பாராளுமன்ற தேர்தலில் தமிழ்நாடு, புதுச்சேரியில் உள்ள 40 தொகுதிகளுக்கும் தி.மு.க., அ.தி.மு.க.வில் வேட்பாளர்கள் அறிவிக்கப்பட்டு உள்ளனர். இதில் போட்டியிடும் வேட்பாளர்கள் பொதுவாக நல்லநாள் பார்த்து வேட்பு மனுதாக்கல் செய்வது வழக்கம். அந்த வகையில் தி.மு.க.வில் பெரும்பாலான வேட்பாளர்கள் 25-ந்தேதி வேட்புமனு தாக்கல் செய்ய உள்ளனர்.
இதில் சில வேட்பாளர்கள் 27-ந்தேதி அன்று மனு தாக்கல் செய்ய முடிவெடுத்துள்ளனர். இதே போல் அ.தி.மு.க. கூட்டணி வேட்பாளர்களை பொறுத்தவரை 40 தொகுதி வேட்பாளர்களும் வருகிற 24-ந்தேதி திருச்சியில் நடைபெறும் அ.தி.மு.க. தேர்தல் பிரசார பொதுக்கூட்டத்தில் அறிமுகப்படுத்தப்பட உள்ளனர்.
அதன் பிறகு 25-ந்தேதி அ.தி.மு.க. வேட்பாளர்கள் வேட்புமனு தாக்கல் செய்ய முடிவு செய்துள்ளனர். அன்றைய தினம் மனுதாக்கல் செய்ய முடியாதவர்கள் 27-ந்தேதி மனுதாக்கல் செய்ய முடிவெடுத்துள்ளதாக கட்சி நிர்வாகிகள் தெரிவித்தனர். இதே போல் விளவங்கோடு சட்டமன்ற இடைத்தேர்தலில் போட்டியிடும் காங்கிரஸ், அ.தி.மு.க. வேட்பாளர்களும் 25-ந்தேதி வேட்பு மனு தாக்கல் செய்ய உள்ளனர்.
இதே போல் மற்ற கட்சி வேட்பாளர்களும் 25 மற்றும் 27 ஆகிய இரு நாட்கள் நல்ல நாள் என்பதால் அன்றைய தினம் மனுதாக்கல் செய்ய முடிவெடுத்துள்ளனர்.
![](data:image/svg+xml;charset=utf-8,<svg height="32px" width="32px" xmlns="http://www.w3.org/2000/svg" version="1.1"/>)
