மனு தள்ளுபடி செய்யப்பட்டதைத் தொடர்ந்து நேற்று காலை ஆத்தூர் போலீசார் அனிதா ராதாகிருஷ்ணனை கைது செய்தனர். கைதைத் தொடர்ந்து தூத்துக்குடி மாவட்ட கண்காளிப்பாளர் அலுவலகத்திற்கு அழைத்துச் செல்லப்பட்ட ராதாகிருஷ்ணனிடம் கிட்டத்தட்ட 5 மணிநேரம் விசாரணை நடைபெற்றது.

இதையடுத்து அவர் நேற்று மதியம் திருச்செந்தூர் நீதிமன்றத்தில் ஆஜர்படுத்தப்பட்டார். அவரிடம், மாஜிஸ்திரேட் ஒன்றரை மணிநேரம் விசாரணை நடத்தினார். இதனை தொடர்ந்து, அவரை சொந்த ஜாமீனில் விடுவித்து மாஜிஸ்திரேட் உத்தரவிட்டார்.

ரூ.10 ஆயிரம் செலுத்தி விட்டு சொந்த ஜாமீனில் செல்லும்படி உத்தரவிட்ட அவர், 10 நாட்களுக்கு காவல் நிலையத்தில் கையெழுத்திடவும் உத்தரவு பிறப்பித்து உள்ளார்.

இதுதொடர்பாக மு.க.ஸ்டாலின் தனது எக்ஸ் தளத்தில் வெளியிட்டுள்ள அறிக்கையில், “முதலமைச்சரை அவதூறாகப் பேசினார் என்று முன்னாள் அமைச்சர் அனிதா ராதாகிருஷ்ணன் அவர்களைக் கைது செய்துள்ளது ‘Take Diversion’ அரசு. தொகுதியில் ஆய்வு மேற்கொண்டு மக்கள் பணியில் ஈடுபட்டு இருந்தவரை, அவசர அவசரமாகக் கைதுசெய்ய வேண்டிய அவசியம் என்ன வந்தது?

சினிமா ஆக்‌ஷன் பாணியில் போலீஸ் ராஜ்ஜியம் நடத்திக் கொண்டிருக்கிறார் முதலமைச்சர். கூட்டுப் பாலியல் வன்கொடுமைக்கு உள்ளான பெண்மணி திருவைகுண்டம் தவெக சட்டமன்ற உறுப்பினர் மேல் கூறியுள்ள புகாரில் இதுவரை எந்த நடவடிக்கையும் எடுக்காத ‘தூயசக்தி ஆட்சி’, அந்த வழக்கில் ஏன் இந்த அவசரத்தைக் காட்டவில்லை? தமிழ்நாடு முழுவதும் நடைபெறும் கொலை, கொள்ளைகளையும் பெண்களுக்கு எதிரான பாலியல் குற்றங்களையும் தடுக்க வக்கில்லாமல் அடுத்த கட்சி சட்டமன்ற உறுப்பினர்களை இணைத்துக் கொண்டிருக்கும் இந்த அரசின் மாற்றம் இதுதானா?

அவதூறு வழக்கில் கைது செய்வதாக இருந்தால், இன்றைய அமைச்சர்கள் பேசும் பேச்சுக்கு எல்லாம் எத்தனை பேரைக் கைது செய்வது? வாக்களித்த மக்களுக்கு எந்த நன்மையும் செய்யாமல், குதிரைபேரத்தின் மூலமாகத் தனது நாற்காலியைத் தக்க வைத்து – விமர்சிக்கும் எதிர்க்கட்சிகளைக் கைது செய்து காலம் கடத்திவிடலாம் என நினைக்கிறார் முதலமைச்சர். ஆணவம் அழிவிற்கு வழி!” என்று பதிவிட்டுள்ளார்.

இந்த வழக்கில் முன் ஜாமின் கேட்டு சென்னை ஐகோர்ட்டில், அனிதா ராதாகிருஷ்ணன் மனு தாக்கல் செய்தார். அதில், ”ஆளுங்கட்சியின் நடவடிக்கைகளால் பொதுமக்கள் அடைந்துள்ள அதிருப்தி குறித்து பிரதான எதிர்க்கட்சி என்ற முறையில் விமர்சித்து பேசினேன். அரசியல் உள்நோக்கத்துடன் போலீசார் என் மீது இந்த வழக்கை பதிவு செய்துள்ளனர். எனவே, எனக்கு முன் ஜாமின் வழங்க வேண்டும்” என்று கூறி இருந்தார்.

