தாராபுரம் தொகு​தி​யில் சத்​தியபா​மா (த.வெ.க.), சுகன்​யா (தி.மு.க.), பானு​மதி (அ.தி.மு.க.), லட்​சுமணன் (இந்​திய கம்யூனிஸ்டு), கார்த்​திகா (நாம் தமிழர்) மற்றும் சுயேட்சைகள் என மொத்தம் 22 பேர் போட்டியிட்டனர். தமிழ்நாட்டில் இடைத்தேர்தல்களை பொறுத்தவரை ஆளுங்கட்சிதான் வெற்றி பெறும் என்பது பல ஆண்டுகளாக பேசப்பட்டும், மெய்ப்பிக்கப்பட்டும் வந்தன.

ஆனால் மதுராந்தகம், தாராபுரம் தொகுதி இடைத்தேர்தல் இதுவரை நடந்த இடைத்தேர்தல்களில் இருந்து சற்று வித்தியாசமான தேர்தல். ஆனால் மதுராந்தகம், தாராபுரம் தொகுதி இடைத்தேர்தல் இதுவரை நடந்த இடைத்தேர்தல்களில் இருந்து சற்று வித்தியாசமான தேர்தல். கடந்த மே மாதம் நடைபெற்ற சட்டமன்ற தேர்தலில் தாராபுரத்தில் அ.தி.மு.க. சார்பில் போட்டியிட்ட சத்தியபாமாவும், மதுராந்தகத்தில் அ.தி.மு.க. சார்பில் போட்டியிட்ட மரகதம்குமரவேலும் வெற்றி பெற்றார்கள்.

வெற்றி பெற்ற இரண்டே வாரங்களில் இருவரும் தங்கள் எம்.எல்.ஏ. பதவியை ராஜினாமா செய்து விட்டு த.வெ.க.வில் இணைந்தார்கள். கட்சி மாறியது மட்டுமல்ல இருவருமே மீண்டும் அதே தொகுதியில் த.வெ.க. வேட்பாளர்களாக களம் இறக்கப்பட்டார்கள். இது மக்கள் மத்தியிலும், கோர்ட்டிலும் விமர்சிக்கப்பட்டது.

இந்த பரபரப்பான எதிர்ப்பார்ப்புகளுடன் இன்று காலையில் வாக்கு எண்ணிக்கை தொடங்கியது. மதுராந்தகம் தொகுதியில் மொத்தம் உள்ள 2 லட்சத்து 13 ஆயிரத்து 788 வாக்காளர்களில், 1 லட்சத்து 84 ஆயிரத்து 413 பேர் வாக்களித்து இருந்தனர். 86.26 சதவீத வாக்குகள் பதிவாகி இருந்தன. தாராபுரம் தொகுதியில் மொத்தம் உள்ள 2,23,306 வாக்காளர்களில் 1,79,314 பேர் வாக்களித்து இருந்தனர். 80.30 சதவீத வாக்குகள் பதிவாகி இருந்தன.

மதுராந்தகம் தொகுதியில் பதிவான வாக்குகள் 21 சுற்றுகளாகவும், தாராபுரத்தில் பதிவான வாக்குகள் 23 சுற்றுகளாகவும் எண்ணப்பட்டன. மதுராந்தகம் தொகுதியில் தொடக்கத்தில் இருந்தே த.வெ.க. வேட்பாளர் மரகதம் குமரவேல் முன்னிலையில் இருந்தார். முதல் சுற்றிலேயே அவர் 3,571 வாக்குகள் பெற்று 960 ஓட்டுகள் முன்னிலையில் இருந்தார். அவரையடுத்து தி.மு.க. வேட்பாளர் பரந்தாமன் 2-வது இடத்திலும், அ.தி.மு.க. வேட்பாளர் கணிதா சம்பத் 3-வது இடத்திலும் உள்ளார்கள்.

தாராபுரம் தொகுதியில் முதல் சுற்றில் த.வெ.க.வுக்கு அதிர்ச்சி அளிக்கும் வகையில் அ.தி.மு.க. முன்னிலை பெற்றது. அக்கட்சி வேட்பாளர் பானுமதி த.வெ.க. வேட்பாளர் சத்தியபாமாவை விட 5 ஓட்டுகள் கூடுதலாக பெற்று முன்னிலை வகித்தார். தி.மு.க. வேட்பாளர் சுகன்யா 3-வது இடத்துக்கு தள்ளப்பட்டார்.

