உலகின் முன்னணி குறுந்தகவல் செயலி வாட்ஸ்அப் தனது ஐ.ஓ.எஸ். வெர்ஷனின் சேனல் அப்டேட்களில் ஏ.ஐ. உள்ளடக்க லேபெல் வழங்க இருப்பதாக தகவல் வெளியாகி உள்ளது. இதன் மூலம், செயற்கை நுண்ணறிவு கொண்டு உருவாக்கப்பட்ட அல்லது திருத்தப்பட்ட மீடியாவை அடையாளம் காண அட்மின்களுக்கு ஒரு வழி கிடைக்கும்.
இந்த அம்சம் சில பீட்டா பயனர்களுக்கு கிடைக்கத் தொடங்கியுள்ளது. முன்னதாக ஆண்ட்ராய்டு வெர்ஷனில் இதேபோன்ற அம்சம் வெளியான நிலையில் தற்போது ஐ.ஓ.எஸ். வெர்ஷனிலும் வழங்கப்பட்டு வருகிறது.
இதுபோன்ற லேபிளிங் சட்டப்பூர்வமாகத் தேவைப்படும் நாடுகளில், AI வெளிப்படுத்தல் தேவைகளை பூர்த்தி செய்ய சேனல் அட்மின்களுக்கு உதவக்கூடும். வாட்ஸ்அப் இன்னும் இந்த அம்சத்தை அனைத்து பயனர்களுக்கும் வழங்கவில்லை, தற்போது இது தேர்ந்தெடுக்கப்பட்ட அக்கவுண்ட்களுக்கு மட்டுமே வரையறுக்கப்பட்டுள்ளது.
குறிப்பாக உருவாக்கப்பட்ட படங்கள் அல்லது காணொளிகள் யதார்த்தமாக தோன்றும் போது, செயற்கை நுண்ணறிவால் உருவாக்கப்பட்ட அல்லது திருத்தப்பட்ட ஊடகங்களை உண்மையான உள்ளடக்கத்தில் இருந்து வேறுபடுத்தி அறிய பின்தொடர்பவர்களுக்கு உதவுவதே இந்த அறிவிப்பின் நோக்கமாகும்.