இந்த நிலையில், தான் போட்டியிட்டு வெற்றி பெற்ற சென்னை, பெரம்பூர் மற்றும் திருச்சி கிழக்கு தொகுதி மக்களுக்கு நன்றி தெரிவிக்க முதலமைச்சர் ஜோசப் விஜய் முடிவு செய்துள்ளார். பெரம்பூர் தொகுதி வைத்துக் கொண்டு, திருச்சி தொகுதியை ராஜினாமா செய்துவிட்டதால், அப்பகுதி மக்கள் ஏமாற்றம் அடைய கூடாது என்று அவர்களுக்கு நன்றி தெரிவிக்க முதலமைச்சர் ஜோசப் விஜய் முடிவு செய்திருக்கிறார்.

அதன்படி, நாளை முதலமைச்சர் ஜோசப் விஜய், திருச்சி கிழக்கு தொகுதிக்கு செல்ல இருக்கிறார். இதற்காக சென்னையில் இருந்து தனி விமானம் மூலம் திருச்சி செல்கிறார். திருச்சி விமான நிலையத்தில் இருந்து டி.எ.எஸ் டோல்கேட் பழைய பால் பண்ணை, சத்திரம் பஸ் நிலையம் வழியாக திறந்தவெளி நின்றபடி பொதுமக்களுக்கு அவர் நன்றி தெரிவிக்கிறார்.

தொடர்ந்து, மாலை 4 மணிக்கு திருச்சி, புனித ஜோசப் கல்லூரி வளாகத்தில் நடக்கும் பொதுக்கூட்டத்தில் பங்கேற்று, மக்களுக்கு விஜய் நன்றி தெரிவிக்கிறார். இதற்காக அங்கு விரிவான ஏற்பாடுகள் செய்யப்பட்டு வருகிறது. அந்த இடத்தில் பிரமாண்ட பொதுக்கூட்ட மேடை, பந்தல் அமைக்கப்பட்டு வருகிறது. மேலும், கூட்டத்தில் சில முக்கிய அறிவிப்புகளையும் விஜய் வெளியிட இருப்பதாக சொல்லப்படுகிறது.

இந்த நன்றி அறிவிப்பு பொதுக்கூட்டத்தில் திருச்சியின் பல்வேறு பகுதிகளில் இருந்தும் 10 ஆயிரத்திற்கும் மேற்பட்டவர்கள் கலந்து கொள்கிறார்கள். பாதுகாப்பு ஏற்பாடுகளும் பலப்படுத்தப்பட உள்ளது.

இந்தச் சிறப்பு ரயில், இன்று (26.04.2026 – ஞாயிற்றுக்கிழமை) இரவு 10:45 மணிக்குத் திருச்சியிலிருந்து புறப்பட்டு, மறுநாள் (27.04.2026) காலை 06:15 மணிக்குத் தாம்பரத்தைச் சென்றடைகிறது. இதற்கான முன்பதிவு இன்று காலை 08:00 மணிக்குத் தொடங்கியது. எனவே பயணிகள் விரைவாக முன்பதிவு செய்து, தங்களது பயணத்தைத் திட்டமிடுமாறு தெற்கு ரயில்வே சார்பில் கேட்டுக்கொள்ளப்பட்டுள்ளது. இந்த ரயிலில் 6 படுக்கை வசதி கொண்ட பெட்டிகள், 12 இரண்டாம் வகுப்பு பொதுப் பெட்டிகள் மற்றும் மாற்றுத்திறனாளிகளுக்கான வசதியுடன் கூடிய 2 இரண்டாம் வகுப்பு பெட்டிகள் இணைக்கப்பட்டுள்ளன.

இந்த இரயில் தஞ்சாவூர், பாபநாசம், கும்பகோணம், மயிலாடுதுறை, சீர்காழி, சிதம்பரம், திருப்பாதிரிப்புலியூர், விழுப்புரம் மற்றும் செங்கல்பட்டு ஆகிய ரயில் நிலையங்களில் நின்று செல்லும் எனத் தெரிவிக்கப்பட்டுள்ளது.

அதே சமயம் தமிழக அரசின் சார்பில் சென்னைக்குத் தினசரி இயக்கக் கூடிய 2 ஆயிரத்து 92 பேருந்துகளுடன் 3 ஆயிரத்து 184 சிறப்புப் பேருந்துகளும் பிற ஊர்களுக்கு 3 ஆயிரத்து 345 சிறப்புப் பேருந்துகளும் இயக்க திட்டமிடப்பட்டுள்ளது. எனவே தொலைதூர பயணம் மேற்கொள்ள உள்ள பயணிகள் கூட்ட நெரிசலைத் தவிர்க்கும் பொருட்டு தங்களது பயணத்திற்கு www.tnstc.in என்ற இணையதளம் மற்றும் மொபைல் செயலி (Mobile App) மூலம் முன்பதிவு செய்து பயணிக்க அரசுப் போக்குவரத்துக் கழகம் சார்பில் வலியுறுத்தப்பட்டுள்ளது குறிப்பிடத்தக்கது.

