school exam – Chennaionline

1வது முதல் 9ம் வகுப்பு மாணவர்களுக்கான இந்த கல்வியாண்டின் முழு ஆண்டுத் தேர்வு கால அட்டவணை வெளியீடு!

Sukumar J — Sun, 22 Mar 2026 07:05:43 +0000

தமிழகத்தில் 1வது முதல் 9-ஆம் வகுப்பு வரையிலான மாணவர்களுக்கான 2025-2026 கல்வியாண்டின் முழு ஆண்டுத் தேர்வு கால அட்டவணையை பள்ளிக்கல்வித்துறை வெளியிட்டுள்ளது. தமிழகத்தில் கோடைக்காலம் மற்றும் சட்டமன்றத் தேர்தல் பணிகளைக் கருத்தில் கொண்டு, பள்ளி மாணவர்களுக்கான தேர்வுகள் ஏப்ரல் 1-ம் தேதி தொடங்கி 16-ம் தேதிக்குள் முடிக்கும் வகையில் திட்டமிடப்பட்டுள்ளது.

வகுப்பு வாரியான தேர்வு தேதிகள்:

1 வது முதல் 3-ஆம் வகுப்பு மாணவர்களுக்கு ஏப்ரல் 8, 2026 தேர்வுகள் தொடங்கி ஏப்ரல் 16, 2026 தேர்வுகள் முடிவடைகிறது.

4 வது மற்றும் 5-ஆம் வகுப்பு மாணவர்களுக்கு ஏப்ரல் 6, 2026 தேர்வுகள் தொடங்கி ஏப்ரல் 16, 2026 தேர்வுகள் முடிவடைகிறது.

தேர்வுகள் ஏப்ரல் 16-ம் தேதியோடு நிறைவடைவதால், மாணவர்களுக்கு ஏப்ரல் 17, 2026 முதல் கோடை விடுமுறை தொடங்குகிறது. ஏப்ரல் 23-ம் தேதி தமிழக சட்டமன்றத் தேர்தல் நடைபெற உள்ளதால், பள்ளி வளாகங்கள் வாக்குச்சாவடிகளாக மாற்றப்பட உள்ளன. இதைக் கருத்தில் கொண்டே ஏப்ரல் 16-க்குள் தேர்வுகளை முடிக்க அரசு உத்தரவிட்டுள்ளது.

2026-2027 புதிய கல்வியாண்டிற்கான பள்ளிகள் தொடங்கும் நாள் ஜூன் 1, 2026 (திங்கட்கிழமை) இருக்கும் என எதிர்பார்க்கப்படுகிறது. 1 வது முதல் 3-ஆம் வகுப்பு மாணவர்களுக்கு ‘எண்ணும் எழுத்தும்’ திட்டத்தின் கீழ் மதிப்பீட்டுத் தேர்வுகள் நடைபெறும். 6 முதல் 9-ஆம் வகுப்பு மாணவர்களுக்கு மாநில அளவில் பொதுவான வினாத்தாள்கள் வழங்கப்பட வாய்ப்புள்ளது.

10, 12ம் வகுப்பு பொதுத்தேர்வு அட்டவணை வெளியீடு

Sukumar J — Tue, 04 Nov 2025 16:32:18 +0000

நடப்பு கல்வியாண்டில் 10, 12-ம் வகுப்பு பொதுத்தேர்வு அட்டவணையை பள்ளிக்கல்வித்துறை அமைச்சர் அன்பில் மகேஷ் பொய்யமொழி இன்று வெளியிட்டார். அதன்படி,

* பத்தாம் வகுப்பு பொதுத்தேர்வு மார்ச் 11-ம் தேதி தொடங்கி ஏப்ரல் 6-ந்தேதி வரை நடைபெறும்.

* 8.70 லட்சம் மாணவர்கள் 10-ம் வகுப்பு பொதுத்தேர்வை எழுத உள்ளனர்.

* பன்னிரண்டாம் வகுப்பு பொதுத்தேர்வு மார்ச் 2-ந்தேதி தொடங்கி மார்ச் 26-ந்தேதி வரை நடைபெறுகிறது.

* பன்னிரண்டாம் வகுப்பு பொதுத்தேர்வு 8.7 லட்சம் மாணவர்கள் எழுத உள்ளனர்.

* 11-ம் வகுப்பு அரியர் தேர்வு மார்ச் 3-ந்தேதி தொடங்கி மார்ச் 27-ந்தேதி நடைபெறும்.

* 12-ம் வகுப்பு மாணவர்களுக்கான தேர்வு முடிவுகள் மே மாதம் 8-ந்தேதி வெளியிடப்படும்.

* 10-ம் வகுப்பு மாணவர்களுக்கான தேர்வு முடிவுகள் மே மாதம் 20-ந்தேதி வெளியிடப்படும்.

2025-26 கல்வியாண்டுக்கான காலாண்டு, அரையாண்டுத் தேர்வு அட்டவணை வெளியீடு

Sukumar J — Tue, 29 Jul 2025 14:55:33 +0000

2025 – 26-ம் கல்வியாண்டிற்கான பொதுத்தேர்வு கால அட்டவணை அக்டோபரில் வெளியிடப்படும் என பள்ளி கல்வித்துறை அமைச்சர் அன்பில் மகேஸ் தெரிவித்துள்ளார். 2025-26 கல்வியாண்டுக்கான காலாண்டு, அரையாண்டுத் தேர்வு அட்டவணை வெளியிடப்பட்டுள்ளது.

1 முதல் 12-ம் வகுப்புகளுக்கு செப்டம்பர் 18ல் தொடங்கி 26ம் தேதியில் காலாண்டுத் தேர்வு முடிவடைகிறது. செப்டம்பர் 27 முதல் 30-ம் தேதி வரை காலாண்டு விடுமுறை அறிவிக்கப்பட்டுள்ளது.

டிசம்பர் 15-ம் தேதி அரையாண்டுத் தேர்வு தொடங்கி 23-ம் தேதியுடன் நிறைவடைகிறது. டிசம்பர் 24 முதல் ஜனவரி 1 வரை அரையாண்டு விடுமுறை அறிவிக்கப்பட்டுள்ளது.

2025 – 26-ம் கல்வியாண்டிற்கான பொதுத்தேர்வு கால அட்டவணை அக்டோபரில் வெளியிடப்படும் என அமைச்சர் அன்பில் மகேஸ் தெரிவித்துள்ளார்.

இதுதொடர்பாக அவர் தனது எக்ஸ் தளத்தில் வெளியிட்டுள்ள செய்தியில், முதலமைச்சர் மு.க.ஸ்டாலின் அவர்களின் ஆலோசனையின்படி, கடந்தாண்டு போலவே 2025-2026-ம் கல்வியாண்டிற்கான பொதுத்தேர்வு கால அட்டவணை அக்டோபர் மாதம் வெளியிடப்படும். இத்துடன் பள்ளிக் கல்வித்துறையின் (2025-2026) நாட்காட்டியில் குறிப்பிடப்பட்டுள்ள காலாண்டு/அரையாண்டுத் தேர்வுக்கான தேதிகள் அடங்கிய பக்கங்களை இணைத்துள்ளோம். மாணவர்கள் மகிழ்ச்சியுடன் தன்னம்பிக்கையோடு தயார் ஆகுங்கள் என பதிவிட்டுள்ளார்.