குரூப்-4 தேர்வுக்கான ஆன்லைன் விண்ணப்பப் பதிவு நடைமுறைகள் பற்றிய முக்கிய தகவலை வெளியிட்டு டி.என்.பி.எஸ்.சி

தமிழ்நாடு அரசுப் பணியாளர் தேர்வாணையம் (TNPSC) நடத்தும் குரூப்-4 தேர்வுக்கான ஆன்லைன் விண்ணப்பப் பதிவு நடைமுறைகள் குறித்த முக்கியச் செய்திகள் வெளியாகி உள்ளன.

மொத்தம் 6,574 காலிப்பணியிடங்களை நிரப்புவதற்கான அறிவிப்பு கடந்த அக்டோபர் 6-ஆம் தேதி வெளியிடப்பட்ட நிலையில், விண்ணப்பிப்பதற்கான கடைசி நாள் முதலில் நவம்பர் 5-ஆம் தேதியாக நிர்ணயிக்கப்பட்டு பின்னர் நவம்பர் 8-ஆம் தேதி வரை நீட்டிக்கப்பட்டது.

இதற்கிடையே, அனைத்துப் பிரிவினருக்கும் உச்ச வயது வரம்பு 5 ஆண்டுகள் உயர்த்தப்பட்டும், விண்ணப்பங்களில் திருத்தங்கள் மேற்கொள்ள விரும்பும் தேர்வர்களுக்காக நவம்பர் 9 முதல் நவம்பர் 11 வரை (இன்று) திருத்தக் களம் (Correction Window) திறக்கப்பட்டும் உள்ளது.

ஒன் டைம் ரெஜிஸ்ட்ரேஷன் (OTR) மூலம் பதிவு செய்து விண்ணப்பித்த தேர்வர்கள் தங்கள் விண்ணப்பத்தில் ஏதேனும் பிழைகள் இருப்பின் இன்றுடன் (நவம்பர் 11) அந்தத் திருத்தங்களைச் செய்து முடிக்கக் கடைசி வாய்ப்பைப் பயன்படுத்திக் கொள்ளுமாறு அறிவுறுத்தப்பட்டுள்ளனர்.