poori jeganathar der festival mela

உத்தரப் பிரதேச மாநிலத்தின் ஆன்மீகத் தலைநகரான வாரணாசியில் (காசி), உலகப் புகழ்பெற்ற புரி ஜெகந்நாதர் ரத யாத்திரையை ஒட்டி, மூன்று நாட்கள் நடைபெறும் பாரம்பரிய சிறப்புமிக்க ரத யாத்திரை திருவிழா மற்றும் கண்காட்சி (Mela) கோலாகலமாகத் தொடங்கியுள்ளது. காசியில் உள்ள வரலாற்றுப் புகழ்பெற்ற ஜெகந்நாதர் ஆலயத்தில் இருந்து விமரிசையாகத் தொடங்கியுள்ள இந்த விழாவில், அழகிய மலர்களாலும் துணிகளாலும் அலங்கரிக்கப்பட்ட பிரம்மாண்ட தேரில் பலராமர் மற்றும் சுபத்ரா தேவியுடன் அமர்ந்து ஜெகந்நாதர் வீதி உலா வந்து பக்தர்களுக்கு அருள்பாலிக்கிறார். 'ஜெய் ஜெகந்நாத்' என்ற பக்தி முழக்கங்கள் காசி மாநகரெங்கும் எதிரொலிக்க, நாட்டின் பல்வேறு பகுதிகளில் இருந்தும் வருகை தந்துள்ள ஆயிரக்கணக்கான பக்தர்கள் நீண்ட வரிசையில் நின்று மழையையும் பொருட்படுத்தாமல் இறைவனைத் தரிசித்து, தேரை வடம்பிடித்து இழுத்து தங்களின் நேர்த்திக்கடனைச் செலுத்தி வருகின்றனர். இந்த மூன்று நாட்களும் அப்பகுதியில் அமைக்கப்பட்டுள்ள பிரம்மாண்ட திருவிழாக் கடைகளில் வாரணாசியின் பாரம்பரியக் கைவினைப் பொருட்கள், பொம்மைகள் மற்றும் சுவையான உள்ளூர் உணவுகள் விற்பனை செய்யப்படுவதுடன், பஜனைகள் மற்றும் பாரம்பரிய ஒடிசி, நாட்டுப்புற நடனங்கள் உள்ளிட்ட பல்வேறு கலை நிகழ்ச்சிகளும் அரங்கேறி ஒட்டுமொத்த காசியையும் ஆன்மீகப் பெருவிழாக் கோலமாக மாற்றியுள்ளன.

poori jeganathar der festival mela

வாரணாசியில் கோலாகலமாக தொடங்கிய ரத யாத்திரை திருவிழா மற்றும் கண்காட்சி