வங்காளதேச 20 ஓவர் கிரிக்கெட் அணியின் கேப்டன் மக்முதுல்லா 2 நாட்களுக்கு முன்பு கொரோனாவால் பாதிக்கப்பட்ட நிலையில் டெஸ்ட் அணியின் கேப்டன் மொமினுல் ஹக்கும் கொரோனா தாக்கத்துக்கு உள்ளாகி இருக்கிறார்.
லேசான அறிகுறியுடன் பாதிப்பை சந்தித்து இருக்கும் மொமினுல் ஹக்கும், அவரது மனைவியும் வீட்டில் தனிமைப்படுத்தலை கடைப்பிடித்து சிகிச்சை பெற்று வருகிறார்கள். ஏற்கனவே வங்காளதேச அணி வீரர்கள் அபு ஜெயத், சைப் ஹஸ்சன், மோர்தசா உள்ளிட்டோர் கொரோனாவால் பாதிக்கப்பட்டு மீண்டது குறிப்பிடத்தக்கது. கொரோனா பாதிப்பு காரணமாக இந்த மாதம் இறுதியில் நடைபெறும் உள்ளூர் 20 ஓவர் போட்டியில் மொமினுல் ஹக் ஆடமாட்டார் என்று தெரிகிறது.