ரஜினி நடிப்பில் ஏ.ஆர்.முருகதாஸ் இயக்கத்தில் உருவாகி வரும் படம் ‘தர்பார்’. இதன் படப்பிடிப்பு முடிந்த நிலையில், டப்பிங் பணிகள் விரைவில் தொடங்க உள்ளன. இதையடுத்து ரஜினியின் 168-வது படத்தை சிவா இயக்க உள்ளார். இப்படத்தை சன் பிக்சர்ஸ் நிறுவனம் தயாரிக்கிறது. இதற்கான அதிகாரப்பூர்வ அறிவிப்பு சமீபத்தில் வெளியாகியது. இப்படத்தில் நடிக்க உள்ள நடிகர், நடிகைகள் தேர்வு மும்முரமாக நடைபெற்று வருகிறது.
இப்படத்திற்கு டி.இமான் இசையமைக்க உள்ளார். ‘விஸ்வாசம்’ படத்தின் பாடல்கள் மற்றும் பின்னணி இசை பெரும் வரவேற்பை பெற்ற நிலையில், இப்படத்தின் இசையமைப்பையும் டி.இமானிடம் கொடுக்க சிவா முடிவு செய்திருக்கிறார். இதற்கு ரஜினி தரப்பும் சம்மதம் கூறியுள்ளது. இதன்மூலம், ரஜினி படத்துக்கு முதல்முறையாக டி.இமான் இசையமைக்க உள்ளார்.