பிற்படுத்தப்பட்டோர் நலத்துறை அமைச்சர் கௌரிசங்கர் கோஷ் தாக்கல் செய்த, ‘மேற்கு வங்க பிற்படுத்தப்பட்ட வகுப்பினருக்கான ஆணைய (திருத்த) மசோதா 2026 மூலம், 1993ஆம் ஆண்டின் சட்டத்தில் திருத்தம் செய்யப்பட்டுள்ளது.

அடுத்ததாக, ‘மேற்கு வங்க பிற்படுத்தப்பட்ட வகுப்பினர் பணிகள் மற்றும் பதவிகளில் காலிப்பணியிடங்கள் இடஒதுக்கீடு (திருத்த) மசோதா, 2026’ வின் கீழ் 77 முஸ்லிம்கள் சமூகங்கள் பட்டியலில் இருந்து நீக்கப்பட்டன.

கடந்த திரிணாமுல் காங்கிரஸ்ஆட்சிக் காலத்தில் பல முஸ்லிம் சமூகங்களுக்கு ஓபிசி அந்தஸ்து வழங்கப்பட்டதை எதிர்த்து 2010 முதல் 2020 வரை பல மனுக்கள் தாக்கல் செய்யப்பட்டன. 2024 மே 22 அன்று குறிப்பிட்ட சமூகங்களின் ஓபிசி சேர்க்கை செல்லாது என கொல்கத்தா உயர் நீதிமன்றம் தீர்ப்பளித்தது. இந்தத் தீர்ப்பை அடிப்படையாகக் கொண்டே தற்போது சுவேந்து அதிகாரி தலைமையிலான அரசு இச்சட்டத்திருத்தத்தை கொண்டுவந்துள்ளது.

புதிய சட்டத்திருத்தத்தின்படி, நெஹாரியா, ஹல்தார், சான்புய், மாலி, கோசி , தர்ஜி, ராஜ்மிஸ்திரி, பதியாரா, மொல்லா, தாலி உள்ளிட்ட 77 முஸ்லிம் சமூகங்கள் ஓபிசி பட்டியலில் இருந்து முற்றிலும் நீக்கப்பட்டுள்ளன. இதன்மூலம் அவற்றின் ஓபிசி அந்தஸ்து ரத்து செய்யப்பட்டுள்ளது. அதே வேளையில், ஜோலா அன்சாரி மோமின், ஃபகிர், பஹாடியா, ஹஜ்ஜாம், சௌதுலி ஆகிய சில முஸ்லிம் சமூகங்கள் புதிய ஓபிசி பட்டியலிலும் தொடர்ந்து நீடிக்கின்றன.

மதிய உணவுத் திட்டத்தின் கீழ், மத அமைப்பான இஸ்கானின் அன்னமித்ரா அறக்கட்டளை சமைத்த சைவ உணவு மட்டுமே வழங்கப்படும் என மேற்கு வங்க அரசு அறிவித்ததை தொடர்ந்து இந்த முடிவு எடுக்கப்பட்டதாக தகவல் வெளியாகி உள்ளது.

இஸ்கானின் கொல்கத்தா செய்தித் தொடர்பாளர் ராதராமன் தாஸ் பேசுகையில், உணவில் முட்டைகள் இடம்பெறாது என்றும் அதற்குப் பதிலாக, பனீர், ராஜ்மா, சோயாபீன்ஸ், பருப்பு வகைகள் மற்றும் பிற சைவப் புரத மூலங்கள் போன்ற பொருட்கள் அதில் சேர்க்கப்படும் என்றும் தெரிவித்தார்.

இஸ்கான் ஏற்கனவே எட்டுக்கும் மேற்பட்ட மாநிலங்கள் மற்றும் 22 நகரங்களில் இது போன்ற மதிய உணவுத் திட்டங்கள் மூலம் சுமார் 12 லட்சம் மாணவர்களுக்கு உணவளித்து வருவதாக அவர் கூறினார்.