முதல் சுற்றில் அ.தி.மு.க. 2,639 ஓட்டுகளும், த.வெ.க. 2,634 ஓட்டுகளும், தி.மு.க. 2,019 ஓட்டுகளும் வாங்கி இருந்தன. தனித்து போட்டியிட்ட நாம் தமிழர் கட்சி வேட்பாளர் 168 ஓட்டுகளும். இந்திய கம்யூனிஸ்டு கட்சி வேட்பாளர் லட்சுமணன் 70 ஓட்டுகளும், பெற்று இருந்தனர். 2-வது சுற்றின் முடிவிலும் அ.தி.மு.க. 592 வாக்குகள் முன்னிலையில் இருந்தது. தொடர்ந்து மாறி மாறி இரு கட்சிகளும் முன்னிலை வகித்தது. முதல் 4சுற்றுகளில் அ.தி.மு.க. முன்னிலையில் இருந்தது. 5-வது சுற்றில் த.வெ.க. முன்னிலை வகித்தது. இதனால் த.வெ.க.வுக்கும், அ.தி.மு.க.வுக்கும் கடும் போட்டி நிலவியது. ஒவ்வொரு சுற்று முடிவிலும் இந்த தொகுதியை கைப்பற்றப் போவது யார்? என்ற பரபரப்பு ஏற்பட்டது.

இந்த தேர்தலை பொறுத்தவரை பகல் 1 மணி நிலவரப்படி மதுராந்தகத்தில் த.வெ.க. வேட்பாளர் மரகதம் குமரவேல், தி.மு.க. வேட்பாளரை விட 12,430 வாக்குகள் கூடுதலாக பெற்று முன்னிலையில் உள்ளார். தாராபுரம் தொகுதியில் த.வெ.க. வேட்பாளர் சத்தியபாமா அ.தி.மு.க. வேட்பாளரை விட 9,636 வாக்குகள் கூடுதலாக பெற்று முன்னிலையில் உள்ளார். இதன் மூலம் 2 தொகுதிகளிலும் த.வெ.க. முன்னிலையில் உள்ளது.

பிரச்சார மேடையில் எதிர்க்கட்சிகளின் ஊழல்கள் குறித்தும் தன் மீதான விமர்சனங்கள் குறித்தும் மட்டுமே விரிவாகப் பேசிய விஜய், கடந்த நான்கு மாத கால ஆட்சியில் எட்டப்பட்ட முக்கியச் சாதனைகளையோ அல்லது நிறைவேற்றப்பட்ட திட்டங்களையோ பெரிய அளவில் பட்டியலிடத் தவறிவிட்டதாகக் சுட்டிக்காட்டப்படுகிறது. அதிகாரத்திலும் முதலமைச்சர் நாற்காலியிலும் அமர்ந்துகொண்டே, இப்போதும் தங்களை எளிய மனிதர்களாகவும் பாதிக்கப்பட்டவர்களாகவும் சித்தரித்து வாக்காளர்களிடம் அனுதாபம் தேடும் தேர்தல் வியூகத்தைக் கையாள்வது ஏன் என எதிர்க்கட்சிகளும் காரசாரமாகச் சாடி வருகின்றன.

சாதனைகளைச் சொல்லி வாக்கு சேகரிப்பதற்குப் பதிலாக இத்தகைய அனுதாப மற்றும் பாதுகாப்பு அரசியலையே தவெக முதன்மைப் பிரச்சார உத்தியாக மாற்றியிருக்கிறதா என்ற விவாதம் தற்போது தேர்தல் களத்தில் சூடுபிடித்துள்ளது.

பல்வேறு மாநில அரசுகள் விமான நிலையங்களைத் தனியாரிடம் ஒப்படைக்க எதிர்ப்பு தெரிவித்து வரும் நிலையில், தமிழ்நாடு அரசு தாமாக முன்வந்து தனியாரிடம் ஒப்படைக்கக் கோருவது ஏற்புடையதல்ல என்றும், செயல்பாடுகள் அல்லது உட்கட்டமைப்பில் குறைபாடுகள் இருந்தால் அதை மத்திய அரசின் கவனத்திற்குக் கொண்டு சென்று தீர்வு காண வேண்டுமே தவிர பொதுத்துறை நிறுவனத்தைத் தனியாரிடம் ஒப்படைக்கக் கூடாது என்றும் அவர் வலியுறுத்தியுள்ளார்.

லாப நோக்கம் மட்டுமே முதன்மையாகி பயணிகள் மற்றும் ஊழியர்கள் மீது கூடுதல் சுமை ஏற்படும் என்பதால், இத்தகைய முடிவை உடனடியாகக் கைவிட வேண்டும் என்றும் அவர் கேட்டுக் கொண்டுள்ளார்.

