மாநிலங்களவையின் நியமன உறுப்பினராக இருந்த ஹரிவன்ஷ் நாராயண் சிங்கின் பதவிக்காலம் நேற்றுடன் (ஏப்ரல் 9, 2026) நிறைவடைந்ததை அடுத்து, காலியான அந்த இடத்திற்கு அவரையே மீண்டும் நியமித்துக் குடியரசுத் தலைவர் திரௌபதி முர்மு உத்தரவிட்டுள்ளார்.
இந்திய அரசியலமைப்புச் சட்டத்தின் விதிகளின்படி மேற்கொள்ளப்பட்டுள்ள இந்த நியமனம் மூலம், அவர் தொடர்ந்து மாநிலங்களவை உறுப்பினராக நீடிப்பார். முன்னதாக மாநிலங்களவையின் துணைத் தலைவராகப் பணியாற்றி வந்த ஹரிவன்ஷ் நாராயண் சிங், தற்போது நியமன உறுப்பினர் பிரிவின் கீழ் மீண்டும் அவை நடவடிக்கைகளில் பங்கேற்க உள்ளார்.
நாடாளுமன்ற மேலவையில் அவரது நீண்டகால அனுபவம் விவாதங்களுக்குப் புதிய வலுசேர்க்கும் என்று எதிர்பார்க்கப்படுகிறது.