ஆஸ்திரேலியா ஓபன் டென்னிஸ் – நடால் இரண்டாவது சுற்றுக்கு முன்னேற்றம்

இந்த வருடத்தின் முதல் கிராண்ட் ஸ்லாம் தொடரான ஆஸ்திரேலியா ஓபன் நேற்று தொடங்கியது. இன்று ஆண்களுக்கான ஒற்றையர் பிரிவில் ஏராளமான ஆட்டங்கள் நடைபெற்றன. ஒரு ஆட்டத்தில் முதல் நிலை வீரரான ரபேல் நடால் பொலிவியாவைச் சேர்ந்த ஹுகோ டெலியன்-ஐ 6-2, 6-3, 6-0 என நேர்செட் கணக்கில் வீழ்த்தி 2-வது சுற்றுக்கு முன்னேறினார்.

4-ம் நிலை வீரரான மெட்வெடேவ் 6-3, 4-6, 6-4, 6-2 என வெற்றி பெற்று 2-வது சுற்றுக்கு முன்னேறினார். 10-ம் நிலை வீரரான மொன்பில்ஸ் தைவானைச் சேர்ந்த லு யென்னை 6-1, 6-4, 6-2 என எளிதில் வீழ்த்தினார்.

23-ம் நிலை வீரரான நிக் கிர்ஜியோஸ் 6-2, 7(7)-6(3), 7(7)-6(1) என வெற்றி பெற்று 2-வது சுற்றுக்கு முன்னேறினார். 11-ம் நிலை வீரரான டி கோஃபின் 6-4, 6-3, 6-1 என பிரான்ஸ் வீரர் சார்டியை வீழ்த்தினார்.