இந்த மனு நீதிபதி ஜி.கே.இளந்திரையன் முன்பு விசாரணைக்கு வந்தது. அப்போது, அனிதா ராதாகிருஷ்ணன் பேசியது எழுத்துப்பூர்வமாக கோர்ட்டில் தாக்கல் செய்யப்பட்டது. அதை படித்து பார்த்த நீதிபதி, “அனிதா ராதாகிருஷ்ணன் சாதாரண மனிதர் கிடையாது. அவர் முன்னாள் அமைச்சர். தற்போது எம்எல்ஏ. அவருக்கு முதலமைச்சருக்கு மரியாதை கொடுக்க வேண்டும் என்பது தெரியாதா?” என்று கேள்வி எழுப்பினார். பின்னர், அவருக்கு முன்ஜாமின் வழங்க முடியாது என்று கூறி மனுவை தள்ளுபடி செய்து உத்தரவிட்டார்.

இந்நிலையில் சென்னை ஐகோர்ட் முன் ஜாமின் மனுவை தள்ளுபடி செய்யப்பட்ட நிலையில் சிறிது நேரத்தில் அவர் கைது செய்யப்பட்டார். தூத்துக்குடி மாவட்டம் ஆத்தூர் பேரூராட்சியில் ஆய்வு செய்வதற்காக அனிதா ராதாகிருஷ்ணன் எம்.எல்.ஏ. இன்று சென்றார். அப்போது அவரை ஆத்தூர் இன்ஸ்பெக்டர் (பொறுப்பு) ரென்னீஸ் தலைமையிலான போலீசார் கைது செய்தனர்.

பின்னர் அனிதா ராதாகிருஷ்ணன் தனது காரில் ஏறி போலீஸ் நிலையத்துக்கு வருவதாக கூறினார். ஆனால் அதனை ஏற்க மறுத்த போலீசார் அனிதா ராதாகிருஷ்ணனை அவரது காரில் இருந்து இறக்கி போலீஸ் வாகனத்தில் அழைத்து சென்றனர். அப்போது அங்கிருந்த அவரது ஆதரவாளர்கள் இதற்கு எதிர்ப்பு தெரிவித்து கோஷமிட்டதால் பரபரப்பு ஏற்பட்டது. தொடர்ந்து அவர்கள் போலீஸ் வாகனம் முன்பு அமர்ந்து சாலை மறியலில் ஈடுபட்டனர். இதனால் அப்பகுதியில் பரபரப்பு நிலவியது.

தமிழ்நாட்டில் முதலமைச்சர் விஜய் தலைமையில் த.வெ.க. ஆட்சி அமைந்த பின்னர் முதன் முதலாக தி.மு.க. முன்னாள் அமைச்சர் ஒருவர் கைது செய்யப்பட்டு உள்ளது பரபரப்பை ஏற்படுத்தி உள்ளது.

இதற்காக மாமல்லபுரத்தில் உள்ள ஒரு தனியார் நட்சத்திர விடுதியில் பிரம்மாண்டமான ஏற்பாடுகள் செய்யப்பட்டுள்ள நிலையில், நூற்றுக்கணக்கான பேருந்துகள் மற்றும் கார்களுடன் திரண்டுள்ள மாபெரும் ஆதரவாளர் கூட்டத்தால் இந்த இணைப்பு விழா அரசியல் களத்தில் பெரும் பரப்பரப்பை ஏற்படுத்தியுள்ளது.

ஆரம்ப காலகட்டங்களில் கட்சி கூட்டங்களுக்கு வரும் மக்களுக்கு முறையான தண்ணீர் பாட்டில்கள் வழங்குவதே அரிதாக இருந்த தவெக கூட்டங்களில், தற்போது இந்த மெகா வரலாற்று நிகழ்விற்காக விழா நடைபெறும் அரங்கில் போடப்பட்டுள்ள ஒவ்வொரு இருக்கையிலும் தவெக துண்டு மற்றும் அக்கட்சியின் தலைவரும் முதலமைச்சருமான விஜய் புகைப்படத்துடன் கூடிய பிரத்யேக பைகளில் ஸ்நாக்ஸ்கள் வைக்கப்பட்டு மிகவும் கார்ப்பரேட் பாணியில் பிரம்மாண்டமாக உபசரிக்கப்படுவது அனைவரின் கவனத்தையும் ஈர்த்துள்ளது.

