புரட்டாசி மாதத்தில் கொடியேற்றத்துடன் விமரிசையாகத் தொடங்கி ஒன்பது நாட்கள் நடைபெற்ற இம்மாபெரும் திருவிழாவின் நிறைவைக் குறிக்கும் வகையில், ஸ்ரீதேவி பூதேவி சமேத மலையப்ப சுவாமி மற்றும் சக்கரத்தாழ்வார் உற்சவ மூர்த்திகள் சிறப்பு அலங்காரத்தில் திருமலையில் உள்ள சுவாமி புஷ்கரணிக்கு ஊர்வலமாகக் கொண்டுவரப்பட்டனர். வேத பண்டிதர்களின் வேத மந்திரங்கள் முழங்க, மங்கள வாத்தியங்கள் ஒலிக்க, ஆயிரக்கணக்கான பக்தர்கள் ‘கோவிந்தா… கோவிந்தா…’ என்ற பக்தி கோஷங்களுடன் புனித நீராடிச் சக்கரத்தாழ்வாரைத் தரிசித்தனர்.

இந்த ஆண்டுக்கான பிரம்மோற்சவ நிகழ்வுகள் அனைத்தும் எந்தவிதத் தடையுமின்றி மிகவும் சிறப்பாகவும் பக்தியுடன் நிறைவு பெற்றதைக் குறிக்கும் விதமாக நடைபெற்ற இந்தச் சக்கர ஸ்நான விழாவில் லட்சக்கணக்கான பக்தர்கள் கலந்துகொண்டு ஏழுமலையானின் அருளைப் பெற்றனர்.

இந்த நிலையில் கடந்த மாதம் 12-ந் தேதி தரிசனத்திற்கு வந்த பக்தர்களின் எண்ணிக்கை அதிகரித்து இருந்ததால் ஒரே நாளில் 4,86,134 லட்டுகள் விற்பனையாகி சாதனை படைத்தது. லட்டு விற்பனை மூலம் தேவஸ்தானத்திற்கு ரூ 2.43 கோடி வருவாய் கிடைத்தது. கடந்த ஆண்டு ஒரே நாளில் 3.24 லட்சம் லட்டுகள் விற்பனையானது. இதே போல் கடந்த ஆண்டு 1 கோடியே 4 லட்சத்து 57 ஆயிரத்து 350 லட்டுகள் விற்பனை செய்யப்பட்டது.

கடந்த ஜூலை மாதம் திருப்பதி தேவஸ்தானம் சார்பில் பக்தர்களின் தேவையை பூர்த்தி செய்வதற்காக 2 கோடியே 24 லட்சத்து 40 ஆயிரத்து 82 லட்டுகள் தயார் செய்யப்பட்டது. தற்போது பக்தர்களுக்கு வழங்குவதற்காக கூடுதலாக 4 லட்சம் லட்டுக்கள் இருப்பு வைத்துள்ளதாக தேவஸ்தான அதிகாரிகள் தெரிவித்தனர்.

திருப்பதியில் நேற்று 65,112 பேர் தரிசனம் செய்தனர். 27,331 பக்தர்கள் முடி காணிக்கை செலுத்தினர். ரூ.3.49 கோடி உண்டியல் காணிக்கை வசூலானது. நேரடி இலவச தரிசனத்தில் வந்த பக்தர்கள் 24 மணி நேரம் காத்திருந்து தரிசனம் செய்தனர்.