டி.என்.பி.எல் கிரிக்கெட் – திருப்பூர் தமிழன்ஸை வீழ்த்தி சேப்பாக் சூப்பர் கில்லீஸ் வெற்றி

சேலத்தில் நேற்று நடைபெறும் 25-வது லீக் ஆட்டத்தில் நடப்பு சாம்பியன் சேப்பாக் சூப்பர் கில்லீஸ், திருப்பூர் தமிழன்ஸ் அணிகள் மோதுகின்றன. டாஸ் வென்ற திருப்பூர் அணி பந்துவீச்சை தேர்வு செய்துள்ளது. அதன்படி முதலில் ஆடிய சேப்பாக் அணி 9 விக்கெட்டுக்கு 133 ரன்களை எடுத்தது. சசிதேவ் அதிரடியாக ஆடி 45 ரன்களை எடுத்து ஆட்டமிழக்காமல் உள்ளார். ராதாகிருஷ்ணன் 24 ரன்னும், சாய் கிஷோர் 19 ரன்னும் எடுத்தனர்.

இதையடுத்து, 134 ரன்களை எடுத்தால் வெற்றி என்ற இலக்குடன் திருப்பூர் அணி களமிறங்கியது. சேப்பாக் அணி வீரர்கள் துல்லியமாக பந்து வீசினர். இதனால் சீரான இடைவெளியில் திருப்பூர் அணி விக்கெட்டுகள் வீழ்ந்தன. குறிப்பாக, சாய் கிஷோர் 4 ஓவர்கள் வீசி 3 மெய்டன் எடுத்து, வெறும் 2 ரன்கள் மட்டும் கொடுத்து 4 விக்கெட் கைப்பற்றி அசத்தினார்.

இறுதியில் திருப்பூர் அணி 73 ரன்களுக்கு ஆல் அவுட்டானது. இதன்மூலம் சேப்பாக் அணி 60 ரன்கள் வித்தியாசத்தில் வெற்றி பெற்றது.