‘கங்குவா’ ரசிகர்களுக்கு மிகப்பெரிய விருந்தாக இருக்கும் – இசையமைப்பாளர் தேவி ஸ்ரீ பிரசாத்

தென்னிந்திய திரையுலகின் முன்னணி நடிகரான சூர்யா தற்போது, இயக்குனர் சிவா இயக்கத்தில் ‘கங்குவா’ படத்தில் நடித்து வருகிறார். ஸ்டுடியோ கிரீன் மற்றும் யுவி கிரியேஷன் நிறுவனம் இணைந்து தயாரிக்கும் இந்த படத்தில் பாலிவுட் நடிகை திஷா பதானி, யோகி பாபு, கிங்ஸ்லி, கோவை சரளா, ஆனந்த் ராஜ் உள்ளிட்ட பலர் முக்கிய கதாபாத்திரங்களில் நடிக்கின்றனர்.

3டி முறையில் சரித்திர படமாக 10 மொழிகளில் வெளியாகவுள்ள இப்படத்திற்கு தேவி ஸ்ரீ பிரசாத் இசையமைக்கிறார். ‘கங்குவா’ திரைப்படத்தின் ஃபர்ஸ்ட்லுக் போஸ்டர், மோஷன் போஸ்டர் மற்றும் கிளிம்ப்ஸ் வீடியோ வெளியாகி ரசிகர்களை கவர்ந்தது. தொடர்ந்து இப்படத்தின் தகவல் வெளியாகி படத்தின் மீதான எதிர்பார்ப்பை அதிகரித்து கொண்டே வருகிறது.

இந்நிலையில், ‘கங்குவா’ திரைப்படம் ரசிகர்களுக்கு பெரிய விருந்தாக இருக்கும் என்று இசையமைப்பாளர் தேவி ஸ்ரீ பிரசாத் தெரிவித்துள்ளார். இது குறித்து அவர் கூறியதாவது, கங்குவா படத்தின் இரண்டு சீன்களை பார்த்தேன், அற்புதமாக இருந்தது. சிறுத்தை சிவா வெறித்தனமாக வேலை பார்த்து வருகிறார். சூர்யா வேற லெவல்ல நடித்திருக்கிறார். சினிமா ரசிகர்களுக்கு ‘கங்குவா’ மிகப்பெரிய விருந்தாக இருக்கும் என்று கூறினார்.