நடிகர் பிரசாந்துக்கு பிறந்தநாள் பரிசாக விலை உயர்ந்த காரை பரிசளித்த தந்தை தியாகராஜன்

பிரபல இயக்குனர் தியாகராஜனின் மகன் பிரசாந்த். 1990 -ஆண்டு ‘வைகாசி பொறந்தாச்சு’ படம் மூலம் நடிகரானார்.அதை தொடர்ந்து பிரபல இயக்குனர் பாலுமகேந்திரா இயக்கத்தில் ‘வண்ண வண்ண பூக்கள்’ படத்தில் நடித்தார். அதன்பின் முக்கிய இயக்குனர்களான மணிரத்னம், ஷங்கர் இயக்கிய படங்களில் நடித்தார். இதில் செம்பருத்தி, திருடா திருடா, ஜீன்ஸ், ஜோடி, கண்ணெதிரே தோன்றினால், வின்னர் போன்ற படங்கள் பிரசாந்துக்கு பெரும் பெயரை பெற்று தந்த வெற்றி படங்களாக அமைந்தன.

இந்நிலையில் நடிகர் பிரசாந்த் தனது 51- வது பிறந்தநாள் சென்னை ஆழ்வார்பேட்டையில் உள்ள வீட்டில் எளிமையாக கொண்டாடினார்.அப்போது தந்தை தியாகராஜன் பிரசாந்த்துக்கு பிறந்த நாள் பரிசு வழங்கி இன்ப அதிர்ச்சி கொடுத்து உள்ளார்.
மகன் மீது அளவற்ற பாசம் கொண்ட தியாகராஜன் விலை உயர்ந்த வெள்ளை நிற BMW X7 சீரிஸ் சொகுசு காரை பரிசாக வழங்கினார். அதன் மதிப்பு ரூ.1.6 கோடியாகும்.

தற்போது வெங்கட் பிரபு இயக்கி வரும் “GOAT” படத்தில் விஜய்யுடன் இணைந்து முக்கிய வேடத்தில் பிரசாந்த் நடித்து வருகிறார்.