6-வது அனைத்துலக சைவ சித்தாந்த மாநாடு எஸ்.ஆர்.எம். பல்கலைக்கழகத்தில் தொடங்கியது!

சைவ பாரம்பரியம் மற்றும் தமிழ் ஆன்மிகத் தத்துவங்களின் சங்கமமாக, மதிப்பிற்குரிய தருமபுரம் ஆதீனமும், எஸ்.ஆர்.எம். அறிவியல் மற்றும் தொழில்நுட்பக் கழகத்தின் (SRMIST) தமிழ் பேரவையும் இணைந்து நடத்தும் 6-வது அனைத்துலக சைவ சித்தாந்த மாநாடு இன்று சிறப்பாக தொடங்கப்பட்டது.

இதில் உலகின் பல்வேறு நாடுகளில் இருந்து வந்த தமிழ் அறிஞர்கள், ஆன்மிக தலைவர்கள், மாணவர்கள் மற்றும் பன்னாட்டு பிரதிநிதிகள் கலந்து கொண்டு இந்த மாநாட்டை அறிவியல் மற்றும் ஆன்மிகத் தேடல்களின் பிரத்யேக விழாவாக மாற்றினர்.

இந்நிகழ்வில் இந்திய அரசின் கௌரவ சுகாதார மற்றும் குடும்ப நலவியல் அமைச்சர் மற்றும் வேதியியல் மற்றும் உரமியல் அமைச்சர் திரு ஜெ.பி. நட்டா மற்றும் தமிழ்நாட்டு ஆளுநர் திரு ஆர்.என். ரவி ஆகியோர் கலந்து கொண்டு, இம்மாநாட்டின் தேசிய முக்கியத்துவத்தை எடுத்துரைத்தனர்.

இந்நிகழ்வில் பங்கேற்ற ஆன்மிகத் தலைவர்கள்: தருமபுரம் ஆதீனத்தின் 27-வது குரு மகாசன்னிதானம், ஸ்ரீலஸ்ரீ கைலாய மசிலாமணி தேசிக ஞானசம்பந்த பரமாசாரிய சுவாமிகள்; மதுரை ஆதீனத்தின் 293-வது குரு மகாசன்னிதானம், ஸ்ரீலஸ்ரீ ஹரிஹர ஞானசம்பந்த தேசிக பரமாசாரிய சுவாமிகள்; குன்றக்குடி திருவண்ணாமலை ஆதீனத்தின் 46-வது குரு மகாசன்னிதானம், ஸ்ரீலஸ்ரீ பொன்னம்பல அடிகளார், ஆகியோர் வருகை தந்து ஆன்மிக அன்பும் பாரம்பரிய மரியாதையும் வார்த்தனர்.

“அறிவியல் மற்றும் ஆன்மீகம் வெவ்வேறு பாதைகளில் பயணிக்கலாம்; ஆனால் இரண்டும் தேடும் உண்மை ஒன்றே — கட்டுப்படுத்தாமல், பணிவுடன் புரிந்து கொள்ளும் உண்மை,” என்று எஸ்.ஆர்.எம். பல்கலைக்கழகத்தின் இணைவேந்தர் முனைவர் திரு ப. சத்தியநாராயணன் அவர்கள் கூறினார்.

“மதம் என்பது நன்மை செய்வதற்கும் நன்றாக இருப்பதற்கும் ஆகும். மொழி பாதுகாப்பு, மதங்களுக்கு இடையிலான மரியாதை மற்றும் பன்னாட்டு கல்வி பரிமாற்றம் போன்ற முயற்சிகள் மூலமாக எஸ்.ஆர்.எம்.இன் பாரம்பரியத்திற்கும் புதுமைக்கும் பாலமாக செயல்படுகிறது,” என்று எஸ்.ஆர்.எம். நிறுவனத் தலைவர் திரு டி.ஆர். பாரிவேந்தர் அவர்கள் கூறினார்.

“சைவ சித்தாந்த மாநாட்டின் நோக்கம் பதி, பசு, பாசம், மாயை எனும் நான்கு சைவக் கோட்பாடுகளின் தெய்வீக சிந்தனைகளைப் பரப்புவதும் பின்பற்றுவதுமாகும். 12 அமர்வுகளில் 300க்கும் மேற்பட்ட ஆய்வுக் கட்டுரைகள் சமர்ப்பிக்கப்படுகின்றன; 75 புத்தகங்கள் வெளியிடப்படுகின்றன. 14 நாடுகள் பங்கேற்று, 1984 இல் தொடங்கப்பட்ட பாரம்பரியத்தை தொடர்கின்றன. இது அறிவும் ஒருமைப்பாட்டும் சேர்ந்த புனித அர்ப்பணமாகும்,” என்று தருமபுரம் ஆதீனத்தின் 27-வது குரு மகாசன்னிதானம் ஸ்ரீலஸ்ரீ கைலாய மசிலாமணி தேசிக ஞானசம்பந்த பரமாசாரிய சுவாமிகள் தெரிவித்தார்.