இந்த தீ விபத்து குறித்து மேற்கு வங்க மாநில தீயணைப்புத் துறை அமைச்சர் கெளசிக் சௌத்ரி கூறுகையில், ” இந்த தீ விபத்தில் கட்டிடத்தில் குறிப்பிட்ட தளங்களிலி மட்டும் தீ பரவியது சந்தேகத்தை ஏற்படுத்துகிறது. இது திட்டமிட்ட சதியாக இருக்கலாம் என்று சந்தேகப்படுகிறோம் என்றார். தீ விபத்து குறித்து சிறப்பு விசாரணைக்குழுவை (எஸ்ஐடி) கொல்கத்தா காவல்துறை நியமித்துள்ளது. தீ விபத்து நடந்த இடத்தில், மின்னணு இயந்திரங்கள் தீப்பிடித்ததில் யாருக்கும் சம்பந்தம் உள்ளதா என்று குறித்து விசாரணை தீவிரப்படுத்தப்பட்டுள்ளது.

இந்த தீ விபத்திற்கு ஆளும் பாஜக மீது மம்தா பானர்ஜியின் திரிணாமுல் காங்கிரஸ் கடும் கண்டனத்தை தெரிவித்துள்ளது. காஸ்பா, ஜாதவ்பூர், பெஹாலா கிழக்கு, பெஹாலா மேற்கு உள்ளிட்ட பல்வேறு தொகுதிகளில் பதிவான வாக்குகள் அடங்கிய மின்னணு இயந்திரங்கள் தீயில் நாசமாகியுள்ளன. இது ஜனநாயகத்தின் மீது நடத்தப்பட்ட தாக்குதல் என்றும் திரிணாமுல் குற்றம் சாட்டியுள்ளது.

ஹவுரா மாவட்டத்தின் பாலி (Bally) தொகுதியில் மின்னணு வாக்குப்பதிவு இயந்திரத்தில் (EVM) ஏற்பட்ட கோளாறு காரணமாக ஆவேசமடைந்த அரசியல் கட்சியினரிடையே மோதல் வெடித்தது; இதனைத் தொடர்ந்து சிஆர்பிஎஃப் (CRPF) வீரர்கள் தடியடி நடத்தி கூட்டத்தைக் கலைத்ததுடன் இருவரைக் கைது செய்துள்ளனர்.

கொல்கத்தாவின் பவானிபூர் தொகுதியில் முதல்வர் மம்தா பானர்ஜி மற்றும் பாஜகவின் சுவேந்து அதிகாரி இடையே கடும் போட்டி நிலவும் சூழலில், நதியா மாவட்டத்தின் சாப்ரா பகுதியில் பாஜக முகவர் ஒருவர் தாக்கப்பட்டதாகவும், பல இடங்களில் திரிணாமுல் காங்கிரஸ் மற்றும் பாஜக தொண்டர்களிடையே மோதல்கள் வெடித்ததாகவும் செய்திகள் வெளியாகியுள்ளன.

வடக்கு மற்றும் தெற்கு 24 பர்கானாக்கள், ஹூக்ளி உள்ளிட்ட 7 மாவட்டங்களில் உள்ள 142 தொகுதிகளில் பலத்த பாதுகாப்புடன் வாக்குப்பதிவு தொடர்ந்து வரும் நிலையில், மத்திய படைகள் ஒருதலைப்பட்சமாகச் செயல்படுவதாக முதல்வர் மம்தா பானர்ஜி குற்றம் சாட்டியுள்ளார்.

இந்த நிகழ்ச்சி இடமாற்றத்தால் சொற்ப எண்ணிக்கையிலான பார்வையாளர்கள் மட்டுமே அதில் பங்கேற்றனர் எனவும், இதற்கு மேற்கு வங்க முதல்வர் மம்தா பானர்ஜி தலைமையிலான திரிணாமுல் காங்கிரஸ் அரசின் அரசியல் காழ்ப்புணர்ச்சியே காரணம் எனவும் குற்றம் சாட்டப்பட்டது.

