ஆப்கானிஸ்தான், அயர்லாந்து அணிகள் டெஸ்ட் போட்டியில் விளையாட தகுதி பெற்றன. ஆப்கானிஸ்தான் தனது முதல் டெஸ்ட் போட்டியில் இந்தியாவை எதிர்த்து விளையாடியது. அயர்லாந்து பாகிஸ்தானை எதிர்த்து விளையாடியது. இரண்டு அணிகளும் தங்களது முதல் ஆட்டத்தில் தோல்வியடைந்தன.
இந்நிலையில் ஆப்கானிஸ்தான் – அயர்லாந்து அணிகளுக்கு இடையிலான ஒரேயொரு போட்டி கொண்ட டெஸ்ட் தொடர் டேராடூனில் நடைபெற்றது. இதில் ஆப்கானிஸ்தான் 7 விக்கெட் வித்தியாசத்தில் அபார வெற்றி பெற்றது.
டெஸ்ட் கிரிக்கெட் அரங்கில் முதல் வெற்றியை ருசித்துள்ள ஆப்கானிஸ்தான் அணிக்கு வாழ்த்துக்கள் குவிந்த வண்ணம் உள்ளன. ஐசிசி தனது வாழ்த்தை தெரிவித்துள்ளது. ஆப்கானிஸ்தான் அதிபரும் வாழ்த்து தெரிவித்துள்ளார்.
தற்போது பாகிஸ்தான் அணியின் முன்னாள் கேப்டனும், தற்போதைய அந்நாட்டு பிரதமருமான இம்ரான் கான் டுவிட்டர் மூலம் தனது வாழ்த்தை தெரிவித்துள்ளார்.