Chennaionline – Chennai News, Chennai Latest News, Breaking News Chennai, Current news in Chennai

இந்தியாவின் முன்னணி ஆரம்பகால குழந்தைகள் மற்றும் பள்ளிப் (K-12) கல்வி நிறுவனமான லைட்ஹவுஸ் லேர்னிங் (முன்பு யூரோகிட்ஸ் இன்டர்நேஷனல்), நோய்டாவில் உள்ள 'தி கைதான் பள்ளி'யுடன் இணைந்து உத்திசார் கூட்டாண்மை (strategic partnership) மேற்கொள்வதாக இன்று அறிவித்துள்ளது. இக்கூட்டாண்மையானது, தி கைதான் பள்ளியின் புகழ்பெற்ற பாரம்பரியத்தையும், லைட்ஹவுஸ் லேர்னிங் அமைப்பின் விரிவான கட்டமைப்பு, நிபுணத்துவம் மற்றும் கல்வித் திறன்களையும் ஒன்றிணைக்கிறது. இது பள்ளியின் அடுத்தகட்ட வளர்ச்சிக்கு உறுதுணையாக இருப்பதுடன், மாணவர்கள் மற்றும் ஆசிரியர்களுக்கான கற்றல் வாய்ப்புகளையும் வலுப்படுத்தும். 1995-ஆம் ஆண்டு கைதான் குடும்பத்தினரால் தொடங்கப்பட்ட தி கைதான் பள்ளி, கல்விச் சிறப்பு மற்றும் நற்பண்புகளை அடிப்படையாகக் கொண்ட முழுமையான மதிப்பீட்டுக் கல்வியை வழங்கும் தொலைநோக்குப் பார்வையுடன் நிறுவப்பட்டது. பல ஆண்டுகளாக, இப்பள்ளி தன் சிறந்த கல்வி முடிவுகள், கலை மற்றும் கூடுதல் பாடத்திட்டங்களின் விரிவான வாய்ப்புகள் மற்றும் நற்பண்புகள் சார்ந்த பண்பாட்டிற்காகப் வலுவான நற்பெயரைப் பெற்றுள்ளது. இதன் வளாகத்தில் நவீன அறிவியல் மற்றும் கணினி ஆய்வகங்கள், நூலகங்கள், டிஜிட்டல் வகுப்பறைகள், மற்றும் அதிநவீன விளையாட்டு மற்றும் கலைக் உள்கட்டமைப்புகள் அமைந்துள்ளன. இந்தப் கூட்டாண்மை மூலம், 'தி கைதான் பள்ளி' லைட்ஹவுஸ் லேர்னிங் நிறுவனத்தின் ஒருங்கிணைந்த தொழில்நுட்ப வசதிகள் மற்றும் அதன் கல்விக்குழுமத்தின் சிறந்த நடைமுறைகளைப் பயன்படுத்திக் கொள்ளும். தணிக்கைகள் மற்றும் சான்றிதழ்களால் பலப்படுத்தப்பட்ட பிரத்யேக 'ஆரோக்கியம் & பாதுகாப்பு' கட்டமைப்பு; கற்பித்தல் முறை, பாடத்திட்ட வடிவமைப்பு, மதிப்பீடு மற்றும் ஆசிரியர் திறன் மேம்பாடு ஆகியவற்றிற்குத் துணையாகச் செயல்படும் சிறப்புப் பெற்ற மத்திய கல்விக் குழு; குழந்தைகள் தங்களைச் சமூக ரீதியாகவும், உணர்வுரீதியாகவும், மனரீதியாகவும் மேம்படுத்திக் கொள்ள உதவும் 'மைய நலவாழ்வு மையம்' (Centre of Well-Being); பாதுகாப்பான, குழந்தைகள் மையப்படுத்தப்பட்ட தொழில்நுட்ப தீர்வுகளை உருவாக்கித் தரும் லைட்ஹவுஸ் லேர்னிங் நிறுவனத்தின் சொந்த தொழில்நுட்பக் குழுவான 'லைட்ஹவுஸ் டிஜிட்டல் லேப்ஸ்' ஆகியவை இதில் அடங்கும். மேலும், இக்கூட்டாண்மையானது பள்ளி தலைமைத்துவ மேம்பாட்டில் கவனம் செலுத்துவதுடன், லைட்ஹவுஸ் லேர்னிங் அமைப்பின் பரந்த தேசிய அளவிலான வலைப்பின்னல் மூலம் மாணவர்கள் மற்றும் ஆசிரியர்கள் பயனடைவதற்கான