இதுபற்றி அ.தி.மு.க. பொதுச்செயலாளர் எடப்பாடி பழனிசாமி கூறுகையில், குதிரை பேரம் நடத்துவதாக த.வெ.க. மீது குற்றம் சாட்டியிருந்தார். மறுபுறம் கட்சி மற்றும் திருமண நிகழ்ச்சிகளில் கலந்து கொள்ளும் தி.மு.க. தலைவர் மு.க.ஸ்டாலின், பெரும்பான்மை இல்லாமல் த.வெ.க. அரசு நடைபெறுகிறது. எனவே தமிழகத்துக்கு எப்போது வேண்டுமானாலும் தேர்தல் வரலாம் என்று கூறினார்.

தி.மு.க. சின்னத்தில் போட்டியிட்டு வெற்றிபெற்ற 2 எம்.எல்.ஏ.க்களை ராஜினாமா செய்யுமாறு பேரம் நடைபெறுவதாக தி.மு.க. சார்பில் புகார் தெரிவிக்கப்பட்டது. அதற்கு சமீபத்தில் தி.மு.க. கூட்டணியில் இருந்து விலகிய ம.தி.மு.க. பொதுச்செயலாளர் வைகோவின் பேச்சை சுட்டிக்காட்டி இருந்தனர்.

இந்நிலையில் சட்​டப்​பேர​வை​யில் சபா​நாயகருக்கு எதி​ராகத் தீர்மானம் கொண்டு வர உள்​ள​தாக​வும் ஆளும் கட்சி உறுப்​பினராக இருந்​தா​லும் நாங்​கள் சொல்​வது போல் கேட்டு சபாநாயகருக்கு எதி​ராக வாக்​களிக்க வேண்​டும் என்​றும், அதற்கு ரூ.35 கோடி வரை பணம் கிடைக்கும் என்றும் கிருஷ்ணகிரி மாவட்​டம் ஊத்​தங்​கரை தொகுதி தவெக எம்​எல்ஏ இளையராஜாவிடம் சிலர் பேசி உள்ளனர். இதுதொடர்பாக அவர் சென்னை போலீஸ் கமிஷனர் அமல்ராஜை சந்தித்து இளையராஜா புகார் அளித்தார்.

இந்த புகார் தொடர்பாக விசாரணை நடத்திய போலீசார் 3 பேரை கைது செய்தனர். கைதான 3 பேரும் முன்னாள் அமைச்சர் செந்தில் பாலாஜியின் சகோதரர் அசோக் குமாரை சென்னையில் வைத்து சந்தித்து பேசியதாகவும், செந்தில் பாலாஜியும், அசோக் குமாரும் கூறிய அறிவுரையின் பேரிலேயே எம்எல்ஏ இளையராஜாவுடன் பேசியதாக வாக்குமூலம் அளித்தனர்.

கைதான 3 பேரும் கோர்ட்டில் ஆஜர்படுத்தப்பட்டனர். அவர்களை வருகிற 15-ந்தேதி வரை நீதிமன்ற காவலில் வைக்க நீதிபதி உத்தரவிட்டார். இதையடுத்து 3 பேரும் சென்னை புழல் சிறையில் அடைக்கப்பட்டனர். இந்த புகார் தொடர்பாக திமுக பிரமுகர்களான சக்தி மெஸ் கார்த்தி, ரமேஷ் ஆகியோரை போலீசார் கைது செய்தனர். கைதான 2 பேரும் செந்தில் பாலாஜி ஆதரவாளர்கள் எனவும் கூறப்படுகிறது. இந்த விவகாரம் தொடர்பாக இதுவரை 5 பேர் கைது செய்யப்பட்டுள்ளனர்.