திருவெறும்பூர் தொகுதிக்கு உட்பட்ட அம்மன் நகரில் அமைந்துள்ள தேர்தல் அலுவலகத்தில் இந்தச் சந்திப்பு நடைபெற்றது. இதில், தேர்தல் நேரத்தில் ஓய் உறக்கமின்றி ‘பம்பரமாக’ சுழன்று பணியாற்றிய தெற்கு மாவட்ட மற்றும் திருவெறும்பூர் தொகுதி நிர்வாகிகள் அனைவருக்கும் அமைச்சர் தனது நெஞ்சார்ந்த நன்றிகளைப் பகிர்ந்து கொண்டார்.

அதனைத் தொடர்ந்து, நடைபெறவுள்ள வாக்கு எண்ணிக்கையின் போது கடைபிடிக்க வேண்டிய நடைமுறைகள் குறித்து ஆலோசிக்கப்பட்டது. வாக்கு எண்ணிக்கை முகவர்களை (Counting Agents) முறையாக நியமிக்கவும், வாக்கு எண்ணிக்கை அன்று மிகுந்த கவனத்துடன் பணிகளை மேற்கொள்ளவும் நிர்வாகிகளுக்கு அவர் அறிவுறுத்தினார்.

இந்த நெகிழ்ச்சியான நிகழ்வில் மாநகர செயலாளர் மு. மதிவாணன் அணி நிர்வாகி ம, செந்தில் மற்றும் மாநகர, பகுதி, ஒன்றிய, நகர மற்றும் பேரூர் கழக நிர்வாகிகள்.பிரதிநிதிகள்: பல்வேறு அணிகளின் அமைப்பாளர்கள் மற்றும் உள்ளாட்சி அமைப்புகளின் பிரதிநிதிகள் கலந்து கொண்டனர்.

தேர்தல் களத்தில் அர்ப்பணிப்புடன் பணியாற்றிய தொண்டர்களுக்கு ஊக்கமளித்த அமைச்சர், அடுத்தகட்டமாக வாக்கு எண்ணிக்கை பணிகளில் விழிப்புடன் செயல்பட அழைப்பு விடுத்துள்ளார்.

இதேபோல், ராமஜிநகர் நியூ காட்டூர் அருகே கஞ்சா விற்ற ராம்ஜிநகர் மில் காலனியை சேர்ந்த சின்னப்பொண்ணு (வயது 77) என்ற பாட்டியை போலீசார் கைது செய்து 80 கிராம் கஞ்சாவை பறிமுதல் செய்தனர்.

சுமார் 6,000-க்கும் மேற்பட்ட தொழிலாளர்கள் பணிபுரியும் பெல் தொழிற்சாலையின் கிழக்கு வாயில் பகுதியில், நேற்று மாலை 4:30 மணி அளவில் பிரச்சாரம் நடைபெற்றது. அப்போது, காலை நேரப் பணி முடிந்து வெளியே வந்த தொழிலாளர்கள் மற்றும் இரவு நேரப் பணிக்குச் சென்ற தொழிலாளர்களிடம் உதயசூரியன் சின்னத்திற்கு ஆதரவு திரட்டி அவர் பேசியதாவது:-

தேர்தல் பிரச்சாரம் என்று வந்துவிட்டாலே, நான் முதலில் தொடங்கும் இடம் இந்த பெல் தொழிற்சாலைதான். ஒவ்வொரு தேர்தலிலும் என்னை அதிக வாக்கு வித்தியாசத்தில் வெற்றி பெறச் செய்வதில் அண்ணன்-தம்பிகளாகிய பெல் தொழிலாளர்களுக்கு முக்கியப் பங்குண்டு.

பெல் பொதுச்செயலாளர் தீபன் அவர்கள் குறிப்பிட்டது போல, ‘9+4’ என்ற அறிவிப்பிற்காகப் போராடி, இன்று ஒவ்வொரு தொழிலாளியின் வைப்பு நிதியிலும் (PF) ரூ. 13,000 வரவு வைக்கப்பட்டுள்ளது. இதற்குத் திராவிட மாடல் அரசின் தொடர் முயற்சியே காரணம். இதனைத் தமிழக முதல்வரிடம் பலமுறை எடுத்துரைத்து இந்த வெற்றியைப் பெற்றுத் தந்துள்ளோம்.