இதற்கிடையே, ஜனாதிபதி வருகையின்போது அவரை வரவேற்க மம்தா பானர்ஜியோ அல்லது அவர் சார்பில் எந்த ஒரு அமைச்சரோ செல்லவில்லை என்றும் குற்றச்சாட்டு சுமத்தப்பட்டது. இவை அனைத்தையும் நிகழ்ச்சியில் மேடையேறிய ஜனாதிபதி முர்மு தமது உரையில் சுட்டிக்காட்டிப் பேசினார். இந்தக் குற்றச்சாட்டுக்கு முதல் மந்திரி மம்தா பானர்ஜி பதிலளித்தார்.

இந்நிலையில், இந்த விவகாரம் தொடர்பாக பிரதமர் மோடி வெளியிட்டுள்ள எக்ஸ் பதிவில், “திரிணாமுல் காங்கிரஸ் அரசு உண்மையில் எல்லைகளை மீறிச் செயல்பட்டு வருகிறது. ஜனாதிபதி அவமதிக்கப்பட்டதற்கு அவர்களது நிர்வாகமே பொறுப்பாகும். இது வெட்கக்கேடானது; பழங்குடியின சமூகங்களின் முன்னேற்றத்தின்மீது நம்பிக்கை பூண்டுள்ள ஒவ்வொருவரும் மனம் நொந்து போயுள்ளனர்.

பழங்குடியின சமூகப் பின்புலத்திலிருந்து வந்துள்ள ஜனாதிபதி முர்மு வெளிப்படுத்தியிருக்கும் வேதனையானது, இந்திய மக்களின் மனங்களிலும் மிகுந்த சோகத்தை ஏற்படுத்தியுள்ளது. ஜனாதிபதி பதவி அரசியலுக்கு அப்பாற்பட்டது. அதன் மாண்பு எப்போதுமே மதிக்கப்பட வேண்டும் என தெரிவித்தார்.

பிரதமர் மோடியின் குற்றச்சாட்டிற்கு பதில் அளித்து மம்தா பானர்ஜி வெளியிட்டுள்ள எக்ஸ் பதிவில், “சிலிகுரியில் நடைபெறும் 9வது சர்வதேச ஆதிவாசி சந்தால் மாநாட்டிற்கு ஜனாதிபதியை தனியார் அமைப்பான சர்வதேச சந்தால் கவுன்சில் அழைத்தது. சிலிகுரி நகராட்சி மேயர், சிலிகுரி காவல் ஆணையர் ஆகியோர் ஜனாதிபதியை வரவேற்றனர். மாவட்ட நிர்வாகத்தின் தரப்பில் எந்த விதிமீறலும் நடக்கவில்லை.

பாஜக தனது சொந்த கட்சியின் அஜெண்டாவிற்கு நாட்டின் மிக உயர்ந்த தலைவரை அவமதித்து தவறாகப் பயன்படுத்துவது மிகவும் துரதிர்ஷ்டவசமானது” என்று தெரிவித்துள்ளார்.

மேற்கு வங்கத்தின் கங்காசாகரில் நேற்று நடைபெற்ற பொதுக்கூட்டத்தில் பேசிய மம்தா பானர்ஜி, “தேர்தல் ஆணையம் வாக்காளர் பட்டியல் திருத்தத்திற்காகப் பயன்படுத்தும் செயலிகள் பாஜகவின் தகவல் தொழில்நுட்பப் பிரிவால் உருவாக்கப்பட்டவை.

தேர்தல் ஆணையத்தின் இந்தச் செயலிகள் அரசமைப்புச் சட்டத்திற்கும் ஜனநாயகத்திற்கும் புறம்பானவை. இவை முழுக்க முழுக்க பாஜகவின் ஐடி செல் கண்காணிப்பில் இயங்குகின்றன. தேர்தல் ஆணையம் அனைத்தையும் தவறாகச் செய்கிறது. உயிருடன் இருப்பவர்களை இறந்தவர்களாகப் பட்டியலிடுகிறார்கள்.