அரசு மற்றும் அரசு உதவி பெறும் பள்ளிகளில் 6 முதல் 8-ஆம் வகுப்பு வரை படிக்கும் மாணவர்களுக்கான இத்திட்ட விரிவாக்கத்தை, லண்டன் பயணம் முடிந்து திரும்பியதும் செப்டம்பர் 22-ஆம் தேதி சென்னையில் முதலமைச்சர் விஜய் அதிகாரப்பூர்வமாகத் தொடங்கி வைக்கவுள்ளார்.

அதேநாளில் மாநிலம் முழுவதும் இத்திட்டம் அமலுக்கு வரவுள்ள நிலையில், இடைத்தேர்தல் நடத்தை விதிகள் அமலில் உள்ள செங்கல்பட்டு மற்றும் திருப்பூர் மாவட்டங்களைத் தவிர்த்து மற்ற அனைத்து மாவட்டங்களிலும் இத்திட்ட விரிவாக்கம் நடைமுறைக்கு வரும் என சமூக நலன் மற்றும் மகளிர் உரிமைத்துறைச் செயலாளர் சுற்றறிக்கை மூலம் தெரிவித்துள்ளார்.

காங்கிரஸ் கட்சித் தலைவர் பி.மாணிக்கம் தாகூர், விசிக தலைவர் தொல். திருமாவளவன், இந்திய யூனியன் முஸ்லிம் லீக் தலைவர் காதர் மொகிதீன், மதிமுக பொதுச்செயலாளர் வைகோ உள்ளிட்ட கூட்டணிக் கட்சிகளின் முக்கியத் தலைவர்கள் பங்கேற்ற இக்கூட்டத்தில், புதிய கூட்டணியின் அதிகாரப்பூர்வப் பெயரை அறிவித்ததோடு, வரும் இடைத்தேர்தல்களை எதிர்கொள்வது மற்றும் கூட்டணிக் ஒருங்கிணைப்புக் குழுவை அமைப்பது குறித்தும் விரிவாக ஆலோசிக்கப்பட்டது.

அவை நடவடிக்கைகளுக்கு இடையூறு விளைவிக்கும் வகையில் சலசலப்பில் ஈடுபட்டதாலும், பேரவைத்தலைவர் ஆசனத்தைச் சூழ்ந்து அமளியில் ஈடுபட்டதாலும், அவையின் கண்ணியத்தைக் காக்கும் பொருட்டு இந்த அதிரடி நடவடிக்கை எடுக்கப்பட்டதாகத் தெரிவிக்கப்பட்டுள்ளது.

ண்மையில் அதிமுகவிலிருந்து விலகி த.வெ.க-வில் இணைந்த சுதாகர் மற்றும் கட்சிப் பொறுப்பாளர் சுதாகர் (B.Sc., MBA) ஆகியோரின் பெயர்களில் ஒட்டப்பட்டுள்ள இந்த போஸ்டர்களில், த.வெ.க தலைவர் C. ஜோசப் விஜய்யை “நல்லாட்சி நாயகர், இன்றைய முதல்வர், நாளைய பிரதமர்” என்று குறிப்பிட்டு பிரம்மாண்டமாகச் சித்தரித்துள்ளனர்.

மேலும், “நாள்தோறும் மக்கள் நலத்திட்டங்கள்! சொன்னதைச் செய்யும் தளபதி!” என்ற முழக்கங்களுடன், ஆண்டிற்கு 3 இலவச சமையல் எரிவாயு சிலிண்டர்கள் மற்றும் பேருந்துகளில் மாவட்ட அளவில் மகளிருக்குக் கட்டணமில்லாப் பயணம் உள்ளிட்ட வாக்குறுதிச் சிறப்பம்சங்களும் இந்த போஸ்டரில் அச்சிடப்பட்டுள்ளன.

கூட்டணி அரசியலில் சுமுகமான சூழல் நிலவி வரும் வேளையில், த.வெ.க தொண்டர்களின் இந்த நடவடிக்கை கூட்டணிக் கட்சியான காங்கிரஸ் வட்டாரத்தில் பெரும் அதிருப்தியையும் சலசலப்பையும் ஏற்படுத்தியுள்ளது. தமிழ்நாடு காங்கிரஸ் கமிட்டி தலைவர் மாணிக்கம் தாகூர் உட்பட பல காங்கிரஸ் தலைவர்கள், த.வெ.க இன்னும் ரசிகர் மன்றக் மனநிலையிலேயே செயல்பட்டு வருவதாகக் கடுமையான விமர்சனங்களை முன்வைத்ததுடன், தங்கள் தரப்பு பிரதமர் வேட்பாளர் ராகுல் காந்தி மட்டுமே என்பதில் உறுதியாக இருப்பதாகவும் சுட்டிக்காட்டியுள்ளனர்.