தேர்தலுக்கு இன்னும் 16 நாட்களே உள்ள நிலையில், தொழிலாளர்கள் நீங்களும் உங்கள் உறவினர்களும் திராவிட மாடல் ஆட்சியின் சாதனைகளை மனதில் கொண்டு, உதயசூரியன் சின்னத்தில் எனக்கு வாக்களித்து பெருவாரியான வாக்கு வித்தியாசத்தில் வெற்றி பெறச் செய்ய வேண்டும்.

இதனைத் தொடர்ந்து, துவாக்குடி நகராட்சிக்கு உட்பட்ட பெல் குடியிருப்பு வளாகத்தில் உள்ள 1 முதல் 6 வரையிலான வார்டுகளில் அவர் வீடு வீடாகச் சென்று வாக்கு சேகரித்தார்.

வாக்கு சேகரிப்பின் போது பொதுமக்களிடையே அவர் பேசியதாவது:

“தமிழக முதல்வர் கடந்த ஐந்து ஆண்டுகளில் எண்ணற்ற உன்னதமான திட்டங்களை மக்களுக்காகச் செயல்படுத்தியுள்ளார். குறிப்பாக, இல்லத்தரசிகளுக்குக் கட்டணமில்லாப் பேருந்து பயணம், கலைஞர் மகளிர் உரிமைத் தொகை, மாணவர்களின் எதிர்காலத்தை வளர்க்கும் நான் முதல்வன் திட்டம் மற்றும் இல்லம் தேடி கல்வி எனப் பல்லாயிரக்கணக்கான மக்கள் பயன்பெறும் வகையில் திட்டங்களைத் தந்துள்ளார்.

மக்களின் நலன் காக்கும் இந்த நல்லாட்சி தொடரவும், உங்கள் தொகுதியின் வளர்ச்சிப் பணிகள் தடையின்றித் தொடரவும், பொதுமக்கள் அனைவரும் உதயசூரியன் சின்னத்தில் வாக்களித்து, என்னை அமோக வாக்கு வித்தியாசத்தில் வெற்றி பெறச் செய்ய வேண்டும்.”இவ்வாறு அவர் பேசினார்.

இதையடுத்து விஜய் இன்று காலை 9 மணி அளவில் சென்னையில் இருந்து தனி விமானம் மூலம் திருச்சி வருகிறார். பிறகு விமான நிலையத்தில் இருந்து கார் மூலம் திருச்சி கிழக்கு தொகுதி தேர்தல் நடத்தும் அதிகாரியிடம் தனது வேட்புமனுவை தாக்கல் செய்கிறார்.

திருச்சி கிழக்கு தொகுதி தேர்தல் நடத்தும் அதிகாரி அலுவலகம் பாலக்கரை மெயின்ரோட்டில் மாநகராட்சி 2-வது மண்டல குழு அலுவலக வளாகத் தில் உள்ளது. உதவி தேர்தல் நடத்தும் அதிகாரி அலுவலகம் திருச்சி கிழக்கு தாலுகா அலுவலகம் விமான நிலையம் அருகில் கொட்டப்பட்டு என்ற இடத்தில் உள்ளது.

இதில் ஏதாவது ஒரு இடத்தில் விஜய் தனது வேட்பு மனுவை தாக்கல் செய்வதற்காக, அந்த இரண்டு இடங்களையும் தமிழக வெற்றி க்கழகத்தின் மூத்த நிர்வாகிகளான முன்னாள் அமைச்சர்கள் செங்கோட்டையன், குப.கிருஷ்ணன் ஆகியோர் நேற்று பார்வையிட்டனர்.

பின்னர் மூத்த நிர்வாகிகளும் திருச்சியை சேர்ந்த த.வெ.க. நிர்வாகிகளும் மாநகர போலீஸ் கமிஷனர் அலுவலகத்திற்கு சென்றனர் . அங்கு போலீஸ் கமிஷனர் காமினியிடம், விஜய் திருச்சி டி.வி.எஸ். டோல்கேட், மரக் கடை எம்.ஜி.ஆர். சிலை, கே.கே.நகர், ஏர்போர்ட் வயர்லஸ் ரோடு ஆகிய 4 இடங்களில் தேர்தல் பிரசாரம் செய்வதற்கு அனுமதி கேட்டும், உரிய பாதுகாப்பு ஏற்பாடுகள் செய்து தரும்படி கேட்டும் மனு கொடுத்தனர்.

இதையடுத்து காந்திக்மார்க்கெட் மரக்கடை பகுதியில் விஜய் பிரசாரம் செய்ய அனுமதி வழங்கப்பட்டுள்ளது. இதைத்தொடர்ந்து இன்று காலை விமானம் மூலம் திருச்சி வரும் விஜய், காலை 11மணியள வில் மாநகராட்சி 2-வது மண்டல குழு அலுவலக வளாகத்தில் உள்ள தேர்தல் நடத்தும் அதிகாரி அலுவலகத்தில் வேட்பு மனுவை தாக்கல் செய்கிறார். தொடர்ந்து மரக்கடை பகுதிக்கு சென்று பிரசாரம் மேற் கொள்ள உள்ளார். விஜய் பிரசாரத்தையொட்டி போலீசார் பலத்த பாதுகாப்பு ஏற்பாடுகளை செய்து வருகின்றனர்.

