Single Day Facial Architecture

VCare நிறுவனத்தின் அதிநவீன Centre of Excellence (COE) மையத்தை நடிகை பிரியா ஆனந்த், VCare குழுமத்தின்நிறுவனரும் மேலாண்மை இயக்குநருமான திருமதி E. கரோலின் பிரபா ரெட்டி, மற்றும் VCare குழுமத்தின் தலைமை செயல் அதிகாரி (CEO) திரு. முகுந்தன் சத்தியநாராயணன் ஆகியோர் இணைந்து தொடங்கி வைத்தனர். இந்நிகழ்ச்சியில் முன்னணி மருத்துவர்கள்,சுகாதாரத் துறை நிபுணர்கள் மற்றும் தொழில் வல்லுநர்கள் பலர் கலந்து கொண்டனர். சென்னை தி.நகரில் நடைபெற்ற இத்தொடக்கம், மருத்துவ ரீதியான வழிகாட்டலுடன் கூடிய, நெறிமுறை சார்ந்த அழகியல் தீர்வுகளுக்கான (Ethical Aesthetic Solutions) வளர்ந்து வரும் தேவையை பூர்த்தி செய்வதாக அமைந்துள்ளது. குறிப்பாக, சர்வதேச தரத்திலான ‘Single Day Facial Architecture’ (ஒற்றை நாள் முகக்கட்டமைப்பு மறுவடிவமைப்பு சிகிச்சை) முறையை VCare-ன் CEO திரு. முகுந்தன் சத்தியநாராயணன் அறிமுகப்படுத்தினார். உலகத்தரம் வாய்ந்த தொழில்நுட்பங்கள்: இம்மையத்தில், உலகின் முன்னணி FDA அங்கீகாரம் பெற்ற மற்றும் CE சான்று பெற்ற அதிநவீன கருவிகள் பயன்படுத்தப்படுகின்றன: * ISEMECO 3D D9 AI Skin Analyzer * K-Excellence Skin Analyzer (Korea) * Dermoscan DSM-4 Colorimeter (Germany) * InMode நிறுவனத்தின் Triton Platform * Alma Harmony XL PRO * Jeisys நிறுவனத்தின் Density RF மற்றும் Ultracel Q+ * Lutronic நிறுவனத்தின் Hollywood Spectra * PerfAction நிறுவனத்தின் EnerJet போன்ற கருவிகள் மூலம் மிகச் சிறப்பான அழகியல் சிகிச்சைகள் இங்கு வழங்கப்படுகின்றன. VCare-ன் நோக்கம் மற்றும் விரிவாக்கம்: இந்தியாவில் அழகியல் மற்றும் சரும பராமரிப்புத் துறை ஒரு புதிய முன்னேற்றக் கட்டத்தை எட்டியுள்ளது. உலகத் தரத்திலான தொழில்நுட்பங்களையும், தனிநபர் தேவைகளுக்கு ஏற்ப வடிவமைக்கப்பட்ட அணுகுமுறையையும் ஒருங்கிணைத்து, உயர்தர சிகிச்சைகளை இந்தியாவிற்கு கொண்டு வருவதே VCare-ன் இலக்காகும். தென்னிந்தியாவின் முக்கிய மாநகரங்களில் தனது இருப்பை வலுப்படுத்தும் விதமாக, ஹைதராபாத் மற்றும் பெங்களூரு ஆகிய நகரங்களிலும் இந்த அழகியல் மையத்தை விரிவுபடுத்தத் திட்டமிடப்பட்டுள்ளது. சிறப்பு சிகிச்சைகள்: VCare Centre of Excellence, ஒவ்வொருவரின் சருமத் தேவைகளையும் ஆழமாகப் புரிந்து கொண்டு, உலகத் தரமான ‘கொரியன்’ அழகியல் பராமரிப்பு முறைகளைப் பின்பற்றி சேவைகளைவழங்குகிறது. இதன் முக்கிய சிறப்பம்சமாக, இந்தியாவின் முதல் ‘Single Day Facial Architecture’ அறிமுகப்படுத்தப்பட்டுள்ளது. ஒரே நாளில் ‘கிளாஸ் ஸ்கின்’ (Glass-Skin) தோற்றத்தை வழங்குவதை நோக்கமாகக் கொண்ட இந்த சிகிச்சை, ஏழு மேம்பட்ட லேசர் தொழில்நுட்பங்களையும், முப்பரிமாண (3D) அணுகுமுறையையும் ஒருங்கிணைக்கிறது. இது முதல் நாளிலேயே கண்கூடாகத் தெரியும் மாற்றங்களை வழங்குவதோடு, 90 நாட்கள் வரை தொடர்ந்து மேம்பட்ட பலன்களை அளிக்கிறது. நிர்வாகத் தலைமை: இந்தியா முழுவதும் 80-க்கும் மேற்பட்ட கிளினிக்குகளை கொண்ட VCare குழுமத்தின் நிறுவனரும் மேலாண்மை இயக்குநருமான திருமதி E. கரோலின் பிரபா ரெட்டி, இந்தத் திட்டத்தின் வழிகாட்டியாக செயல்பட்டு வருகிறார். அவருடன் இணைந்து, VCare குழுமத்தின் தலைமை செயல் அதிகாரி (CEO) திரு. முகுந்தன் சத்தியநாராயணன் இம்முயற்சியை முன்னெடுத்துச் செல்கிறார். ட்ரைக்காலஜி (Trichology), அழகியல் அறிவியல், நியூட்ராசூட்டிக்கல்ஸ் மற்றும் நலவாழ்வுத் துறைகளில் 22 ஆண்டுகளுக்கும் மேற்பட்ட அனுபவம் கொண்ட இவர்கள், ஆராய்ச்சி அடிப்படையிலான புதுமைகளையும் பாரம்பரிய சிகிச்சை அறிவியலையும் ஒருங்கிணைப்பதில் வல்லவர்கள். விழாவில் பேசிய VCare குழுமத்தின் தலைமை செயல் அதிகாரி (CEO) திரு. முகுந்தன் சத்தியநாராயணன்,“சர்வதேச அளவில் அழகியல் தரநிலைகள் தொடர்ந்து மாறி வருகின்றன;நாங்களும் அதற்கேற்ப வளர்ந்து வருகிறோம்.மேலோட்டமான சரும சிகிச்சைகளைத் தாண்டி,கட்டமைக்கப்பட்ட மற்றும் பல அடுக்குகளை கொண்ட அணுகுமுறை மூலம், சருமத்தைப் பராமரிக்கும் ஒரு சிறப்புத் தளத்தை உருவாக்குவதே ‘Centre of Excellence’ (COE)-ன் நோக்கமாகும். இது உலகளாவிய அழகு தரத்திற்கு இணையான,ஒவ்வொருவருக்கும் தனிப்பயனாக்கப்பட்ட சேவையாக அமையும்,”என்று தெரிவித்தார்.