சுற்றுலா பயணிகளின் வருகையில் வரலாற்றுச் சாதனை படைத்த லடாக்!

யூனியன் பிரதேசமான லடாக் பகுதியானது இந்த ஆண்டின் முதல் 8 மாதங்களில் (ஜனவரி முதல் ஆகஸ்ட் வரை) 4 லட்சத்திற்கும் அதிகமான சுற்றுலாப் பயணிகளின் வருகையைப் பதிவு செய்து வரலாற்றுச் சாதனை படைத்துள்ளது.

கடந்த 2025-ஆம் ஆண்டு முழுவதிலும் வருகை தந்த மொத்த சுற்றுலாப் பயணிகளின் எண்ணிக்கையான 3.35 லட்சத்தை, இந்த ஆண்டின் முதல் 8 மாதங்களிலேயே லடாக் கடந்து சாதனை படைத்துள்ளதுடன், கடந்த ஆண்டின் இதே காலகட்டத்துடன் (2.69 லட்சம்) ஒப்பிடுகையில் 50.37 சதவீத அபார வளர்ச்சியையும் பதிவு செய்துள்ளது.

உள்நாட்டுச் சுற்றுலாவுக்கு மத்திய அரசும் பிரதமர் நரேந்திர மோடியும் அளித்து வரும் முக்கியத்துவம், லடாக்கின் உள்கட்டமைப்பு வளர்ச்சி மற்றும் சுற்றுலா நட்புக் கொள்கைகளே இந்த வரலாற்றுச் சிறப்புமிக்க வளர்ச்சிக்குக் காரணம் என்றும், இதில் வெளிநாட்டுச் சுற்றுலாப் பயணிகளின் வருகையும் 32.95 சதவீதம் அதிகரித்து 33,346 ஆக உயர்ந்துள்ளதாகவும் லடாக் துணைநிலை ஆளுநர் வினய் குமார் சக்சேனா பெருமிதத்துடன் தெரிவித்துள்ளார்.