டிரோன் தாக்குதல் நடத்தலாம் அல்லது கப்பல்களை சிறைபிடிக்கலாம். இதனால் அந்த பாதை வழியிலான கப்பல் போக்குவரத்து அதிக ஆபத்து நிறைந்ததாக ஆகிவிடும்.

கப்பல்கள் கடலில் செல்ல Marine Insurance அவசியம். இப்போது ஹார்முஸ் ஜலசந்தி ஆபத்தான பாதையாக மாறியுள்ளதால் அப்பகுதி செல்லும் கப்பல்களின் இன்சூரன்ஸ் இப்போது பலமடங்கு அதிகரிக்கும். கிட்டத்தட்ட இன்சூரன்ஸ் பிரீமியம் தொகை 25 மடங்கு கூட அதிகரிக்கலாம். இன்சூரன்ஸ் பிரீமியம் அதிகரித்தால் அந்த பாதை வழியாக கப்பல் நிறுவனங்கள் செல்ல விரும்பாது. இதனால் எண்ணெய் போக்குவரத்து குறைந்து பெட்ரோல் டீசல் விலை தாறுமாறாக உயரும்.

அதாவது ஈரான் ஹார்முஸ் ஜலசந்தியை முழுவதுமாக முடக்காமல் அச்சுறுத்தல் கொடுத்தாலே கப்பல்களுக்கான இன்சூரன்ஸ் தொகை உயர்ந்துவிடும். இதனால் கப்பல் போக்குவரத்து குறைந்து கச்சா எண்ணெய் விலை உயர்ந்து விடும். ஆதலால் போர் என்பது வெறும் குண்டு மட்டும் அல்ல, சில நேரங்களில் இத்தகைய பொருளாதார கணக்குகளும் போருக்கான பெரிய ஆயுதமாக பயன்படுத்தப்படும் என்பதற்கு ஹார்முஸ் ஜலசந்தியை முடக்கிய ஈரானின் நடவடிக்கை நமக்கு உணர்த்துகிறது.