tn election

தமிழக சட்டமன்றத் தேர்தலை முன்னிட்டு சென்னை மாவட்டத்தில் உள்ள 16 தொகுதிகளிலும் இன்று காலை 7 மணிக்குத் தொடங்கி வாக்குப்பதிவு விறுவிறுப்பாக நடைபெற்று வருகிறது. இந்தியத் தேர்தல் ஆணையத்தின் புள்ளிவிவரப்படி, இன்று காலை 9:00 மணி நிலவரப்படி சென்னையில் ஒட்டுமொத்தமாகச் சுமார் 16.5% வாக்குகள் பதிவாகியுள்ளன. குறிப்பாக, விருகம்பாக்கம் தொகுதியில் அதிகபட்சமாக 18.85 சதவீதமும், தியாகராய நகர் தொகுதியில் 18.75 சதவீதமும் வாக்குகள் பதிவாகியுள்ளன. அதேவேளையில், குறைந்தபட்சமாகத் திரு-வி-க நகர் (14.38%) மற்றும் ராயபுரம் (14.39%) தொகுதிகளில் வாக்குப்பதிவு சற்று மந்தமாகத் தொடங்கியுள்ளது. இதர முக்கிய தொகுதிகளான கொளத்தூரில் 17.51%, சேப்பாக்கம்-திருவல்லிக்கேணியில் 15.7%, மற்றும் மயிலாப்பூரில் 14.51% என மக்கள் வரிசையில் நின்று தங்களது ஜனநாயகக் கடமையை ஆற்றி வருகின்றனர். இது தோராயமான புள்ளிவிவரம் மட்டுமே என்றும், அனைத்து வாக்குச்சாவடிகளில் இருந்தும் தரவுகள் முழுமையாகப் பெறப்படும் போது இதில் சிறு மாற்றங்கள் இருக்கலாம் என்றும் தெரிவிக்கப்பட்டுள்ளது.

tn election

சென்னை மாவட்ட தேர்தல் நிலவரம் – காலை 9 மணி வரை 16.5% வாக்குப்பதிவு!