வாய்ப்புகளையும் உருவாக்கும். கருத்துப் பரிமாற்றங்கள், ஆராய்ச்சிகள், தொழில்முறை மேம்பாட்டுப் பயிற்சிகள் மற்றும் பகிரப்பட்ட கற்பித்தல் நடைமுறைகள் ஆகியவற்றின் மூலம், இரு அமைப்புகளும் தி கைதான் பள்ளியின் நிறுவன லட்சியங்களைத் தக்கவைத்துக்கொண்டு, வரும் ஆண்டுகளில் கல்வி அனுபவங்களையும் அதன் முடிவுகளையும் மேலும் வலுப்படுத்தும். இக்கூட்டாண்மை குறித்துப் பேசிய லைட்ஹவுஸ் லேர்னிங் குழுமத்தின் நிறுவனரும், குழுமச் தலைமை நிர்வாக அதிகாரியுமான பிரஜோத் ராஜன், "தி கைதான் பள்ளி, கல்விச் சிறப்பு, நற்பண்புகள் மற்றும் இளம் கற்போரை உருவாக்குவதில் ஆழமான அர்ப்பணிப்புடன் கூடிய ஒரு வலுவான பாரம்பரியத்தை உருவாக்கியுள்ளது. உயர்தர, எதிர்காலத்திற்கு ஏற்ற கல்வியை வழங்குவதில் எங்களைப் போன்றே தொலைநோக்குப் பார்வையைக் கொண்டுள்ள ஒரு நிறுவனத்துடன் இணைவதில் நாங்கள் பெருமை கொள்கிறோம். இக்கூட்டாண்மையின் மூலம், சிறப்புமிக்க கல்வி நிபுணத்துவம், வலுவான ஆரோக்கியம் மற்றும் பாதுகாப்பு அமைப்புகள், தலைமைத்துவ மேம்பாடு மற்றும் பிரத்யேகத் தொழில்நுட்பம் ஆகியவற்றை ஒருங்கிணைத்து, கற்றல் அனுபவத்தை மேலும் மேம்படுத்துவோம். பள்ளியின் தற்போதைய பலங்களை மேலும் வலுப்படுத்தி, அதன் அடுத்தகட்ட வளர்ச்சிப் பயணத்திற்குத் துணைநிற்க நாங்கள் ஆர்வமாக உள்ளோம்" என்று கூறினார். இக்கூட்டணி குறித்து கைதான் வெல்ஃபேர் ஃபவுண்டேஷனின் துணைத் தலைவர் வேதாந்த் கைதான் கூறுகையில், "இந்தக் கூட்டாண்மை எங்கள் பயணத்தில் ஒரு பெருமைமிக்க மற்றும் முக்கியமான மைல்கல்லாகும். கைதான் குடும்பத்தினர் தி கைதான் பள்ளியை நிறுவிய தொலைநோக்குப் பார்வையின் அடிப்படையில், லைட்ஹவுஸ் லேர்னிங் அமைப்புடனான எங்கள் கூட்டாண்மை புதிய பார்வைகளையும், மிகச்சிறந்த நடைமுறைகளையும், எங்கள் மாணவர்கள் மற்றும் ஆசிரியர்களுக்கான மேம்பட்ட வாய்ப்புகளையும் கொண்டு வரும். பள்ளி அதன் அடுத்தகட்ட வளர்ச்சி மற்றும் கற்றல் தாக்கத்தின் புதிய கட்டத்திற்குள் நுழையும் வேளையில் இணைந்து செயல்பட நாங்கள் ஆவலுடன் காத்திருக்கிறோம்" என்றார். லோஎஸ்ட்ரோ அட்வைசர்ஸ் (LoEstro Advisors) இந்த உத்திசார் கூட்டாண்மைக்கான பிரத்யேக ஆலோசகராகச் செயல்பட்டது. அமர்சந்த் மங்கள்தாஸ் (Cyril Amarchand Mangaldas) நிறுவனம் லைட்ஹவுஸ் லேர்னிங் குழுமத்தின் சட்ட ஆலோசகராகவும், க்வில்லன் பார்ட்னர்ஸ் (Quillon Partners) நிறுவனம் தி கைதான் பள்ளியின் சட்ட ஆலோசகராகவும் செயல்பட்டன. அதே வேளையில், எர்ன்ஸ்ட் & யங் எல்.எல்.பி (Ernst & Young LLP) நிறுவனம் இக்குழுமத்தின் நிதி ஆலோசகராகச் செயல்பட்டது.