இந்நிலையில் தவெக ஆட்சியை கவிழ்க்க ரூ.35 கோடி பேரம் பேசிய விவகாரத்தில் முதல் தகவல் அறிக்கை விவரம் வெளியானது. ஊத்தங்கரை தவெக எம்எல்ஏ இளையராஜா அளித்த புகாரை வைத்து முதல் தகவல் அறிக்கை பதிவு செய்யப்பட்டுள்ளது.

திருநாவுக்கரசு, நரேஷ், கிருஷ்ணன், அசோக்குமார் ஆகியோர் மீது வழக்குப்பதிவு செய்துள்ளதாக முதல் தகவல் அறிக்கையில் தகவல் வெளியாகி உள்ளது. செந்தில் பாலாஜியின் சகோதரர் அசோக்குமார் மீது 4 பிரிவுகளில் போலீசார் வழக்குப்பதிவு செய்துள்ளனர். கொலை மிரட்டல், குற்றச் சதிக்கு உடந்தையாக இருத்தல் உள்ளிட்ட 4 பிரிவுகளில் அசோக் குமார் மீது வழக்குப்பதிவு செய்யப்பட்டுள்ளது.

பேரம் பேசியதை வெளியே சொன்னால் குடும்பத்தினர் உயிரோடு இருக்க முடியாது என திருநாவுக்கரசு மிரட்டியதாக தகவல் வெளியாகி உள்ளது. ஒத்துழைக்காவிடில் உயிருடன் நடமாட முடியாது என இளையராஜாவை மிரட்டியதாக எஃப்ஐஆரில் தகவல் வெளியாகி உள்ளது.

இதுதொடர்பாக விஜயபாஸ்கர் வெளியிட்டுள்ள அறிக்கையில், “என் பொதுவாழ்வு பயணத்தை மேலும் அர்த்தமுள்ளதாக்கும் மாற்றத்தின் புதிய தொடக்கமாக த.வெ.க.வில் இணைகிறேன். த.வெ.கவில் என்னை இணைத்துக்கொண்டு என் அரசியல் பயணத்தை புதிய உத்வேகத்துடன் தொடர இருக்கிறேன்.” என்று அவர் தெரிவித்துள்ளார்.

மாபெரும் இணைப்பு விழா நாளை காலை 9 மணி முதல் மாமல்லபுரம் Four Points by Sheraton ஓட்டலில் நடைபெற உள்ளது.

அ.தி.மு.க.வில் இருந்து எம்.எல்.ஏ. பதவியை ராஜினாமா செய்துவிட்டு ஜெயக்குமார் (பெருந்துறை), மரகதம் குமரவேல் (மதுராந்தகம்), சத்தியபாமா (தாராபுரம்), இசக்கி சுப்பையா (அம்பாசமுத்திரம்) ஆகியோர் த.வெ.க.வில் இணைந்தனர். அதேபோன்று எம்.எல்.ஏ. பதவியை ராஜினாமா செய்துள்ள டாக்டர் சி.விஜயபாஸ்கர் (விராலிமலை), எம்.ஆர்.விஜயபாஸ்கர் (கரூர்) ஆகியோரும் த.வெ.க.வில் இணைய உள்ளனர் என்பது குறிப்பிடத்தக்கது.

* நாளை நடைபெறும் தவெக கூட்டணி கட்சி கூட்டத்தில் விடுதலை சிறுத்தைகள் கட்சி பங்கேற்கும்.

* விடுதலை சிறுத்தைகள் கட்சியின் எம்.பி.க்கள், எம்.எல்.ஏ.க்களும் பங்கேற்பர்.

* தவெக அரசிற்கு ஆதரவு நல்கும் எந்த கட்சிகளும் வாக்கு தவற வாய்ப்பில்லை.

* 5 ஆண்டுகள் தவெக ஆட்சி தொடர விசிக துணை நிற்கும்.

* காங்கிரஸ், கம்யூனிஸ்ட் உள்ளிட்ட கட்சிகள் தவெகவிற்கு அளித்த வாக்குறுதிகளை காப்பாற்றும்.

* எம்எல்ஏக்கள் ராஜினாமாவுக்கு அதிமுகவில் உள்ள உட்கட்சி பிரச்சனைகள் தான் காரணம்.

இவ்வாறு அவர் கூறினார்.

