‘ராயன்’ படத்தின் பின்னணி இசை பணிகள் முடிவடைந்தது – தனுஷ் அறிவிப்பு

தனுஷ் நடிப்பில் உருவாகும் 50 ஆவது படம் ராயன். தனுஷ் நடித்து, இயக்கியுள்ள ராயன் படத்தில் எஸ்.ஜே. சூர்யா, செல்வராகவன், பிரகாஷ் ராஜ், காளிதாஸ் ஜெயராம், சந்தீப் கிஷன், துஷாரா விஜயன் உள்ளிட்ட பலர் நடித்துள்ளனர்.

ஏ.ஆர். ரகுமான் இசையமைத்துள்ள இந்த படம் ஜூன் 13 ஆம் தேதி வெளியாக இருக்கிறது. இதையொட்டி இந்த படத்தின் பாடல்களை படக்குழு வெளியிட்டது. இந்த படத்தின் இரு பாடல்கள் ஏற்கனவே வெளியாகி பெரும் வரவேற்பை பெற்றன.

இந்த நிலையில், ராயன் படத்திற்கான பின்னணி இசை சேர்க்கும் பணிகள் நிறைவுபெற்றதாக தனுஷ் தெரிவித்துள்ளார். இது குறித்த தகவலை அவர் தனது அதிகாரப்பூர்வ எக்ஸ் தளத்தில் பதிவிட்டுள்ளார். அதில், “ராயன் படத்திற்கான பின்னணி இசை பணிகள் நிறைவுபெற்றன. புயல் வந்து கொண்டு இருக்கிறது,” என குறிப்பிட்டுள்ளார்.