திருச்சி கிழக்கு தொகுதியில் விஜய் வேட்பு மனு தாக்கல் செய்யும் நெடுக ரோடு ஷோ செல்ல அனுமதி வாங்கவில்லை. எனவே ரோடு ஷோ நடத்த விஜய்க்கு அனுமதி வழங்கவில்லை என்று தமிழக தலைமை தேர்தல் அதிகாரி அர்ச்சனா பட்நாயக் தெரிவித்துள்ளார்.

திருச்சி மாவட்டம், தொட்டியம் கீழ காா்த்திகைப்பட்டியைச் சோ்ந்தவா் காா்த்திகேயன் (வயது 35). இவா் பொருள்கள் வாங்க தனது குடும்பத்தினா் 5 பேருடன் திருச்சி நோக்கி நேற்று காரில் வந்து கொண்டிருந்தார்.

கார் திருப்பராய்த்துறை சுங்கச்சாவடி அருகே வந்த போது காரின் எஞ்சினில் இருந்து புகை வந்து உள்ளது. இதையடுத்து காா்த்திகேயன் உடனடியாக காரை நிறுத்திவிட்டு தீயை அணைக்க முயன்று உள்ளார். ஆனால் திடீரென தீ மளமளவென பரவியதால் காரிலிருந்த 6 பேரும் உடனே கீழே இறங்கி உள்ளனர். இதனால் அதிா்ஷ்டவசமாக அவா்கள் உயிா் தப்பினா்.

இதுதொடா்பாக அப்பகுதி மக்கள் அளித்த தகவலின் பேரில் வந்த தீயணைப்புத் துறையினா் தீயை அணைத்தனா். இருப்பினும் காா் முழுவதுமாக எரிந்து போனது. விபத்து குறித்து பெட்டவாய்த்தலை காவல் நிலைய போலீஸாா் வழக்குப் பதிவு செய்து விசாரணை நடத்தி வருகின்றனர்.

இந்நிகழ்வில் கல்வி பணியை திறம்பட செய்யும் ஆளுமைகளுக்குகல்விப் பணியின் காவலர் விருதை அமைச்சர் முனைவர் அன்பில் மகேஷ் பொய்யாமொழிக்கு வழங்கி கௌரவித்தார்கள்.

இந்நிகழ்வில் மாநகர செயலாளர் மு.மதிவாணன் திருச்சி ராஜியா அரபிக் கல்லூரி நிறுவனர் மெளலானா அல் உஸ்தாத் ஃபைஜுல் பாரி ஆலிம் பிலாலி, திருச்சி ராஜியா அரபிக் கல்லூரி தலைவர் அல்ஹாஜ் V.ராஜ் முஹம்மது ஃபைஜீ*ராஜியா, திருச்சி ராஜியா அரபிக் கல்லூரி தலைமை ஆலோசகர்,மதனி பள்ளிவாசல் தலைமை இமாம்,மெளலானா கலீஃபுத்தீன் தாவூதி மற்றும் அரபிக் கல்லூரி மாணவர்கள் கலந்து கொண்டார்கள்.

இந்த நிகழ்ச்சியில் கழக அமைப்புச் செயலாளர் முன்னாள் நாடாளுமன்ற உறுப்பினர் டி.ரத்தினவேல் கழக அமைப்பு செயலாளர் முன்னாள் அமைச்சர் வெல்லமண்டி நடராஜன், மாவட்ட துணை செயலாளர்,வி.பத்மநாதன் மாநில அம்மா பேரவை துணைச் செயலாளரும்,கவுன்சிலருமான அரவிந்தன்,பகுதி செயலாளர்கள் எம்.ஏ அன்பழகன்,நாகநாதர் ஏ.பாண்டி,,எம்.ஆர்.ஆர் முஸ்தபா, ஆர்.வாசுதேவன்,ஆர்.ராஜேந்திரன்,எல்.கே.ஆர்.ரோஜர், சிந்தை எல்.முத்துக்குமார், ஆர்வெங்கட் பிரபு,பி.சுரேந்தர்,வட்ட செயலாளர் டி எஸ் எம் செல்வமணி,டாஸ்மாக் பிளாட்டோ,டிபன் கடை கார்த்திகேயன் உள்ளிட்ட அதிமுக நிர்வாகிகள் பலர் கலந்து கொண்டனர்.