குறிப்பாக உணவுப் பணவீக்கம் செப்டம்பரில் 7.74 சதவீதமாக இருந்த நிலையில், அக்டோபர் மாதத்தில் 8.94 சதவீதமாக எகிறியுள்ளது. இதில் வெங்காயத்தின் விலை 116.22 சதவீதமும், பூண்டு 60.74 சதவீதமும், இஞ்சி 48.32 சதவீதமும், எலுமிச்சை 47.30 சதவீதமும் உயர்ந்து சாமானிய மக்களின் குடும்ப பட்ஜெட்டைப் பதம் பார்த்துள்ளது.

நாட்டிலேயே பெரிய மாநிலங்களைப் பொறுத்தவரை தமிழகத்தில் தான் அதிகபட்சமாக 7.29 சதவீத பணவீக்கம் பதிவாகியுள்ள நிலையில், தெலங்கானா (7.26%), ஆந்திரப் பிரதேசம் (7.25%) ஆகிய மாநிலங்களும் கடும் விலைவாசி உயர்வைச் சந்தித்துள்ளன. பணவீக்கம் தொடர்ந்து 12-வது மாதமாக அதிகரித்து வருவதும், ரிசர்வ் வங்கியின் கட்டுப்பாட்டு வரம்பான 2 முதல் 6 சதவீதத்தைத் தாண்டியிருப்பதும் பொருளாதார வட்டாரத்தில் கவலையை ஏற்படுத்தியுள்ளது.

இதன் காரணமாக, வரும் டிசம்பர் 2 முதல் 4-ஆம் தேதி வரை நடைபெறவுள்ள ரிசர்வ் வங்கியின் நிதிக் கொள்கைக் குழு (MPC) கூட்டத்தில் ரெப்போ வட்டி விகிதம் மேலும் 25 அடிப்படைப் புள்ளிகள் உயர்த்தப்பட வாய்ப்புள்ளதாகப் பொருளாதார வல்லுநர்கள் கணித்துள்ளனர்.