“சைவ சித்தாந்தம் என்பது வெறும் மதத் தத்துவம் அல்ல — ஆன்மா, இறை, மற்றும் உலகம் ஆகியவைக்கு இடையே உள்ள புனித உறவை விளக்கும் நாகரிக ஆற்றல். பக்தி, நற்குணம், மற்றும் தெய்வ அனுக்கிரகத்தின் மூலம் செல்கின்ற ஆன்மிக வழி இது. இன்றைய மருத்துவ முன்னேற்றங்களுடன், அறிவியல், மனிதநேயம் மற்றும் மதம் இணைந்து மனித வாழ்க்கைக்கும் உயர் உண்மைக்கும் சேவையளிக்கின்றன,” என்று அமைச்சர் திரு ஜெ.பி. நட்டா அவர்கள் பேசினார்.

“சைவ சித்தாந்தம் தத்துவப் பாடத்திட்டங்களில் இடம்பெற வேண்டும். திருமுறை போன்ற நூல்கள் தமிழிலக்கியத்தின் உச்சமாக ஏற்கப்பட வேண்டும். மரபுகளின் புறக்கணிப்பு நிகழும் நிலையில், பல்கலைக்கழகங்கள் அவற்றை பாதுகாத்து வளர்க்க முனைய வேண்டும். இம்மாதிரியான மாநாடுகள் அறிவுசார் வளர்ச்சிக்கு ஊக்கமளித்து, கலாசார விழிப்புணர்வை மீண்டும் உருவாக்குகின்றன,” என்று தமிழ்நாடு ஆளுநர் திரு ஆர்.என். ரவி அவர்கள் வலியுறுத்தினார்.

உலக அமைதிக்காக நேற்று மாணவர்கள் மத்தியில் நடைபயணம் மேற்கொள்ளப்பட்டது, இந்த மாநாட்டின் தொடக்க விழாவை சிறப்பித்தது. 100 வீரர்கள் கலந்து கொண்ட டார்ச் ஓட்டம் செங்கல்பட்டில் இருந்து துவங்கப்பட்டு, எஸ்.ஆர்.எம். பல்கலைக்கழகத்தில் நிறைவடைந்தது. புதுநிலைத் துணைவேந்தர் டாக்டர் நிதின் எம். நாகர்கர் மற்றும் தமிழ் பேரவைத் தலைவர் டாக்டர் கருநாகராசன், ஆகியோர் தலைமை வகித்தனர்.

மேலும், எஸ்.ஆர்.எம். அவசர மற்றும் பேரிடர் மருத்துவமனை, மற்றும் எஸ்.ஆர்.எம். இதயவியல் அறிவியல் நிறுவனம் ஆகியன திரு ஜெ.பி. நட்டா அவர்களால் திறந்து வைக்கப்பட்டன. இதில் திரு ஆர்.என். ரவி, திரு டி.ஆர். பாரிவேந்தர், இணைவேந்தர் (கல்விசார்) டாக்டர் ப. சத்தியநாராயணன் ஆகியோர் கலந்து கொண்டனர். இது எஸ்.ஆர்.எம்-இன் உலக தர மருத்துவ சேவைக்கான அர்ப்பணிப்பை மெய்ப்பிக்கும் இன்னொரு படியாகும்.

மாநாட்டின் முக்கிய சிறப்பம்சமாக, 300 மேற்பட்ட ஆய்வுப் புத்தகங்கள் வெளியிடப்பட்டுள்ளன. இந்தியா மற்றும் வெளிநாடுகளில் இருந்து வந்த பிரபல அறிஞர்கள் சைவ சித்தாந்தத்தின் தத்துவம், மற்றும் கலாசார பரிமாணங்களைப் பற்றி புதிய வெளிச்சத்தில் ஆராய்ந்து பேசுகின்றனர்.

இந்த நிகழ்வு சைவ சித்தாந்தத்தின் நவீனத்துவ பயன்பாட்டையும், தமிழ் அடையாளம், ஆன்மீகம் மற்றும் அறிவுத் துறை மரபுகளோடும் கொண்டுள்ள ஆழமான உறவையும் மீண்டும் நிரூபிக்கிறது.