தமிழகத்தில் பிறந்தது முதல் ஐந்து வயதுக்குட்பட்ட அனைத்துக் குழந்தைகளுக்கும் போலியோ பாதிப்பு இல்லாத ஆரோக்கியமான எதிர்காலத்தை உறுதி செய்யும் நோக்கில் இந்த முகாம் தீவிரமாக முன்னெடுக்கப்பட்டு வரும் வேளையில், முதற்கட்டமாக முதலமைச்சர் முன்னிலையில் குழந்தைகளுக்குச் சொட்டு மருந்து வழங்கப்பட்டதோடு, அவர்களுக்குப் பாராட்டுத் தலா ஒரு மென்மையான பொம்மைப் பரிசும் வழங்கி மகிழ்விக்கப்பட்டது.

மாநிலம் முழுவதும் இரண்டு லட்சத்திற்கும் மேற்பட்ட சுகாதாரப் பணியாளர்கள், அங்கன்வாடி ஊழியர்கள் மற்றும் தன்னார்வலர்கள் இந்தப் பணியில் ஈடுபடுத்தப்பட்டுள்ளதால், பெற்றோர்கள் அனைவரும் தங்களின் ஐந்து வயதுக்குட்பட்ட குழந்தைகளுக்கு விடுபடாமல் சொட்டு மருந்து வழங்கித் தங்களின் முழுப் பங்களிப்பை நல்க வேண்டும் எனச் சுகாதாரத்துறை கேட்டுக்கொண்டுள்ளது.

மேலும், திருவண்ணாமலையில் உள்ள அவரது வீடு மற்றும் அவருக்கு சொந்தமான இடங்களிலும் சோதனை நடைபெற்று வருகிறது.

அவர் அமைச்சராக இருந்த போது பொதுப்பனித்துறையில் கமிஷன் பெற்றதாக புகார் எழுந்தது. பணி நியமனத்திற்கும் பணம் பெற்றதாக எழுந்த குற்றச்சாட்டை தொடர்ந்து இந்த சோதனை நடைபெறுவதாக சொல்லப்படுகிறது.

* இலங்கை தமிழர் நலனுக்காக உண்ணாவிரத போராட்டத்தில் இருந்துள்ளோம்.

* விஜய் மக்கள் இயக்கம் மூலமாக பல வழிகளில் மக்களுக்கு உதவியாக இருந்துள்ளோம்.

* தனது திரைப்படங்கள் மூலமாக சமூகநீதியை பேசினோம்.

* மக்கள் இயக்கத்தினர் உள்ளாட்சி தேர்தலில் போட்டியிட்டு வென்றுள்ளனர்.

* கட்சி ஆரம்பித்தபின் வீட்டிற்குள் செல்வோர் மத்தியில், நம் மக்கள் வீட்டிற்குள் சென்ற பின் தான் கட்சி ஆரம்பித்தோம்.

* 2 பெண் தலைவர்களை கொள்கை தலைவர்களாக அறிவித்த ஒரே கட்சி தவெக.

* பெரியாரின் கடவுள் மறுப்பு கொள்கைகளில் நமக்கு உடன்பாடு இல்லை.

* நமது கட்சியை நடிகன் கட்சி என கூறி நக்கல், நையாண்டி செய்கிறார்கள்.

* தவெகவின் மக்கள் சந்திப்பிற்கு அவ்வளவு தடைகள் விதிக்கப்பட்டது.

* நடந்து முடிந்த சட்டமன்ற தேர்தலில் கூட்டணியின்றி தனிப்பெரும் கட்சியாக வளர்ந்துள்ளோம்.

* கரூர் உயிரிழப்பு கொடூர சம்பவம் எப்போதும் நெஞ்சத்தை விட்டு அகலாது.

* தமிழகத்தில் தற்போது மிகமிக சாமான்யர்களின் ஆட்சி நடந்து கொண்டிருக்கிறது.

* தமிழ்நாட்டின் ஒவ்வொரு குடும்பமும் முக்கியம் என சொல்வது தான் நமது ஆட்சி.

* காசு கொடுத்து ஓட்டு வாங்கும் நச்சு கலாச்சாரத்தை ஒழித்துள்ளோம்.

* நேர்மையான நிர்வாகம் என்பதில் த.வெ.க. நிர்வாகம் உறுதியாக உள்ளது.

இவ்வாறு அவர் கூறினார்.