மருத்துவமனையில் ஆக்சிஜன் உதவியுடன் இருப்பவர்களைக் கூட விசாரணைக்கு நேரில் வருமாறு அழைக்கிறார்கள். பாஜக என்னதான் முயற்சி செய்தாலும் அவர்களுக்கு வேண்டிய பலன் கிடைக்காது. மக்களின் குரலாக நான் நீதிமன்றம் செல்வேன்” என்று தெரிவித்தார்.

வாக்காளர் பட்டியல் சிறப்பு தீவிர திருத்தத்தை எதிர்த்து மம்தாவின் திரிணாமுல் காங்கிரஸ் கட்சி உச்ச நீதிமன்றத்தில் வழக்குத் தொடந்துள்ளது குறிப்பிடத்தக்கது.

நான்கு வாக்குச்சாவடி அதிகாரிகள் உட்பட இறந்த 39 பேரின் குடும்பங்களுக்கு தலா ரூ.2 லட்சம் இழப்பீடு வழங்கப்படும். அதே நேரத்தில், சிறப்பு தீவிர வாக்காளர் பட்டியல் திருத்தப் பணியின் மன அழுத்தத்தால் நோய்வாய்ப்பட்ட நான்கு வாக்குச்சாவடி அதிகாரிகள் உட்பட 13 அதிகாரிகளுக்கு தலா ரூ.1 லட்சம் இழப்பீடு வழங்கப்படும் என்று அவர் அறிவித்தார்.

நவம்பர் 4 முதல் நடந்து வரும் வாக்காளர் பட்டியல் சிறப்பு தீவிர திருத்தம் பொதுமக்களிடையே பரவலான அச்சத்தையும் பீதியையும் உருவாக்கியுள்ளது என்று அவர் கூறினார்.

அப்போது பேசிய அவர், “நான் ஒன்றைக் கணிக்கிறேன். பிரதமர் மோடியின் சொந்த மாநிலமான குஜராத்தில் பாஜக தோற்கப் போகிறது. வங்காளத்தை வெல்ல அவர்கள் குஜராத்தில் தோற்க நேரிடும்” என்று தெரிவித்தார்.

மேலும் SIR பணிகள் குறித்து பேசிய அவர், “SIR ஏன் இவ்வளவு அவசரமாக செயல்படுத்தப்படுகிறது? தேர்தலுக்கு முன்பு யாரால் அதை முடிக்க வேண்டும்? இது மூன்று ஆண்டுகள் எடுத்து மெதுவாக செய்யப்பட்டால் என்ன பிரச்சனை? இவ்வளவு காலமாக சட்டவிரோத குடியேறிகள் இருந்திருந்தால், அதற்கு யார் பொறுப்பு?

எல்லையைப் பாதுகாப்பதற்கு யார் பொறுப்பு? விமான நிலையங்கள் மற்றும் சுங்கச்சாவடிகள் அனைத்தும் மத்திய அரசின் கட்டுப்பாட்டில் உள்ளன. தேர்தல் ஆணையம் இப்போது ஒரு பாஜக ஆணையம் ஆகிவிட்டது. முறையான பயிற்சி கூட பெறாமல் பணியில் ஈடுபடுத்தப்படுவதால் பி.எல்.ஓ.க்கள் தற்கொலை செய்து கொள்கிறார்கள்” என்று கூறினார்.

எஸ்.ஐ.ஆருக்கு காங்கிரஸ், தி.மு.க. உள்ளிட்ட எதிர்க்கட்சிகள் கடும் கண்டனம் தெரிவித்தன. இந்த நிலையில் வாக்காளர் சிறப்பு தீவிர திருத்தத்துக்கு எதிராக மேற்கு வங்காள முதலமைச்சரும், திரிணாமுல் காங்கிரஸ் தலைவருமான மம்தா பானர்ஜி தலைமையில் வருகிற 4-ந்தேதி கொல்கத்தாவில் போராட்டம் நடக்கிறது.

