இதன் மூலம் ஸ்மார்ட்ஃபோன் இல்லாதவர்கள் அல்லது இணைய சேவை இல்லாத கிராமப்புறங்களில் வாழ்பவர்கள் *99# USSD குறியீடு, UPI 123PAY (குரல் வழி மற்றும் மிஸ்டு கால் சேவை) மற்றும் என்.எஃப்.சி (NFC) தொழில்நுட்பம் கொண்ட ‘UPI Lite X’ (டேப்-டு-பே) ஆகிய வழிகள் மூலம் கடைகளிலும் வியாபாரிகளிடமும் மிக எளிதாகக் கட்டணங்களைச் செலுத்த முடியும்.

இணையச் சேவை முடக்கங்கள் மற்றும் சிக்னல் குறைபாடுகளால் பணப்பரிவர்த்தனை தடையிடுவதைத் தவிர்க்கவும், நாட்டில் உள்ள அனைத்துத் தரப்பு மக்களையும் முழுமையான டிஜிட்டல் பொருளாதாரத்திற்குள் கொண்டுவரவும் இந்த ஆஃப்லைன் யூபிஐ வசதி ஒரு முக்கிய மைல்கல்லாகப் பார்க்கப்படுகிறது.

பீம் யு.பி.ஐ., கூகுள் பே, போன் பே போன்ற பல்வேறு செயலிகளில் இருக்கும் ஆட்டோ பே வசதியை ஒரே இடத்தில் மேலாண்மை செய்யும் வசதியை என்.பி.சி.ஐ. கொண்டு வந்துள்ளது. இதற்காக ஒரு தளத்தை உருவாக்கி இருக்கிறது. upihelp.npci.org.in என்ற ஒரே தளத்தில் அனைத்து யுபிஐ செயலிகளில் இருக்க கூடிய ஆட்டோபேவையும் பார்வையிட்டு மேலாண்மை செய்யலாம். இந்த வசதி வருகிற 1-ந்தேதி முதல் அமலுக்கு வருகிறது.