தூத்துக்குடி மாநகர வீதிகள் மற்றும் மேம்பாலச் சுவர்களில் த.வெ.க-வினரால் வரிசையாக ஒட்டப்பட்டுள்ள இந்த போஸ்டர்களின் புகைப்படங்களும் வீடியோக்களும் தற்போது சமூக வலைதளங்களில் வைரலாகி வருகின்றன.

அமெரிக்காவின் செயின்ட் லூயிஸில் நடைபெற்ற கிராண்ட் செஸ் டூர் 2026 போட்டியில் சாம்பியன் பட்டம் வென்ற முதல் இந்தியர் என்ற வரலாற்றுச் சாதனையைப் படைத்துள்ள தமிழ்நாட்டின் இளம் கிராண்ட்மாஸ்டர் பிரக்ஞானந்தா அவர்களுக்கு எனது மனமார்ந்த பாராட்டுகளையும், நல்வாழ்த்துகளையும் தெரிவித்துக் கொள்கிறேன்.

உலகின் தலைசிறந்த வீரர்களுடன் நடைபெற்ற போட்டிகளில், அபாரமான மனஉறுதியுடனும், மதிநுட்பத்துடனும் விளையாடி சாம்பியன் பட்டத்தை வென்றிருப்பது அவரது அசாதாரண ஆற்றலுக்கும், விடாமுயற்சிக்கும் கிடைத்த அங்கீகாரமாகும்.

இந்த மகத்தான வெற்றி, இளம் தலைமுறையினருக்குப் புதிய நம்பிக்கையையும் உத்வேகத்தையும் அளிப்பதோடு, தமிழ்நாட்டிற்கும் இந்தியாவிற்கும் பெருமை சேர்த்துள்ளது. உலக அரங்கில் மேலும் பல சாதனைகளைப் படைக்க பிரக்ஞானந்தா அவர்களை மனமார வாழ்த்துகிறேன்.

இவ்வாறு அவர் குறிப்பிட்டுள்ளார்.

கயிலாய மானசரோவர் யாத்திரை சென்றவர்களில் நேபாள எல்லையில் ஏற்பட்ட கனமழை மற்றும் திடீர் வெள்ளத்தில் சிக்கிய தமிழர்களைப் பாதுகாப்பாக மீட்பதற்காக, முதல்வர் உத்தரவின் பேரில் டெல்லிக்கு சென்றுள்ள இந்த அமைச்சர்கள் குழு, மத்திய வெளியுறவுத்துறை மற்றும் இந்திய தூதரக அதிகாரிகளுடன் இணைந்து செயல்பட்டு வருகிறது.

புதுடெல்லி தமிழ்நாடு இல்லத்தில் 24 மணி நேரமும் இயங்கும் கட்டுப்பாட்டு மையத்தின் மூலம் (Helpline: 9289516712) அங்குள்ள நிலவரங்களை உடனுக்குடன் கண்காணித்து, பாதிக்கப்பட்ட குடும்பங்களுக்குத் தேவையான உதவிகளையும், மீட்கப்பட்டவர்களைத் தாயகம் அழைத்து வருவதற்கான அனைத்து ஏற்பாடுகளையும் தீவிரமாக ஒருங்கிணைத்து வருகின்றனர்.

தவெக அரசு அமைந்தவுடன் குறு, சிறு விவசாயிகளின் பயிர்க்கடன் தள்ளுபடி செய்யப்பட்ட நிலையில், விவசாய அமைப்புகளின் கோரிக்கையை ஏற்று தற்பொழுது கூட்டுறவு வங்கிகளில் ரூ. 75,000 வரை பெற்ற பயிர்க்கடன் முழுவதும் ரத்து செய்யப்படுகிறது. மேலும் ரூ. 75,000 முதல் ரூ. 1 லட்சம் வரையிலான பயிர்க்கடன்களுக்கு ரூ. 75,000 வரையிலும், ரூ. 1 லட்சத்திற்கும் மேல் கடன் பெற்றவர்களுக்கு ரூ. 35,000 வரையிலும் தள்ளுபடி வழங்கப்படும் எனத் தெரிவிக்கப்பட்டுள்ளது.

அரசின் கடுமையான நிதிநெருக்கடிக்கு இடையிலும் ரூ. 953.06 கோடி கூடுதல் நிதிச்சுமையுடன் செயல்படுத்தப்படும் இந்த திட்டத்தின் மூலம் 2 லட்சத்திற்கும் அதிகமான விவசாயிகள் பயனடைவர் என முதல்வர் விஜய் உரையாற்றினார்.