கட்சியின் பொதுச் செயலாளரான அபிஷேக் பானர்ஜியும் ஆர்ப்பாட்டத்தில் கலந்து கொள்கிறார். இதற்கிடையே மேற்கு வங்காள தலைமை தேர்தல் அதிகாரிக்கு திரிணாமுல் காங்கிரஸ் புகார் கடிதம் ஒன்றை அனுப்பியுள்ளது.

மேற்கு வங்காள சட்டசபை எதிர்க்கட்சி தலைவரும், பா.ஜ.க தலைவருமான சுவேந்து, பூத் நிலை அதிகாரிகளுக்கு (பி.எல்.ஒ.) மிரட்டல் விடுப்பதாக குற்றம் சாட்டியுள்ளது

கனமழை , நிலச்சரிவால் டார்ஜிலிங் மாவட்டத்தில் மிரிக்- குர்சியோங்கின் மாவட்ட நகரங்கள் மற்றும் சுற்றுலா தலங்களை இணைக்கும் துடியா இரும்புப் பாலமும் இடிந்து விழுந்தது.

நிலச்சரிவு மற்றும் பாலம் இடிந்து விழுந்ததில் 17 பேர் பலியானார்கள். உயிரிழப்பு சம்பவம் அந்த பகுதியில் பெரும் சோகத்தை ஏற்படுத்தியுள்ளது. இதை தொடர்ந்து டார்ஜிலிங்கில் உள்ள டைகர் ஹில் மற்றும் ராக் கார்டன் உள்ளிட்ட சுற்றுலா தலங்களை மூட மாவட்ட நிர்வாகம் உத்தர விட்டுள்ளது.

பலியானவர்களின் உடல்களை மீட்கும் பணி தீவிரமாக நடைபெற்று வருகிறது. பாதிக்கப்பட்ட மக்களை மீட்கும் பணியும் முழுவீச்சில் நடைபெற்று வருகிறது. மலைப்பகுதி மாவட்டங்களில் இரவு முழுவதும் இடைவிடாமல் பெய்து வரும் பலத்த மழையால் அண்டை மாவட்டமான ஜல்பைகுரியன் மல்பஜாரில் வெள்ளப்பெருக்கு ஏற்பட்டது.

மேற்கு வங்காளம்- சிக்கிமை இணைக்கும் சாலை மற்றும் சிலிகுரியை இணைக்கும் சாலை உள்ளிட்ட முக்கிய சாலைகள் நிலச்சரிவால் துண்டிக்கப்பட்டன. துர்கா பூஜைக்காக ஏராளமான சுற்றுலா பயணிகள் டார்ஜிலிங் சென்றுள்ளனர். கனமழை மற்றும் நிலச்சரிவால் அவர்கள் பரிதவிக்கிறார்கள். அவர்களை மீட்கும் பணி தீவிரப்படுத் தப்பட்டுள்ளது.

பலத்த மழையால் பாதிக்கப்பட்ட பகுதிகளில் அடுத்த 48 மணி நேரத்துக்கு மேலாக மிக கனமழை பெய்யும் என்று இந்திய வானிலை ஆய்வு மையம் எச்சரித்துள்ளது.

டார்ஜிலிங் எம்.பி. ராஜூ பிஸ்தா தனது எக்ஸ்தள பதிவில் கூறியிருப்பதாவது:-

கனமழையால் ஏற்பட்டுள்ள பாதிப்பு மிகுந்த கவலை அளிக்கிறது. உயிரிழப்புகள், சொத்து இழப்பு மற்றும் உள்கட்டமைப்புக்கு சேதம் ஏற்பட்டுள்ளது. நிலைமையை நான் கண்காணித்து வருகிறேன். மேலும் சம்மந்தப்பட்ட அதிகாரிகளுடன் தொடர்பில் இருக்கிறேன்.

இவ்வாறு அந்த பதிவில் அவர் கூறியிருக்கிறார்.